ව්‍යාපාර නඩත්තු කරමින් සේවකයන් තවදුරටත් සේවයේ තබා ගැනීම ද දුෂ්කර වී ඇති නිසා ඔවුන් ඉවත් කිරීමට සිදුවන අවස්ථා හැර වෙන විකල්පයක් නොමැති බව කී මෙම සංගම්වල නියෝජිතයෝ එසේ සේවකයන් ඉවත් කිරීම ද දුෂ්කර කාර්යයක් වී ඇති බව පෙන්වා දුන්හ.

කොවිඩ් දෙවන රැල්ලේ ගම්පහ දිස්ත්‍රික්කයෙහි ආසාදිතයින් සංඛ්‍යාව 52,521 දෙනෙකු දක්වා ඉහළ යද්දී (1) උදෑසන වනවිට ගතවූ පැය 24 තුල දිස්ත්‍රික්කයෙන් ආසාදිතයින් 452 ක් හමුව ඇති බව දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

ගම්පහ දිස්ත්‍රික්කය තුළ ඊයේ දින වාර්තා වී ඇති 452 ක් වූ කොරෝනා ආසාදිතයන් අතරින් , වැඩිම කොරෝනා ආසාදිතයන් සංඛ්‍යාව වූ 94 දෙනෙකු කටුනායක ප්‍රදේශයෙන් වාර්තා වී ඇති බව ගම්පහ දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ , වෛද්‍ය නලීන් ආරියරත්න මහතා සදහන් කළේය .

රටේ ඉදිරියේදී මතුවිය හැකි කොවිඞ් ප‍්‍රභේද හරහා දරුණු ව්‍යසනයකට මුහුණ දීමට සිදුවිය හැකි නිසා සෞඛ්‍ය අංශ උපදෙස් අනුව වහාම ඊට සූදානම් වීමට රජය පියවර ගත යුතු බව රජයේ වෛද්‍ය නිලධාරීන්ගේ සංගමය අවධාරණය කරයි.

ශ්‍රී ලංකාවේ කොවිඩ් එන්නත්කරණ වැඩසටහන යටතේ එක් දිනක් තුළ ලබාදුන් වැඩිම එන්නත් සංඛ්‍යාවේ වාර්තාව ජුනි 30 දා පිහිටුවා තිබේ. ඒ එදින එන්නත් 173520ක් ලබාදෙමිනි.

චීනය කොවිඩ්-19 ආසාදන රැල්ලෙන්ද වේගයෙන් යථා තත්ත්වයට පත්වීමත්, ගෝලීය වේදිකාව පිළිබඳ වඩාත් ස්ථීර ස්ථාවරයක් ගැනීමත් නිසා ෂී ජින්පිං මෙන්ම, චීනයේ කොමියුනිස්ට් පක්ෂය තවදුරටත් ඉහළට ගමන් කරමින් තිබේ.

රජයේ වෛද්‍යවරුන්ගේ විශ්‍රාම යාමේ වයස් සීමාව වයස අවුරුදු 63 දක්වා දීර්ඝ කරමින් අතිවිශේෂ ගැසට් නිවේදනයක් නිකුත්කර ති​බේ.

රජයේ හෙද නිලධාරි සංගමය සහ මුරුත්තෙට්ටුවේ ආනන්ද හිමියන්ගේ රාජ්‍ය සේවා එක්සත් හෙද සංගමය ඇතුලු හෙද වෘත්තීය සංගම් තුනක් අද සහ හෙට වැඩ වර්ජනයක නිරත වේ.

කෝවිඩ් ව්‍යාප්තිය හේතුවෙන් ප්‍රදේශ කිහිපයක් හුදකලා කළ බව කොවිඩ් වැළැක්වීමේ ජාතික ක්‍රියාන්විත මධ්‍යස්ථානය සඳහන් කර සිටියි.

ගතවූ පැය 24 ක කාලය තුළ නිරෝධායන නීති උල්ලංඝණය කළ පුද්ගලයින් 403 දෙනෙකු පොලීසිය විසින් අත්අඩංගුවට ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ සඳහන් කර සිටියේ​ය.

කොවිඩ් මරණ ශීඝ්‍රයෙන් ඉහළ යාම ජුනි මාසයේදි විශාල ලෙස ඉහළ යා හැකි බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසයි.

ශ්‍රී ලංකා යුද්ධ හමුදාවේ ජ්‍යෙෂ්ඨ නිලධාරියෙකු සහ වනජීවී දෙපාර්තමේන්තුවේ නිලධාරින් පිරිසක් අතර පසුගිය ජුනි මස 25 දින හබරණ ප්‍රදේශයේදී ඇති වූ බහින්බස්වීමේ සිදුවීම පිළිබඳව සියලු කරුණු විමර්ශනය කර වාර්තාවක් ලබාදෙන ලෙස ජ්‍යෙෂ්ඨ මේජර් ජෙනරල්වරුන් දෙදෙනෙකුගේ ප්‍රධානත්වයෙන් යුතු පරික්‍ෂණ මණ්ඩලයක් පත්කිරීමට යුද හමුදාපති ජනරාල් ශවේන්ද්‍ර සිල්වා මහතා කටයුතු කර තිබේ.

ශ්‍රී ලංකා යුද්ධ හමුදා විදුලි හා යාන්ත්‍රික ඉංජිනේරු රෙජිමේන්තුව විසින් නවීකරණය කරන ලද ලෑන්ඩ් රෝවර් රථ 12 ක් අඟහරුවාදා (29) දින යුද්ධ හමුදා මූලස්ථානයේදී ආරක්‍ෂක මාණ්ඩලික ප්‍රධානි සහ යුද්ධ හමුදාධිපති ජෙනරල් ශවේන්ද්‍ර සිල්වා පරික්‍ෂා කළේය.

අලුත්ගම කලුවාමෝදර සීලානන්ද පාර ප්‍රදේශයේ ලැගුම් හලක් තුළ සිටි බන්ධනාගාර නිලධාරියකු අයිස් මත්ද්‍රව්‍ය මිලිග්‍රෑම් 10750 සහ ලැගුම්හල් හිමිකරු සන්තකයේ අයිස් මත්ද්‍රව්‍ය මිලිග්‍රෑම් 1870ක් හා හෙරොයින් මිලිග්‍රෑම් 4300ක් සමග අද (30දා) පස්වරුවේ අලුත්ගම පොලීසිය කළ වැටලීමකදී අත්අඩංගුවට ගත් බව කියයි.

වික්ටෝරියා ජලාශය අවට ප්‍රදේශවල භූකම්පන මාන යන්ත්‍ර 10 ක් ඉදිරි දින කිහිපයේදී ස්ථාපිත කරන බව පරිසර අමාත්‍ය මහින්ද අමරවීර පවසනවා.

ශ්‍රී ලංකාවෙන් අද දිනයේදී කොවිඩ් ආසාදිතයන් 1786ක් වාර්තාවී තිබේ. ඒ තවත් කොවිඩ් ආසාදිතයන් 606ක් වාර්තාවීමත් සමගිනි. අද දිනයේදී වාර්තා වී ඇති ආසාදිතයන් සියල්ලම අලුත් අවුරුදු කොවිඩ් පොකුරට සම්බන්ධව වාර්තා වී තිබේ.

වනජීවි නිලධාරීන්ගේ රාජකාරියට බාධා කර මරණ තර්ජනය එල්ල කර එක් වනජීවි නිලධාරියෙකුට පහර දීමේ සිද්ධියට සම්බන්ධ බවට විමර්ශනවලදී අනාවරණ වී ඇති හමුදා මේජර් ජනරාල්වරයා සහ සෙසු සැකකාර හමුදා සාමාජිකයින් වාහාම අත් අඩංගුවට ගෙන අධිකරණය හමුවට ඉදිරිපත් කරන ලෙස කැකිරාව දිසා විනිසුරු සහ මහේස්ත්‍රාත් සමන් වැරනියගොඩ මහතා හබරන පොලිසියේ ස්ථානාධිපති ප්‍රධාන පොලිස් පරික්ෂක එස්. ජයලත් මහතාට නියෝග කලේය.

ජනතා විමුක්ති පෙරමුණ, ශ්‍රී ලංකා මුස්ලිම් කොංග්‍රසය හා දමිළ ප්‍රගතිශීලී සංධානය අතර සාකච්ඡාවක් පවත්වා තිබේ.

රට තුළ පවතින අඩු පරීක්ෂණ, අඩු ලුහුබැඳීම් වගේම, ළමයින්ට කොවිඩ්-19 නිසා පීඩා විඳ මිය යා හැකි යැයි මිනිසුන් තවමත් නොසිතන බවත්, දැනුවත්භාවය තවමත් අඩු බවත් ඉන්දුනීසියානු ළමා රෝග විශේෂඥයෝ පවසති.

ඒක්ස්ප්‍රස් පර්ල් නෞකාවේ ගින්න හේතුවෙන් සිදුවු පරිසර හානිය නිසා මුහුදු සත්වයින් 200 පමණ ජිවිතක්ෂයට පත්ව ඇති බවට නීතිපතිවරයා විසින් අධිකරණයට කරුණු ඉදිරිපත් කර තිබෙනවා.

අද (30) දිනය තුළ කොවිඩ් ආසාදිතයින් 1,180ක් හඳුනාගත් බව යුද හමුදාපති ජෙනරාල් ශවේන්ද්‍ර සිල්වා මහතා පවසයි.

මධ්‍යම පළාතේ මහනුවර, නුවරඑළිය හා මාතලේ දිස්ත්‍රික්කවලින් වාර්තාවන කෝවිඩ් 19 ආසාදිතයින් සංඛ්‍යාව විසිපන් දහස ඉක්මවා ගොස් ඇති බව සෞඛ්‍ය අංශ සඳහන් කරයි.

ශ්‍රී ලංකාවෙන් තවත් කොවිඩ් මරණ 47ක් වාර්තා වී තිබේ. මෙම මරණ ඊයේ දින තහවුරු කර ඇති අතර අද දිනයේදී මාධ්‍ය වෙත ප්‍රකාශයට පත්කරනු ලැබීය.

සංචරණ සිමා පැවැති කාලය තුළදි නිතිවිරෝධි ආකාරයෙන් ජල සම්පාදන ජලය ලබාගත් පුද්ගලයින් 27 දෙනෙකු හදුනා ගැනිමට ජල සම්පාදන මණ්ඩලයේ බස්නාහිර පළාත් අනවසර වැටලිම් අංශය ක්‍රියා කර තිබේ.

මරණ දඬුවම ලබා සිටින මහර හා වැලිකඩ බන්ධනාගාරයේ රැඳවියන් පිරිසක් විසින් දින පහක් පුරා ආරම්භ කර තිබු ආහාර වර්ජනය හා විරෝධතාවය අතහැර දමා තිබේ.

ඔස්ට්‍රේලියානුවන් දෙදෙනෙකුගෙන් එක් අයෙකු මේ වනවිට නිවසේ රැඳී සිටීමේ නියෝග යටතේ සිටින අතර, තවත් මිලියන ගණනක් වෙනත් ස්ථාන කිහිපයක අධික ලෙස බෝවන ඩෙල්ටා ප්‍රභේදය මධ්‍යයේ චලනය සීමා කිරීම් සහ අනිවාර්ය මුඛ ආවරණ පැලඳීම සිදුකරයි.

යල කන්නයේ වී අස්වැන්න මිලදී ගැනීමේ වැඩපිළිවෙළ හෙට (01) සිට ආරම්භ කරන බව කෘෂිකර්ම ඇමැති මහින්දානන්ද අලුත්ගමගේ මහතා පවසයි.

ජපානයේ පැවැත්වෙන මෙවර ටෝකියෝ ඔලිම්පික් උළෙලට සුදුසුකම් ලබාගැනීමට පිහිණුම් ශූරයන් වන මැතිව් අබේසිංහ හා අනිකා ගෆූර් අද (30දා) සමත් වූහ.

තවත් කොවිඩ් ආසාදිතව සිටි පුද්ගලයින් 2,481ක් සුවය ලබා ඇතැයි සෞඛ්‍ය අමාත්‍යාංශය සඳහන් කරයි. ඒ අනුව මෙරට සුවය ලැබු සමස්තය, 225,952ක් දක්වා ඉහළ ගොස් තිබේ.