ඇමෙරිකාවේ සිටි ඉන්දියානුවන් 1000කට ආසන්න සංඛ්‍යාවක් ජනවාරි මාසයේ යළි එක්සත් ජනපදයේ සිට ඉන්දියාවට පැමිණ ඇති බව ඉන්දීය විදේශ අමාත්‍යාංශය පවසයි. මේ අතරින් ඇතැම් පිරිසක් නැවත ඉන්දියාවට පැමිණ ඇති අතර තවත් පිරිසක් ඇමෙරිකාව විසින් පිටුවහල් කර තිබේ.

රුපියල් පනස් එක් කෝටි හැට එක් ලක්ෂ පනස් දහසක් වටිනා කෝකේන් මත්ද්‍රව්‍ය තොගයක් රැගත් විදේශීය ගුවන් මගී කාන්තාවක් 05/30 දින අලුයම කටුනායක ගුවන් තොටුපොළ පැමිණීමේ පර්යන්තයේ දී , රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ.

නිරිත දිග මෝසම් කාලගුණ තත්වය සක්‍රීය වීම හේතුවෙන් හලාවත සිට පුත්තලම සහ මන්නාරම හරහා කන්කසන්තුරේ දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළගේ වේගය පැයට කිලෝමීටර 60 සිට 70 ක් පමණ දක්වා වැඩිවිය හැකි බව කාලගුණ විද්‍යා දෙපාර්තමේන්තුව සඳහන්කොට සිටියි.

ඊයේ රාත්‍රි පැවැත අධික සුළං සහිත තත්වය හේතුවෙන් දිවයිනේ ප්‍ර දේශ රැසක ආපදා සිදුව තිබේ. ගස් කඩා වැටීම් හේතුවෙන් නිවාස අලාභ හානි සිදුව තිබුණි.

අසනීප තත්ත්වයක් හේතුවෙන් පේරාදෙණිය ශික්ෂණ රෝහලේ ප්‍රතිකාර ලබමින් සිටි පේරාදෙණිය විශ්වවිද්‍යාලයේ සිංහල අධ්‍යයන අංශයේ හිටපු ජ්‍යේෂ්ඨ කථිකාචාර්ය අත්තනායක එම්. හේරත් මහතා අභාවප්‍රාප්ත වී තිබේ.

පේරාදෙණිය සහ සරසවි උයන අතර දුම්රිය මාර්ගයට විශාල මාර ගසක් අද (30) පෙරවරුවේ කඩා වැටීමෙන් උඩරට දුම්රිය මාර්ගයේ දුම්රිය ධාවනයට බාධා සිදුව ඇතයි දුම්රිය පාලක මැදිරිය පවසයි .

තැපැල් සේවකයන්ගේ වැඩවර්ජනයට අදාළව මධ්‍යම තැපැල් හුවමාරුවේ වැඩවර්ජනය අද (30දා) සවස 4.00ටත්, තැපැල් කාර්යාල වර්ජනය රාත්‍රී 12.00ත් අවසන් කරන බව තැපැල් හා විදුලි සංදේශ නිලධාරීන්ගේ සංගමය පවසයි.

බුත්තල පැල්වත්ත සීනි සමාගමේ, මුල්‍ය අර්බුධය ඉහළයාමක් සමග සමාගමේ පාලන අධිකාරිය විසින් ඔවුන් නිෂ්පාධනය කරන දුඹුරු සීනි මෙට්‍රික් ටොන් 500ක්,පාඩු පිට ගැනුම්කරුවෙකුට අලෙවි කර ඇති බවත්, එසේ අලෙවිකර ඇත්තේ සීනි කිලෝවකින් රුපියල් අසුහතරක පමණ පාඩුවක්පිට බවත්, සමාගමේ සේවකයින් පවසති.

මෙම වසරේ මේ දක්වා දිවයිනේ විවිධ ප්‍රදේශලින් වෙඩි තැබීම් සිද්ධීන් 50 ක් වාර්තා වී ඇතැයි පොලිස් මූලස්ථානය කියයි. එම වෙඩි තැබීම්වලින් පුද්ගලයන් 30 කු ඝාතනයට ලක්ව ඇතැයිද පොලිස් මූලස්ථානය සඳහන් කරයි. ඒ අතර දෙවුන්දර ද්විත්ව ඝාතනයද වේ.

මහනුවර දිස්ත්‍රික්කය ඩෙංගු අධි වසංගත තත්ත්වයට ළඟාවී තිබෙන බව ප්‍රජා සෞඛ්‍ය විශේෂඥ වෛද්‍ය සුරංග ප්‍රනාන්දු මහතා පවසයි.

කැබිනට් සංශෝධ අගමැති මාරු වීම් අභ්‍යන්තර ගැටුම් වැනි කතා කියන අයගේ ඔලුව පරීක්ෂා කළ යුතුව තිබෙන බව කෘෂිකර්ම වාරිමාර්ග පශු සම්පත් අමාත්‍ය කේ.ඩි. ලාල් කාන්ත මහතා පවසයි.

ආගමන හා විගම දෙපාර්ත්ම්න්තුව මගින් මහජනතාව සඳහා ගමන් බලපත් නිකුත් කිරීමේ එක්දින සේවය පැය 24 පුරාවට සිදුකිරීම හෙට (30දා) දින අවසන් කරන බව ආගමන හා විගමන දෙපාර්තමේන්තුව පවසයි.

පොලිස් ස්ථානාධිපතිවරුන් 16ක් වෙනුවෙන් ස්ථානමාරුවීම්/පත් කිරීම් සිදුකිරීමට පොලිස් මූලස්ථානය කටයුතු කර තිබේ. ජාතික පොලිස් කොමිෂමේ අනුමැතිය අනුව මෙම ස්ථාන මාරු කිරීම්/පත්කිරීම් සිදුකර තිබේ.

අද දින (29) සවස් කාලයේ සිට දිවයිනේ නිරිත දිග කොටසේ වැසි තත්වයේ වැඩි වීමක් අපේක්ෂා කරන බව කාලගුණ විද්‍යා දෙපාර්තමේන්තුව පවසයි.

2026 අයවැය සඳහා අදහස් හා යෝජනා ලබා ගැනීම සම්බන්ධයෙන් ජනාධිපති අනුර කුමාර දිසානායක මහතා සහ දිස්ත්‍රික් සම්බන්ධීකරණ කමිටු සභාපතිවරු හා මුදල් අමාත්‍යාංශයේ නිලධාරින් අතර සාකච්ඡාවක් අද (29) පෙරවරුවේ ජනාධිපති කාර්යාලයේදී පැවැත්විණි.

හිටපු ජනාධිපති ගෝඨාභය රාජපක්ෂ මහතාට වඩා හතර ගුණයකින් වත්මන් ජනපති අනුර කුමාර දිසානායක මහතා ෆෙල් බව සමගි ජන බලවේගයේ පාර්ලිමේන්තු මන්ත්‍රී නලීන් බණ්ඩාර මහතා පැවසීය.

ඉන්දීය ප්‍රිමියර් ලීග් ක්‍රිකට් තරගාවලියේ අවසන් වටයේ පළමු තරගය අද (29දා) පැවැත්වීමට නියමිතව තිබේ.

ඇතැම් ස්ථාන වල සිදු කරන වර්ජන ඉතාම අසාධාරණ බව සෞඛ්‍ය සහ ජනමාධ්‍ය අමාත්‍ය නලින්ද ජයතිස්ස මහතා පැවසීය.

ට්‍රම්ප් පරිපාලනයෙන් ඉවත් වෙමින් තමන් ධවල මන්දිරයේ රාජකාරිවලින් ඉවත් වන බව ලෝකයේ අංක එකේ ධනවතා වන එලොන් මස්ක් පවසයි.

මොනරාගල දිස්ත්‍රික්කය තුළ වගා කර ඇති වට්ටක්කා වගාවෙන් සරු අස්වැන්න ලැබී ඇතැයි ගොවීහු පවසති. මොනරාගල ප්‍රාදේශීය ලේකම් කොට්ඨාසයේ කහම්බාන,තෙනගල්ලන්ද,ඉත්තෑකටුව ප්‍රදේශ වල පදිංචි ගොවීන් විශාල පිරිසක් කළුදියඇල්ල ප්‍රදේශයේ අක්කර දසදහසක පමණ වට්ටක්කා කර ඇති අතර මේ දින වල අස්වඅස්වැන්න නෙලමින් පවතී.

හිටපු අමාත්‍ය දුමින්ද දිසානායක මහතා යළි ජුනි 05වැනිදා දක්වා රක්ෂිත බන්ධනාගාර ගතකර තිබේ.

ජුනි 05 වැනිදාට යෙදෙන ජගත් පරිසර දිනට සමගාමීව වනාන්තර 05ක් රක්ෂිත වනාන්තර ලෙස ගැසට් කිරීමට රජය තීරණය කර තිබේ.

ඩුබායි සිට කටුනායක ගුවන් තොටුපොළ වෙත පැමිණෙමින් තිබූ එමිරේට්ස් ගුවන් සේවයේ ගුවන් යානය තුළ සේවයේ නිරත වී සිටි 39 හැවිරිදි දකුණු අප්‍රිකානු ජාතික ගුවන් සේවිකාවකට , උඩු ගුවනේ දී ලිංගික අතවර සිදු කළ ශ්‍රී ලාංකික ගුවන් මගියෙකු , කටුනායක ගුවන් තොටුපොළ පොලීසිය මගින් අත් අඩංගුවට ගෙන ඇති අතර , ඔහු 05/29 දින කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමට නියමිතය.

2015 වසරේ පැවති ජනාධිපතිවරණය සමයේ ස.තො.ස ආයතනය හරහා කැරම් බෝඩ් 14,000ක් සහ දාම් ලෑලි 11,000ක් මිලදීගෙන ක්‍රීඩා සංගම්වලට බෙදා දීම තුළින් රජයට රුපියල් මිලියන 53ක පාඩුවක් සිදුකළේ යැයි චෝදනා ලබා සිටි හිටපු ක්‍රීඩා අමාත්‍ය මහින්දානන්ද අලුත්ගමගේ සහ ස.තො.ස ආයතනයේ හිටපු සභාපති සහ හිටපු වෙළඳ ඇමති නලින් රුවන්ජීව ප්‍රනාන්දු එම චෝදනාවලට වරදකරුවන් කර තිබේ.

මේ නිසා බත්, රයිස්, කොත්තු හා කෙටි ආහාර මිල දැනට පවතින මිලට සාපේක්ෂව සියයට දහයත් විස්සත් අතර මුදලකින් 31වන දින මධ්‍යම රාත්‍රී 12 න් පසු ඉහළ දමන බවද පැවසීය.

පානදුර ප්‍රදේශයේ අද(29දා) වෙඩි තැබීමක් සිදුව තිබේ.

වීසා නොමැතිව , නීතිවිරෝධී ලෙස කුවේට් රාජ්‍යයේ රැදී සිටි ශ්‍රී ලාංකිකයන් 30 දෙනෙකුගෙන් සමන්විත පිරිසක් එරටින් පිටුවහල් කර 05/29 දින අලුයම කටුනායක ගුවන් තොටුපොළ වෙත එවා තිබුණි .

ශ්‍රී ලංකාව චිත්‍රපට රූගත කිරීමේදී හොදම පසුබිම් දර්ශන සහිත රටක් බැවින් එය ලෝක සිනමා කර්මාන්තයේ අවධානයට ලක් කිරීමට සහ එය මෙරට සංචාරක කර්මාන්තයතයේ ප්‍රවර්ධනය සදහා දායක කර ගැනීමට , යොදා ගැනීම සදහා සම්මානනීය ඉන්දීය ජාතික සිනමා අධ්‍යක්ෂ දීපා මෙහෙතා මහත්මිය 05/28 දින රාත්‍රී කටුනායක ගුවන් තොටුපොළ වෙත පැමිණියාය .

ජනාධිපති ඩොනල්ඩ් ට්‍රම්ප්ගේ දැඩි තීරුබදු එක්සත් ජනපද ෆෙඩරල් අධිකරණයක් විසින් අත්හිටුවීමට පියවර ගෙන තිබේ.