පස්සර නමුණුකුළ මාර්ගයේ 10කණුව ප්‍රදේශයේදි පෞද්ගලික බස් රථ දෙකක් අද(18දා) සවස මුහුණට මුහුණ ගැටීමෙන් සිදුවු අනතුරකින් රියදුරන් දෙදෙනා බරපතල තුවාල ලබා සිටියදි රෝහල් ගත කළ බව පොලීසිය පවසයි.

ආසියානු ක්‍රිකට් කවුන්සිලයේ සභාපති සහ ඉන්දීය ක්‍රිකට් පාලක මණ්ඩලයේ ප්‍රධාන ලේකම් ජේ ෂා මහතා අද (18දා) දහවල් ජනාධිපති කාර්යාලයේ දී ජනාධිපති ගෝඨාභය රාජපක්ෂ මහතා හමු විය.

පොල් ගෙඩි හතරක් තුල මත් කුඩු ග්‍රෑම් අටක් සමග කාන්තාවක් අද (18දා) රත්ගම පන්විල ප්‍ර දේශයේදී අත්අඩංගුවට ගත් බව රත්ගම පොලීසිය පවසයි.

සෞඛ්‍ය අමාත්‍යාංශය ගත්ත ණය ගෙවීමට වග කිවයුත්තෙක් නෑ. මාව විශ්වාස කරන්න කියන ජනාධිපතිතුමාගෙන් අපි අහනවා, ඔබ පත් කරපු සමහර නිළධාරීන් වැඩේ හරියටම කරනවා කියලා ඔබ තවම විශ්වාස කරනවද කියලා. සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පවසයි.

අරලියගහ මන්දිරයට ජය ශ්‍රී මහා බෝධි ශාඛාව වැඩමවා වසර 17 ක් සපිරේ.

මුදල් අමාත්‍ය බැසිල් රාජපක්ෂ මහතා සිය ඉන්දීය දෙදින නිල සංචාරය නිමා කර අද (18දා) පස්වරුවේ කටුනායක ගුවන් තොටුපළ ඔස්සේ ශ්‍රී ලංකාවට පැමිණියේය .

ඩීසල් මිල ඉහළ දැමීම සහ බඩු මිල ඉහළ යාම දරාගත නොහැකිව උතුරු පයාගල ධීවර සංසදයේ ධීවර පවුල්වල සාමාජිකයින් පිරිසක් අද (18දා) පයාගල ගාලුපාරේ විරෝධතාවයක නියැලී සිටියහ.

කළුතර උතුර සමෘද්ධි බැංකුව අද(18දා) අළුයම කිසියම් පුද්ගලයෙකු හෝ පිරිසක් විසින් බිඳ එහි තිබූ ලැප්ටොප් පරිඝණක යන්ත්‍රයක් ඇතුළු උපකරණ සොරාගෙන ඇති බවට ලැබී ඇති පැමිණිල්ලක් අනුව පරීක්ෂණ ආරම්භ කල බව කළුතර උතුර පොලීසිය පවසයි .

හිසෙහි ජටා බැඳ ගෙන නාවල ප්‍රදේශයේ ඉන්ධන පිරවුම් හලකට අද (18දා) අළුයම තියුණු ආයුධ රැගෙන පැමිණි පුද්ගලයන් පස්දෙනෙකු පොම්ප කරුවන්ට පහර දී මුදල් කොල්ලකා පලාගොස් ඇතැයි මිරිහාන පොලිසිය පවසයි.

ශ්‍යාමෝපාලී අස්ගිරි විහාර පාර්ශවයේ මහා නායක බදුල්ල මුතියංගන රාජ මහා විහාරාධිපති වරකාගොඩ ධම්මසිද්ධි ශ්‍රී පඥානන්ද ඥාණරතන නාහිමියන්ගේ අසූවැනි ජන්ම දිනය අද (18දා) යෙදී තිබිණි.

ඓතිහාසික ගාල්ල කොටුවට ඇතුළුවීම සඳහා ඕලන්ද ජාතිකයන් විසින් ඉදිකරන ලද ප්‍රවේශ මාර්ගයේ සවිකර තිබූ පැරණි දොර පියන් ගලවා ඉවත්කිරීමට මධ්‍යම සංස්කෘතික අරමුදල පසුගිය දා කටයුතු කළේය. මධ්‍යම සංස්කෘතික අරමුදල පවසන්නේ මෙම දොර පියන් දෙක කඩා වැටීමට ආසන්න මට්ටමක තිබූ බැවින් එය ගලවා ඉවත් කළ බවයි.

දඹුල්ල අනුරාධපුර ප්‍රධාන මාර්ගයේ දඹුල්ල පොලිස් බල ප්‍රදේශයට අයත් බුලාගල ප්‍රදේශයදී ඊයේ (17දා) රාත්‍රීෙය්දී ධාවනය වෙමින් තිබූ බස් රථයක් එක වරම ගිනි ගැනීම් හේතුවෙන් මගී ජීවිත රැසක් අනුනවයෙන් බේරීමේ පුවතක් වාර්තා වෙයි .

ගෘහස්ත පරිභෝජනය සඳහා මෙන්ම අලෙවිසැල් වෙත ගෑස් බෙදා හැරීම ලි ට්‍රෝ සමාගම විසින් ආරම්භ කර තිබේ. ඒ ගෑස් මෙට්‍රික් ටොන් 3500ක නැවකින් ගෑස් ගොඩබෑම ආරම්භ වීම හේතුවෙනි. කෙසේ වෙතත් මෙම ගෑස් තොගය ප්‍රමාණවත් වන්නේ දින 2ක හමාරක කාලයකට පමණි.

අධිබලැති යතුරු පැදි හා සුඛෝපභෝගී වාහන රැසක් ගමන් කළ වාහන පෙළපාලියට අමාත්‍ය නාමල් රාජපක්ෂ හෝ ඔහුගේ සහෝදරයන් සම්බන්ධ නෙමැති බව අග්‍රාමාත්‍ය මහින්ද රාජපක්ෂ මහතාගේ සම්බන්ධීකරණ ලේකම්වරයක් වන එස් කාසිලිංගම් මහතා පවසයි. එය පෞද්ගලිික වාහන පෙළපාලියක් බවද අසත්‍ය ප්‍රවෘත්ත හුවමාරු කිිරීමෙන් වළකින ලෙසත් ඔහු වැඩිදුරටත් පවසයි.

දිවයිනේ බොහෝ ප්‍රදේශවලට සවස 2න් පමණ පසු තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව කියයි.

අද (18දා) පැවැත්වීමට නියමිත මෙම ඇමතුම, ජනාධිපති ෂී ජින්පිං සිටින්නේ කොතැනදැයි තක්සේරු කිරීමට ජනාධිපති බයිඩන්ට අවස්ථාවක් යැයි ධවල මන්දිර මාධ්‍ය ලේකම් ජෙන් ප්සාකි වාර්තාකරුවන්ට පැවසීය.

මේ අනුව ඒ සිිට එල් කලාප සඳහා දහවල් කාලයේදී පැය තුනයි විනාඩි 20ක් හා රාත්‍රී කාලයේ පැයයි විනාඩි 40ක් විදුලිිය කප්පාදු කරයිි. ඊට අමතව පී සිිට ඩබිලිව් දක්වා වන කලාප සඳහා දහවල් කාලයේදී පැය දෙකක් හා රාත්‍රී කාලය් පැයයි විනාඩි 15ක කාලයක් විදුලිිය කප්පාදු කිරිමට නියමිතය.

යුරෝපයේ පෙබරවාරි පාරිභෝගික මිල උද්ධමනය පසුගිය වසරේ වාර්ෂිකව පැවති 0.9% හා සසඳන විට 5.9%කින් වේගවත් වී ඇති අතර, එය වාර්තාගත වේගවත්ම වාර්ෂික ඉහළ යෑමක් සනිටුහන් කරන බව යුරෝස්ටැට් සංඛ්‍යාලේඛන ඒජන්සිය පවසයි.

සීගිරිය ප්ලාස්ටික් හා පොලිතින් වලින් තොර මෙරට පළමු පරිසර හිතකාමි සංචාරක කළාපයක් ලෙස මේ වසරේ දි ප්‍රකාශයට පත්කෙරේ.

යුක්රේනය සම්බන්ධයෙන් එක්සත් ජනපදය ප්‍රමුඛ කණ්ඩායම අස්ථාවරත්වය වැඩි නොකළේ නම් ලේ වැගිරීම වළක්වා ගත හැකිව තිබූ බව ජනාධිපති සිරිල් රමෆෝසා පවසයි.

පාර්ලිමේන්තුවේ ආණ්ඩු පක්ෂය නියෝජනය කරමින් පාර්ලිමේන්තු මන්ත්‍රීවරුන් තිදෙනෙකු සහ විපක්ෂය නියෝජනය කරමින් පාර්ලිමේන්තු මන්ත්‍රීවරුන් දෙදෙනෙකු පාර්ලිමේන්තුවේ වඩාත්ම ක්‍රියාකාරී ලෙස වාර්තා වී ඇති ඉහළම මන්ත්‍රීවරුන් පස් දෙනා අතරට පත්ව තිබේ.

එක්සත් ජනපදයේ ෆ්ලොරිඩා ප්‍රාන්තයේ ෆෝට් ලෝඩර්ඩේල් හි බ්‍රහස්පතින්දා සංක්‍රමණ බස් රථයක් තුළ සිදුව ඇති වෙඩි තැබීමකින් පුද්ගලයින් දෙදෙනෙකු මිය ගොස් තවත් දෙදෙනෙකු තුවාල ලබා ඇති බව පොලීසිය පවසයි.

රටේ මොන තරම් ප්‍රශ්න තිබුණද එලඹෙන අප්‍රේල් මස නුවරඑලිය වසන්ත උදානය අප්‍රේල් (01) දින සිට ආරම්භ කරන බව වනජිවි සහ වන සංරක්ෂණ අමාත්‍ය සි.බි.රත්නායන මහතා පැවසිය.

වරක් යුරෝපයේ කොවිඩ්-19 අපිකේන්ද්‍රය බවට පත්වූ ඉතාලියේ මේ වනවිට කොවිඩ්-19 වෛරස සීමා ඉවත් කිරීමට ප්‍රධාන හේතුවක් ලෙස ඔවුන් පෙන්වා දෙන්නේ, වසංගතයට එරෙහි එන්නත්කරණය හා බූස්ටර් මාත්‍රා ලබාදීම ප්‍රශස්ත මට්ටමක පැවතීමය.

රසායනාගාර ප්‍රතික්‍රීයක ඇතුලු අත්‍යාවශ්‍ය වෛද්‍ය සැපයුම් සදහා බිලියන 10ක පමණ ගෙවීම් පැහැර හැරීම නිසා රසායනාගාර පරීක්ෂණ සහ අත්‍යාවශ්‍ය සෞඛ්‍ය සේවාවන් රැසක් ක්‍රමාණුකූලව නතරවන තත්වයකට පත්ව ඇතැයි සෞඛ්‍ය වෘත්තීයවේදීන්ගේ සම්මේලනයේ සභාපති රවී කුමුදේශ් මහතා පවසයි.

රාජ්‍ය සේවයට බඳවා ගත් උපාධිධාරීන්ගෙන් 22000කට ආසන්න සංඛ්‍යාවක් ගුරු සේවය සඳහා බඳවා ගැනීමට හැකියාව ඇති බවත් ඔවුන් ඒ සඳහා ඉල්ලුම් කළ යුතු බවත් ඔහු සඳහන් කළේය.

ඉන්දීය තරගාවලියේදී ශ්‍රී ලංකාව ලැබූ පරාජයෙන් අනතුරුව ශ්‍රී ලංකා ක්‍රිකට් ක්‍රීඩාව ප්‍රතිසංවිධානය කිරීම වෙනුවෙන් ක්‍රීඩා අමාත්‍ය නාමල් රාජපක්ෂ මහතා හා ක්‍රිකට් ආයතනයේ නිලධාරීන් අතර පවත්වා තිබේ.

මුදල් අච්චු ගැසීම සම්බන්ධයෙන් වන තොරතුරු ශ්‍රී ලංකා මහ බැංකුව විසින් ප්‍රකාශයට පත්කිරීම නවත්වා ඇති බව වාර්තා වෙයි.

කැස්බෑව බණ්ඩාරගම පාරේ ඉන්ධන පිරවුම්හලේ ඊයේ (16දා) රාත්‍රියේ හිමිකරුවන් සහ පාරිභෝගිකයන් අතර ඇතිවූ බහින්බස් වීම ගුටි කෙළියක් දක්වා වර්ධනය විය.