මහ බැංකුව විසින් අද (07දා) නිකුත් කළ නිල විනිමය අනුපාත අනුව ඇමෙරිකානු ඩොලරයක විකුණුම් රුපියල් 319.9ක් බව ප්‍රකාශයට පත්කර තිබේ. එසේම ඇමෙරිකානු ඩොලරයක ගැණුම් මිල ලෙස රුපියල් 309.3ක් ලෙස සටහන්ව තිබේ.

අධ්‍යාපනය, සෞඛ්‍ය හා රටේ ආර්ථිකය කඩා වැටී තිබෙන අවස්ථාවක පාලකයන් නිහඬ ප්‍රතිපත්තියක් අනුගමනය කරන බවත්, මේ හේතුවෙන් පීඩිත ජනතාවට අවශ්‍ය පහසුකම් කඩිනමින් සලසා දෙන ලෙස රජයට බල කරමින් රජරට විශ්ව විශ්වවිද්‍යාල වෛද්‍ය ශිෂ්‍ය සංගමය අද ( 7දා) අනුරාධපුර නගරයේ දී දැවැන්ත උද්ඝෝෂණ ව්‍යාපාරයක නිරත වූහ.

සිංහල හා හින්දු අලුත් අවුරුද්ද නිමිත්තෙන් එළැඹෙන 11 දා 12 දා රජයේ නිවාඩු ලෙස ප්‍රකාශයට පත්කිරීමට රජය තීරණය කර තිබේ. මේ සඳහා වන චක්‍රලේඛ්‍ය රාජ්‍ය පරිපාලන අමාත්‍යාංශය විසින් නිකුත් කර තිබේ.

කෑගල්ල ප්‍රදේශයේ තරුණ පිරිස් විසින් සංවිධානය කරන ලද උද්ඝෝෂණයක් අද (7දා) කෑගල්ල නගරයේ පැවැත්විණි. මෙම උද්ඝෝෂණයට විශ්ව විද්‍යාල සිසුන් කෑගල්ල නගරයේ පාසල්වල සිසු සිසුවියන් 1000 ට අධික පිරිසක් එක්ව සිටි අයුරු දක්නට ලැබුණි.

තණමල්විල - උඩවලව මාර්ගයේ බෝදාගමදී ත්‍රීරෝද රථයක් හා කුඩා ලොරියක් ගැටීමෙන් තිදෙනෙකු මියගොස් තිබේ. මෙසේ මියගොස් ඇත්තේ ත්‍රීරෝද රථයේ ගමන් ගත් එකම පවුලේ මව, පියා සහ දියණිය වේ.

හිටපු මහ බැංකු අධිපති අජිත් නිවාඩ් කබ්රාල් මහතාට රටින් පිටවීම තහනම් කරමින් කොළඹ මහේස්ත්‍රාත් අධිකරණය විසින් නියෝගයක් නිකුත් කරනු ලැබීය.

ආර්ථික අර්බුදය මධ්‍යයේ දීප ව්‍යාප්ත විරෝධතා අඛණ්ඩව ක්‍රියාත්මක වන බැවින් ශ්‍රී ලංකාව ඇදහිය නොහැකි තරම් කැලඹිලි සහිත කාල පරිච්ඡේදයක් අත්විඳිමින් සිටින බව නවසීලන්ත අගමැතිනී ජසින්ඩා ආර්ඩර්න් පවසයි.

තේ වතු වල වගා නොකරන මුඩු ඉඩම් වතුකරයේ තරුණ තරුණියන්ට බෙදා දි වතුකරයේ ජනතාවගේ ජිවන තත්ත්වය ඉහල දැමිමට කටයුතු කරන බව විපක්ෂ නායක සජිත් ප්‍රේමදාස මහතා පැවසිය.

ඇතන්ස් (ෂිංහුවා) - ඉහළ යන ජීවන වියදමට විරෝධය දක්වමින් ග්‍රීක ජනතාව එක්දිනක් සේවයෙන් ඉවත්ව පාර්ලිමේන්තුව ඉදිරිපිට වැඩ වර්ජනයක් ආරම්භ කර තිබේ.

ජන පීඩක පාලනය හෙළා දකිමු යැයි පවසමින් අනුරාධපුර පිහිටි ශ්‍රී ලංකා භික්ෂු විශ්වවිද්‍යාලයේ ආචාර්ය සංගමය අද (7දා) දහවල් එම විශ්වවිද්‍යාලය ඉදිරිපිට දී උද්ඝෝෂණයක නිරත වූහ.

අන්සතු ගුවන් ගමන් බලපත්‍රයකින් මෙරටට ඇතුළු වී ප්‍රංශය වෙත පැන යාමට තැත් කළ ඉරාක ජාතික තරුණයෙකු ඊයේ (6දා) රාත්‍රී කටුනායක ගුවන් තොටුපළ ආගමන විගමන දෙපාර්තමේන්තු නිලධාරීන් විසින් අත්අඩංගුවට ගෙන පිටුවහල් කිරීමට පියවර ගෙන තිබේ.

අග්‍රාමාත්‍යවරයා ඇතුළු සියලු දෙනා ඉල්ලා අස්වී නව අන්තර්කාලීන පාලනයකට යා යුතු බව පාර්ලිමේන්තු මන්ත්‍රී විමල් වීරවංශ මහතා පැවැසීය.

පාර්ලිමේන්තුවේ ඊයේ (06දා) ප්‍රකාශ කළ ආකාරයටම තම මන්ත්‍රී වැටුප වසරකට ලබා නොගන්නා බව සඳහන් කරමින් පාර්ලිමේන්තු මන්ත්‍රී හරීන් ප්‍රනාන්දු මහතා පාර්ලිමේන්තු මහ ලේකම්වරයාට ලිපියක් මගින් දන්වා තිබේ.

සමගි ජන බලවේගයේ පාර්ලිමේන්තු මන්ත්‍රී හරීන් ප්‍රනාන්දු මහතා ඊයේ (06දා) දිනයේ සිදු කළ අදහස් දැක්වීමත් සමග පාර්ලිමේන්තුව අද (07දා) ආරම්භ වීමට පෙර විශේෂ සිදුවීමක් විය.

කල්එළිය වෑබඩමුල්ල ප්‍රදේශයේ නිවසක් පිටුපස නිධානයක් හෑරීම සදහා ශාන්තිකර්ම සිදු කරමින් යෙදී සිටි බව කියන කපුවෙකු හා කාන්තාවක ඇතුළු සිව් දෙනෙකු රජයේ අරක්කු බෝතල් දහයක්ද සමග ඊයේ (6දා) සවස අත්අඩංගුවට ගත් බව පල්ලෙවෙල පොලිසිය පවසයි.

ගිරිඋල්ල පස්යාල මාර්ගයේ මල්ලැහැව ප්‍රදේශයේදී ඊයේ (6දා) සවස සිදුවූ රිය අනතුරකින් බරපතල තුවාල ලත් සිවිල් ආරක්ෂක බලකායේ සාමාජිකාවක වතුපිටිවල මූලික රෝහලට ඇතුලත් කිරීමේදී මරණයට පත්ව ඇතැයි පල්ලෙවෙල පොලිසිය කියයි.

COVID-19, ඉන්ධන සහ ඖෂධ හිඟය හේතුවෙන් ශ්‍රී ලංකාවට සංචාරය කිරීම නැවත සලකා බලන ලෙස ඇමෙරිකානු රාජ්‍ය දෙපාර්තමේන්තුව සිය රට වැසියන්ට දන්වා තිබේ. මේ අනුව ශ්‍රී ලංකාව සම්බන්ධයෙන් තෙවැනි මට්ටමේ අනුතුරු ඇඟවීමක් ඇමෙරිකාව විසින් නිකුත් කර තිබේ.

බෝපේ පෝද්දල ප්‍රාදේශීය සභාවේ මාසික රැස්වීම අද (07දා) පැවැත්වෙමින් තිබිය දී ගම්වාසීන් පිරිසක් එහි කඩා වැදීම හේතුවෙන් සභාවේ කටයුතු තාවකාලිකව නවතා දැමීමට සිදුවිය.

ජනතාව මුහුණ දෙන ප්‍රශ්න සම්බන්ධයෙන් සමාව ඉල්ලා සිටින බව හිටපු අමාත්‍ය අලි සබ්‍රි මහතා පැවැසීය. ජනතාව මුහුණ දෙන ප්‍රශ්න වලට ආණ්ඩුව වගකිව යුතු බවත් ඔහු පැවැසීය.

ජනාධිපතිවරයාට වහාම ඉල්ලා අස්වන ලෙස බල කරමින් කළු වර්ණයෙන් සැරසුණු මහනුවර ප්‍රදේශයේ පාසල් සිසු සිසුවියන් විශාල සංඛ්‍යාවක් මහනුවර දළදා වීදියට එක්ව දැවැන්ත උද්ඝෝෂණයක නිරත විය .

ශ්‍රී ලංකා මහ බැංකුව ඊයේ (6දා) පමණක් රු. බිලියන 119.08 ක මුදලක් අච්චු ගසා ඇතැයි හිටපු ආණ්ඩුකාර, විධායක අධ්‍යක්ෂ,ශ්‍රී ලංකා මානව හිමිකම් කේන්ද්‍රය රජිත් කීර්ති තෙන්නකෝන් මහතා පවසයි.

’’ ජනපති ඉල්ලා අස්වෙන්නේ නෑ. අපි හැප්පෙන්න ලෑස්තියි. මේක අමාරුකාලයක් බව අපි දන්නවා. සැලසුම් සහගත ලෙස මේ ප්‍රශ්න ටික විසඳනවා. 69 ලක්ෂයක් ජනපතිට අවුරුදු 5කටයි බලය දුන්නේ. ව්‍යවස්ථාවන් පිට වැඩ කරන්නේ නෑ. ජනතාව ඡන්දයකින් අපිව විපක්ෂයට යැව්වොත් අපි ඒක පිළිගන්නවා.’’

ජනපති ගෝඨාභය රාජපක්ෂ මහතා සිය ධුරයේ සිටින තෙක් රට තුළ පවතින අර්බුදකාරී තත්ත්වයට විසඳුම් නොලැබෙන බව පාර්ලිමේන්තු මන්ත්‍රී අනුර කුමාර දිසානායක මහතා පැවැසීය.

අමාත්‍ය මණ්ඩලය මෑතක දී ගත් තීරණයකට අනුව, නෝර්වේ රාජධානියේ ඔස්ලෝ හි පිහිටි ශ්‍රී ලංකා තානාපති කාර්යාලය, ඉරාක ජනරජයේ බැග්ඩෑඩ් හි පිහිටි ශ්‍රී ලංකා තානාපති කාර්යාලය සහ ඕස්ට්‍රේලියානු පොදුරාජ්‍ය මණ්ඩලයේ සිඩ්නි හි පිහිටි ශ්‍රී ලංකා කොන්සල් ජනරාල් කාර්යාලය 2022 අප්‍රේල් 30 වැනි දින සිට බලපැවැත්වෙන පරිදි තාවකාලිකව වසා දැමීමට විදේශ කටයුතු අමාත්‍යාංශය පියවර ගෙන ඇත.

ඉන්ධන ණය පහසුකම යටතේ පෙට්‍රල් මෙට්‍රික් ටොන් 36,000ක් රැගත් නෞකාවක් හා ඩීසල් මෙට්‍රික් ටොන් 40,000ක් රැගත් නෞකාවක් ශ්‍රි ලංකාවට පැමිණ ඇති බව ශ්‍රී ලංකාවේ ඉන්දීය මහ කොමසාරිස් කාර්යාලය පවසයි. එසේම ඉන්දීය ණය පහසුකම් යටතේ මේ දක්වා ඉන්ධන මෙට්‍රික් ටොන් 270,000කට අධික ප්‍රමාණයක් ලංකාවට ලබාදී ඇති බවද ඉන්දීය මහ කොමසාරිස් කාර්යාලය වැඩිදුරටත් පවසයි.

රුපියල් මිලියන 2000කට වැඩි ආදායමක් උපයා ඇති සමාගම් හා පුද්ගලයන් සඳහා සියයට 25ක අධිභාරයක් පැනවීම සඳහා වූ පනත් කෙටුම්පත සම්බන්ධයෙන් ඡන්දය ප්‍රකාශ කිරීමෙන් වැළකී සිටින බව සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂද සිල්වා මහතා ප්‍රකාශ කරයි.

ජනපති ගෝඨාභය රාජපක්ෂ මහතා පාර්ලිමේන්තු සැසිවාරය එක්වීම සඳහා මීට සුළු මොහොතකට පෙර පාර්ලිමේන්තුවට පැමිණියේය.

පැය හය හමාරක විදුලි කප්පාදුව මේ සතියේ සිකුරාදා දක්වා තිබෙනවා. සති අන්තයේදී ඉල්ලුම අඩුවීම නිසා විදුලි කප්පාදුව අඩු කිරීමේ හැකියාවක් තිබෙනවා. ඉන්දියන් ණය පහසුකමින් අපිට අවශ්‍ය ඩීසල් ප්‍රමාණය ලැබෙනවා. කලින් මුදල් ගෙවපු තෙල් එකක් 7 වෙනිදා ලංකාවට එන්න නියමිතයි. සුමානයක් විතර නැංගුරම් ලා තිබුණ නෞකාවට සල්ලි වෙන්කරා කියලා දැනගන්න ලැබුණා. සිංහල දෙමළ අවුරුද්ද එන නිසා විදුලි කප්පාදුව අඩුකරලා මහජනතාවට සහනයක් ලබාදීම මහජ උපයෝගීතා කොමිෂන් සභාවේ මූලික කාර

නව කැබිනට් මණ්ඩලයක් පත්කිරීමට ආණ්ඩුවේ අවධානය යොමුව ඇති බව වාර්තා වෙයි. ඒ අනුව වත්මන් ආණ්ඩු පක්ෂයේ මන්ත්‍රීවරුන් අතරින්ම මෙම නව කැබිනට් මණ්ඩලය පත්කිරීමට සිදු වෙනු ඇත.