සමගි ජන බලවේගයේ සිට අමාත්‍ය ධුර ලබාගත් හරීන් ප්‍රනාන්දු (15), මනූෂ නානායක්කාර (20) යන මහත්වරුන්ට සහ පාර්ලිමේන්තුවේ ස්වාධීන කණ්ඩායම නියෝජනය කරමින් අමාත්‍ය ධුරයක් ලබා ගත් විජයදාස රාජපක්ෂ (14), සුසිල් ප්‍රේමජයන්ත් (10) යන මහත්වරුන්ට ආණ්ඩු පක්ෂයේ ඉදිරිපෙළ අසුන් පැනවීමට කටයුතු කර ඇත.

මෝදර ප්‍රදේශයේ දී සිදුකල වෙඩි තැබීමකින් තරුණයෙකු ජීවිතක්ෂයට පත්ව තිබේ.

කොල්ලුපිටිය සහ ගාලු මුවදොර පසුගිය මැයි 09 වැනිදා සිදුවීම සම්බන්ධයෙන් හිටපු අග්‍රාමාත්‍යවරයාගේ සම්බන්ධීකරණ ලේකම්වරවයකු වන තංගල්ල ප්‍රෙද්ශයේ පදංචි පුද්ගලයෙකු අපරාධ පරීක්ෂණ දෙපාර්තමේන්තුවේ නිලධාරීන් විසින් අද (06දා) කොළඹදී අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය සඳහන් කරයි.

වෙළෙඳපොළේ ලොකු සැමන් ටින් එකක මිල රුපියල් 600 ද ඉක්මවා ඉහළ යාමෙන් පාරිභෝගිකයින් දැඩි අපහසුතාවයට පත්ව සිටිති.

රුසියාවට අයත් Aeroflot ගුවන් යානය සම්බන්ධයෙන් ගුවන්තොටුපල හා ගුවන්සේවා සමාගම ද, සිවිල් ගුවන්සේවා අධිකාරිය ද අවශ්‍ය පියවර මේ වන විට ගෙන ඇති බවත්, තමා මේ පිළිබඳව ඉතාමත්ම සතුටු වන බවත්, මෙවන් විසඳුමකට පැමිණීමට හැකිවීම රාජ්‍ය තාන්ත්‍රික ජයග්‍රහණයක් මෙන්ම, රුසියා - ශ්‍රී ලංකා දිගුකාලීන මිත්‍රත්වය තහවුරුවීමක් ලෙසත්, වරාය, නාවික හා ගුවන්සේවා අමාත්‍ය නිමල් සිරිපාල ද සිල්වා මහතා පැවසීය.

විදේශ රැකියා සදහා පිටත්වයාමේ අපේක්ෂාවෙන් පසුවන රාජ්‍ය සේවකයින්ට ශ්‍රී ලංකා විදේශ සේවා නියුක්ති කාර්යාංශයේ ලියාපදිංචිවීමට අවස්ථාව ලබාදී ඇති බවත්, කාර්යාංශයේ වෙබ් අඩවියට පිවිස තමන්ගේ තොරතුරු ඇතුළත් කිරීමට හැකි බවත් කම්කරු සහ විදේශ රැකියා අමාත්‍ය මනුෂ නානායක්කාර මහතා පවසයි.

ජාත්‍යන්තර වශයෙන් ‘ලෝක යහපත් කල්ක්‍රියාව’කියා වාර්තාවක් තිබෙනවා. ඒ වාර්තාව අනුව 2008 ඉඳන් 2018 යන කාලය තුළ පමණක් ලංකාවේ තිබුණු මුදල් ඩොලර් බිලියන 45 ක් අයථා ලෙස ලංකාවෙන් පිට වෙලා තිබෙන බව වාර්තා වී තිබෙනවා යැයි හිටපු අමාත්‍ය වාසුදේව නානායක්කාර මහතා පවසයි.

මෙරට බුද්ධිමත් තරුණ පරම්පරාව රට හැර යන තත්ත්වයට පත්ව ඇති බවත් බුද්ධි ගලන ඛේදවාචකයට ශ්‍රී ලංකාව මුහුණ දෙමින් සිටින බවද විපක්ෂ නායක සජිත් ප්‍රේමදාස මහතා අද (6දා) කොළඹදී සඳහන් කළේය.

ළඹ වානිජ මහාධිකරණය , සීමාසහිත ගුවන් තොටුපළ හා ගුවන් සේවා සමාගමේ සභාපතිවරයා වෙත නිකුත් කර ඇති නියෝගය පරිදි 06/06 දින සවස 06.00 ට පෙර මෙම ගුවන් යානය කටුනායක ගුවන් තොටුපළෙන් රුසියාවේ මොස්කව් නුවර බලා පිටත් කිරීමට කටුනායක ගුවන් තොටුපළ ගුවන් සංතරණ සේවා ප්‍රධානී , ප්‍රධාන ගුවන් ගමන් පාලක නිශාන් චන්දිම අබේවර්ධන මහතා අවශ්‍ය පියවර ගෙන තිබේ .

නිසි කලට විදුලි බලාගාර ඉදිනොකිරීම විදුලි අර්බුදයක් ඇතිවීමට හේතුව බවත් ඔහු සඳහන් කළේය. විදුලි අර්බුදය පැමිණීමට තිබුණේ 2018 වසරේදී වුවත් පාස්කු ප්‍රහාරය හා කොවිඩ් හේතුවෙන් ඒම තත්ත්වය වැසී ගිය බවද ඔහු පැවැසීය.

මතභේදයට තුඩු දී දුන් මිතොටමුල්ල ඉඩම් සම්බන්ධයෙන් වූ නඩුවට අදාළව අමාත්‍ය ප්‍රසන්න රණතුංග මහතාට වසර දෙකක බරපතල වැඩ සහිත සිර දැඩුවම් නියම කරමින් එය වසර පහකට අත්හිටුවීමට කොළඹ මහාධිකරණය නියෝග කර තිබේ. මිට අමතරව ඔහුට තවත් රුපියල් මිලියන 25ක දඩයක් නියම කිරීමටද අධිකරණය කටයුතු කළේය.

ශ්‍රී ලංකාව සහ රුසියාව අතර ගුවන් තැපැල් සේවය තාවකාලිකව අත්හිටුවූ බව තැපැල් දෙපාර්තමේන්තුව සඳහන් කරයි.

රුසියාවේ එරෝෆ්ලොට් ගුවන් යානයකට කටුනායකින් පිටත්වීම අත්හිටුවමින් කොළඹ වාණිජ මහාධිකරණය නිකුත් කර තිබූ අතුරු තහනම් නියෝගය අත්හිටුවීමට එම අධිකරණය තීරණය කර තිබේ.

බන්ධනාගාර දෙපාර්තමේන්තුව විසින් පවත්වා ගෙන යනු ලබන කර්මාන්ත වැඩි දියුණු කිරීම සදහා සිරකරුවන්ගේ ශ්‍රමය ඵලදායී ලෙස යොදා ගැනීම සම්බන්ධව සකස් කළ යෝජනාවලිය බන්ධනාගාර කොමසාරිස් ජනරාල් තුෂාර උපුල්දෙණිය මහතා විසින් අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ ආචාර්ය විජයදාස රාජපක්ෂ මහතා වෙත පිළිගැන්වීම අද (06දා) අධිකරණ අමාත්‍යාංශයේදී සිදු කෙරිණි

ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාට කොම්පඤ්ඤ වීදිය පෙරහර මාවතේ දී පහර දීමේ සිද්ධියට සම්බන්ධ තවත් පුද්ගලයකු කොම්පඤ්ඤ වීදියේ දී අත්අඩංගුවට ගත් බව කොළඹ අපරාධ කොට්ඨාසය කියයි.

බොහෝ පිරිස් අදහස් දෙන්න ඉන්නවා .ගෝනි ගණන් අදහස් දෙයි.හැබැයි ව්‍යාපෘතියක් ක්‍රියාත්මක කර ප්‍රතිඵල පෙන්නන්නෙ බොහොම ටික දෙනායි .අපේ රටට දැන් අවශ්‍ය අදහස් යෝජනා නෙමෙයි ඒව ක්‍රියාත්මක කර ප්‍රතිඵල පෙන්වන පිරිසයි.මං හැම දෙනාගෙන්ම ඉල්ලනවා අපි දැන් ක්‍රියාත්මක වෙමු ප්‍රතිඵල පෙන්වමු යි අමාත්‍ය රොෂාන් රණසිංහ මහතා පැවසීය.

ශ්‍රී ලංකාව හා ඔස්ට්‍රේලියාව අතර පැවැත්වෙන ක්‍රිකට් තරගාවලියෙ ප්‍ර වේශ පත්‍ර අලෙවියෙන් ලබන ආදායම ක්‍රීඩා අමාත්‍යාංශය වෙත ලබාදීමට ක්‍රිකට් ආයතනය තීරණය කර තිබේ.

ග්ලෝබල් පෝට් පර්ෆෝමන්ස් ඉන්ඩෙක්ස් (CPPI) ශ්‍රේණිගත කිරීම්වලට අනුව ශ්‍රී ලංකාවේ කොළඹ වරාය 2021 වර්ෂයේ දෙවන සංස්කරණයට අනුව ලෝකයේ වරාය 370ක් අතරින් 22 වන ස්ථානයටත්, ඉන්දියානු සාගර කලාපයේ 03 වන ස්ථානයටත්, ඉන්දියානු අර්ධද්වීපයේ හා දකුණු ආසියානු කලාපයේ කාර්යක්‍ෂම වරාය ලෙසටත් කොළඹ වරාය ශ්‍රේණිගත කොට ඇත.

යුද හමුදාපති ලුතිනන් ජෙනරාල් විකුම් ලියනගේ මහතා අද (06දා) නාවික හමුදා මූලස්ථානයේදී නාවික හමුදාපති වයිස් අද්මිරාල් නිශාන්ත උළුගේතැන්න මහතා හමුවිය.

“ චීන ණය තිබෙනවා. නමුත් ගැටලුව නම් චීනයෙන් ලබාගත් ණය අපි ආර්තික වශයෙන් වැදගත් වූ ව්‍යාපෘති වෙනුවෙන් යෙදෙව්වාද යන්නයි. මේ ව්‍යාපෘති තීරණය කරන්නේ ශ්‍රී ලංකා රජයයි. හම්බන්තොට වරාය හා මත්තල ගුවන් තොටුපොළ ව්‍යාපෘති ඉදිරියට ගෙන ගියේ ශ්‍රී ලංකාවයි. ශ්‍රී ලංකාවට මුදල් අවශ්‍ය වූ විට චීනය ඇවිත් දුන්නා.”

ඉන්ධන අර්බුදය හමුවේ මේ වන විට පුත්තලම දිස්ත්‍රික්කයේ මුහුදු යන ධිවරයින් රැගෙන එන සාලයා,සුඩයා මාළු කිලෝව රුපියල් 700 ක මුදලකට වෙරලේ අලෙවි කරන අයුරු දැක ගත හැකිවිය.

විශේෂ යාත්‍රා බලඝණයේ පුහුණුව සාර්ථකව අවසන් කළ එම බලඝණයේ 29 වන බඳවා ගැනීමට අයත් නිලධාරීන් 03 දෙනෙකු සහ නාවිකයින් 19 දෙනෙකු හට ලාංඡන පැළඳවීම නාවික හමුදාපති, වයිස් අද්මිරාල් නිශාන්ත උළුගේතැන්න මහතාගේ ප්‍රධානත්වයෙන් ඊයේ (05දා) ත්‍රිකුණාමලය, නාවික තඨාකාංගනයේ විශේෂ යාත්‍රා බලඝණ මූලස්ථානයේදී සිදු කෙරිණි.

ෆ්ලෙමින්ගෝ නොහොත් සියක්කාරයා නමින් හැඳින්වෙන සංචාරක කුරුලු විශේෂය මේ දිනවල උතුරු මුහුදු තීරයේ පිහිටි කලපු ආශ්‍රිතයන්හි විශාල වශයෙන් දැකගත හැකි වුවද මෙවර එම කුරුල්ලන් නැරඹීමට සංචාරකයින් දැකගත නොහැකි තරම්ය.

චීනය විසින් නිර්මාණය කරන ලද නවතම අර්ධ වශයෙන් ගිල්විය හැකි නෞකාවක් වන ෂින් යාඕ හුවා නෞකාවෙන් ප්‍රවාහන බාර්ජ් තුනක් ශ්‍රී ලංකාවට ගෙනවිත් තිබේ.

හාලිඇල ඇටම්පිටියේ ග්‍රාමීය ප්‍රදේශවල ජනතාව ඉන්ධන හිගයට විසදුමක් ලෙස මේ දිනවලදි තවලම් මගින් භාණ්ඩ ප්‍රවාහනය කිරීමට යොමුවී සිටිති.

හෝමාගම ප්‍රධාන බස් නැවතුම්පළ පිටුපස ඇළ මාර්ගයක තිබී අභිරහස් ලෙස මියගිය පුද්ගල මළ සිරුරක් ඊයේ (05දා) සොයාගත් බව හෝමාගම පොලිසිය පවසයි

මල්වානේ වල්ගම ප්‍රදේශයේ වෙළෙඳ සැලකට භාණ්ඩ මිලදී ගැනීමේ මුවාවෙන් පැමිණ එහි කිරිපිටි සොරකම් කළ පුද්ගලයෙකු එහි හිමිකරු විසින් අල්ලා බියගම පොලිසියට භාර දී ඇත.

බංග්ලාදේශය අතිවිශාල ජනතාවකින් සමන්විත වුවත් ශ්‍රි ලංකාව මේ වන විට මුහුණ දෙන අර්බුදයට පිළියමක් ලෙස අර්තාපලි ලබාදිමට කටයුතු කරන බව බංග්ලාදේශ අග්‍රාමාත්‍ය ෂෙයික් හසීනා මහත්මිය පවසයි.

දඹුල්ල විශේෂිත ආර්ථික මධ්‍යස්ථානයට අද (06දා) එළවළු ලැබීම මෙන්ම එළවළු මිලදී ගැනීම සඳහා වෙළෙන්දන් ගේ පැමිණීම සියයට 80කින් පමණ අඩු වීමත් ආර්ථික මධ්‍යස්ථානය තුළ එළවළු මිල සීග්‍රයෙන් ඉහළ යමින් පවතින බවත් ව්යාපාරිකයෝ පෙන්වා දෙති.