අයවැය විසර්ජන පනත් කෙටුම්පත ජනාධිපති රනිල් වික්‍රමසිංහ මහතා විසින් අද (30දා)පස්වරුවේ පාර්ලිමේන්තුවට ඉදිරිපත් කිරීමට නියමිතය.

ගණේමුල්ල ,හොරගොල්ල ප්‍රදේශයේදී පුද්ගලයෙකු කපා කොටා ඝාතනය කොට ඇති බව ගණේමුල්ල පොලීසිය සදහන් කරයි.

යාපනය තොණ්ඩමනාරු ප්‍රදේශයේදී රුපියල් මිලියන අධික වටිනාකමින් යුතු කේරල ගංජා කිලෝ 51 ග්‍රෑම් 500 ක ප්‍රමාණයක් සමග සැකකරුවන් දෙදෙනෙකු ඊයේ (29දා) අත්අඩංගුවට ගත් බවට නාවික හමුදාව පවසයි.

කළුතර මාර්ගස්ථ ප්‍රවාහන අධිකාරිය මගින් නීති දෙකක් ක්‍රියාත්මක කරමින් අත්තනෝමතික ලෙස කටයුතු කිරීම හේතුවෙන් තමන්ට දැඩි අසාධාරණය සිදුවී ඇති බව පවසමින් මාර්ග අංක 162 බණ්ඩාරගම කොළඹ සුඛෝපභෝගී බස් රථ සේවකයෝ අද (30දා) ධාවනයෙන් වැළකී වර්ජනයක නියැලුණහ.

වයස අවුරුදු 14 ක දරුවෙක් පසුගිය 2021 අධ්‍යයන පොදු සහතික පත්‍ර (උසස් පෙළ) විභාගයට වානිජ විෂය ධාරාව යටතේ පෙනී සිට ’’ බී ’’ සාමාර්ථ තුනක් සහිතව සමත්වීමෙන් මෙරට වාර්තාවක් තැබීමට සමත්ව ඇත.

පසුගිය කාලයේ ක්‍රියාත්මක වූ වැරදි ආර්ථික ප්‍රතිපත්ති නිසා අර්බුධයට මුහුණ පෑ රට නිවැරදි මාර්ගයට ගෙන ඒමට ප්‍රතිසංශෝධිත අයවැය මගින් පියවර ගෙන තිබෙන බව එක්සත් ජාතික පක්ෂ සභාපති, පාර්ලිමේන්තු මන්ත්‍රී වජිර අබේවර්ධන මහතා ප්‍රකාශ කළේය.

පාර්ලිමේන්තුව නියෝජනය කරන පක්ෂවලින් සමන්විත ජාතික සභාවක් පිහිටුවීම සඳහා, මූලික කෙටුම්පතක් අග්‍රාමාත්‍ය දිනේෂ් ගුණවර්ධන මහතා විසින් පක්ෂ නායකයන් වෙත ඊයේ (29දා) දින ඉදිරිපත් කරනු ලැබීය. ඒ, පාර්ලිමේන්තු සංකීර්ණයේදී පැවති පක්ෂ නායක රැස්වීමේදීය.

ස්වීඩනය සහ ඩෙන්මාර්කය ශ්‍රී ලංකාව සම්බන්ධයෙන් පනවා තිබී සංචාරක උපදේශන ලිහිල් කිරීමට කටයුතු කර තිබේ. මෙම රටවල් දෙකම ඊයේ සවස මෙසේ තම සංචාරක උපදේශන ලිහිල් කළ අතර එය ශ්‍රී ලංකාවේ සංචාරක ක්ෂේත්‍රය ප්‍රබෝධමත්වීම සඳහා ධනාත්මක ලකුණක් වනු ඇත.

ගෝඨාභය රාජපක්ෂ මහතා මෙරටින් පිටව ගියේ සුන්දර පරිසරයක් යටතේ නොවන බවද ඔහු පැවැසීය. ඒ අනුව ඒ මහතා මෙරටට පැමිණීමේදී අවශ්‍ය ආරක්ෂාව හා හිටපු ජනපතිවරයෙකුට සුදුසු පහසුකම් සැපයීම කළ යුතු බවද කාරියවසම් මහතා පැවැසීය.

මට්ටක්කුලියේදී ඊයේ රාත්‍රියේ සිදුවූ වෙඩි තැබීමකින් පුද්ගලයෙක් ජීවතක්ෂයට පත්ව ඇතැයි පොලීසිය කියයි. යතුරු පැදියකින් පැමිනි දෙදෙනක් විසින් පිස්තෝල අවියකින් කළ වෙඩි තැබීමකින් මෙම ඝාතනය සිදුව තිබේ.

මානව හිමිකම් කවුන්සිලයේ (HRC) 51 වැනි සැසිවාරය 2022 සැප්තැම්බර් 12 - ඔක්තෝබර් 07 වැනි දින දක්වා ජිනීවා හිදී පැවැත්වීමට නියමිතය.

ශ්‍රී ලංකා ඉතිහාසයේ ප්‍රථමවරට රාජ්‍ය වියදම ට්‍රිලියන 4 ඉක්මවූ විසර්ජන පනත් කෙටුම්පත හෙට (30දා) මුදල් අමාත්‍යවරයා ලෙස ජනපති රනිල් වික්‍රමසිංහ මහතා විසින් පාර්ලිමේන්තුවට ඉදිරිපත් කිරීමට නියමිතව තිබේ.

නාසා ආයතනය පැවසුවේ, අදාළ රොකට්ටුවේ ඇන්ජිමේ නළයක සිදුවූ කාන්දුවක් නිසා සැලසුම්සහගත ගමන අවලංගු කළ බවයි.

ශ්‍රී ලංකාවේ මේ වන විට ක්‍රියාත්මක පැය තුනක විදුලි කප්පාදුව පැය දෙකයි විනාඩි 20ක් දක්වා අඩු කිරීමට ලංකා විදුලි බල මණ්ඩලය කටයුතු කර තිබේ.

ශ්‍රී ලංකා ක්‍රිකට් ආයතනයේ නිලධාරීන් 7 දෙනෙක් මිලියන ගණනක මුදල් වියදම් කරමින් සැලසුම් කර තිබූ විදෙස් සංචාරයක් ක්‍රීඩා සභාව විසින් අත්හිටවූ බවට හිටපු අමාත්‍ය මෙන්ම වත්මන් ක්‍රීඩා සභාවේ සභාපතිවරයා වන අර්ජුන රණතුංග මහතා කළ ප්‍රකාශය සම්බන්ධයෙන් ශ්‍රී ලංකා ක්‍රිකට් ආයතනය විසින් පැහැදිලි කිරීමක් කර තිබේ.

ශ්‍රී ලංකා පොදුජන පෙරමුණේ මහනුවර දිස්ත්‍රික් පාර්ලිමේන්තු මන්ත්‍රීවරුන් හා අනෙකුත් දේශපාලන නියෝජිතයන් අතර සාකච්ඡාවක් පවත්වා තිබේ. ශ්‍රී ලංකා පොදුජන පෙරමුණේ පක්ෂ මූලස්ථානයේදි මෙම සාකච්ඡාව හිටපු අමාත්‍ය බැසිල් රාජපක්ෂ මහතාගේ ප්‍රධානචත්වයෙන් පවත්වා තිබේ.

රේගු නිලධාරීන් නොමග යැවීම සදහා විදේශීය කර්මාන්තශාලාවේදීම සූක්ෂම ක්‍රම භාවිතා කරමින් සකස් කර තිබූ , රුපියල් එක් කෝටි හතලිස් දෙලක්ෂයක් වටිනා රත්තරන් තොගයක් නීතිවිරෝධී ලෙස ශ්‍රී ලංකාවට ගෙන ඒමට තැත් කළ ශ්‍රී ලාංකික ගුවන් මගියෙකු අද උදෑසන කටුනායක ගුවන් තොටුපළ පැමිණීමේ පර්යන්තයේ දී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ.

පළාත් පාලන බල ප්‍රදේශවල ගොඩනැගිලි සැලසුම් අනුමත කිරීම සදහා මාර්ගගත (online) ක්‍රමය හදුන්වා දීමට යයි.

මේ වනවිට කතාබහට ලක්ව ඇති ඉන්ධන ආනයන ප්‍රසම්පාදන තුළ සිදුවන අක්‍රමිකතා පිළිබඳව නව පාර්ලිමේන්තු කාරක සභාවක් ස්ථාපිත කළ යුතු බව විදුලි බල හා බලශක්ති අමාත්‍ය කංචන විජේසේකර මහතා අද (29) පාර්ලිමේන්තුවේදී පවසා සිටියේය.

වසර තුනකට වරක් වැටුප් වැඩිවෙන අයුරින් ලංකා විදුලි බල මණ්ඩලයේ හා ලංකා ඛනිජ තෙල් නීතිගත සංස්ථාවේ ක්‍රියාත්මක සාමූහික ගිවිසුම් අවලංගු කළ යුතුව ඇතැයි විදුලි බල හා බලශක්ති අමාත්‍ය කංචන විජේසේකර මහතා පැවැසීය. විදුලි ගාස්තු වැඩිකිරීම සම්බන්ධයෙන් වූ විවාදයට අද පාර්ලිමේන්තුවේදී එක්වෙමින් ඔහු මේ බව පැවැසීය. මෙම සාමූහික ගිවිසුම් යටතේ සේවකයන්ගේ වැටුප් වසර තුනකට වරක් සියයට 25කින් වැඩිවෙන බවද අමාත්‍යවරයා පැවැසීය.

රටේ වර්තමාන ආර්ථික තත්ත්වය සහ ඉදිරි ආර්ථික මඟ පිළිබඳ ඵලදායී කථිකාවක් ඇති කිරීම වෙනුවෙන් සංවිධානය කර ඇති මෙම වැඩසටහන ශ්‍රී ලංකා මහබැංකුවේ අධිපති ආචාර්ය නන්දලාල් වීරසිංහ මහතා විසින් මෙහෙයවීමට නියමිතය.

ශ්‍රී ලංකන් කේටරින් සමාගමේ සියයට 49ක කොටස් හා එහි පරිපාලනයත් ගුවන් තොටුපොළ මෙහෙයුම්වලින් සියයට 49ක් හා ඒහි පරිපාලනයත් අයෝජකයෙක් වෙත ප්‍රදානය කිරීම සඳහා අභිලාෂ කැඳවන බව වරාය හා සිවිල් ගුවන්සේවා අමාත්‍ය නිමල් සිරිපාලද සිල්වා මහතා පවසයි.

උපාධිධාරීන්ට පත්වීම් ලබාදීමේදී, විවිධ ගැටළු නිසා පත්වීම් නොලැබූ පිරිසගේ ප්‍රශ්නයට විසඳුමක් ලබාදීමට කටයුතු කරන බව, රාජ්‍ය පරිපාලන, ස්වදේශ කටයුතු, පළාත් සභා සහ පළාත් පාලන අමාත්‍යවරයා ලෙස අග්‍රාමාත්‍ය දිනේෂ් ගුණවර්ධන මහතා පාර්ලිමේන්තුවේදී ප්‍රකාශ කළේය.

පාර්ලිමේන්තුවේ ස්ථාවර නියෝග 122 හි විධිවිධාන සහ 2022 අගෝස්තු 10 දින පාර්ලිමේන්තුව විසින් සම්මත කරන ලද යෝජනාව අනුව, මහජන පෙත්සම් පිළිබඳ කාරක සභාවේ සේවය කිරීම සඳහා, පහත සඳහන් මන්ත්‍රීවරයන් තේරීම් කාරක සභාව විසින් නම් කරන ලද බව නියෝජ්‍ය කථානායක අජිත් රාජපක්ෂ මහතා අද (29) පාර්ලිමේන්තුවට නිවේදනය කළේය.

ලංකා විදුලි බල මණ්ඩලයට කළ හැකි කාර්යයන් පවා පෞද්ගලික ආයතන වෙත ලබාදී ඇතැයි විදුලි බල හා බලශක්ති අමාත්‍ය කංචන විජේසේකර මහතා පාර්ලිමේන්තුවේදී පැවැසීය.

ඉන්ධන සහ ගල් අඟුරු ප්‍රසම්පාදනය පිළිබඳ පාර්ලිමේන්තු කාරක සභාවක් පිහිටු වීමට විදුලි බල හා බලශක්ති අමාත්‍ය කංචන විජේසේකර මහතා යෝජනාවක් පාර්ලිමේන්තුවට අද (29) ඉදිරිපත් කළේය.

පාර්ලිමේන්තුවේ කෝප් හා කෝපා කමිටුවල සභාපති ධුර විපක්ෂයට ලබාදෙන බවට සඳහන් කළ ස්ථාවරය මේ වන විට වෙනස්ව ඇත්දැයි විපක්ෂනායක සජිත් ප්‍රේමදාස මහතා ආණ්ඩුවෙන් විමසා සිටියේය.

රාජ්‍ය ආදායම වසරේ මුල් මාස පහ තුළදී සියයට 17.5ක වාර්ෂික වර්ධනයක් වාර්තා කරමින් පූර්ව වසංගත මට්ටම් කරා ළඟා වී ඇති බව මහ බැංකු දත්ත පෙන්වා දෙයි. 2021 වසරේ මුල් මාස පහ තුළදී රු. බිලියන 630.1 වූ ආදායම 2022 වසරේ මුල් මාස 5 තුළදී රුපියල් බිලියන 811.9 දක්වා ඉහළ ගොස් තිබේ. බදු අනුපාත ඉහළ නැංවීම සහ විශාල සමාගම් සඳහා එක් වරකට අධිභාර බද්ද පැනවීම හේතුවෙන් මෙසේ රාජ්‍ය ආදායම ඉහළ ගොස් තිබේ.

ඉහළ දැමූ විදුලි බිල සම්බන්ධයෙන් විපක්ෂය විසින් ඉල්ලූ පාර්ලිමේන්තුව කල් තැබීමේ විවාදය සඳහා පාර්ලිමේන්තුව අද රැස්විය. පෙ.ව. 9.30 සිට පස්වරු 4.30 දක්වා මෙම විවාදය පැවැත්වීමට නියමිතව තිබේ.