ජපාන හිටපු අග්‍රාමාත්‍ය ෂින්සෝ අබේ මහතාගේ අවමංගල්‍ය උත්සවයට එක්වීමට ජපානයට ගොස් සිටින ජනපති රනිල් වික්‍රමසිංහ මහතා සිංගප්පූරු අග්‍රාමාත්‍ය ලී හසන් ලූන් මහතා සමග ද්විපාර්ශ්වීය සාකච්ඡා ආරම්භ කර තිබේ. ජපානයේ ටෝකියෝ අගනුවරදී මෙම සාකච්ඡා ආරම්භ වූ බව ජනපති මාධ්‍ය අංශය නිවේදනය කරයි.

ජපාන හිටපු අග්‍රාමාත්‍ය ෂින්සෝ අබේ මහතාගේ අවමංගල්‍ය උත්සවයට එක්වීමට ජපානයට ගොස් සිටින ජනපති රනිල් වික්‍රමසිංහ මහතා ජපාන විදේශ අමාත්‍ය යොෂිමාසා හයාෂි සමග ද්විපාර්ශ්වීය සාකච්ඡා පවත්වා තිබේ.

ඉහළ දැමූ ජල ගාස්තුවට අදාළ මාසික බිල්පත් මේ වනවිට ලැබෙමින් පවතින බවත්, කුඩා හා මධ්‍ය පරිමාණ කර්මාන්තකරුවන්ගේ ජල බිල්පත් 200%ත් 250%ත් අතර මුදලකින් ඉහළ ගොස් තිබෙන බවත් සමස්ත ලංකා කුඩා හා මධ්‍ය පරිමාණ කර්මාන්තකරුවන්ගේ සංගමය සඳහන් කරයි.

රුසියාව විසින් උපකල්පිත න්‍යෂ්ටික අවි භාවිතයට ප්‍රතිචාර දැක්වීමේ සැලසුමක් එක්සත් ජනපදයට ඇති බව ඇන්තනි බ්ලින්කන් පවසයි.

ශ්‍රී ලංකාවේ කෘෂිකාර්මික සංවර්ධනයට ගත යුතු පියවර සම්බන්ධයෙන් එක්සත් ජාතීන්ගේ සංවිධානයේ නියෝජිතායතන සමග විශේෂ සාකච්ඡාවක් පැවැත්වීමට එම නියෝජිතායතනවල නිත්‍ය තානාපතිනි සින්ඩි මැකේන් මහත්මිය තීරණය කර තිබේ.

ආරක්ෂකයින් දෙදෙනෙකු සහ ගුරුවරුන් කිහිප දෙනෙකුද මිය ගිය බව විමර්ශන කමිටුව පවසයි. ප්‍රහාරයෙන් ළමයින් 22 දෙනෙකු ඇතුළු 24දෙනෙකු තුවාල ලබා ඇති බව වැඩිදුරටත් වාර්තා වෙයි.

හිටපු අමාත්‍ය මහින්දානන්ද අලුත්ගමගේ මහතා ස්ථාවර නියෝග 27 (2) යටතේ 2022.09.20 පාර්ලිමේන්තුවේදී අසන ලද දේශීය ආදායම් සම්බන්ධව සහ දුම්වැටි සහ මද්‍යසාර සම්බන්ධයෙන් සුරාබදු දෙපාර්තමේන්තුවේ ක්‍රියාකාරීත්වය පිළිබඳව අසන ලද ප්‍රශ්න සම්බන්ධයෙන් විධිමත් පර්යේෂණ වාර්තාවක් කැඳවීමට මුදල් රාජ්‍ය අමාත්‍ය රංජිත් සියඹලාපිටිය මහතා තීරණය කර ඇත.

රට ආර්ථික අර්බුදයකට මුහුණ දී සිටියද, ඉදිරි වසරවලදී බ්‍රිතාන්‍යය සිය හමුදා වියදම් සැලකිය යුතු ලෙස ඉහළ නංවනු ඇති බව ආරක්ෂක ලේකම් බෙන් වොලස් අනාවරණය කර තිබේ.

මැයි 9 වැනිදා සහ ඊට ආසන්න දිනවලදී මෙරට සිදුවූ ප්‍රචණ්ඩකාරී සිදුවීම්වලට අදාළ විශේෂ කමිටු වාර්තාව පසුගිය 8 වැනිදා ජනාධිපතිවරය‍ාට බාර දුන් බවත් ඒඅනුව ඉදිරියේදී ඒ පිළිබදව කැබිනට් මණ්ඩලය සහ පාර්ලිමේන්තුව දැනුවත් කිරීමට පියවර ගන්නා බවත් ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පාර්ලිමේන්තුවේදී පැවසීය.

බ්‍රෙන්ට් සහ WTI යන දෙකම සිකුරාදා 5%කින් පමණ පහත වැටී ජනවාරියේ සිට අඩුම අගයට පත්විය.

ශ්‍රී ලංකා නිදහස් පක්ෂයේ නිර්මාතෘ දිවංගත අග්‍රාමාත්‍ය එස්. ඩබ්ලිව්. ආර්. ඩී බණ්ඩාරනායක මහතාගේ 63 වන ගුණසමරුව අද (26දා) එම පක්ෂයේ ජ්‍යෙෂ්ඨයින්ගේ සහභාගීත්වයෙන් ස්ථාන දෙකකදී පැවැත්විණි.

පශ්චාත් නිවර්තන ෆියෝනා සුළි කුණාටුව රටේ අත්ලාන්තික් ප්‍රාන්ත හරහා සුළි කුණාටු ප්‍රබල සුළං සමග ඉදිරියට ගමන් කරමින් මන්දගාමී වෙයි.

මනුෂ්‍යත්වයේ නාමයෙන්, දශක ගණනාවක විගමනික ශ්‍රමිකයන්ගේ අපේක්ෂාව යථාර්ථයක් කරමින්, ‘මනුසවි‘ සමාජ ආරක්ෂණ දායක විශ්‍රාම වැටුප් යෝජනා ක්‍රමය ආරම්භ කිරීමට හැකි වූ බවත්, ඉදිරියේ දී මෙරට සෑම කම්කරුවකු ම සුරක්ෂිත කරන සාමාජ ආරක්ෂණ ජාලයක් නිර්මාණය කරන බවත්, කම්කරු හා විදේශ රැකියා අමාත්‍ය මනුෂ නානායක්කාර මහතා පැවැසීය.

පාර්ලිමේන්තුව විසුරුවා හැරීමට පාර්ලිමේන්තුවේ පොදු විපක්‍ෂයට අවශ්‍ය වන්නේ, තවත් මන්ත්‍රීවරුන් 10දෙනෙකු පමණක් බවත්, වර්තමානයේ පොදු විපක්‍ෂයට 103ක මන්ත්‍රී සංඛ්‍යාවක් සිටින බවත් සමගි ජන බලවේගයේ පාර්ලිමේන්තු මන්ත්‍රී එස්.එම්. මරික්කාර් මහතා පැවසීය.

රියදුරුට වාහනය පාලනය කරගත නොහැකි වීමත් සමග ලක්නව් ප්‍රාන්ත අගනුවරදී මෙම අනතුර සිදුව ඇති බව පොලීසිය තහවුරු කරයි.

ඇඟලූම් කර්මාන්ත ශාලාවක සේවක සේවිකාවන් ප්‍රවාහනය කරන බස් රථයක් සහ පාසල් බස් රථයක් හොරණ ඉළිඹ ප්‍රදේශයේ දී අද (26දා) දහවල් එකිනෙක ගැටීමෙන් 25 කු පමණ තුවාල ලබා රෝහල් ගතකර ඇතැයි හොරණ මූලස්ථාන පොලිසිය පවසයි.

ඖෂධයක් මිලදි ගැනීමට අවශ්‍ය පුද්ගලයකුට එම ඖෂධය තිබෙන ළඟම ඔසුසල, එම ඖෂධයේ මිල හා එය මිලදී ගත හැකි ආකාරය ඇතුළත් තොරතුරු ලබගත හැකි ජංගම දුරකතන යෙදවුමක් හඳුන්වා දී තිබේ.

නිදන්ගත වකුගඩු රෝගීන් පරීක්ෂා කිරිම වෙනුවෙන් නවීන තාක්ෂණයෙන් යුතු විද්‍යාගාරයකින් සමන්විත බස් රථ අටක් ශ්‍රී ලංකාවට පරිත්‍යාග කිරීමට චීනය කටයුතු කර තිබේ.

පින්නවල සත්වෝද්‍යානය රාත්‍රී සෆාරි උද්‍යානයක් ලෙස නම් කිරීමට තීරණය කර ඇති බව වනජීවී හා වනසම්පත් සංරක්ෂණ අමාත්‍යාංශය පවසයි.

පොලීසියට අවශ්‍ය වුවහොත් එම තත්ත්වයන් පාලනය කිරීම සඳහා සහාය දැක්වීමට ආරක්ෂා හමුදා සූදානමින් සිටින බව ද ආරක්ෂක ලේකම්වරයා පවසයි.

දින හතක් වයසැති පිරිමි දරුවකු රුපියල් පනස් දහසක මුදලකට පිටස්තර කාන්තාවකට විකුණු පියෙකු අත්අඩංගුවට ගැනීම සඳහා විමර්ශණ ආරම්භ කර ඇති බවත්, එම දරුවා මිලදී ගත් කාන්තාව සහ අතර මැදියා ලෙස කටයුතු කළ පුද්ගලයා ඊයේ (25 දා) අත්අඩංගුවට ගත් බවත් අනුරාධපුර පොලීසිය පවසයි.

මහා පරිමාණ මත්ද්‍රව්‍ය ජාවාරම්කරුවකු වන කුඩු සලිදුගේ ප්‍රධාන ගෝලයෙකු වන මුතුනායක ගෙදර මහින්ද කුමාර නොහොත් ගලහ කුමාර නොහොත් රැවුල් කුමාර යන අය හෙරොයින් ජාවාරමෙන් උපයා ගත් බව කියන පොල්ගස්ඕවිට හල්පිට පාසල් මාවතේ සුඛෝපභෝගී දෙමහල් නිවසක් අද (26දා) වැටලීමට පියවර ගත් බව අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන ඒකකය පවසයි .

ශ්‍රී ලංකාවට ගෙන්වා ඇති බොරතෙල්වල ගුණාත්මක බව සම්බන්ධයෙන් ශ්‍රී ලංකා මහජන උපයෝගීතා කොමිෂන් සභාවේ සභාපතිවරයා කර ඇති ප්‍රකාශය සම්බන්ධනේ ලංකා ඛනිජ තෙල් නීතිගත සංස්ථාව නීතිමය ක්‍රියාමාර්ග ගන්නා බව විදුලි බල හා බලශක්ති අමාත්‍ය කංචන විජේසේකර මහතා පවසයි.

අධික වේගයෙන් ධාවනය වු බොලෙරෝ කැබ් රථයක් ප්‍රතිවිරුද්ධ දිශාවෙන් ඉදිරියට ධාවනය වු ත්‍රිරෝද රථයක සහ මොටර් රථයක ගැටිමෙන් සිදු වු අනතුරකින් මොටර් රථයේ ගමන් ගත් දෙදෙනෙකු සහ බොලෙරෝ කැබ් රථයේ රියදුරු බරපතල ලෙස තුවාල ලබා නාවලපිටිය දිස්ත්‍රික් මහ රෝහල වෙත ඊයේ (25දා) ඇතුලත් කල බව ගිනිගත්හේන පොලිසිය පැවසිය.

මෑතකදී අධි ආරක්ෂිත කලාප ලෙස නම්කළ ප්‍රදේශයන් තවදුරටත් පවත්වාගෙන යන්නේද නැත්ද යන්න පිළිබඳව ජනපති රනිල් වික්‍රමසිංහ මහතා තීරණයක් ගන්නා බව වැඩබලන රාජ්‍ය අමාත්‍ය ප්‍රමිත බණ්ඩාර තෙන්නකොන් මහතා පැවැසීය.

පාස්කු ඉරුදින ත්‍රස්ත ප්‍රහාරය සම්බන්ධයෙන් වගඋත්තරකරුවෙකු ලෙස නම් කරන සිටින ජනාධිපති රනිල් වික්‍රමසිංහ මහතාට එරෙහිව ගොනු කර ඇති මූලික අයිතිවාසිකම් පෙත්සම ඉදිරියට පවත්වාගෙන යා නොහැකි බව ශ්‍රේෂ්ඨාධිකරණය දැනුම් දුන්නේය.

මොරොන්තුඩුව මාවල ප්‍රදේශයේ අද (26දා) පෞද්ගලික ආයතනයක සේවක සේවිකාවන් රැගත් වෑන් රථයක් අනතුරට ලක්වීමෙන් 8 දෙනෙකු රෝහල් ගතකර ඇතැයි මොරොන්තුඩුව පොලිසිය පවසයි .

මොනරාගල බන්ධනාගාරයේ නිලධාරීන් විසින් ඊයේ (25දා) බන්ධනාගාරයේ රැඳවියන් පරික්ෂාකිරීමේදී හෙරොයින් මිලිග්‍රෑම් තිස්තුනක් සමඟ හෙරොයින් පානයකිරීමට ගන්නා උපකරණයක් බන්ධනාගාර නිලධාරීන් විසින් අත්අඩංගුවටගෙන ඇත.

දඹුල්ල පැල්වෙහෙර සේරුගස් යාය ප්‍රදේශයේ නිවසක් පිටුපස තිබුණු ගැඹුරු ළිඳකට අද (26දා) අලුයම වන අලියකු ඇදවැටී ඇතැයි ප්‍රදේශවාසීහු සීගිරිය වනජීවි නිලධාරීන් වෙත දන්වා තිබේ.