පැවති අයහපත් කාලගුණයෙන් නුවරඑලියේ එලවලු වගාව විනාශ වී ඇති බවත්, ඒ අනුව ඉල්ලුමට සරිලන සැපයුමක් නොමැති වීම හමුවේ එලවලු මිල ඉහළ යා හැකි බව නුවරඑලිය ආර්ථික මධ්‍යස්ථානයේ ලේකම් එස්.සනිද්දාසන් මහතා පැවසීය.

සමුච්චිත පදනමක් මත, වසරේ මුල් මාස දහය තුළ ප්‍රේෂණ සියයට 20.1ක වාර්ෂික ලක්ෂ්‍යමය වර්ධනයක් වාර්තා කර ඇති බව ශ්‍රී ලංකා මහ බැංකුව පෙන්වා දෙයි.

2026 වර්ෂය සඳහා වන විසර්ජන පනත් කෙටුම්පත කාරක සභා අවස්ථා විවාදයේ 12 වන දිනය වන අද දින (01) තරුණ කටයුතු සහ ක්‍රීඩා අමාත්‍යාංශය, කාන්තා හා ළමා කටයුතු අමාත්‍යාංශය, බුද්ධශාසන, ආගමික සහ සංස්කෘතික කටයුතු අමාත්‍යාංශය සහ පරිසර අමාත්‍යාංශය යන අමාත්‍යාංශවල වැය ශිර්ෂ විවාදයකින් තොරව, සංශෝධන සහිතව සම්මත විය.

දිවයින පුරා ඇති වූ අධික වැසි සහිත කාලගුණ තත්වය හේතුවෙන් අද 01 වනදා දක්වා මහනුවර දිස්ත්‍රික්කයේ පුද්ගලයින් 131 දෙනෙකු මිය ගොස් තවත් පුද්ගලයින් 174 දෙනෙකු අතුරුදහන් වී ඇති බව මහනුවර දිස්ත්‍රික් ආපදා කළමණාකරණ මධ්‍යස්ථානය පවසයි.

පසුගිය දින කිහිපය තුල නුවරඑලිය දිස්ත්‍රික්කයට ඇද හැලුණු අධික වර්ෂාවත් සමග අඩාල වී තිබූ වතුකරයේ තේ දළු නෙලීම් සහ තේ නිෂ්පාදන කටයුතු (01) දින සිට සාමාන්‍ය පරිදි සිදු කරන බව වතු අධිකාරිවරුන් පැවසීය.

පවතින ආපදා තත්ත්වය හේතුවෙන් හෙට (02) පාර්ලිමේන්තුව රැස් නොවීමටත් නැවත අනිද්දා (03) සහ 5 වැනිදා පාර්ලිමේන්තුව රැස්වීමටත් පාර්ලිමේන්තු කටයුතු පිළිබඳ කාරක සභාව විසින් තීරණය කළ බව පාර්ලිමේන්තුවේ මහලේකම් කුෂානි රෝහණදීර මහත්මිය පැවසුවාය.

පැවති අයහපත් කාළගුණයත් සමග හැටන් කොළඹ ප්‍රධාන මාර්ගයේ ස්ථාන කිහිපයකදී පස් කදු කඩා වැටීම හේතුවෙන් (27) දින සිට සම්පූර්ණයෙන්ම ඇනහිට තිබුණි.

ආපදා තත්ත්වයෙන් පීඩාව පත් ප්‍ර දේශවල ඩ්‍රෝන යානා ක්‍රියාත්මක කිරිමේදී මහජනතාවගේ සහයෝගය ශ්‍රි ලංකා ගුවන් හමුදාව විසින් බලාපොරොත්තු වන බව ගුවන් හමුදාව නිවේදනයක් නිකුත් කරමින් පවසයි.

පැවති ධාරානිපාත වර්ෂාව නිසා වාන් දොරටු 8ම විවෘත කිරීමට සිදුවූ දැදුරු ඔය ජලාශයේ පිටාර ජලය හේතුවෙන් ලංකාවේ බිත්තර නිෂ්පාදනය වෙනුවෙන් විශාලම දායකත්වයක් සපයන එම් ඒ එම් ෆාර්ම් ආයතනය මුලූ මනින්ම වනාශ වි ඇත.

අධි අවදානම් කලාප වල ගංවතුරට නිරාවරණය වුණු සියලුදෙනා මී උණ රෝගයට ගොදුරු විය හැකි බැවින් ඒ පිළිබඳව සැලකිලිමත් වන ලෙස විශේෂඥ වෛද්‍ය තුෂානි දඹරේරා මහත්මිය සඳහන් කරයි.

මැණික් ගඟ පිහිටාර ගැලීමෙන් කතරගම පුදබිමට පිවිසෙන පිවිසුම් මාර්ග සියල්ල අවහිරවී තිබිණි. මැණික් ගඟේ ජලය අඩුවීමත් සමඟ ජල මට්ටම පහළ බැස තිබූ අතර මේ වන විට කතරගම දේවාලයට පිවිසෙන සියලුම පිවිසුම් මාර්ග පිරිසිදු කර යළි යථා තත්වයට පත් කිරීමට හැකි වූ බැව් රුහුණු කතරගම මහා දේවාලයේ වැඩබලන බස්නායක නිලමේ තැන්පත් ආරච්චිගේ තිළිණ මධුසංඛ අබේරත්න මහතා පැවසීය.

දිට්වා සුළි කුණාටුව හේතුවෙන් දිවයින වටා මුහුදු ප්‍ර දේශවල ධීවර හා නාවික කටයුතු යෙදීම වළක්වමින් කාලගුණ විද්‍යා දෙපාර්තමේන්තුව නිකුත් කළ අනතුරු ඇඟවීම ඉවත් කිරීමට ඒම දෙපාර්තමේන්තුව කටයුතු කර තිබේ. අද පෙරවරු 9.00ට මෙම නිවේදනය නිකුත් කර තිබේ.

පාර්ලිමේන්තු රැස්වීම අද පස්වරු 12.30ට අවසන් කිරීමට පාර්ලිමේන්තු කටයුතු පිළිබඳ කාරක සභාව තීරණය කර තිබේ.

අධිබලපෑම් සහිත කාලගුණය, ගංවතුර සහ නායයාම් පිළිබද පුරෝකථනය සහ පූර්ව අනතුරු ඇගවිමේ කටයුතු සදහා රුපියල් මිලියන 1,503ක ඇස්තමේන්තුගත ප්‍රතිපාදනයක් ඉකුත් වර්ෂයේ (2024) වෙන්කොට තිබුනද ඉන් වැයකොට ඇත්තේ රුපියල් මිලියන 357.55ක් හෙවත් සියයට 23.79ක් බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක් මගින් අනාවරණය වි ඇත.

හදිසි ආපදා තත්වය හේතුවෙන් ඇති වු ගංවතුරින් පීඩාවට පත් කොළඹ දිස්ත්‍රික්කයේ ජනතාවට බෙදාදීම සදහා වැලිකඩ බන්ධනාගාරයේ සිර දඩුවම් නියමව සිටින රැදවියන්ගේ 2025 දෙසැම්බර් 01 වන දින දෛනික ආහාරවේලෙන් එක් ආහාරවේලක් සදහා යොදා‌ ගන්නා ද්‍රව්‍ය පරිත්‍යාග කිරීමට පියවර ගෙන තිබේ. එම වියළි ආහාර ද්‍රව්‍ය කොළඹ මහ නගර සභාව හරහා පීඩාවට පත් ජනතාවට බෙදාදීමට කටයුතු යොදා ඇති අතර, අදාළ වියළි ආහාර ද්‍රව්‍ය ජනතාවට බෙදාදීම සදහා කොළඹ මහ නගර සභාවේ නියෝජ්‍ය නගරාධිපතිතුමා වෙත භාරද

පවතින ආපදා තත්ත්වය තුළ ජනතාවගේ අවශ්‍යතා සපුරාලීම උදෙසා ක්‍රියාත්මක අත්‍යවශ්‍ය සේවා හි නිරත රජයේ සහ පුද්ගලික අංශයේ නිලධාරීන් සහ වෘත්තිකයන්ගේ දරුවන් රැකබලා ගැනීම වෙනුවෙන් අද (01) වන දින සිට ආරක්ෂිත බව තහවුරු කරන ලද දිවා සුරැකුම් මධ්‍යස්ථාන නැවත ආරම්භ කරන මෙන් කාන්තා සහ ළමා කටයුතු අමාත්‍ය සරෝජා සාවිත්‍රි පෝල්රාජ් මහත්මිය සියලුම දිවා සුරැකුම් මධ්‍යස්ථාන භාර නිලධාරීන්ගෙන් ඉල්ලා සිටී.

උතුරු, බස්නාහිර, සබරගමුව හා දකුණු පළාත්වලත් මහනුවර හා නුවරඑළිය දිස්ත්‍රික්කවලත් වැසි වාර කිහිපයක් අද දිනයේදි ඇතිවන බව කාලගුණ විද්‍යා දෙපාර්තමෙන්තුව පවසයි.

ජනාධිපති අනුර කුමාර දිසානායක මහතා අද (30) රාත්‍රි 8.30ට ජාතිය අමතා විශේෂ ප්‍රකාශයක් සිදුකිරීමට නියමිතයි. ඒම ප්‍රකාශය සියලුම මාධ්‍ය හරහා විකාශය කිරීමට නියමිතය.

ශ්‍රී පාද මළුවේ නායයෑමක් සිදු වී ඇති බවට ඇතැම් සමාජ මාධ්‍යවල පලවුණ පුවත්වල කිසිදු සත්‍යතාවක් නොමැති බව ශ්‍රි පාදස්ථානාධිපති ඌව වෙල්ලස්ස විශ්ව විද්‍යාලයේ කුලපති, සබරගමු රත්නපුර මහ දිසාවේ ප්‍රධාන සංඝ නායක , පැල්මඩුලු දාගැබ් රජමහා විහාරාධිශ්වර , ධර්ම කිර්ති ශ්‍රි ත්‍රිපිටකාචාර්ය, ශ්‍රි සුමංගල රතනපාල ධම්මරක්ඛිතාභිධාන , බෙන්ගමුවේ ශ්‍රි ධම්මදින්න නාහිමියන් පැවසූූහ.

ලුණුවිල හා වෙන්නප්පුව අතර ප්‍ර දේශවල ජල ගැනිමෙන් විපතට පත් පිරිසක් මුදවා ගැනීමට ගිය ගුවන් හමුදාවට අයත් හෙලිකොප්ටරයක් අනතුරට ලක්ව ඇති බව වාර්තා වෙයි.

’’27දින රාත්‍රිය වනවිට ගංවතුර ඇතිවන බව දැනගත්තා. නමුත් මීට පෙර අවස්ථා කිහිපයකම තියෙන අත් දැකීම් අනුව මම හිතුන වෙනද වගේම සාමන්‍ය ගංවතුර තත්වයක් ඇතිවෙයි කියල.ඒ නිසා මම හිටියා. මමත් එක්ක බාලසූරිය මාමත් හිටිය .චෛත්‍ය පහළ ඉඳලා වතුර වැඩි වෙනකොට චෛත්‍ය උඩටම ගියා එහි කොටසක ඉන්න පුළුවන් කම තියෙනව.වැස්ස නිසා කුඩත් ඉහළගෙන හිටියා. පස්සෙ හමුදාව බෝටබෝට්ටුවලින් ඇවිත් ඉන්නවත් දැක්ක අපි එයාලට කෑගහුව නමුත් වැඩක් වුනේ නෑ.’’

අලවතුගොඩ පොලිස් බල ප්‍රදේශයට අයත් රඹුකේඇල මුදුනේකඩේ ප්‍රදේශයේ සිදු වී අති විශාල නායයෑමක් හේතුවෙන් පවුල් 15 ක පමණ පුද්ගලයින් 43 දෙනෙකු අතුරුදහන්ව ඇති අතර ශ්‍රී ලංකා යුද හමුදාව, පොලීසිය සහ ප්‍රදේශවාසින් එක්ව සිදු කළ මෙහෙයුමකින් පසුව ඊයේ 29 වනදා සවස් වන විට මෘත ශරීර අටක් සොයා ගැනීමට හැකි විය.

තලවකැලේ තවලන්තැන්න මාර්ගය නායයයි. කොත්මලේ පාලුවත්ත ප්‍රදේශයේ නිවාස රැසක් නායයැමේ අවධානමක.

වලපනේ ප්‍රාදේශීය රෝහලේ නායයෑමෙන් ජීවිතක්ෂයට පත් 11 දෙනෙකුගේ සිරුරු ඇති බවත්, එම රෝහලට අවශය පහසුකම් ලබා දෙන ලෙස මයිලගස්තැන්නේ ධම්මදින්න හිමියෝ ඉල්ලති.

විදුලි බල පද්ධතියේ දක්නට ලැබෙන සැලකිය යුතු අඩු ඉල්ලුම හේතුවෙන් පවතින ආපදා කාලය තුළ වහල මත සවි කර ඇති සූර්ය පැනල හිමිකරුවන් අද පස්වරු 3 දක්වා ස්වේච්ඡාවෙන් තම සූර්ය පැනල ක්‍රියා විරහිත කරන ලෙස ලංකා විදුලි බල මණ්ඩලය එම හිමිකරුවන්ගෙන් ඉල්ලීමක් කර තිබේ. ජාතික විදුලිබල පද්ධතියේ විශ්වසනීය හා ස්ථාවර ක්‍රියාකාරිත්වය සහකිත කිරීම සඳහා සූර්ය පැනල ක්‍රියා විරහිත කිරීමට අවශ්‍ය වේ.

කොත්මලේ නැගෙනහිර කලාපයේ ආපදා රැසක් සිදු වී ඇති බවත්, එම ස්ථානවලට ලගා විමට නොහැකි තත්වයක් උද්ගත වී ඇති බව නුවරඑලිය දිස්ත්‍රික් පා.ම. අනුෂ්කා ප්‍රියදර්ශනි මහත්මිය මාධ්‍ය හමුවේ කියයි.

දිට්වා සුළි කුණාටුව හේතුවෙන් ඇතිවී වැසි සහිත කාලගුණ තත්ත්වනේ අඩුවීමක් අද (නොවැම්බර් 30) සිට අපේක්ෂා කරන බව කාලගුණ විද්‍යා දෙපාර්තමේන්තුව පවසයි. කෙසේ වෙතත් අද දිනයේදී උතුර, උතුරුමැද, වයඹ, බස්නාහිර, සබරගමුව පළාත්වලත් ගාල්ල, මාතර, මහනුවර හා නුවරඑළිය දිස්ත්‍රික්කවලත් වැසි වාර කිහිපයක් ඇති විය හැකි බව එම දෙපාර්තමේන්තුව දන්වා සිටියි.

වැලිමඩ රේන්දපොල ඊයේ 29 රාත්‍රී බිහිසුණු නායාමක් සිදුවී ඇති බවත් ශ්‍රී ලංකා යුද හමුදාවේ කඩිනම් මෙහෙයුමකින් ආර්ජන්ටිනා හා මෙක්සිකානු විදේශීය සංචාරක කාන්තාවන් තිදෙනෙකු ඇතුළු තවත් දහයකට අධික පිරිසක් මුදවා ගනු ලැබූ බවත් බදුල්ල ආපදා කළමනාකරන මධ්‍යස්ථානය පැවසීය .

2025/11/30 12.00 PM දිවයිනට බලපා අධික වැසි සහිත කාලගුණ තතත්වය හේතුවෙන් අද (30දා) පස්වරු 12.00 වන විට පුද්ගලයන් 193ක් ජීවිතක්ෂයට පත්ව ඇති අතර තවත් පුද්ගලයන් 228ක් අතුරුදන්ව ඇති බව ආපදා කළමනාකරණ මධ්‍යස්ථානය පවසයි.