බොරැල්ල පොලිස් වසමේ ටී 20 වත්තේදි බොරැල්ල පොලිස් නිලධාරින් විසින් සිදු කළ වැටලිමකදි හෙරොයින් ග්‍රෑම් 05 මිලි.ග්‍රෑම් 650ක් සමග සැකකාරියක අත්අඩංගුවට ගනු ලැබීය.

ජනපති කරපු ව්‍යවස්ථා පටහැනි ක්‍රියාවලිය අපි ශ්‍රේෂ්ඨාධිකරණයට ගියා. අපි පාර්ලිමේන්තුව රැස්වෙලා බහුතරය පෙන්නුවා. අද වන විටත් මහින්ද රාජපකෂ මහතාත් ජනපතිතුමත් ඒක පිළිගන්නේ නෑ.

එක්සත් ජනපද ඩොලරයට සාපේක්ෂව ශ්‍රී ලංකා රුපියල ඉතිහාසයේ වාර්තා වූ පහළම අගය අද (15දා) වාර්තා කළේය.

හෙට පෙ.ව. 11.00ටත් පක්ෂ නායක රැස්විමක් පැවැත්විමට නියමිතය.

අග්‍රාමාත්‍ය මහින්ද රාජපක්ෂ මහතාට එරෙහි විශ්වාසභංග යෝජනාවට අත්සන් කළ මන්ත්‍රීවරුන් නියෝජනය කරන පක්ෂ නායකයින් ජනපති මෛත්‍රිපාල සිරිසේන මහතා හමුවීමට නියමිතය.

මන්ත්‍රීවරු බහුතරයකින් ජනපති මෛත්‍රීපාල සිරිසේන මහතාට දිවුරුම් ප්‍රකාශ ලබාදිමට කටයුතු කරන බව හිටපු අමාත්‍ය පාඨලී චම්පික රණවක මහතා පවසයි. කොළඹදී පැවැති මාධ්‍ය හමුවක්දී ඔහු මේ බව සඳහන් කළේය.

ජනපති මෛත්‍රිපාල සිරිසේන මහතා තමාට නොමැති බලතලත් ක්‍රියාත්මක කරමින් යන බව හිටපු අමාත්‍ය රාජිත සේනාරත්න මහතා පවසයි.

මීට ස්වල්ප වේලාවකට පෙර නිමාවට පත්වූ පාර්ලිමේන්තුවේ පක්ෂ නායක රැස්වීමේ දී හෙට (2018.11.16) දින පස්වරු 1.30 ට පාර්ලි‍මේන්තුව යලි රැස්වීමට තීරණය කළ බව කථානායක මාධ්‍ය ඒකකය නිවේදනය කරයි..

පවතින ‌‌දේශපාලන අර්බුදය විසඳීම සඳහා ඇති එකම විසඳුම මැතිවරණයකට යෑම බව අමාත්‍ය බන්දුල ගුණවර්ධන මහතා පවසයි.

ආණ්ඩු පක්ෂයේ මන්ත්‍රිවරු දෙදෙනෙකු තුවාල ලබා ඇති බවත් විපක්ෂයේ මන්ත්‍රීවරු දෙදෙනෙක් පිහි රැගෙන සභාවට පැමිණ ඇති බවට තොරතුරු ඇති බවත් ගම්මන්පිල මහතා පැවැසීය.

ජනපති මෛත්‍රීපාල සිරිසේන මහතා ඊයේ (14දා) කථානායක කරු ජයසූරිය මහතා වෙත යොමුකළ ලිපියට කථානායක කරු ජයසූරිය මහතා පිළිතුරු ලිපියක් යොමුකර තිබේ.

අග්‍රාමාත්‍ය මහින්ද රාජපක්ෂ මහතා හා හිටපු අග්‍රාමාත්‍ය රනිල් වික්‍රමසිංහ මහතා අතර හමුවක් පැවැත්වීමට නියමිත බව වාර්තා වෙයි.

පාර්ලිමේන්තු සැසිවාරය නොවැම්බර් මස 21 දා පෙ.ව. 10.00 දක්වා කල් තැබීමට කථානායක කරු ජයසූරිය මහතා නිවේදනය කරයි.

පාර්ලිමේන්තු සැසිවාරය ආවරණය කිරීමට පැමිණ ඇති මාධ්‍යවේදීන් ඉන් ඉවත්කර නැවතත් සැසිවාරය ආරම්භ කිරීමට සැලසුම් කර ඇති බව තොරතුරු වාර්තා වෙයි.

“පාර්ලිමේන්තුව අවුරුදු 4 හමාරක කලින් මැතිවරණයකට යනවානම් යෝජනාවක් ගේන්න. ඒකට අපි සහාය දෙන්න ලෑස්තියි.”

කතානායක කරු ජයසූරිය මහතා හා ආණ්ඩු හා විපක්ෂ මන්ත්‍රීවරුන් අතර සාකච්ඡාවක් අරම්භ වී තිබේ.

පාර්ලිමේන්තුවේ වේත්‍රධාරිය විසින් සභා ගර්භයේ ඇති සෙංකෝලය ඉවත් කර ගැනීමට කටයුතු කළේය.

අග්‍රාමාත්‍ය මහින්ද රාජපක්ෂ මහතා සහ රනිල් වික්‍රමසිංහ මහතා පාර්ලිමේන්තුවෙත් ඉවත්ව යාමට කටයුතු කළේය.

පාර්ලිමේන්තු මන්ත්‍රී දිලුම් අමුණුගම මහතා පාර්ලිමේන්තුවේ ඇතිවූ නොසන්තාව හේතුවෙන් තුවාල ලබා පාර්ලිමේන්තු වෛද්‍ය මධ්‍යස්ථානයේ ප්‍රතිකාර ලබා ගැනිමට කටයුතු කරයි.

අග්‍රමාත්‍ය මහින්ද රාජපක්ෂ මහතාත් හිටපු අග්‍රාමාත්‍ය රනිල් වික්‍රමසිංහ මහතාත් තවමත් පාර්ලිනේතුවේ රැඳී සිටියි.

පාර්ලිමේන්තු සභා ගර්භයේ දැඩි උණුසුමක් නිර්මාන්‍ය වී තිබේ. මන්ත්‍රීවරුන් අතර ගුටි බැට හුවමරුවක්ද ඇතිව තිබේ.

ඇමතිවරයා ලෙස අද රෑට පෙට්‍රල් මිල අඩුකරනවා යැයි මහින්ද රාජපක්ෂ මහතා පැවැසීය.

රටේ ආර්ථිකයට අතිශය වැදගත් වන රාජ්‍ය බැංකු දෙකෙහි සභාපති තනතුර සහ අධ්‍යක්ෂ මණ්ඩලය සති දෙකකට වැඩි කාලයක සිට රැස් වී නැතැයි ලංකා බැංකු සේවක සංගමය සඳහන් කරයි. රාජ්‍ය බැංකු රාජ්‍ය ව්‍යවසාය සංවර්ධන අමාත්‍යාංශයෙන් මුදල් අමාත්‍යාංශයට පවරාගැනීමත් සමග මහජන බැංකුවේ හා ලංකා බැංකුවේ සභාපති තනතුරු හා අධ්‍යක්ෂ මණ්ඩල පුරප්පාඩු වූ බව එම සංගමයේ ලේකම් රංජිත් සේනානායක මහතා සඳහන් කළේය.

අග්‍රාමාත්‍ය මහින්ද රාජපක්ෂ මහතා විශේෂ ප්‍රකාශය ආරම්භ කළේය.

’’මට අගමැති කම ලොකු නෑ. අගමැති වුණත්, මන්ත්‍රී වුණත් මහින්ද රාජපක්ෂ මහින්ද රාජපක්ෂමයි.’’

පාර්ලිමේන්තු කටයුතු දෙවැනි දිනයට ආරම්භ වී තිබේ.

එක්සත් ජාතික පක්ෂයේ ෆේස්බුක් පිටුව අවහිර කර ඇති බව එම පක්ෂය සඳහන් කරයි.

දැනට රට තුළ උද්ගතව පවතින දේශපාලන අර්බුදය දැනට ආර්ථිකයේ ක්‍රියාකාරීත්වය සඳහා බලපෑම් එල්ල නොකරන බව මහ බැංකු අධිපති ආචාර්ය ඉන්ද්‍රජිත් කුමාරස්වාමි මහතා පවසයි. එහෙත් මේ ගැටලුව හැකි ඉක්මනින්ම විසඳා ගැනීම අනිවාර්ය බව ඒ මහතාගේ අදහසයි. අධිපතිවරයා මේ බව පවසා සිටියේ ඊයේ (14) මහ බැංකුවේ පැවැති මාධ්‍ය හමුවකදීය.

ජනපති මෛත්‍රිපාල සිරිසේන මහතා අද පෙරවරුවේ කැඳවූ පක්ෂ නායක රැස්වීමට එක්නොවීමට එක්සත් ජාතික පෙරමුණට සම්බන්ධ පක්ෂයන් නායකයන් තීරණය කර තිබේ.