කළුතර දිස්ත්‍රික්කයේ වලල්ලාවිට ප්‍රාදේශිය ලේකම් කොට්ඨාසයේ ග්‍රාමසේවා වසම් 5ක් නැවත දැනුම්දෙන තුරු හුදෙකලා ගම්මාන ලෙස නම් කර ඇත.

ආණ්ඩුව විසින් ඉදිරිපත් කළ විසිවැනි ව්‍යවස්ථා සංශෝධන පනත් කෙටුම්පතට පක්ෂව ඡන්දය භාවිත කළ සමගි ජතික බලවේගයෙන් මන්ත්‍රීවරුන් එම පක්ෂයේ පාර්ලිමේන්තු කණ්ඩායමෙන් ඉවත් කිරීමට තිරණය කර තිබේ.

වහාම ක්‍රියාත්මක වන පරිදි දෙමටගොඩ, මරදාන පොලිස් බල ප්‍රදේශවලට නැවත දැනුම් දෙන තුරු නිරෝධායන ඇඳිරි නීතිය පනවා තිබෙන බව යුද හමුදාපති ලුතිනන් ජනරාල් ශවේන්ද්‍ර සිල්වා සඳහන් කර සිටියි.

(FactCheck) ’’2009 [sic, 2019] ශ්‍රී ලංකා මහ බැංකු වාර්තාවට අනුව ලංකාවේ කාන්තාවන්ගේ ශ්‍රම බල සහභාගිත්ව අනුපාතිකය, එහෙම නැත්තං female labour force participation rate එක, සියයට 34.5 යි. පිරිමින්ගේ ඒක සියයට 73යි… අපට තමයි අඩුවෙන්ම තියෙන female labour force participation rate එකක් ලෝකයෙන්ම තිබෙන්නේ.’’

කොවිඩ් -19න් වසන්ගතය හේතුවෙන් බලපිටිය මූලික රෝහලේ එකේ වාට්ටුව අද (23 ) රාත්‍රියේ සිට තාවකාලිකව වසා දැමිමට සිදුවූ බව එම රෝහලේ ප්‍රකාශකයකු කීවේය.

කොරෝනා ආසාදිතයින් වාර්තා වන රෝහල් වලින් රෝගීන් සම්බන්ධයෙන් විමර්ශනයට අවශ්‍ය තොරතුරු ලබා දීම ඇතැම් රෝහල් බලධාරීන් විසින් ප්‍රතික්ෂේප කිරීම හේතුවෙන් ආසාදිතයින් සහ ඔවුන්ගේ ආශ්‍රිතයන් සොයා යාමේදී රාජ්‍ය බුද්ධි අංශ නිලධාරීන් දැඩි අපහසුතාවයකට පත්ව සිටින බව වාර්තාවේ.

එසේම පක්ෂයේ විනය කඩ කිරීම වෙනුවෙන් ඔවුන්ට විනය ක්‍රියාමාර්ග ගන්නා බවද විපක්ෂනායකවරයා පැවැසීය.

ද්‍රවිඩ ප්‍රගතිශීලී පෙරමුණේ පාර්ලිමේන්තු මන්ත්‍රී අරවින්ද කුමාර් එම පක්ෂයෙන් නෙරපීමට තීරණය කළ බව එම පෙරමුණේ නායක පාර්ලිමේන්තු මන්ත්‍රී මනෝ ගනේෂන් මහතා පවසයි.

සේවක අර්ථසාධක අරමුදල් ප්‍රතිලාභ අයදුම්පත් භාර ගැනීම ළඟම පිහිටි කම්කරු කාර්යාලය මගින් පමණක් සිදු කිරීමට තීරණය කර තිබේ.

සති අන්තයේදී මුළු රටටම ඇඳිරි නීතිය ක්‍රියාත්මක කරන බවට සමාජ මාධ්‍ය ඔස්සේ පළකරන වාර්තාවල කිසිම සත්‍යතාවක් නොමැති බවත් අද පස්වරුවේ රැස්වූ කොවිඩ් කාර්ය සාධක බළකාය මෙවැනි ආකාරයේ කිසිම තීරණයක් නොගත් බවද ඔහු පැවැසීය.

කොළඹ ප්‍රදේශයේ පෞද්ගලික බැංකුවක කොරෝනා ආසාදිත කාන්තාවක් පානදුර නගරය ආශ්‍රීත වෙළෙඳසැල් හතරකට ආ ගිය බවට අනාවරණය විමෙන් අනතුරුව එම වෙළෙඳසැල් 4 වසා දැමිමට පියවර ගත් බව පානදුර නගර සභාවේ මහජන සෞඛ්‍ය පරික්ෂකවරු පවසති.

20 සම්මත කරගැනීමෙන් පසු ආණ්ඩුවේ සිංහල බෞද්ධ සුජාතභාවය නැති වූ බවත් ආණ්ඩුව බලයට පත් කිරිමට වැඩ කරන ලද්දේ කුඩා සිංහල සංවිධාන හා මෙරට භික්ෂුන් වහන්සේලා බවත් හෙළ බොදු සවිය සංවිධානය පවසයි.

ගම්පහ දිස්ත්‍රික්කය තුළ ගත වූ පැය 24 ක කාලය ඇතුළත කොරෝනා ආසාදිත බවට තහවුරු වූ රෝගීන් 797 ක් වාර්තා වී ඇති අතර , එය දිස්ත්‍රික්කය තුළින් වාර්තා වූ වඩාත් ඉහළ අගයක් බව ගම්පහ දිස්ත්‍රික් සෞඛ්‍ය සේවා අධ්‍යක්ෂ, වෛද්‍ය මිගාර ඈපා මහතා පැවසීය.

නව කොරෝනා වෛරසය ආසාදනය වූ තවත් ආසාදිතයින් 609ක් වාර්තා වූ බව යුද හමුදාපති ලුතිනන් ජනරාල් ශවේන්ද්‍ර සිල්වා සඳහන් කරයි.

පවතින කොවිඩ් -19 වසංගත තත්ත්වය හේතුවෙන් මහජනතාව ඒකරාශීවීම වැළැක්වීම සඳහා පුද්ගලයින් ලියාපදිංචි කිරීමේ දෙපාර්තමේන්තුවේ ප්‍රධාන කාර්යාල සහ සියලු පළාත් කාර්යාල නැවත දැනුම් දෙනතුරු මහජනතාවට විවෘත නොකිරීමට තීරණය කර තිබේ.

මේ වන විට නිරෝධායන ඇඳිරි නීතිය ක්‍රියාත්මක වන ප්‍ර දේශවලට හැර වෙනත් කිසිම ප්‍රදේශයකට ඇඳිරි නිතිය ක්‍රියාත්මක නොමැති බව රජයේ ප්‍රවෘත්ති දෙපාර්තමේන්තුව සඳහන් කරයි.

කැලණි ගඟ දෙපස පරිසර වාර්තා නොමැතිව ඉදිකර ඇති, එමෙන්ම කැලණි ගඟ දූෂණය වන අයුරින් අපද්‍රව්‍ය බැහැර කරන සියලු කර්මාන්තශාලා, ව්‍යාපාරික ආයතනවලට එරෙහිව නඩු පවරන ලෙස පරිසර අමාත්‍ය මහින්ද අමරවීර මහතා මධ්‍යම පරිසර අධිකාරියට දන්වා තිබේ.

20 වන ව්‍යවස්ථා සංශෝධනයට පක්ෂව ඡන්දය ප්‍රකාශ කළ සමඟි ජන බලවේගයේ පාර්ලිමේන්තු මන්ත්‍රී අරවින්ද් කුමාර් දෙමළ ප්‍රගතිශිලි සන්ධානයෙන් ඉවත් කරන බව එම පක්ෂයේ නායක පාර්ලිමේන්තු මන්ත්‍රී මනෝ ගනේෂන් මහතා පවසයි.

රත්නපුර දිස්ත‍්‍රික්කයේ කෝවිඩ් 19 ආසාදිතයින් අට දෙනෙක් අද (23) වනවිට හමුවී ඇති අතර ඉන් තිදෙනෙක් පෑලියගොඩ මාලූ වෙළද සංකීර්ණයේ පොකුරට සම්බන්ධ බව සබරගමු පළාත් සෞඛ්‍යසේවා අධ්‍යක්‍ෂ වෛද්‍ය කපිල කන්නන්ගර මහතා පැවසීය.

පාස්කු ඉරුදින ප්‍රහාරයට සම්බ්න්ධ ත්‍රස්තවාදී සහරාම් හෂීම්ගේ කණ්ඩායම නුවර එළියේ පැවැත්වූ පුහුණු කඳවුරට භාවිත කළ වැන් රථයක් අක්කරේපත්තුව, අට්ටාලච්චේනයි පුද්ගලයෙකුට අලෙවි කර තිබියදී මඩකලපුව දිස්ත්‍රික් අපරාධ විමර්ශන ඒකකය විසින් ඊයේ (22දා) අත්අඩංගුවට ගෙන තිබේ.

මධ්‍යම පළාතේ ගුරු සේවයේ ගුරු සහායකයින් 419 දෙනෙකුට පත් වීම් ප්‍රදානය කිරීමේ සංකේතාත්මක උත්සවය අද 23 මධ්‍යම පළාත්ආණ්ඩුකාර කාර්යාලයේදී පැවැත්විණ .

1987 වසරේ ජුනි මාසයේදී අරන්තලාවේදී බෞද්ධ භික්ෂූන් වහන්සේලා පිරිසකට එල්ල වූ එල්ටීටීඊ ප්‍රහාරයට ගොදුරු වූ වින්දිතයින්ගෙන් ප්‍රකාශ සටහන් කර ගන්න ලෙස නීතිපතිවරයා විසින් වැඩබලන පොලිස්පතිවරයාට උපදෙස් දී ඇත.

දැනට රැදවුම්භාරයේ සිටින සංවිධානාත්මක අපරාධ කණ්ඩායම් නායකයකු බව කියන ජනිත් මධුශංඛ නොහොත් ’’පොඩි ලැසී’’ නැමැත්තාගේ ජීවිත ආරක්ෂාව තහවුරු කිරීමට නියෝගයක් බන්ධනාගාර බලධාරීන් වෙත නිකුත් කරන ලෙසට ඉල්ලා අභියාචනාධිකරණයේ පෙත්සමක් ගොනු කර ඇත.

කොවිඩ් -19 වෛරසය වැළඳී රෝහල්ගතව ප්‍රතිකාර ලැබූ 83 දෙනෙකු සම්පූර්ණ සුවය ලබා අද (23) රෝහල්වලින් පිටව ගොස් තිබේ.

බදුල්ල නගර මධ්‍යයේ පිහිටි හුනුකොටුව මාර්ගයේ පදිංචි පුද්ගලයෙකුට කොවිඩ් 19 අසාදනය වි වවුනියාව රෝහල ඇතුලත් කර ඇතැයි සෞඛ්‍ය අංශ පවසයි .

එක්සත් ජාතක පක්ෂයේ ජාතික ලැයිස්තු මන්ත්‍රීධුරය සම්බන්ධයෙන් පක්ෂය විසින් තවමත් තීරණයක් ගෙන නොමැති බව එජාප නියෝජ්‍ය නායක, හිටපු අමාත්‍ය රුවන් විජයවර්ධන මහතා පැවැසීය.

කොස්ගම සාලාව රෝහලේ ප්‍රතිකාර ලබමින් සිටියදී පැන ගිය කොවිඩ් ආසාදිත බවට සැකකරන 26 හැවැරිදි තරුණයා සහස්පුර නිවාස සංකීර්ණයේ 13 වැනි මහලේ නිවසක සිටියදී සොයාගත් බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසයි.

රාජ්‍ය බුද්ධි සේවයේ දෙවෙනියා බව පවසමින් පොලිස් නිලධාරීන් නොමග යැවීමට උත්සාහ කළ සැකකරුවෙකු වැල්ලවත්ත පොලිසිය මගින් අත්අඩංගුවට ගෙන තිබේ.

කුරුණෑගල ශික්ෂණ රෝහලේ ප්‍රතිකාර සඳහා ඇතුළත් කර සිටි බියගම පිහිටි මාස් (MAS) ඇඟළුම් කම්හලේ සේවකයෙකුට කොරෝනා වෛරසය ආසාදනය වී ඇති බව තහවුරුවී තිබේ.