අද (14දා) පාසල් හා උපකාරක පංති නොපැවැත්වෙන බවට අධ්‍යාපන අමාත්‍යාංශයේ ලිපි ශිර්ෂයක් යටතේ අධ්‍යාපන අමාත්‍යාංශ ලේකම්වරයාගේ යැයි හැගෙන ව්‍යාජ අත්සනක් සහිතව සමාජ මාධ්‍ය තුළ සංසරණය වන ලිපිය අසත්‍ය බව රජයේ ප්‍රවෘත්ති දෙපාර්තමේන්තුව කියයි. මෙම අසත්‍ය ලිපිය සමාජ මාධ්‍ය තුළ හුවමාරු කිරිමෙන් වළකින ලෙසද ප්‍රවෘත්ති දෙපාර්තමේන්තුව වැඩිදුරටත් පවසයි.

නොරෝච්චෝල ලක්විජය බලාගාරයෙ තුන්වන ජනන යන්ත්‍රයෙ විදුලිය නිෂ්පාදනය අද අලුයම වන විට ආරම්භ කල බව විදුලි බල මණ්ඩලයෙ ඉහල නිළධාරීයකු පැවසිය.

හිටපු ජනපති මහින්ද රාජපක්ෂ මහතා පදිංචි නිල නිවස ආසන්නයේ ආරක්ෂකයින් නැවති සිටි ගොඩනැගිල්ලක ජල සැපයුම විසන්ධි කළ බවත් හිටපු ජනපතිගේ නිල නිවසේ ජල සැපයුම විසන්ධි කර ඇති බවට වාර්තා වන තොරතුරු අසත්‍ය බවත් ජාතික ජල සම්පාදන මණ්ඩලය නිවේදනයක් නිකුත් කරමින් පවසයි.

ඇල්ල රොක් කන්ද වන රක්ෂිතයේ අද (13) පස්වරුවේ හටගත් හදිසි ගින්නෙන් අක්කර 50 ක පමණ කොටසක් විනාශ වී ගොස් පවතින දැඩි සුලං සමග ගින්න තවදුරටත් පැතිර යමින් පවතින හෙයින් ගින්න නිවා දැමීමට අපහසු වී ඇතැයි ආපදා කළමනාකරණ මධ්‍යස්ථානය පවසයි .

රුපියල් කෝටි දෙකකට අධික වටිනා එකම ලියාපදිංචි අංකයකින් යුත් සුඛෝ භෝගී මෝටර් රථ දෙකක් සිය භාරයට ගත් බව පානදුර වලන්න මධ්‍යම දූෂණ මර්දන ප්‍රහාරක බලකාය කියයි. මෙලෙස පොලිස් භාරයට ගෙන ඇත්තේ ටොයිටා ප්‍රීයස් වර්ගයේ මෝටර් රථ දෙකකි.

අයථා ලෙස උපයාගත් රුපියල් මිලියන 15ක මුදලක් එන්.ආර්. කනසල්ටන්සි සමාගමේ ආයෝජනය කර මුදල් විශුද්ධිකරණය කළ බවට පාර්ලිමේන්තු මන්ත්‍රී නාමල් රාජපක්ෂ මහතා ඇතුළු සිව්දෙනෙකුට එරෙහිව කළ විර්ශන වල උධෘත නීතීපතිවරයාට යවා ඇතත් මෙතෙක් උපදෙස් දී නැතැයි රහස් පොලිසිය කොළඹ ප්‍රධාන මහේස්ත්‍රාත් තනූජා ලක්මාලී මහත්මියට අද (13) දැනුම් දුන්නේය.

ජර්මනියේ මියුනික් නගරයේ මිනිසුන් අතරට පුද්ගලයෙක් මෝටර් රථයක් ධාවනය කරමින් අනතුරක් සිදු කර තිබේ.

නීතියට පටහැනි ආකාරයෙන් රහස් පොලිසිය තමන්ට එරෙහිව කරන පරීක්ෂණවලින් තම මූලික අයිතිවාසිකම් කඩවී ඇති බවට නියෝගයක් කන්නැයි ඉල්ලා සමගි ජන බලවේගයේ පාර්ලිමේන්තු මන්ත්‍රී හිටපු අමාත්‍ය නීතිඥ සුජීව සේනසිංහ මහතා ගොනු කොට ඇති මූලික අයිතිවාසිකම් පෙත්සම විභාගයට ගැනීමට ශ්‍රේෂ්ඨාධිකරණය අද (13) අවසර දුන්නේය.

ඒ අනුව 2025 වර්ෂයට අදාල විසර්ජන පනත් කෙටුම්පත දෙවැනිවර කියවීම ාහොත් අය-වැය කියවීම එදින උදෑසන 10.30ට ආරම්භ වන බව සඳහන් වෙයි.

අග්‍රාමාත්‍ය ආචාර්ය හරිනි අමරසූරියගේ ඉල්ලීම පරිදි පාර්ලිමේන්තුවේ ස්ථාවර නියෝග 16 හි විධිවිධාන ප්‍රකාරව හෙට( 14 දා) පාර්ලිමේන්තුවේ විශේෂ රැස්වීමක් කැඳවා තිබේ.

ලෝක රාජ්‍ය සමුළුව - 2025ට සහභාගිවීම සඳහා සිදු කෙරුණු ජනාධිපතිවරයාගේ තෙදින සංචාරයට සමගාමීව, එක්සත් අරාබි එමීර් රාජ්‍යය හා ශ්‍රී ලංකාව අතර ආර්ථික හා ආයෝජන සබඳතා ශක්තිමත් කිරීම සඳහා ප්‍රවර්ධන හා අන්‍යෝන්‍ය ආයෝජන ආරක්ෂණ ගිවිසුමකට එළැඹීම ද සිදු විය.

දිවයින පුරා පසුගිය ඉරිදා (09) වැනිදා විදුලි බිඳ වැටීමට පැලවත්තේ පිහිට පද්දති පාලන මධ්‍යස්තානයේ සිටි ඉංජිනේරුවන් 03දෙනා එම අවස්ථාවේ සේවයේ නොසිටීම හේතුවෙන් බව සඳහන් කරමින් අපරාධ පරීක්ෂණ දෙපාර්තමේන්තුවට අද (13දා) විදුලිය පාවිච්චි කරන්නන්ගේ සංගය පැමිණිල්ලක් ඉදිරිපත් කර ති​​බේ.

ඉන්දියාවේ අදානි ග්‍රීන් එනර්ජි සමාගම මෙරට ඩොලර් බිලියන 01ක සුළං බලශක්ති ව්‍යාපෘතියෙන් ඉවත්වීමට තීරණය කර ඇති බව වාර්තා​ වේ.

එක්සත් අරාබි එමීර් රාජ්‍යයේ පැවති ලෝක රාජ්‍ය සමුළුවට සහභාගී වූ ජනාධිපති අනුර කුමාර දිසානායක මහතා යළි දිවයිනට පැමිණ තිබේ.

මෙරට විශ්ව විද්‍යාල පද්ධතිය තුළ වසර ගණනාවක සිට පවතින අනධ්‍යන කාර්ය මණ්ඩල ගැටලු සඳහා වත්මන් රජය විධිමත් අවධානයක් යොමු නොකරන්නේ නම් ශිෂ්‍ය සංගම්වලද සහාය ලබාගෙන ඉදිරියේදී දැවැන්තත ක්‍රියාමාර්ගයක් දුන්නා බව පේරාදෙණිය විශ්වවිද්‍යාලයේ වෘත්තිය සමිති බලමණ්ඩලයේ ප්‍රධාන සභාපති ඩී.ඒ.ඩී. සුරංජීව මහතා පවසයි.

අස්වැසුම ප්‍රතිලාභීන්ගේ 2025 පෙබරවාරි මාසයට අදාළ මුදල අද දිනයේදි බැංකු ගත කරන බව සුබ සාධක ප්‍රතිලාභ මණ්ඩලය පවසයි.

අද (13දා) දිනයේ විදුලි කප්පාදුවක් සිදු කරන බව ලංකා විදුලිබල මණ්ඩලය සඳහන් කරයි.

ඒ අනුව පිරිමි සිංහ පැටියාට මේඝ යනුවෙන්ද, ගැහැණු සිංහ පැටවුන් පස් දෙනාට ටාරා, අග්‍රා, භූමි, අකීරා, සහ එල්සා යනුවෙන් නම් තැබීමට කටයුතු කර ඇත. එම නම් යෝජනා කළ අයගෙන් තුන්දෙනෙකු එම අවස්ථාවට එක්ව සිටි අතර ඔවුන්ට තිලිණ ප්‍රදානයක්ද සිදුකර තිබේ.

පානදුර මුහුදේ අද (12දා) සවස දිය නාමින් සිටි 13 දෙනෙකු ගහගෙන ගොස් ඉන් දොළොස් දෙනෙකු බේරාගෙන ඇති බවත් තරුණයකු දියේ ගිලී අතුරුදන්ව ඇති බවත් පානදුර ජීවිත ආරක්ෂක ඒකකය පවසයි.

ලස්සන ජීවිතයක් සහ ලස්සන ලෝකයක් නිර්මාණය කිරීමට ලෝකයේ සියලු රටවල් එකට එකතු වන ලෙසට තමා ආයාචනා කරන බව ජනාධිපති අනුර කුමාර දිසානායක මහතා පැවසීය.

සංචාරක ඕස්ට්‍රේලියානු කණ්ඩායමට එරෙහිව පැවති පළමු එක්දින තරගයෙන් ලකුණු 49ක ජයක් වාර්තා කිරීමට ශ්‍රී ලංකා කණ්ඩායම මීට සුළු ​මොහොතකට පෙර සමත් විය.

හෙට(13දා) විදුලි කප්පාදුව ගැන හෙට පෙරවරුවේ තීරණය කරන බව ලංකා විදුලිබල මණ්ඩලය පැවසීය.

කුවේට් රාජ්‍ය අග්‍රාමාත්‍ය ෂෙයික් අහමඩ් අබ්දුල්ලා අල් අහමඩ් අල් සබා සහ ජනාධිපති අනුර කුමාර දිසානායක මහතා අතර හමුවක් ඊයේ (11දා) පවත්වා තිබේ.

සංචාරක ඔස්ට්‍රේලියානු කණ්ඩායම සහ ශ්‍රී ලංකා කණ්ඩායම අතර පළමු එක්දින ක්‍රිකට් තරගය මේ වන විට කොළඹ ආර්.ප්‍රේමදාස ජාත්‍යන්තර ක්‍රිකට් ක්‍රීඩාංගනයේදී පැවැත්වේ.

සංචාරක ඔස්ට්‍රේලියානු කණ්ඩායමට එරෙහිව ශ්‍රී ලංකා නායක චරිත් අසලංක ශතකයක් රැස් කිරීමට සමත් විය.

යාපනය දිස්ත්‍රික් ස්වාධීන පාර්ලිමේන්තු මන්ත්‍රී රාමනාදන් අර්ච්චුනා මහතා පහරදුන් බවට පවසා පුද්ගලයන් දෙදෙනෙකු යාපනය රෝහලට ඇතුලත් වී තිබේ.

ඉතිහාසයේ ප්‍රථම වතාවට පොලිසියේ ලොකු පුටු 139 එකවර මාරු කොළඹ සහ තදාසන්න ප්‍රදේශවලට ස්ථානාධිපතිවරුන් සාමාන්‍ය රාජකාරී වලට

සංචාරක ඔස්ට්‍රේලියානු කණ්ඩායම සහ ශ්‍රී ලංකා කණ්ඩායම අතර පළමු එක්දින ක්‍රිකට් තරගය අද (11දා) පැවැත්වේ.

නොරොච්චොලේ බලගාරය 14 වන දින පද්ධතියට සම්බන්ධ කර ගැනිමට හැකි වුවහොත් 14 වන දින සිට විදුලි කප්පදුවක් සිදුනොවන බව විදුලිබල මන්ඩලයේ මාධ්‍ය ප්‍රකාශක, කැලණීතීස්ස සංයුක්ත චක්‍රීය බලාගාරයේ ප්‍රධාන ඉංජිනේරු ධම්මික විමලරත්න මහතා සදහන් කළේය.