පොලිස් ඇදිරි නීතිය ක්‍රියාත්මක වීමත් සමඟ අළුත්ගම පොලිස් වසමට අයත් අලුත්ගම කන්දේ විහාරකළුවාමෝදර කාලවිල මාර්ගයේ රාජ්‍ය අමාත්‍ය පියල් නිශාන්ත මහතාගේ නිවසට පිවිසෙන මාර්ගයේ ස්ථාන දෙකක මාර්ග බාධක යොදා පොලිස් නිලධාරීන් ආරක්ෂාවට යොදවා ඇතැයි උසස් පොලිස් නිලධාරියෙකු අද (3දා) සඳහන් කළේය.

රටේ පවතින තත්ත්වය සැළකිල්ලට ගෙන මේ මස 4 දින සිට 8 දින දක්වා බස්නාහිර පළාතේ සියලුම කතෝලික පුද්ගලික පාසල් හා කතෝලික ජාත්‍යන්තර පාසල් වසා තබන බව කතෝලික පුද්ගලික පාසල් සාමාන්‍යාධිකාරි ගැමුණු ඩයස් පියතුමා නිවේදනයක් නිකුත් කරමින් පවසයිි.

රට පුරා ඇදිරි නීතිය ක්‍රිියාත්මකව පැවැතියද අද දිනයේදී ජනතාව ස්වෙච්ඡාවෙන්ම පැවැත්වීමට නියමිතවූ විරෝධතා රටේ විවිධ ප්‍ර දේශවලින් ආරම්භ වී ඇතැයි අප ප්‍රා දේශීය වාර්තාකරුවන් පවසයි.

සමාජ මාධ්‍ය තහනම මෝඩ ක්‍රියාවක් බවත් රජයෙන් වැරදි ගණනාවක් සිදුවූ බවත් පාර්ලිමේන්තු මන්ත්‍රී මහාචාර්ය චරිත හේරත් මහතා සිය ට්විටර් ගිණුමෙන් පවසයි.

තමන් වී.පී.එන්. භාවිත කරන බවත් එවැනි තත්ත්ව පවතින විට සමාජ මාධ්‍ය තහනම් කිරිම සම්පූර්ණයෙන්ම නිෂ්ඵල ක්‍රියාවක් බව අමාත්‍ය නාමල් රාජපක්ෂ මහතා පවසයි.

අද දිනය පුරා ඇඳිිරි නීතිය පැනවීමට කටයුතු කිරීමත් සමාජ මාධ්‍ය තහනම් කිරීමට රජය ගත් පියවර නිසාත් රජය කෙරෙහි ජනතාවගේ පවතින අප්‍රසාදය තවදුරටත් ඉහළ යනු ඇතැයි දේශපාලක විචාරකයෝ පෙන්වා දෙති.

ශ්‍රීී ලංකා තොරතුරු තාක්ෂණ නිියෝජිතනායතනයේ ICTA සභාපතිධුරයෙන් ඕෂධ සේනානායක මහතා ඉල්ලා අස්වී තිිබේ. මේ සම්බන්ධයෙන් වූ ඉල්ලා අස්වීමේ ලිපිය ඔහු ජනපතිවරයාට යොමුකර ඇතිි බව වාර්තා වෙයිි.

දිවයින පුරා ඇඳිරි නීතිය ක්‍රියාත්මක බැවින් අද (03දාට) නියමිතව තිබූ උසස්පෙළ විභාගයේ ප්‍රා යෝගික පරීක්ෂණ නොපැවැත්වෙන බව විිභාග දෙපාර්තමේන්තුව කියයි.

බස්නාහිිර පළාත තුළ ඇඳිරි නීතිය කඩකළ පුද්ගලයන් 664ක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය කියයි. ඊයේ රාත්‍රී 10.00 සිට අද පෙරවරු 6.00 තෙක් මෙම පුද්ගලයන් අත්අඩංගුවට ගෙන තිබේ.

මෙම ආපදාසම්පන්න අවස්ථාවේදි ජනතාවට සහන ලබාදීම වෙනුවෙන් රජයේ සියලු අනවශ්‍ය වියදම් කපා දමා මැති ඇමති වරප්‍රසාද අඩුකර ඒවා මහජන සුබ සිද්ධිව වෙනුවෙන් කැපකර ජනතාවට මූලික අවශ්‍යතා ඉටුකර ගැනීම වෙනුවෙන් කටයුතු කරන ලෙස සිව්නිකායිික මහා නාහිිමිවරු රජයට විශේෂ ලිපියක් යොමුකරමන් පවසයි.

මෙම කෙටුම්පත දෙරටේ නායකයන් දෙදෙනා අතර සෘජු උපදේශන පැවැත්වීමට ප්‍රමාණවත් තරම් සංවර්ධනය කරමින් සකසා ඇති බව කියයි.

ආරක්ෂක අමාත්‍යාංශයේ ඉල්ලීම අනුව සමාජ මාධ්‍ය ජාලා තාවකාලිකව අවහිර කර ඇති බව තාක්ෂණ අමාත්‍යාංශය සඳහන් කරයි.

ප්‍රංශයේ පැරිස් නුවරදී වර්ෂ 2024 ඇරඹෙන ඔලිම්පික් උළෙලට ලොව පුරා ක්‍රීඩක ක්‍රීඩිකාවන් 10,500ක් පමණ එක්රැස් වන අතර ක්‍රීඩා 32කින්, රන් පදක්කම් 329ක් සඳහා ඔවුන් තරග කරනු ඇත.

ශ්‍රී ලංකාව තුළ සමාජ මාධ්‍ය ජාලා වෙත පිවිසීමේ බාධා ඇතිිව තිබෙන බව වාර්තා වෙයි. මේ අනුව ෆේස්බුක්,වට්ස්ඇප්, ඉන්ටග්‍රැම්,ට්විටර් ඇතුළු සමාජ මාධ්‍ය වෙත පිවිසීමේ බාධා ඇතිව තිබේ.

පෝලන්ත අගමැතිට අනුව යුක්රේනය සම්බන්ධයෙන් මොස්කව් වෙත දඬුවම් කිරීමට අදහස් කරන ලද පියවර අකාර්යක්ෂම වී තිබේ.

ඇදිරි නීතිය ක්‍රියාත්මක කාලය තුළදීී පොදු මාර්ගයක, දුම්රිය මාර්ගයක, පොදු උද්‍යානයක,පොදු ක්‍රීඩා භූමියක හෝ වෙනත් ඕනෑම පොදු ස්ථායක හෝ පොදු මුහුදු වෙරළේ නොසිටිය යුතු බව සඳහන් කරමින් ජනපති ගෝඨාභය රාජපක්ෂ මහතා විසින් අතිවිශේෂ ගැසට් නිිවේදනයක් නිකුත් කර තිබේ.

කෙසේ වෙතත් රුසියානු හමුදාව පවසා ඇත්තේ යුක්රේන හෙලිකොප්ටර් යානා දෙකක් මගින් සිවිල් මෙම ප්‍රහාරය එල්ල වූ බවයි.

උණුසුම් කාලගුණ තත්ත්වය පිළිබඳව අවවාදාත්මක නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර තිබේ.

අත්‍යාවශ්‍ය සේවා, විදේශීය තානාපති කාර්යාල නිලධාරීන්, විදෙස්ගතව හා විදේශයන්හි සිට ලංකාවට එන පුද්ගලයන්ට තම හැඳුනුම්පත් හා ගුවන් ගමන් ටිකට්පත් භාවිත කරමින් අදාළ ස්ථාන වෙත ගමන් කළ හැකි බව ශ්‍රී ලංකා පොලීසිය පවසයි.

රුසියානු අභ්‍යවකාශ ඒජන්සියේ ප්‍රධානියා පවසන්නේ සීමාවන් ඉවත් නොකළහොත් නාසා සහ යුරෝපා සංගමය සමග සුපුරුදු සහයෝගීතාවන් අවසන් කරන බවයි.

ඇ. ඩො. මිලි. 500ක ඉන්දියානු මූල්‍ය සහයෝගයක් යටතේ ශ්‍රී ලංකාවට ළඟා වූ ඩීසල් මෙට්‍රික් ටොන් 40,000ක් අද (02දා) ඉන්දීය මහ කොමසාරිස් විසින් බලශක්ති අමාත්‍ය ගාමිණි ලොකුගේ මහතාට භාර දෙන ලදී.

ඉන්දීය ණය පහසුකම යටතේ ශ්‍රී ලංකාවට ඩිසල් තොගයක් ලැබීමත් සමග දැනට සිදුකරන දීර්ඝ විදුලි කප්පාදුව හෙට දිනයේදි පැය1 විනාඩි 40 කට සීමා කර තිබේ.

ශ්‍රී ලංකාවේ පවතින විදුලි කප්පාදුව හේතුවෙන් පාසල් සිසුන් මුහුණපාන ගැටලු පිළිබඳව අවධානය යොමුකරමින් අප්‍රේල් පාසල් නිවාඩුව කලින් ලබාදෙන ලෙස ශ්‍රී ලංකා මහජන උපයෝගීතා කොමිෂන් සභාව අධ්‍යාපන අමාත්‍යාංශයට දන්වා ඇති බව වාර්තා වෙයි.

පොලීසිය දැක පළායාමට උත්සාහ කල අපරාධකරුවකු ගමන්ගත් යතුරු පැදියක් පෙරලියාමෙන් පසුව එහි තිබී ජීව අත් බෝම්බටක් ඊයේ (1)රාත්‍රියේදී බටපොල පොලීසිය මගින් සොයාගෙන තිබේ.

ඇඳිරි නීතිය ක්‍රියාත්මක වන හෙට දිනයේ දී පසුගිය දින කිහිපයට වඩා වැඩි කාලයක් විදුලිය ලැබෙන බව මහජන උපයෝගීතා කොමිසම නිකුත් කළ විදුලි සැපයුම් විසන්ධි කිරීමේ නිවේදනය අනුව පෙනී යයි.

කොළඹ පැවති උද්ඝෝෂණයේදි උද්ඝෝෂණයට සහභාගි වු පිරිසට සහ මාධ්‍යවේදින්ට පහර දිම තරයේ හෙලා දකින බවත්, තමන් රජයට තවදුරටත් සහය දක්වනවාද නැද්ද යන්න පිලිබදව ඉදිරියේදි දැඩි තිරණයක් ගන්නා බව රාජ්‍ය අමාත්‍ය ජිවන් තොණ්ඩමන් මහතා මාධ්‍ය හමුවක් පවත්වමින් පවසයි.

ලබන සඳුදා සිට අත්‍යාවශ්‍යම සිසුන් පමණක් පාසල්වලට කැඳවීමට විදුහල්පතිවරුන්ට අවසර ලබාදීමට අධ්‍යාපන අමාත්‍යාංශය තීරණය කර තිබේ

උද්ඝෝෂණ මුවාවෙන් පොදු දේපලවලට හානි සිදු කරයි නම්, වෙළඳසැල් කඩනවා නම්, නිවාසවලට අලාභ හානි කරනවා නම්, ඔවුන්ට විරුද්ධව පොලීසිය දැඩි නිතිමය පියවර ගන්නා බව මහජන ආරක්ෂක අමාත්‍ය සරත් වීරසේකර මහතා පවසයි.

මිරිහානේ පැවැති විරෝධතාවයේදී කළහකාරී ලෙස හැසුරුණ බවට චෝදනා කරමින් අත්අඩංගුවට ගෙන රෝහල්ගතව ප්‍රතිකාර ලබමින් සිටි තවත් සැකකරුවන් 26ක් රක්ෂිත බන්ධනාගාර ගත කිරීමට අධිකරණය නියෝග කර තිබේ.