කාසල්රි ජල පෝෂක ප්‍රදේශයට සහ නෝටන්බ්‍රිජ් , ලක්ෂපාන යන ප්‍රදේශවලට ඊයේ (12දා) දින රාත්‍රියේ සිට ඇද හැලෙන අධික වර්ෂාවත් සමග නෝටන්බ්‍රිජ් විමලසුරෙන්ද්‍ර ජලාශය වාන් දමන බවත්, ලක්ෂපාන ජලාශයේ වාන් දොරටු තුනක් විවෘත කර ඇති බව නුවරඑලිය ආපදා කලමණාකරණ ඒකකයේ සහකාර අධ්‍යක්ෂක රංජිත් අලහකොන් මහතා පැවසිය.

එසේම ඔහු රාජකාරියේ යෙදී සිටියදී ජීවිතක්ෂයට පත්වීම හෙතුවෙන් ඔහුගේ බිරිඳ හා දරුවන් වෙත රුපියල් ලක්ස 50ක මුදලක් පරිත්‍යාග කිරීමටද කටයුතු කර තිබේ

වෙසක් පුන් පොහෝ දිනයේදී විදුලි කප්පාදුවක් සිදු නොවන බවත් හෙට (14දා) පැය පහක විදුලි කප්පාදුවක් සිදු නොවන බවත් ශ්‍රී ලංකා මහජන උපයෝගිතා කොමිෂන් සභාව පවසයි.

ශ්‍රී ලංකාවේ ඉන්දිය මහ කොමසාරිස් ගෝපාල් භග්ලේ හා අග්‍රාමාත්‍ය රනිල් වික්‍රමසිංහ මහතා අතර හමුවක් පවත්වා තිබේ. මෙහිදී නව අග්‍රාමාත්‍යවරයා ලෙස රනිල් වික්‍රමසිංහ මහතා පත්වීම පිළිබඳව සුබ පැතුම් එක්කිරීමට ගෝපාල් භගලේ මහතා කටයුතු කර තිබේ.

ඉන්දියාවට වීසා නිකුත් කිරීම ශ්‍රී ලංකාවේ ඉන්දීය මහ කොමසාරිස් කාර්යාලය, ඉන්දියානු කොන්සියුලර් ජෙනරාල් කාර්යාලය හෝ සහකාර මහ කොමසාරිස් කාර්යාලය විසින් අත්හිටුවා ඇති බවට වන ප්‍රචාර මහ කොමසාරිස් කාර්යාලය ප්‍රතික්ෂේප කරයි.

මේ පිළිබඳව සිය ට්විටර් ගිණුම හරහා ප්‍රකාශයක් කරන පාර්ලිමේන්තු මන්ත්‍රී උදය ගම්මන්පිල මහතා ප්‍රකාශ කරන්නේ රජයට එක්නොවුණත් ආර්ථිකය නැවත යථා තත්ත්වයට පත්කිරීම වෙනුවෙන් ගන්නා වූ ක්‍රියාමාර්ග සඳහා සහාය දක්වා සිටින බවයි.

පාර්ලිමේන්තු මන්ත්‍රිවරයෙක් ලෙස තමන්ට හිමි වැටුප් හා සියලු දිමනා මැයි මාසයේ සිට ඔක්තෝබර් මාසය දක්වා මාස 6ක කාලසිමක් සඳහා කොළඹ රිජ්වේ ආර්යා ළමා රෝහලට පරිත්‍යාග කිරීමට ආචාර්ය විජයදාස රාජපක්ෂ මහතා තීරණය කර තිබේ. ඒ බව දන්වමින් ඔහු පාර්ලිමේන්තු මහ ලේකම්වරයාට ලිපයක්ද යොමුකර තිබේ.

ශ්‍රී ලංකා රග්බි සංගමය අත්හිටුවමින් හිටපු ක්‍රීඩා අමාත්‍ය නාමල් රාජපක්ෂ මහතා විසින් නිකුත් කළ අතිවිශේෂ ගැසට් නිවේදනය ක්‍රියාත්මක කිරීම අත්හිටුවමින් අභියාචනාධිකරණය අද (13) අතුරු නියෝගයක් නිකුත් කර තිබේ.

ඇමෙරිකානු ඩොලරයට සාපෙක්ෂව අද දිනයේදි රුපියල තරමක ශක්තිමත් තත්ත්වයක් අද පෙන්නුම් කළේය. ඒ අනුව ඊයේ දිනයට සාපේක්ෂව අද දිනයේදි ඇමෙරිකානු ඩොලරයක විකුණුම් මිල තරමක පහළ බැසීමක් පෙන්නුම් කර තිබේ. ඊයේ දිනයේදී රුපියල් 380කට ආසන්න අගයක තිබූ ඩොලරයක විකුණුම් මිල අද දිනයේදී රුපියල් 365කට ආසන්න අගයකට පහළ බැස තිබේ.

නව අග්‍රාමාත්‍ය රනිල් වික්‍රමසිංහ මහතා මීට සුළු මොහොතකට පෙර අග්‍රාමාත්‍ය කාර්යාලයේදී සිය රාජකාරී ආරම්භ කළේය.

කොළඹ - මීගමුව මාර්ගය මහබාගෙන් අවහිර කරමින් ප්‍ර දේශවාසීන් විරෝධතාවක නිරතව සිටියි. ගෑස් ඉල්ලා ඔවුන් මෙම විරෝධතාව පවත්වයි.

මධ්‍යම කඳුකරයට ඇද හැලෙන අධික වර්ෂාව නිසා පොල්ගොල්ල ජලාශයේ වාන් දොරටු තුනක් අද (13) දින විවෘත කර ඇති බව වේල්ල භාර ඉංජිනේරු කාර්යාලය ප්‍රකාශකයෙක් සඳහන් කළේය.

නව අග්‍රාමාත්‍යවරයා ලෙස පත්වූ රනිල් වික්‍රමසිංහ මහතාට සහාය නොදීමට සමගි ජන බලවේගය තීරණය කර තිබේ. ඒ අනුව ඔවුන් තවදුරටත් පාර්ලිමේන්තුවේ ප්‍රධාන විපක්ෂය ලෙසින් කටයුතු කිරිමට නියමිතය

නව රජයේ කැබිනට් මණ්ඩලය පාර්ලිමේන්තුව රැස්වීමට පෙරාතුව පත්කිරීමට යෝජිත බව වාර්තා වෙයි. එසේම එලෙස පත්කිරීමට යෝජිත අමාත්‍ය මණ්ඩලය 20 දෙනෙකුට සීමා කිරීමටද නියමිතය.

යුක්රේනය තුළ මෙම මුදල් වියදම් කරන ආකාරය පිළිබඳ දැඩි අධීක්ෂණයක් ඉල්ලා සිටින බැවින්, ඇමෙරිකාව පිරිනමන ඇ.ඩො.බිලියන 40ක ආධාර පැකේජය ප්‍රමාද වෙයි.

අරලිය ගහ මන්දිරය හා ගාලුමුවදොර ප්‍ර දේශයේ ඇතිවූ ප්‍රචණ්ඩකාරී තත්ත්වය හේතුවෙන් පහරකෑමට ලක්වූ හා තුවාල ලැබූ පුද්ගලයන් මෙන්ම හානි වූ දේපළ පිළිබඳව තොරතුරු ලබා දෙන ලෙස පොලිසිය ජනතාවගෙන් ඉල්ලා සිටියි.

කලින් සිතුවාට වඩා දියරමය ජලය අඟහරු ග්‍රහයා මත බොහෝ කාලයක් පැවතිය හැකි බව අඟවන උපකල්පනයන් තවත් වර්ධනය වීමට මෙම සොයාගැනීම් දායක වේ.

අග්‍රාමාත්‍ය ලේකම්වරයා ලෙස ඊ.එම්.එස්.බී. ඒකනායක මහතා අද (12) පස්වරුවේ කොළඹ, කොටුව ජනාධිපති මන්දිරයේ දී ජනාධිපති ලේකම් ගාමිණී සෙනරත් මහතා අතින් සිය පත්වීම් ලිපිය ලබාගෙන තිබේ.

ජනාධිපති ජෝ බයිඩන්‍ගේ ආසියානු සංචාරයට සමගාමීව ප්යොන්ග්යැන්ග් න්‍යෂ්ටික අත්හදා බැලීමක් සිදුකළ හැකි බව වොෂිංටනය අනාවැකි පළ කරයි.

1939දී දී මන්ත්‍රී ආසන 4ක සහයෝගයෙන් මහා බ්‍රිතාන්‍ය ‌යේ අග්‍රමාත්‍යවරයා ලෙස වින්ස්ටන් චර්චිල් පත්වූ බවත් ඔහු ඒසේ පත්වූයෙ අර්බුද හේතුවෙන් බවත් නව අග්‍රාමාත්‍ය රනිල් වික්‍රමසිංහ මහතා පවසයි.

ශ්‍රි ලංකා නැවත ශක්තිමත් කිරීම සඳහා නව අග්‍රාමාත්‍ය රනිල් වික්‍රමසිංහ මහතා සමග වැඩ කිරීමට සූදානම් බවත් ශ්‍රී ලංකාව මේ වන විට පත්ව තිබෙන අසීරු අවස්ථාවේදී අග්‍රාමාත්‍ය ධුරය භාර ගැනීම පිළිබඳව ඔහුට සුබ පැතුම් එක්කරන බවත් ජනපති ගෝඨාභය රාජපක්ෂ මහතා පවසයි.

හෙට දිනයේදි පැය 8කට ඇදිරි නීතිය ඉවත් කිරීමට කටයුතු යොදා තිබේ. ඒ අනුව හෙට පෙරවරු 6.00 ඇදිරි නීතිය ඉවත් කිරීමට නියමිතව තිබේ.

නව අග්‍රාමාත්‍යවරයා ලෙස පත්වූ රනිල් වික්‍රමසිංහ මහතා සමග වැඩ කිරීමට තමන් සූදානම් බව ශ්‍රී ලංකාවේ ඇමෙරිකානු තානාපති ජූලි චුන්ග් මහත්මිය පවසයි.

නව අග්‍රාමාත්‍යවරයා ලෙස දිවුරුම් දුන් අග්‍රාමාත්‍ය රනිල් වික්‍රමසිංහ මහතා වෙත හිටපු ජනපති මහින්ද රාජපක්ෂ මහතා සුබ පැතුම් එක්කර තිබේ.

නව අග්‍රාමාත්‍යවරයා ලෙස මෙරට හිටපු අග්‍රාමාත්‍යවරයෙක් වන රනිල් වික්‍රමසිංහ මහතා මීට සුළු මොහොතකට පෙර ජනපති ගෝඨාභය රාජපක්ෂ මහතා ඉදිරියේ දිවුරුම් දුන්නේය.

නව අග්‍රාමාත්‍යවරයා ලෙස එක්සත් ජාතික පක්ෂයේ නායක රනිල් වික්‍රමසිංහ මහතා මිට සුළු මොහොතකට පෙර ජනපති ගෝඨාභය රාජපක්ෂ මහතා ඉදිරියේ දිවුරුම් දී තිබේ.

’’ තෙලෙන් බැද්දත් කොබෙයියා. කිරෙන් බැද්දත් කොබෙයියා. තෙලෙන් බැද්දත්, කිරෙන් බැද්දත් කොබෙයියා බොල කොබෙයියා’’

දෙහිවල පුස්තකාල මාවත කෙලවර මුහුදු තීරයට (12 ) වන දින උදෑසන මියගිය අයෙකුගේ මළසිරුරක් ගොඩ ගසා තිබියදී හමුවී ඇතැයි දෙහිවල පොලීසිය කියයි.

හිටපු අග්‍රාමාත්‍ය මෙන්ම වත්මන් පාර්ලිමේන්තු මන්ත්‍රි රනිල් වික්‍රමසිංහ මහතා යළිත් අග්‍රාමාත්‍යධුරයට පත්කිරීමට ගෙන යන වැඩපිළිවෙළ පිළිබඳව ඕමල්පේ සෝභිත හිමි හා කාදිනල් මැල්කම් රංජිත් හිමිපාණෝ සිය විරෝධය ප්‍රකාශ කරති. සෝභිත හිමියන් කොළඹ පැවැත්වෙන මාධ්‍ය හමුවකදී ප්‍රකාශ කළේ රනිල් වික්‍රමසිංහ මහතා යළි අග්‍රාමාත්‍යධුරයට පත්කිරීම ව්‍යවස්ථා හා ක්‍රම විරෝධී බවයි.