බර්ටි දිසානායක පදනම දස වැනි වරටත් සංවිධානය කළ දුන්තෙල් බත් දන්සැල පොසොන් පෝදා අනුරාධපුර ගුවන්තොටුපළ පාරේ පිහිටි සැනසුම නිවසේදී ඊයේ (14දා) පස්වරුවේ සිට පසුදා (15දා) පහන්වන තුරු අනුරපුරට පැමිණි දහස් සංඛ්‍යාත බැතිමතුනගේ කුස ගිනි නිවමින් අති සාර්ථකව පැවැත්විණි.

පොසොන් පොහෝ දිනයේ සීගිරිය නැරඹීමට සඳහා දේශීය සංචාරකයින් 11600 කට අධික පිරිසක් පැය අටක් තුළ පැමිණ ඇතැයි මධ්‍යම සංස්කෘතික අරමුදල සීගිරි ව්‍යාපෘති කාර්යාලය සඳහන් කළේය.

ගොවි ජනතාව ආර්ථික මධ්‍යස්ථානවලට හා මැනිං වෙළෙඳ පොළට රැගෙන එන සීමිත එළවළු තොග ප්‍රමාණයවත් නිසි ලෙස විකුණා ගැනීමට නොහැකි වී තිබෙන බවත්, මෙය ඉතාමත් අවාසනාවන්ත තත්ත්වයක් බවත් සීමා සහිත සමස්ත ලංකා ඒකාබද්ධ විශේෂිත ආර්ථික මධ්‍යස්ථාන හා මැනිං වෙළෙඳ සමිතිය සඳහන් කරයි.

ඔමික්‍රොන් උප ප්‍රභේද වන BA.4 සහ BA.5 එක්සත් ජනපදයේ කොවිඩ්-19 ප්‍රභේදවලින් 21% සඳහා දායක වී ඇති අතර, ලෝක සෞඛ්‍ය සංවිධානයේ නිරීක්ෂණ ලැයිස්තුවට එක් කරන ලද මෙම නව ප්‍රභේද, යුරෝපයේ සැලකිලිමත් වීමේ ප්‍රභේද ලෙසද නම් කර ඇත.

ශ්‍රි ලංකා කණ්ඩායමට වැසි වාසි තිබූ තරගය නැවතත් ඔස්ට්‍රේලියාව දෙසට ගැනීමට තුන් ඉරියව් ක්‍රීඩක ග්ලේන් මැක්ස්වෙල් සමත්වූයේ පන්දු 51 කදී වේගවත් ලකුණු 80 රැස්කරමිනි. ඔහුගේ ඉනිමට හතරේ පහර 6ක් හා හයේ පහර 6ක් ඇතුළත් විය.

ගෑස්පෝර්ම් සමාගමේ සැලසුම්ගත දෛනික බෙදාහැරීම් පරිමාව ඝන මීටර් මිලියන 167ක් වන අතර, මෙම තත්ත්වය නිසා ගලායාම 40% කින් කපා හැර තිබේ.

තමා කළ ප්‍රකාශය මාලදිවයිනේ හිටපු ජනපති මොහොමඩ් නෂීඩ් ප්‍රතික්ෂේප කළත් තමන් කළ ප්‍රකාශයේ තමන් සිටින බවත් පාර්ලිමේන්තු මන්ත්‍රී හර්ෂද සිල්වා මහතා පැවැසීය.

මානව හිමිකම් කවුන්සිලයේදී ඒකාබද්ධ ප්‍රකාශයක් නිකුත් කරමින්, එක්සත් ජනපදය, නෙදර්ලන්තය සහ තවත් සමහර රටවල් චීනයේ ෂින්ජියැං උයිගුර් ස්වයං පාලන ප්‍රදේශයේ මානව හිමිකම් තත්ත්වය පිළිබඳව ඔවුන්ගේ බරපතල කනස්සල්ල ප්‍රකාශ කර ඇත.

ඉන්ධන ගැන අමාරුම සති තුන පැමිණ ඇති බවත් ඉන්ධන හා ගෑස් ලබාගැනීමට ඇති පෝලිම්වලින් ඒ බව පෙනෙන බවත් අග්‍රාමාත්‍ය රනිල් වික්‍රමසිංහ මහතා පැවැසීය.

දිගු රයිෆල් 20ක්, අත් තුවක්කු, කාට්රිජ්, වාහන, හමුදා නිල ඇඳුම් සහ ගුවන්විදුලි සන්නිවේදන උපකරණ ආරක්ෂක අංශ භාරයට ගත් බව පොලීසිය වැඩිදුරටත් පවසයි.

රට කඩා වැටී පෝලිම් ඇතිවී තිබෙන මොහොතක සොරාකෑම සඳහා පනත් පාර්ලිමේන්තුවට ඉදිරිපත් කරමින් සිටින බව සමගි ජන බලවේගයේ නායක, විපක්ෂනායක සජිත් ප්‍රේමදාස මහතා පැවසීය.

නයිජර් රාජ්‍යයේ, බුර්කිනා ෆාසෝ දේශසීමාව ආසන්නයේදී සන්නද්ධ සටන්කාමීන් එල්ල කළ ප්‍රහාරයකින් පැරාමිලිටරි පොලිස් භටයන් 08දෙනෙකු ජීවිතක්ෂයට පත්ව, තවත් 33දෙනෙකු තුවාල ලැබූ බව නයිජීරියානු රජය පවසයි.

ශ්‍රී ලංකාව මුහුණ දෙන ආර්ථික අර්බුදය හමුවේ චීනය ලබාදෙන මානුෂීය ආධාර යටතේ ලබාදෙන සහල් වලින් පළමු තොගය එළැඹෙන 25දා ශ්‍රී ලංකාවට ළඟාවීමට නියමිත බව ශ්‍රී ලංකාවේ චීන තානාපති කාර්යාලය පවසයි.

’’හර්ෂ ද සිල්වා දිගුකාලීන මිතුරෙකු වන අතර අපි නිතර හමුවෙමු. මම නිතරම ඔහුගේ ඇසුර භුක්ති විඳින්නෙමි. මෙම පුවත්පත් කතාව නිවැරදි නොවේ. රටවල් ගණනාවක් ශ්‍රී ලංකාවට උදව් කිරීමට කැමැත්තෙන් සිටින අතර, එම ආධාර ලැබෙනු ඇතැයි මම විශ්වාස කරමි.’’

කැළණිවැලි දුම්රිය මාර්ගයට නව කාර්යාල දුම්රියක් ධාවනයට එක්කිරීමත් සමගින් එම දුම්රිය මාර්ගයේ දුම්රිය කාලසටහනේ සුළු වෙනසක් සිදුකිරිමට සිදුව ඇති බව දුම්රිය දෙපාර්තමේන්තුව පවසයි.

අම්බලන්තොට, උස්සන්ගොඩ මුහුදු වෙරළේදී මුහුදු රළ පාගමින් සිටි පුද්ගලයන් 4ක් මුහුදු රළට ගසාගොන ගොස් ඇති අතර මෙහිදී එක් පුද්ගලයෙකු ගොඩට පීනා වීත් සිය ජීවිතය බේරාගෙන ඇති අතර ඉතිරි තිදෙනා අතුරුදන්ව තිබේ.

මෑතකාලීන ගවේෂණ සමීක්ෂණවලින් ඩොලර් ට්‍රිලියන 12කට අධික ටොන් මිලියන 31 ක පමණ රන් ලෝපස් නිධි සොයාගැනීමට සමත්ව ඇති බව උගන්ටා රජය නිවේදනය කර තිබේ. මේ අනුව එම නිධි ගොඩ ගැනීම වෙනුවෙන් විශාල ආයෝජකයින් ආකර්ෂණය කර ගැනීමට අවශ්‍ය බවත් උගන්ඩා රජය නිවේදනය කරයි.

පොසොන් පොහෝ දිනය හේතුවෙන් අද දිනයේදී හැකිතාක් දුරට විදුලිය කප්පාදු කිරීමෙන් වැළකී සිටීමට විදුලි බල මණ්ඩලය කටයුතු කරනු ඇතැයි මහජන උපයෝගීතා කොමිෂන් සභාවේ සභාපති ජනක රත්නායක මහතා පැවැසීය.

උඩරට වතුකරය ආශ්‍රිත ප්‍රදේශවල වැලි මුව ගහණය ඉහල ගොස් ඇතැයි උඩරට පරිසර සංගම් නියෝජිතයෝ පවසති. උඩරට වතුකරයේ තේ වතුවල හා ලඳු කැළෑ, පතන් හා එළිමහන් බිම් ආශ්‍රීතව මෙසේ වැලි මුවන් නිරත්තරයෙන්ම ගැවසෙන අයුරු නිරීක්ෂණය වී ඇතැයිද ඔවුහු සඳහන් කරති.

ඩොලර් මිලියන 2.5ක මුදලක් ගෙවා ගත නොහැකිව දින 8ක් තිස්සේ ශ්‍රී ලංකාව අවට මුහුදේ නැංගුරම් ලා සිටි ගෑස් රැගත් නෞකාවට අද දිනයේදී මුදල් ගෙවිමට හැකියාව ලැබී තිබේ.

ඒ අනුව 19 හැවැරිදි දුනිත්ට එක්දින ජාත්‍යන්තර වරම් හිමිව තිබේ. 19න් පහළ ලෝක කුසලාන තරගාවලියේදී දුනිත් වෙල්ලලගේ දැක්වූ දක්ෂතා හේතුවෙන් ඔහු බොහෝ දෙනෙකුගේ අවධානය දිනාගත් ක්‍රීඩකයෙක් බවට පත්විය.

විස්සයි20 තරග තුනකට හා එක්දින තරග තුනකට එක්වීම සඳහා ඉන්දීය කාන්තා ක්‍රිකට් කණ්ඩායම ශ්‍රී ලංකාවට පැමිණීමට නියමිතව තිබේ.

යතුරු පැදියකින් පැමිණ නාඳුනන තුවක්කුකරුවන් දෙදෙනෙක් විසින් සිදුකළ වෙඩි තැබීමකින් පුද්ගලයෙකු ජීවිතක්ෂයට පත්ව ඇතැයි පොලීසිය කියයි. වෙඩි වැදීමෙන් තුවාල ලැබූ පුද්ගලයා රාගම රෝහලට ඇතුළත් කිරීමේදී ජීවිතක්ෂයට පත්ව ඇති තිබේ.

අත්අඩංගුවට ගත් සැකකරුවන් තිදෙනා එම මාර්ගයේම ධාවනය කරන පෞද්ගලික බස් රථයක අයිතිකරු සහ එම සොරකමට සහයෝගය දැක්වු එම වතුයායේම තරුණයන් දෙදෙනෙකු බව පොලිසිය පැවසිය.

පාසල්වල පළමුවන ශ්‍රේණියට සිසුන් ඇතුළත් කිරිමට අදාළව නව චක්‍ර ලේඛයක් නිකුත් කිරීමටත් එය ලබන වසරේ සිට එනම් 2023 සිට ඉදිරියට පාසල්වල පළමු ශ්‍රේණියට ළමුන් ඇතුළත් කිරීමේදී චක්‍රලේඛයේ විධිවිධාන අදාළ කර ගැනීමට අධ්‍යාපන අමාත්‍යවරයා ඉදිරිපත් කළ යෝජනාවට කැබිනට් අනුමැතිය ලැබී තිබේ.

සිය සමාගම විසින් ශ්‍රී ලංකාවේ සිදුකිරිමට යන සූළං බල ව්‍යාපෘතිය සම්බන්ධයෙන් ඇතිව තිබෙන තත්ත්වය පිළිබඳව කනගාටුවට පත්වන බව ඉන්දියාවේ ප්‍රමුඛ පෙළේ ව්‍යාපාරයක් වන අදානි සමාගම් සමූහය නිවේදනයක් නිකුත් කරමින් පවසයි.

සමස්ත ලංකා ප්‍රවාහන වෘත්තිකයන්ගේ ඒකාබද්ධ මෙහෙයුම් මධ්‍යස්ථානය යටතේ ලියාපදිංචි වී සිටින ලක්ෂ 15ක් පමණ වන ප්‍රවාහන සංගම්වල සාමාජිකයන්ට අයත් වාහනවල ලීසිං වාරික හා වාහන මිලදී ගැනීමට ලබාගත් බැංකුවල වාරික ගෙවීම ඊයේ (13දා) සිට නවත්වා දැමීමට තීරණය කළ බව එම සංගමයේ කැඳවුම්කරු සම්පත් රණසිංහ මහතා සඳහන් කළේය.

වසරකට මුළු පිරිවැටුම රුපියල් මිලියන 120ක් ඉක්මවන ආනයනකරුවන්, නිෂ්පාදකයන්, සේවා සපයන්නන්, තොග වෙළඳුන් හා සිල්ලර වෙළඳුන් සඳහා සියයට 2.5ක අනුපාතයක් යටතේ නව බද්දක් වශයෙන් සමාජ ආරක්ෂණ දායකත්වය බද්ද හඳුන්වාදීමට තීරණය කර තිබේ.

ජලය, විදුලිය, සෞඛ්‍ය, ආරක්ෂක සේවා, අධ්‍යාපන, ප්‍රවාහන, වරාය හා ගුවන් සේවා වැනි අත්‍යාවශ්‍ය සේවා සපයන රාජ්‍ය ආයතන හැර ඉතිරි රාජ්‍ය ආයතන ඉදිරි මාස තුනක කාලය තුළ සිකුරාදා දිනවල වසා තැබීමට කැබිනට් අනුමැතිය ලැබී තිබේ.