ලෝක කුසලාන පාපන්දු තරගාවලියේ පෝලන්තය සමගින් පැවති තරගය ගෝල 2-0 ක් ලෙසින් ජය ගැනිමට ආර්ජන්ටිනාව සමත්විය. ‘සී’ කාණ්ඩයේ පැවති තරගය දෝහා හිදී පැවැත්විණි.

‍චරිත් අසලංක නොදැවී රැස් කළ ලකුනු 83 ත් කුසල් මෙන්ඩිස්ගේ අර්ධ ශතකයත් නිසා සංචාරක ඇෆ්ගනිස්ථානය සමගින් පැවති තෙවැනි හා අවසන් එක්දින තරගයෙන් කඩුළු 4 ක විශිෂ්ඨ ජයක් හිමිකර ගැනීමට ශ්‍රී ලංකාව සමත්විය.

ආහාර කාණ්ඩයෙහි වාර්ෂික ලක්ෂ්‍යමය උද්ධමනය 2022 ඔක්තෝබර් මාසයේ පැවති 85.6%හි සිට 2022 නොවැම්බර් මාසයේදී 73.7% දක්වා පහළ ගොස් තිබේ.

සංචාරක ඇෆ්ගනිස්ථානය සමගින් පැවැත්වෙන තෙවැනි හා අවසන් එක්දින තරගයේ ලකුනු 314ක ඉලක්කයක් හඹායන ශ්‍රී ලංකා කණ්ඩායමේ ආරම්භක පිතිකරු කුසල් මෙන්ඩිස් සිය 20 වැනි එක්දින අර්ධ ශතකය වාර්තා කලේය

විදේශ රැකියා ලාභීන් ශ්‍රී ලංකා විදේශ සේවා නියුක්ති කාර්යාංශයේ ලියාපදිංචි කිරීමේදී විදේශ ගමන් බලපත්‍රයෙහි අලවනු ලබන ආරක්ෂිත මුද්දර ව්‍යාජ අයුරින් යොදාගෙන ඕමානයට විදේශ ගත වීමට උත්සහකල කාන්තාවන් දෙදෙනෙකු පසුගියදා කටුනායක ගුවන් තොටුපල නිළධාරීන් විසින් විදේශ සේවා නියුක්ති කාර්යාංශයේ විශේෂ විමර්ශන අංශයට යොමුකරන ලදී.

මිනිසුන් සභා යාඥාවෙන් පිටව යමින් සිටියදී මෙම පිපිරීම සිදුව ඇති බව පැවසෙන අතර ප්‍රාදේශීය රෝහලේ වෛද්‍යවරයකු පැවසුවේ මියගිය අයගෙන් වැඩි දෙනෙක් පාසලේ සිසුන් බවයි.

ශ්‍රී ලංගම සේවකයින්ට ප්‍රසාද දීමනා වශයෙන් රු. 20,000/- ක මුදලක් ද පාසල් උපකරණ මිලදී ගැනීම සඳහා රුපියල් 20,000/- ක මුදලක් ද වශයෙන් රුපියල් 40,000/- මුදලක් ලබාදීමට කඩිනමින් මැදිහත් වන ලෙස සමස්ත ලංකා ප්‍රවාහන සේවක සංගමය ජනපති රනිල් වික්‍රමසිංහ මහතාගෙන් ඉල්ලා සිටියි.

ගෝඨාභය රාජපක්ෂ මහතා ජනාධිපතිධූරය අත්හැර ගියහොත් පාර්ලිමේන්තුව හරහා තමන්ට ජනාධිපතිධූරය ලබා ගැනීමට හැකි යැයි විශ්වාස කළ බැසිල් රාජපක්ෂ මහතා ඒ සඳහා උපකාරී වන අයුරින් රටේ ආර්ථික අර්බූදය උඩුදුවන තුරු බලා සිටි බව පිවිතුරු හෙළ උරුමයේ නායක නීතිඥ උදය ගම්මන්පිල මහතා පවසයි.

පසුගිය කාලය තුළ විදුලි ගාස්තු වැඩි කළද එය විදුලිබල මණ්ඩලයේ පාඩුව පියවා ගැනීමට ප්‍රමාණවත් නොවන බැවින් විදුලි ගාස්තු වැඩි කිරීම සදහා කළ ඉල්ලීමට මේ වන විට කැබිනට් අනුමැතිය හිමිවූ බව “ආර්ථිකය ස්ථායීකරණයට අදාළ කෙටි සහ මධ්‍ය කාලීන වැඩසටහන් හඳුනා ගැනීම සඳහා වන ජාතික සභා අනු කමිටුවේදී” ඊයේ (29දා) අනාවරණය විය.

1989 ටියැනන්මෙන් චතුරශ්‍ර සිදුවීම මූලික කරගෙන බටහිර රාජ්‍යයන් විසින් චීනය නොසලකා හැරීමෙන් පසු චීනය ජාත්‍යන්තර ප්‍රජාවට සාර්ථකව ඒකාබද්ධ කිරීම සම්බන්ධයෙන් ජියැන්ග් බොහෝ විට ගෞරවයට පාත්‍ර වේ.

ජනතාවට අවශ්‍ය වන්නේ කුසගින්නට බත් කටක් බවත් අංගුලිමාල හා දේවදත්ත ගැන කතා නොවන බවත් සමගි ජන බලවේගයේ පාර්ලිමේන්තු මන්ත්‍රී මුජිබුර් රහුමාන් මහතා පවසයි.

රටේ ආර්ථික තත්ත්වය ලිහිල් කිරීම සඳහා රජය ගෙන ඇති කෙටිකාලීන ක්‍රියාමාර්ග පිළිබඳව තෘප්තිමත් වන බව ලෝක බැංකුව සඳහන් කරයි.

චීන ගගනගාමීන් විසින් කාර්ය මණ්ඩලයක් සහිත අභ්‍යවකාශ යානයක් පිළිගත් පළමු වැනි අවස්ථාව මෙන්ම, චීන ගගනගාමීන් 6දෙනෙකු එකවර අභ්‍යවකාශයේ රැඳී සිටින ප්‍රථම අවස්ථාව ලෙසද මෙය ඉතිහාසගත වෙයි.

වර්ථමාන ජනාධිපතිතුමා වුණත් හිතන්නේ මේ තියන මොනා හරි ටිකක් විකුණලා විදේශ වත්කම් සංචිතයට බිලියන 3-4ක් දා ගත්තම අපි රේටින්ග් වලින් උඩට එනවා. ඒ විදියට උඩට ආවම ආපසු ණය කකා ජොලියේ ඉන්නවා යැයි ස්වාධීන වූ කණ්ඩායම නියෝජනය කරන පාර්ලිමේන්තු මන්ත්‍රී විමල් වීරවංශ මහතා පැවසීය.

අයවැයෙන් කර්මාන්ත අමාත්‍යාංශට වෙන් කර තිබෙන මුදල් පිළිබඳ සෑහීමකට පත්විය නොහැකි බවත්, එය රටේ ඉදිරි ගමනට පැහැදිලි ගැටළුවක් බවත් වැවිලි කර්මාන්ත හා කර්මාන්ත අමාත්‍ය වෛද්‍ය රමේෂ් පතිරණ මහතා පැවසීය.

කුරුළු උණ පැතිරීම හේතුවෙන් පේරු රාජ්‍යයේ පසුගිය සති කිහිපය තුළ පෙලිකන් සතුන් 5,500කට වැඩි පිරිසක් මරණයට පත්ව තිබේ.

එක්ස්ප්‍රස් පර්ල් නෞකාවෙන් මෙරටට වුණු හානියට වන්දි ලැබීමට තිබු ඇමරිකානු ඩොලර් බිලියන 7ක මුදල ඩොලර් බිලියන 3ක් දක්වා අඩු වී ඇති බව නාගරික සංවර්ධන හා නිවාස රාජ්‍ය අමාත්‍ය අරැන්දික ප්‍රනාන්දු මහතා පැවසීය.

එළඹෙන නත්තල් උත්සව සමයේ ඉල්ලුමට සරිලන එළවළු සැපයුමක් වෙලදපොලට ලබාදිට නොහැකි විම හමුවේ දේශිය වෙලදපොලේ එළවළු මිල තවදුරටත් ඉහල යන බව සමස්ථ ලංකා ආර්ථික මධ්‍යස්ථාන එකමුතුවේ සභාපති අරුණ ශාන්ත හෙට්ටිආරච්චි මහතා අවධාරනය කරයි.

සත්කාරක ශ්‍රී ලංකා කණ්ඩායම සමගින් පැවැත්වෙන තෙවැනි හා අවසන් එක්දින තරගයේ කාසියේ වාසිය දිනා ගත් ඇෆ්ගනිස්ථානය පළමුවෙන් පන්දුවට පහරදීමට තීරණය කරයි.

මුහුදු කූඩැල්ලන්, ඉස්සන් වගාව හා ටින් මාලු කර්මාන්තය සංවර්ධනය කිරීමට අවශ්‍ය සහයෝගය දැක්වීමට ජපානයේ ප්‍රමුඛ පෙලේ ආයෝජකයින් පිරිසක් ධීවර අමාත්‍ය ඩග්ලස් දේවානන්දා මහතා හමුවී කැමැත්ත පළ කර තිබේ.

ඊසී කෑෂ් මුදල් හුවමාරු ක්‍රමය යටතේ මහා පරිමාණයෙන් හෙරෝයින් මත්කුඩු පැකට් අලෙවි කිරිමේ ජාවාරමක නිරත වු මවක් හා ඇගේ පුත්‍රයා ඊයේ (29දා) වැලිගම ගුරුබැබිල ප්‍රදේශයේ කුලී නිවසක දී සැක පිට ප්‍රශ්න කිරීම සදහා අත්අඩංගුවට ගත් බව මාතර කොට්ඨාස දූෂණ මර්ධන ඒකකය පවසයි.

යාපනය කෝපායි පොලිස් වසමේ 15 හැවිරිදි සිසුවෙකු ළමයෙකු මත්ද්‍රව්‍ය ශරීරගත වීම හේතුවෙන් ඇති වූ අසාධ්‍ය තත්වයක් හේතුවෙන් ඊයේ (29දා) මිය ගොස් ඇතැයි පොලීසිය පවසයි.

යාල වනෝද්‍යානයට පැමිණෙන දෙස් විදෙස් සංචාරකයින්ට දිවා කාලයේ විවේක ගැනීම සඳහා විවේක ස්ථානයක් (Resting Place) ඉදිකිරීමට තීරණය කර තිබේ.

බුදුන්ට එරෙහිව කටයුතු කරනු ලැබුවේ බුදු සසුනේ පැවිදි වුණු කුමන අංගුලිමාලද යන්න ජනාධිපති රනිල් වික්‍රමසිංහ මහතාගෙන් දැනගැනීමට අවශ්‍ය බවත්, අනුන්ට බණ දේශනා කරන්න පෙර තමුන් සුදුසු ගුණයේ පිහිටා සිටිය යුතු බවත් විපක්ෂනායක සජිත් ප්‍රේමදාස මහතා පැවසීය.

ජල නළයක් පුපුරා වසර අටක් මුළුල්ලේ විසි හතර පැය පුරාවට විශාල ජල නාස්තියක් සිදුවන බවත් අවස්ථා කිහිපයකදී මේ සම්බන්ධයෙන් බළධාරින් දැන්වත් කර ඇතත් නිසි ක්‍රියාමාර්ගයක් ගෙන නොමැති බවත් පානදුර මූලික රෝහලෙන් වාර්තා වේ.

නිසි සැලසුමකින් තොරව සංවර්ධන ව්‍යාපෘති කිරීමෙන් මහජන මුදල් අපතේ යන බවත් වර්තමානයේදී ඉඳිකිරීම් කේෂ්ත්‍රයේ කඩා වැටීමට එවැනි අන්තනෝමතික ක්‍රියා දැඩිව බලපා තිබෙන බවත් නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

මස්කෙලිය නල්ලතන්නිය ශ්‍රි පාද ප්‍රධාන මාර්ගයේ නායයාම් සහ ගල් පර්වත පෙරලිමේ දැඩි අවධානමක් සහිත ස්ථාන ප්‍රතිසංස්කරණය කිරිමේ කටයුතු මාර්ග සංවර්ධන අධිකාරිය සහ ජාතික ගොඩනැගිලි පර්යේෂණ ආයතනය විසින් මේ වන විට ආරම්භ කර ඇත.

මරදාන සිට බෙලිඅත්ත බලා ධානවය වන ගාලු කුමාරි දුම්රියට පැන සිය දිවි නසා ගැනිමට ඊයේ (29දා) සවස පැමිණි අයෙක් පීලි අතර දිගාවී සිට දුම්රිය නතර කළ පසු පැන ගොස් ඇතැයි වාර්තා වේ.

කඳුකර කොටියන් ඇතුළු වන සතුන් ඉලක්ක කරගනිමින් අටවන ලද මදු, උඟුල්, තුවක්කු බැදීම්, අනවසර තුවක්කු තබා ගැනීම්, හක්කපටස් ඇටවීම්, විදුලිය යොදා කම්බි රැහැන් ඇදීම් වැනි ක්‍රියා සම්බන්ධයෙන් හා වන සතුන්ට සිදුවන වෙනත් පීඩාකාරී හානි පිළිබඳව දුරකතන අංක 1992 ට අමතා වනජීවී දෙපාර්තුමේන්තුවට කඩිනමින් දැනුම්දීමට පියවර ගන්නා ලෙස වනජීවී නිලධාරීහු ජනතාවගෙන් ඉල්ලා සිටිති.