මෙම සම්බාධකවලට ගමන් තහනමකින් සහ වත්කම් රඳවා ගැනීමකින් සමන්විත වේ. ඊට අමතරව, ලැයිස්තුගත පුද්ගලයන්ට සහ ආයතනවලට අරමුදල් ලබා දීම යුරෝපා සංගම් පුරවැසියන්ට සහ සමාගම්වලට තහනම් කර ඇත.

ඉන්ධන මිල සංශෝධනය කිරීම ඇතුළු කරුණු කිහිපයක් මත ලංකා ඛනිජ තෙල් නීතිගත සංස්ථාව ජුලි, අගෝස්තු හා සැප්තැම්බර්ය යන මාසවලදි ලාභයක් ලබා ඇතැයි විදුලි බල හා බලශක්ති අමාත්‍ය කංචන විජේසේකර මහතා පවසයි. අමාත්‍යවරයා මේ බව සඳහන් කළේ අද පාර්ලිමේන්තුවේදීය.

ජාත්‍යන්තර අභ්‍යවකාශ මධ්‍යස්ථානයේ (ISS) සේවය කරන ’රුසියානු ගගනගාමියෙකු’ යැයි පවසමින් පුද්ගලයෙකු ජපාන කාන්තාවකගෙන් යෙන් මිලියන 4.4ක් (ඩොලර් 30,000) වංචා කර තිබේ.

ශ්‍රී ලංකාවේ ආර්ථික තත්ත්වය හා එක්සත් ජනපද-ශ්‍රී ලංකා සබඳතා පිළිබඳව සාකච්ඡා කිරීම සඳහා දකුණු සහ මධ්‍යම ආසියානු කටයුතු පිළිබඳ ඇමෙරිකානු සහකාර රාජ්‍ය ලේකම් ඩොනල්ඩ් ලූ මහතා ශ්‍රී ලංකාවේ සංචාරය කරන බව ඇමෙරිකානු රාජ්‍ය දෙපාර්තමේන්තුව නිවේදනය කරයි.

වාද්දුව මොල්ලිගොඩ ප්‍රදේශයේ සංචාරක හෝටලයක පිහිනුම් තටාකය තුල කොරියානු ජාතිකයෙක් මියගොස් සිටි බව වාද්දූව පොලීසිය පවසයි.

ගුවන් යානා ඉන්ධන සැපයීමේදී ශ්‍රී ලංකා ඛනිජ තෙල් නිතිගත සංස්ථාවට ඇති ඒකාධිකාරිය ලිහිල් කරන බව අමාත්‍ය කංචන විජේසේකර මහතා පැවැසීය. ඛනිජ තෙල් නිශ්පාදන විශේෂ විධිවිධාන පනත් කෙටුම්පත පාර්ලිමේන්තුවට ඉදිරිපත් කරමින් ඔහු කළ ප්‍රකාශයේදී මේ බව සඳහන් කළේය.

පන්දුවාර විස්සයි20 ලෝක කුසලාන තරගාවලිය යටතේ ශ්‍රී ලංකා කණ්ඩායම හා එක්සත් අරාබි ඒමීර් කණ්ඩායම අතර පැවැත්වෙන තරගයේ කාසිය‌ේ වාසිය දිනාගත් එක්සත් අරාබි ඒමීර් රාජ්‍ය මුලින්ම පන්දුවට පහරදීමේ අවස්ථාව ශ්‍රී ලංකාවට ලබාදුන්නේය. ලෝක කුසලානය තුළ ශ්‍රී ලංකාවට රැදී සිටීමට නම් මෙම තරගය තිරණාත්මක වෙයි.

පන්දුවාර විස්සයි20 ලෝක කුසලාන තරගාවලිය යටතේ ශ්‍රී ලංකා කණ්ඩායම හා එක්සත් අරාබි ඒමීර් කණ්ඩායම අතර පැවැත්වෙන තරගයේ කාසිය‌ේ වාසිය දිනාගත් එක්සත් අරාබි ඒමීර් රාජ්‍ය මුලින්ම පන්දුවට පහරදීමේ අවස්ථාව ශ්‍රී ලංකාවට ලබාදුන්නේය. ලෝක කුසලානය තුළ ශ්‍රී ලංකාවට රැදී සිටීමට නම් මෙම තරගය තිරණාත්මක වෙයි.

ලෝක කුසලාන තරගාවලියේ පළමු වටයේ තරගයක් ලෙසින් නැම්බියා කණ්ඩායම හා නෙදර්ලන්ත කණ්ඩායම අතර පැවැති තරගයෙන් කඩුලු 5ක ජයක් ලැබීමට නෙදරල්නත් කණ්ඩායම සමත්විය.

ශ්‍රී ලංකාවේ රාජ්‍ය ණය සීමාව රුපියල් බිලියන 666කින් ඉහළ දැමීමට ජනපති රනිල් වික්‍රමසිංහ මහතා මුදල් අමාත්‍යවරයා ලෙස ඉදිරිපත් කළ යෝජනාවකට කැබිනට් අනුමැතිය ලැබුණ බව කැබිනට් ප්‍රකාශක අමාත්‍ය බන්දුල ගුණවර්ධන මහතා පැවැසීය.

ශ්‍රී ලංකාවේ ණය අර්බුදය විසඳීමේ අපේක්ෂාවෙන් මේ වසර අවසන් වන විට ශ්‍රී ලංකාවේ ණය හිමියන්ගේ රැස්වීමක් සංවිධානය කිරීමට ජපානය කටයුතු කරමින් සිටින බව ජපාන මාධ්‍ය වාර්තා කරයි.

ඉන්දියාවේ දී ශ්‍රී ලාංකික ව්‍යාපාරිකයෙකු සමග හෝටලයක අඹු සැමියන් ලෙස හැසිරී ඒය ජංගම දුරකථනයෙන් වීඩියෝ කර එම වීඩියෝව ලංකාවේ නිවැසියන්ට පෙන්වන බවට තර්ජනය කරමින් අදාළ ව්‍යාපාරිකයාගෙන් රුපියල් ලක්ෂ 70ක කප්පම් මුදල් ලබා ගැනීමට උත්සාහ දැරූ රූමත් කාන්තාවක් සහ තවත් පුද්ගලයෙකු මෝටර් රථයක් සමඟ අත්අඩංගුවට ගත් බව කළුතර කොට්ඨාස අපරාධ විමර්ශණ ඒකකය පවසයි.

පූර්ණ කාලීන කුලී ත්‍රි රෝද රථ ‌රැකියාවේ නිරත පුද්ගලයන් වෙනුවෙන් අමතර ඉන්ධන කෝටාවක් තවත් සති දෙකකදී පමණ ලබාදෙන බව විදුලි බල හා බලශක්ති අමාත්‍ය කංචන විජේසේකර මහතා පවසයි.

විදුලි බිල සංශෝධනය කළද මේ වසරේදී ලංවිම රුපියල් බිලියන 152ක පමණ අලාභයක් ලබනු ඇතැයි ගණන් බලා ඇති බව විදුලි බල හා බලශක්ති අමාත්‍ය කංචන විජේසේකර මහතා පැවැසීය.

2022 යල කන්නයේ දී රජය විසින් වී වගාවට දුන් පොහොර යුරියා පොහොර වසර 15කට පසු වී වගාව සඳහා ලැබුනු හොඳම පොහොර බව ගොවි නියෝජිතයෝ පැවසූහ.

කාසල්රි ජලාශය පිටාර මට්ටමට අගල් 4 ක් සහ මවුස්සාකැලේ ජලාශය පිටාර මට්ටමට අගල් 8 ක් දක්වා ආසන්න වි ඇති බවත්, එම ජලාශ දෙකේම ජල ධාරිතාව පිටාර මට්ටම ආසන්න විම නිසා කැනියොන් , ලක්ෂපාන , නව ලක්ෂපාන , පොල්පිටිය සහ විමලසුරෙන්ද්‍ර යන ජල විදුලි බලාගාර වල විදුලි උත්පාදනය උපරිම ධාරිතාවෙන් සිදු කරන බව එම ජල විදුලි බලාගාර ඉංජිනේරුවන් පැවසිය.

ඛනිජ තෙල් සේවාව පසුගිය මාස 6 තුළ අත්‍යාවශ්‍ය සේවාවක් ලෙස ප්‍රකාශයට පත් කර ඇති බවත් කිසියම් සේවකයෙකු හෝ වෘත්තීය සමිතියක් අත්‍යාවශ්‍ය සේවා රෙගුලාසි උල්ලංඝණය කරමින් සේවා කඩාකප්පල් කරන බව අනාවරණය වුවහොත් ඔවුන්ට එරෙහිව වහාම නීතිමය හා විනයානුකූල ක්‍රියාමාර්ග ගන්නා බව විදුලි බල හා බලශක්ති අමාත්‍ය කංචන විජේසේකර මහතා පවසයි.

පෙට්‍රෝලියම් කර්මාන්තය තවදුරටත් විවෘත කිරීමට අදාළව සකස් කර ඇති ඛනිජ තෙල් විශේෂ විධිවිධාන සංශෝධන පනත අද පාර්ලිමේන්තුවේදී විවාදයට ගැනීමට නියමිතය.

ආර්ථික ස්ථාවරත්වය යථා තත්ත්වයට පත් කිරීම සඳහා රජය ගෙන ඇති දුෂ්කර, නමුත් අත්‍යවශ්‍ය ප්‍රතිසංස්කරණ පිළිබඳව ජාත්‍යන්තර මූල්‍ය අරමුදලේ කළමනාකාර අධ්‍යක්ෂවරිය වන ක්‍රිස්ටලිනා ජෝර්ජියෝවා මහත්මිය රජයට ප්‍රශංසා කළ බව මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.

2022 සඳහා වන බුකර් සම්මානය දිනා ගැනීමට ශ්‍රී ලාංකික ලේඛක ශෙහාන් කරුණාතිලක සමත් විය. සාහිත්‍ය වෙනුවෙන් පිරිනැමෙන ඉහළම ජාත්‍යන්තර සම්මානය ලෙස සැලකෙන බුකර් සම්මානයට පාත්‍ර වූයේ ශෙහාන් කරුණාතිලකගේ දෙවැනි නව කතාව වන ’සෙවන් මූන්ස් ඔෆ් මලී අල්මේදා’ (Seven moons of Mali Almeida) ය.

රුපියල් ලක්ෂ 70ක පමණ විදුලි බිලක් නොගෙවීම නිසා රූපවාහිනි සංස්ථාවට ලබාදී තිබූ විදුලි සැපයුම අද දහවල් අත්හිටුවීමට ලංකා විදුලිබල මණ්ඩලය කටයුතු කළේය.

බිලියන ගණනක මුදල් වංචාවක් කළ බවට අත්අඩංගුවට ගෙන මේ වන විට අපරාධ පරීක්ෂණ දෙපාර්තමේන්තුව මගින් පරීක්ෂණ පවත්වන තිළිණි ප්‍රියමාලි නම් තැනැත්තියගේ ව්‍යාපාරික හවුල් කරු බව කියන ඉසුරු බණ්ඩාර නැමැත්තා අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබේ.

22වැනි ආණ්ඩුක්‍රම ව්‍යවස්ථා සංශෝධනය සඳහා කොන්දේසි සහිතව සහයෝගය ලබාදීමට සමගි ජන බලවේගය තීරණය කර තිබෙන බව එම පක්‍ෂයේ ජාතික සංවිධායක, පාර්ලිමේන්තු මන්ත්‍රී තිස්ස අත්තනායක මහතා පැවසීය.

දකුණු මුහුදු තීරයේ මෙහෙයුමක නිරත සිටියදී අතුරුදහන්ව සිටින නාවික හමුදා සාමාජිකයන් හයදෙනා හා යාත්‍රාව සොයා ගැනීමේ මෙහෙයුම් අඛණ්ඩව සිදුකරන බවත්, ඒ සඳහා විදේශ රටවල්වලින්ද මේ වනවිට සහායෝගය ලබාගෙන තිබෙන බවත් නාවික හමුදා මූලස්ථානය සඳහන් කරයි.

නීති හදන කම්කරු ඇමැතිවරයෙකු වීමට තමාට කිසිදු බලාපොරොත්තුවක් නොමැති බවත්, තමන්ගේ එකම අභිප්‍රාය කම්කරුවාගේ සටන්පාඨ අහිමි කිරීම පමණක් බවත් කම්කරු හා විදේශ කටයුතු අමාත්‍ය මනුෂ නානායක්කාර මහතා පැවැසීය.

ඇදහැළෙන අධික වර්ෂාව හේතුවෙන් ආපදාවන්ට ලක්වූවන්ට සහන සැලසීමේදී QR ක්‍රමයට ඉන්ධන ලබාගැනීම බාධාවක්ව ඇති බැවින් අවශ්‍යතාව අනුව QR ක්‍රමයෙන් බැහැරව ඉන්ධන නිකුත් කිරීමට පියවර ගන්නා ලෙස ගම්පහ දිස්ත්‍රික් ලේකම් එස්.සත්‍යානන්ද මහතා සියලුම ප්‍රාදේශීය ලේකම්වරුන්ට උපදෙස් දී තිබේ.

ඩීසල් හා පෙට්‍රල් මිල අද සිට අඩු වුවද එම අඩු කළ ප්‍රමාණය බස් ගාස්තු හා ත්‍රීරෝද රථ ගාස්තු අඩු කිරීමට ප්‍රමාණවත් නොමැති නිසා අදාළ මිල ගණන්වල වෙනසක් සිදුනොවන බව බස් සංගම් හා ත්‍රීරෝද රථ සංගම් සඳහන් කරයි.

කොළඹ නෙලුම් කුලුන විවෘතව තබන කාලසීමාවන් සංශෝධනය කර තිබේ. ඒ් අනුව සඳුුුදා සිට සිකුරාදා දක්වා පෙ.ව. 9.00 සිට රාත්‍රී 10.00 තෙක් ප්‍ර වේශපත්‍ර නිකුත් කරන අතර රාත්‍රි 10.00 තෙක් නැරඹීමේ අවස්ථාව පවතී.

මේ වන විට ක්‍රියාත්මක පැය 2යි විනාඩි 20ක විදුලි කප්පාදුව තවත් දින 4ක් ක්‍රියාත්මක කරන බව මහජන උපයෝගීතා කොමිෂන් සභාව පවසයි. ඒ අනුව හෙට (18දා) සිට 21 දා දක්වා මෙම විදුලි කප්පාදුව ක්‍රියාත්මක කිරීමට නියමිතය.