ශ්‍රී ලංකාවේ රාජ්‍ය ආදායම මේ වන විට දළ දේශීය නිෂ්පාදිතයෙන් 8.3ක් බවත් ලෝකයේ අනෙකුත් රටවල් සමග සැසදීමේදී ශ්‍රී ලංකාවේ රාජ්‍ය ආදායම පහළම මට්ටමක බව ජනපති රනිල් වික්‍රමසිංහ මහතා පැවැසීය.

අයි.එම්.එෆ්. එකඟතාව සමග රටේ මූල්‍ය විනය නීතිගත වෙන බවත් දූෂණ වංචා වැළැක්වීමේ දැඩි නීති අලුතෙන් හඳුන්වා දෙන බවත් ජනපති රනිල් වික්‍රමසිංහ මහතා පැවැසීය.

පසුගිය වසරේ තමන් භාර ගත්තේ ගිනි ගොඩක් තිබූ රටක් බවත් එවැනි පසුබිමක රට භාර ගන්න කිසිවෙකුත් ඉදිරිපත් නොවුණ බවත් ඇතැම් අය කේන්දර බැලූ බවත් ඇතැම් අය ලිස්සා ගිය බවත් ජනපති රනිල් වික්‍රමසිංහ මහතා පැවැසීය.

ජාත්‍යන්තර මූල්‍ය අරමුදල ශ්‍රී ලංකාව සම්බන්ධයෙන් නිකුත් කළ කාර්ය මණ්ඩලය වාර්තාව ජනපති රනිල් වික්‍රමසිංහ මහතා විසින් අද (22දා) පාර්ලිමේන්තුවේ සභා ගත කිරීමට කටයුතු කළේය.

වැටුප් ගැටලුවක් මුල්කරගෙන අද (22දා) ඇල්පිටිය බස් ඩිපෝවේ රියදුරු කොන්දොස්තර ඇතුලු සේවකයින් වැඩවර්ජනයක නිරතවී සිටිති.

පාකිස්තානයේ සිදුවූ ප්‍රභල භූමිකම්පාවකින් අවම වශයෙන් මේ වන විට පුද්ගලයන් 9 දෙනෙකු ජීවිතක්ෂයට පත්ව සිය ගණනක් තුවාල ලබා ඇතැයි ජාත්‍යන්තර මාධ්‍ය වාර්තා කරයි. උතුරු පාකිස්තානයේ සිදුවූ මෙම භූකම්පනය ඇෆ්ගනිස්ථානයට මෙන්ම ඉන්දියාවටද දැනී තිබේ.

කුවේට් රාජ්‍යයේ ගෘහ සේවය සඳහා ගොස් එරටදී සිය හාම්පුතුන් අතින් සහ වෙනත් ප්‍රශ්න ගැටළු වලට ලක් වී , දීර්ඝ කාළයක් ශ්‍රී ලංකාවට පැමිණීමට නොහැකිව එරට රැදී සිටි පසුව එරට ශ්‍රී ලංකා තානාපති කාර්යාලයේ ලියාපදිංචි වී සිටි ශ්‍රී ලාංකිකයන් 48 දෙනෙකු 03/22 දින උදෑසන කටුනායක ගුවන් තොටුපළ වෙත එවා තිබුණි .

ප්‍රතිසන්ධානය සහ ජාතික සමගිය පිළිබඳ ආංශික අධීක්ෂණ කාරක සභාවේ සභාපතිවරයා ලෙස පාර්ලිමේන්තු මන්ත්‍රී ඩිලාන් පෙරේරා මහතා අද (21) තේරී පත්විය.

උසස් දක්ෂතා සංචිතයේ ක්‍රීඩක ක්‍රීඩිකාවන්ගේ පුහුණුවීම් කටයුතු හා ඔවුන්ගේ අවශ්‍යතා සොයා බැලීම සදහා වූ සාකච්ඡාවක් ක්‍රිඩා හා යෞවන කටයුතු අමාත්‍ය රොෂාන් රණසිංහ මහතාගේ ප්‍රධානත්වයෙන් අද (21) දින ක්‍රීඩා හා යෞවන කටයුතු අමාත්‍යාංශයේ දී පැවැත්විණි.

නීති අධ්‍යාපන සභා ආඥාපනත යටතේ අද (21) පාර්ලිමේන්තුවට ඉදිරිපත් කළ රීති සම්බන්ධ යෝජනාව අනුමත කිරීම බහුතර ඡන්දයෙන් ප්‍රතික්ෂේප කෙරිණි. යෝජනාව සම්මත කිරීමට විපක්ෂව ඡන්ද 113ක් හිමි වූ අතර පක්ෂව හිමි වූයේ එක් ඡන්දයක් පමණි.

ඇල්ලවල දියඇල්ලේ දිය නෑමට පැමිණ අතුරුදන් වූ තරුණයන් සිව් දෙනාගෙන් එක් අයෙකුගේ සිරුරක් අද පස්වරුව වන විට සොයා ගැනිමට හැකිවූ බව ‌පොලිස් මූලස්ථානය පවසයි.

වාර ප්‍රවේශ පත්‍ර ලබාගෙන ලංගම බස් රථයකට ගොඩවූ පාසල් සිසුවෙකුට කොන්දොස්තරවරයෙකු විසින් සිදුකළ පහරදීමක් හේතුවෙන් අද (21) උදේ දඹුල්ල මූලික රෝහලට ඇතුළත් කර ඇතැයි දඹුල්ල පොලිසිය කියයි.

දිවයිනෙහි සියලුම ජාතික පාසල්වල දස අවුරුදු හා වාර්ෂික ගුරු ස්ථාන මාරුවීම් දැනට ලබා දී ඇති නිර්දේශ අනුව, පහත සඳහන් හේතු මත විශේෂ අභියාචනාවන්ට යටත් ගුරු භවතුන්ගේ හැර අනෙකුත් ස්ථාන මාරු 2023.04.17 දින සිට ක්‍රියාත්මක බව අධ්‍යාපන අමාත්‍යාංශය පවසයි.

වැල්ලවාය ඇල්ලවල ඇල්ලේ දියනාමින් සිටි තරුණයින් සිව්දෙනෙකු අද (21දා) දියේ ගිලී මියගොස් ඇතැයි වැල්ලවාය පොලීසිය පවසයි.

මහනුවර ව්‍යාපාරිකයෙකුගේ ව්‍යාපාරික ප්‍රශ්නයක් මත එම ව්‍යාපාරිකයාගේ දාහත් හැවිරිදි පාසල් යන පුත්‍රයා පැහැරගෙන ගිය බව කියන්න පුද්ගලයෙකු සොයා පොලිස් විමර්ශන ආරම්භ වී තිබේ .

මීළඟ ඉන්ධන මිල සංශෝධනය සිදුකරන අප්‍රෙල් මාසයේදී ජනතාවට දැනෙන සහනයක් ලබාදීමට කටයුතු කරන බව විදුලිබල හා බලශක්ති අමාත්‍ය කංචන විජේසේකර මහතා පවසයි. පාර්ලිමේන්තුවේදී අද (21දා) අමාත්‍යවරයා මේ බව පැවැසීය.

ශ්‍රී ලංකාව බංකොලොත් රටක් ලෙස මින් ඉදිරියට සැලකිය නොහැකි බවත් විදේශ විනිමය ශක්තිමත් වූ පසු ආනයන සීමා ඉවත් කරන බවත් ජනපති රනිල් වික්‍රමසිංහ මහතා පැවැසීය.

හොරණ බොරලුගොඩ ආයෝජන ප්‍රවර්ධන කලාපය ඉදිරිපිටදී මාර්ග අංක 450 පානදුර - රත්නපුර අතර ධාවනය වෙමින් තිබූ පුද්ගලික මගි බස් රථයක් හිටි හැටියේ ගෙන් ගිනි ගැනීමෙන් ඒම රථය ම්පූර්ණයෙන්ම ගිනිගෙන විනාශ වී ඇති බව හොරණ පොලිසිය පවසයි.

බලශක්ති අංශයේ දැනට සිදුකරන ප්‍රතිසංස්කරණ කඩිනම් කරන බව විදුලි බල හා බලශක්ති අමාත්‍ය කංචන විජේසේකර මහතා පවසයි. සිය ට්විටර් ගිණුමෙන් ප්‍රකාශයක් කරමින් ඔහු මේ බව පවසයි.

ජාත්‍යන්තර මූල්‍ය අරමුදල රටකට ණය මුදලක් අනුමත කිරීමේදී සලකා බලන ප්‍රධාන සාධකය ණය තිරසරභාවය බවත් ශ්‍රි ලංකාව තුළ තවමත් ණය තිරසර භාවයක් නැති බවත් ද ඒ මහතා ශ්‍රී ලංකාවේ ජාත්‍යාන්තර මූල්‍ය අරමුදලේ ජ්‍යෙෂ්ඨ මෙහෙයුම් ප්‍රධානී පීටර් බ්‍රෘව මහතා පවසයි.

පල්ලෙකැලේ දුම්බර බන්ධනාගාරයේ රක්ෂිත බන්ධනාගාරගතව සිටි පුද්ගලයෙකු බන්ධනාගාරය තුළදී ගෙල වැලලාගෙන මිය ගොස් ඇතැයි පල්ලෙකැලේ පොලිසිය කියයි.

මාර්තු මස පළමු වැනිදා සිට 19 දා දක්වා සංචාරකයන් 76 247ක් ශ්‍රී ලංකාව වෙත පැමිණ ඇතැයි සංචාරක අමාත්‍ය හරින් ප්‍රනාන්දු මහතා පවසයි.

සෞඛ්‍ය අමාත්‍යාංශයේ වසංගත රෝග විද්‍යා අංශය මගින් දැනට කරන ලද පරීක්ෂණ වලින් ලද දත්ත වලට අනුව දැනට ලිස්ටීරියෝසිස් වසංගත තත්ත්වයක් රට තුළ නොමැති බවත් ඒ පිළිබඳව අනිසි බියක් ඇති කරගත යුතු නොමැති බවත් සෞඛ්‍ය අමාත්‍යාංශයේ වසංගත රෝග විද්‍යා අංශය දන්වා සිටී.

ජාත්‍යන්තර මූල්‍ය අරමුදලේ විස්තිර්ණ මූල්‍ය පහසුකම ලබා ගැනීම වෙනුවෙන් ජනාධිපති රනිල් වික්‍රමසිංහ මහතාගේ කැපවීම දේශපාලන මතභේද නොසලක අගය කළ යුතු බව පාර්ලිමේන්තු මන්ත්‍රි ආචාර්ය හර්ෂද සිල්වා මහතා පවසයි.

ජාත්‍යන්තර මූල්‍ය අරමුදල ශ්‍රී ලංකාව වෙනුවෙන් අනුමත කළ ඇමෙරිකානු ඩොලර් බිලියන තුනකට ආසන්න විස්තීර්ණ මූල්‍ය පහසුකමට අදාළව ඇමෙරිකානු ඩොලර් මිලියන 333ක් එහි පළමු වාරිකය ලෙස ඉතාමත් ඉක්මනින් ශ්‍රි ලංකාව වෙත මුදා හරින බව ජාත්‍යන්තර මූල්‍ය අරමුදල නිවේදනයක් නිකුත් කරමින් පවසයි.

IMF විධායක මණ්ඩලය විසින් ශ්‍රී ලංකාවට ඩොලර් බිලියන 7ක් දක්වා අරමුදල් ලබා ගැනීමට හැකි වන විස්තීරණ අරමුදල් පහසුකම (EFF) යටතේ ශ්‍රී ලංකාවේ වැඩසටහන අනුමත කරන ලදැයි ජනාධිපති කාර්යාලය පවසයි. ජාත්‍යන්තර මූල්‍ය අරමුදලේ සහ අනෙකුත් ජාත්‍යන්තර හවුල්කරුවන් ලංකාවට දැක්වූ සහයෝගය පිළිබඳව ජනාධිපති රනිල් වික්‍රමසිංහ මහතා සිය කෘතඥතාව පළ කළේය. මූල්‍ය ආයතන සහ ණය හිමියන් සමඟ පවත්වනු ලබන සියලුම සාකච්ඡාවලදී පූර්ණ විනිවිදභාවයකින් යුතුව කටයුතු කිරීමටත්, විචක්ෂණ මූල

ශ්‍රී ලංකා ටෙලිකොම් සහ ලංකා හොස්පිටල්ස් සමාගම්වල රජය සතු කොටස් හිමිකාරීත්වය විකුණා දැමීමට කැබිනට් අනුමැතිය හිමිව තිබේ.

ස්ථාපිත කිරීමට නියමිත සත්‍ය සෙවීමේ කොමිෂමේ කටයුතු විධිමත්ව සාර්ථකව කළ යුත්තේ කෙසේද යන්න පිළිබදව දකුණු අප්‍රිකාවේ අත් දැකීම් ලබා ගැනීමේ අරමුණින් අමාත්‍ය විජයදාස රාජපක්ෂ, අමාත්‍ය අලි සබ්රි යන මහත්වරුන්ගේ ප්‍රධානත්වයෙන් යුතු යුත් නියෝජිත කණ්ඩායමක් හෙට ( 2023.03.21) පෙරවරුවේ දකුණු අප්‍රිකාව බලා පිටත්ව යාමට නියමිතය.

’’පවුලෙන් පවුලට බලය මාරු වුණු වරිග සභා දේශපාලනය අද වන විට අවසන් වී තිබෙනවා. ඒ නිසා අපි නාමල් රාජපක්ෂ පැඟිරාට කියනවා, ’වෙන රස්සාවක් හොයාගන්න’ කියලා. ඒ පැඟිරාට බැටන් එක මාරු වන දේශපාලනය ඉවරෙටම ඉවරයි. මේ එන්නේ අලුත් යුගයක්. ඒ තමයි සාමාන්‍ය මිනිස්සු අතට රටේ ඉරණම තීරණය කිරීමේ බලය ලැබීමේ යුගය.’’