මාතර ඇලවේල්ල ප්‍රදේශයේ දී දුම්රියේ හැපීමෙන් 16 හැවිරිදි පාසල් සිසුවියක් ඊයේ (25) රාත්‍රි ජීවිතක්ෂයට පත්ව ඇති බව මාතර මූලස්ථාන පොලීසිය පවසයි.

කොළඹ නගරයට හා තදාසන්න නගරවලට දිනපතා පැමිණෙන වාහන නිසා ඇතිවන නාගරික තදබදය අවම කිරීමේ අරමුණින් කොළඹ නගරයේ බහු මහල් රථගාල් හතරක් ඉදිකෙරේ.

යාපනය පූතූර් මධ්‍යම බෙහෙත් ශාලාවේ වෛද්‍ය සේවයේ නිරත වෛද්‍යවරයෙකුට එල්ල වූ ජීවිත තර්ජනයක් හේතුවෙන් එම බෙහෙත් ශාලාවේ දෛනික ප්‍රතිකාර කටයුතු නවතා දැමීමට ඊයේ (25) දින සිට පියවර ගෙන ඇත.

රුපියල් විස්සක් වූ විට කිලෝවක මිල වට්ටක්කා ග්‍රෑම් 250 රු.5 ක් වැනි ඉතා කුඩා මිල පවතින බවද පෙන්වා දෙන ගොවීන් ආර්ථික සංවර්ධනය පිළිබඳව කතා කරන යුගයක මෙතරම් එළවළු පලතුරු පරිහානියට ලක් වන්නේ මන්දැයි ඔවුහු ප්‍රශ්න කරති.

රංගිරි දඹුල්ල ජාත්‍යන්තර ක්‍රිකට් ක්‍රීඩාංගනයේ ජාත්‍යන්තර තරගයක් වසර පහක පමණ කාලයක සිට පවත්වා නැතැයි දඹුලු ක්‍රීඩාලෝලී හූ පවසති.

අද සවස 2න් පසුව දිවයිනේ බොහෝ ප්‍ර දේශවලට තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව සඳහන් කරයි.

ශ්‍රී ලංකා මහ බැංකුවේ නිකුතු සුරක්ෂිතාගාරයේ තැම්පත් කර තිබූ රුපියල් ලක්ෂ 50 ක් අඩංගු මුදල් බන්ඩලය අතුරුදන්වීම සම්බන්ධයෙන් වැඩිදුර විමර්ශන කටයුතු අපරාධ පරීක්ෂණ දෙපාර්තමේන්තුව වෙත භාර කළ බව උසස් පොලිස් නිලධාරියෙක් පැවැසීය.

පසුගිය වසරේ මාතලේ දිස්ත්‍රික්කයෙන් ඒඩ්ස් ආසාදිතයින් 85ක් වාර්තා වි ඇති බව ඉකුත්දා පැවති මාතලේ දිස්ත්‍රික් සම්බන්ධීකරණ කමිටුවේදි අනාවරණය විය.

උප්පැන්න සහතිකයක් නොමැති වීමේ හේතුව මත මෙතෙක් ජාතික හැඳුනුම්පත ලබා ගැනීමට නොහැකි වූ පුද්ගලයන් සඳහා ජාතික හැඳුනුම්පත් ලබාදීමේ ක්‍රම වේදයක් පුද්ගලයන් ලියාපදිංචි කිරීමේ දෙපාර්තමේන්තුව විසින් හඳුන්වාදී තිබේ.

සංචාරක ව්‍යාපාරය දියුණු කිරීම සදහා දුම්රිය ස්ථාන ආශ්‍රිතව පාපැදි කුලී පදනම මත ලබා දීමේ ව්‍යාපෘතියක් ආරම්භ කිරීම පිළිබදව බලශක්තිය සහ ප්‍රවාහනය පිළිබඳ ආංශික අධීක්ෂණ කාරක සභාවේදි අවධානය යොමුවිය. මෙම කාරක සභාව ඊයේ (25) පාර්ලිමේන්තුවේදි රැස්විය.

කටුනායක ගුවන් තොටුපළ අවට ප්‍රදේශයට ඊයේ සවස හදිසියේම ඇති වූ අධික වැසි සහිත අයහපත් කාළගුණික තත්වය නිසා කටුනායක ගුවන් තොටුපළ වෙත පැමිණෙමින් තිබූ ගුවන් යානා තුනක් මත්තල ගුවන් තොටුපළ වෙත හරවා යැවීමට කටුනායක ගුවන් තොටුපළ බලධාරීන් පියවර ගෙන තිබුණි .

ජ්‍යෙෂ්ඨ නියෝජ්‍ය පොලිස්පතිවරුන් හත් දෙනකුට වහාම ක්‍රියාත්මක වන පරිදි ස්ථාන මාරුවීම් ලබාදී ඇතැයි පොලිස් මූලස්ථානය සඳහන් කරයි.

වෘත්තිකයන්ගෙන් අයකරන බදු පිළිබඳව ජනධිපති රනිල් වික්‍රමසිංහ මහතා සමග සාකච්ඡාවක් කිරීමෙන් පසුලැබෙන තීරණ මත දැනට ක්‍රියාත්මක වෘත්තිය ක්‍රියාමාර්ගය පිළිබඳව තීරණය කරන බව විශ්වවිද්‍යාල ආචාර්වරුන්ගේ සමිති සම්මේලනය සඳහන් කරයි.

මෙම වසරේ සාමාන්‍ය පෙළ විභාගය නොපවත්වා එම සිසුන් අධ්‍යාපන අමාත්‍යාංශයේ නිර්දේශය අනුව උසස් පෙළ කිරීමට ලබාදෙන ලෙස යෝජනාවක් ඉදිරිපත් කරන බව ස්වාධීන වූ පාර්ලිමේන්තු මන්ත්‍රී ඩලස් අලහප්පෙරුම මහතා පැවසීය.

බත්තරමුල්ල නගරයට බස් පර්යන්තයක් ඉදිකිරීම සදහා බත්තරමුල්ල කඩුවෙල මාර්ගයට ආසන්නයෙන් හදුනාගෙන ඇති ඉඩම කඩිනමින් නිදහස් කරදෙන ලෙස බලශක්තිය සහ ප්‍රවාහනය පිළිබඳ ආංශික අධීක්ෂණ කාරක සභාවේ සභාපති පාර්ලිමේන්තු මන්ත්‍රී නාලක බණ්ඩාර කෝට්ටේගොඩ මහතා අද (25) අදාළ අංශවලට උපදෙස් දුන්නේය.

මෙරට අත්‍යාවශ්‍ය ඖෂධ ප්‍රමාණය 383 ක් වන අතර, ජිවිත ආරක්ෂක ඖෂධ ප්‍රමාණය 14 කි. එම ජිවිතාරක්ෂක ඖෂධ ප්‍රමාණය කිසිදු අඩුවකින් තොරව අඛණ්ඩව රට තුළ පැවැති බව පෙන්වා දෙන සෞඛ්‍ය අමාත්‍යවරයා මේ වනවිට එම ඖෂධ සියල්ල සෞඛ්‍ය අමාත්‍යාංශය සතුව ඇතැයි ද කීය.

තම බිරිඳගේ ඇඳුම සම්බන්ධයෙන් ඇතිවූ බහින්බස් වීමක්, ආරවුලක් දක්වා දිව දුරදිග ගොස් සිත් තැවුලට පත්ව සියදිවි හානි කරගත් සිවිල් ආරක්ෂක සෙබළකු ගේ සිරුරක් ඊයේ ( 24දා) සොයා ගත් බව මිහින්තලේ පොලිසිය පවසයි.

බංගලාදේශ කාන්තා ක්‍රිකට් කණ්ඩායම එක් දින සහ විස්සයි විස්ස ක්‍රිකට් තරගාවලියක් සඳහා අද (25දා) පස්වරුවේ කටුනායක ගුවන් තොටුපළ වෙත පැමිණියහ.

24 වන දා උදේ 9 30ට පමණ ගාල්ල රත්ගම ප්‍රදේශයේ සිට සිතුල්පව්ව විහාරස්ථානය වැද පුදා ගැනීමට කතරගම දෙස සිට ගිය බස් රථයකට දළ ඇතෙකු පහර දී බස් රථයේ තිබු බැතිමතුන්ගේ සියලුම ආහාර පැහැරගැනීමේ සිද්ධියක් වාර්තා වේ

මැයි මස පළමුවැනිදා සිට රුපියල් මිලියන 200කට වැඩි වටිනාකමක් සහිත ප්‍රසම්පාදන කටයුතු විද්‍යුත් ප්‍රසම්පාදන ක්‍රියාවලිය හරහා පමණක් සිදුකරන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

යාල ජාතික වනෝද්‍යානයේ ප්‍රේරක කලාපයේ තඹරව ප්‍රදේශයේ ගල් ගුහාවක් තුළ වයස මාස තුනක පමණ කොටි පැටවුන් දෙදෙනෙකු මියගොස් තිබෙන බවට තොරතුරු වාර්තාවේ.

අලුත් අවුරුදු උත්සව සමය නිමිත්තෙන් ඉහළ දැමූ සතිපතා ඉන්ධන කෝටාව නැවත දැනුම් දෙනතුරු ලබා දෙන බව විදුලිබල හා බලශක්ති අමාත්‍යාංශය සඳහන් කරයි.

නිව් ඩයමන්ඩ් නෞකාව ගිනි ගැනීම හරහා ශ්‍රී ලංකාවට ලැබුණ මූලික වන්දි මුදලක් වූ ඇමෙරිකානු ඩොලර් මිලියන පහක මුදලක් ලංකාවේ සමාගමක ගිණුමකට ලැබී තිබුණත් එම මුදල යලිත් පිටරටට ගොස් ඇති බව පාර්ලිමේන්තු මන්ත්‍රී විජිත හේරත් මහතා පැවැසීය. අද පාර්ලිමේන්තුවේදී අදහස් දක්වමින් ඔහු මේ බව පැවැසීය.

හරිත පක්ෂයක් ලෙස එක්ස්ප්‍රස් පර්ල් ඛේදවාචකය ගැන පැහැදිලි මතයක් දරන බවත් මේ සිදුවීම් සිදුවී දින කිහිපයක් ඇතුළත එවක ජනාධිපතිවරයාට ලිපියක් මඟින් අපක්ෂපාතී විශේෂ පරීක්ෂණයක් සිදු කරන ලෙස දන්වා සිටි බවත් ඉන් පසුත් අවස්ථා ගණනාවක් මේ සම්බන්ධයෙන් ප්‍රකාශය සහ පුවත්පත් නිවේදන නිකුත් කළ බවත් විපක්ෂ නායක සජිත් ප්‍රේමදාස මහතා පැවැසීය. අද පාර්ලිමේන්තුවේදී ප්‍රකාශයක් කරමින් ඔහු මේ බව පැවැසීය.

නිව් ඩයමන්ඩ් ප්‍රින්සස් නෞකාව හා එක්ස්ප්‍රස් පර්ල් නෞකාව ගිනි ගැනීම හරහා ශ්‍රී ලංකාවට වන්දි ලබාගැනීම වෙනුවෙන් නඩු පැවැරීම වැළැක්වීම වෙනුවෙන් චාමර ගුණසේකර නැමැති පුද්ගලයෙකුගේ ගිණුමට ඇමෙරිකානු ඩොලර් මිලියන 250ක පමණ මුදලක් අල්ලස් වශයෙන් බැරවී ඇති බව අධිකරණ අමාත්‍ය ආචාර්ය විජයදාස රාජපක්ෂ මහතා පාර්ලිමේන්තුවේදී ප්‍රකාශ කළේය.

නීතිඥවරයෙකුගේ නිවසේ සුරතලයට ඇතිකරන සුනඛයාට වසදී ඝාතනය කිරීමේ සිද්ධිය සම්බන්ධයෙන් අත්අඩංගුවට ගත් නීතිඥවරියක් කැස්බෑව අධිකරණය වෙත ඉදිරිපත් කිරීමෙන් අනතුරුව රුපියල් ලක්ෂ පහක 5 ක ශරීර ඇප මත මුදා හරින ලෙස මහේස්ත්‍රාත් දමින්ද රාමනායක මහතා නියෝග කළේය.

චීන මහජන සමූහාණ්ඩුව විසින් මෙරටට පරිත්‍යාගයක් ලෙස පිරිනැමුණු ශ්‍රී ලංකා ජාතික රෝහලේ අට මහල් නව බාහිර රෝගී සංකීර්ණය අද (25) චීන මහජන සමූහාණ්ඩුව විසින් ශ්‍රී ලංකා රජය වෙත නිල වශයෙන් භාර දුණි.

ලොව විවිධ රටවල් පොළොව අභ්‍යන්තරයේ සිදුකරන න්‍යෂ්ටික අත්හදා බැලීම් සහ මහා පරිමාණ පිපිරවීම් පොළොව අභ්‍යන්තරයේ ඇති භූ තැටි වලට බලපෑම් එල්ල කළ හැකි බව පේරාදෙණිය විශ්ව විද්‍යාලයේ හිටපු උප කුලපති සහ භූගර්භ විද්‍යා අංශයේ ජේෂ්ඨ මහාචාර්ය අතුල සේනාරත්න මහතා පවසයි .

මුලතිව් සිට යාපනය දක්වා ධාවනය වූ ලං ග ම බස් රථයකට අද (25) උදෑසන කාලයේදී මුලතිව් සෙල්වපුරම් ප්‍රදේශයේදී එල්ල වූ ගල් ප්‍රහාරයක් හේතුවෙන් බස් රථයේ රියදුරු තුවාල ලබා ඇතැයි මුලතිව් පොලීසිය පැවසීය.