මානව හිමිකම් කවුන්සිලයේ 43 වැනි සැසිවාරයට සහභාගී වන ශ්‍රී ලංකා නියෝජිත කණ්ඩායමට නායකත්වය දෙන විදේශ සබඳතා, නිපුණතා සංවර්ධන, රැකියා හා කම්කරු සබඳතා අමාත්‍ය දිනේෂ් ගුණවර්ධන ජීනීවා නුවරට පැමිණ තිබේ.

දින කිහිපයක් තිස්සේ සෑම දුම්රිය මාර්ගයකම පවතින දුම්රිය ප්‍රමාදය හේතුවෙන් මගීන් දැඩි අසීරුතාවකට පත්ව තිබේ.

හොරොයින් කිලෝ ග්‍රෑම් 4 ක් සමග අත්අඩගුවට ගත් මාලදිවයින් ජාතිකයන් දෙදෙනා ඇතුළු හය දෙනාගෙන් මාල දිවයින් ජාතිකයන් දෙදෙනා හා තවත් දෙදෙනෙකු රඳවා ගෙන ප්‍රශ්න කිරීමට අධිකරණය අවසර දී තිබේ.

ශ්‍රී ලංකා නිදහස් පොදුජන සන්ධානයේ ප්‍රථම විධායක සභා රැස්වීම අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් අද (25දා) පස්වරුවේ අරලිය ගහ මන්දිරයේදී රැස්විය.

ශ්‍රී ලංකා නිදහස් පොදුජන සන්ධානයේ නියෝජ්‍ය සභාපතිවරයෙක් ලෙස දිනේෂ් ගුණවර්ධන මහතාතේ ජාතික සංවිධායක ලෙස විමල් වීරවංශ මහතාත් පත්කර තිබේ.

ඉල්ලීම් කිහිපයක් මුල් කර ගනිමින් දින 09ක් පුරා කොටුව දුම්රියපොළ අසල පැවති ආබාදිත රණවිරුවන් උපවාසය අවසන් කළ බව රණවිරු අයිතිවාසිකම් සුරකීමේ ජාතික බලවේගය සඳහන් කරයි.

පළමු පාසල්වාරය තුළ සෑම පාසලක ම නිවාසාන්තර ක්‍රීඩා, අධ්‍යාපන චාරිකා, ප්‍රදර්ශන, මහා ක්‍රිකට් තරග ඇතුළු විවිධ උත්සව සහ වෙනත් විෂය සමගාමී ක්‍රියාකාරකම් රැසක් පැවැත්වෙයි.

රජය ලබා දී තිබෙන බදු සහනය හා තිරිඟු පිටි මිල අඩු වීම නිසා හෙට (26දා) මධ්‍යම රාත්‍රී 12.00 සිට ග්‍රෑම් 450 පාන් ගෙඩියක මිල රුපියල් 5කින් අඩු කරන බව සමස්ත ලංකා බේකරි නිෂ්පාදකයින්ගේ සංගමය සඳහන් කරයි.

දැනුම පදනම් කරගත් ආර්ථිකයකට රට ගෙන යාම සඳහා තරුණ පරපුරට සහ වියතුන්ට සමගි ජන බලවේගය සමග එක්වන ලෙස ආරාධනා කරන බව එක්සත් ජාතික පක්‍ෂ පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

සේවයේ අවශ්‍යතාවය මත ස්ථාන මාරුවීම් කිහිපයක් වහාම ක්‍රියාත්මක වන පරිදි ජාතික පොලිස් කොමිෂන් සභාවේ අනුමැතිය මත ක්‍රියාත්මක වන අතර, ඒ අනුව පොලිස් මාරුවීම් 45ක් අවශ්‍යතාවය මත සිදුකිරීමට පොලිස් මූලස්ථානය කටයුතු යොදා ඇත

ශ්‍රී ලංකාව තුළ සංචාරය කිරීමේ නිශ්චිත සංචාරක සැළැස්මක් සහ එම සංචාරයෙන් පසු ආපසු පිටව යෑම සදහා ගුවන් ප්‍රවේශ පත්‍රයක් නොමැතිව, ශ්‍රී ලංකාවට පැමිණීමට උත්සාහ කළ බෙනින් රාජ්‍යයේ ගුවන් මගියෙකු අද (25) දින උදෑසන, ඔහු පැමිණි ගුවන් යානයෙන්ම ආපසු පිටුවහල් කිරීමට කටුනායක ගුවන් තොටුපළ ආගමන විගමන දෙපාර්තමේන්තු නිලධාරීන් පියවර ගෙන තිබේ.

කොටුව මහ බැංකු මූලස්ථානයේ ඉහල මහලකින් බිමට පැන අවුරුදු 16ක තරුණයෙකු ජීවිතක්ෂයට පත්ව ඇති බව පොලිස් මාධ්‍ය ප්‍රකාශක කාර්යාලය සඳහන් කරයි.

21 වැනි සියවසෙන් ඔබ්බට, දැනුම සංසරණය වන විශිෂ්ටතම මාර්ගය අන්තර්ජාල තාක්ෂණය බවත්, ජාත්‍යන්තර ප්‍රජාවට බුදුදහම ආකර්ෂණය කරගැනීම සඳහා එම තාක්ෂණික දැනුම මෙරට භික්ෂු සමාජයට අත්පත් කරගැනීමට අවස්ථා සම්පාදනය කරදිය යුතු බවත් අධ්‍යාපන, ක්‍රීඩා හා තරුණ කටයුතු අමාත්‍ය ඩලස් අලහප්පෙරුම මහතා සඳහන් කරයි.

මන්නාරම තාරපුරම් සහ තලෙයිමන්නාරම, ඌරුමලෙයි යන ප්‍රදේශයන් හි ඊයේ (24) සහ අද දින (25) සිදුකල සෝදිසි මෙහෙයුම් දෙකකදි නීති විරෝධි ලෙස හක් බෙල්ලන් ලඟ තබා ගෙන සිටි සැකකරුවන් දෙදෙනකු අත්අඩංගුවට ගැනීමට ශ්‍රී ලංකා නාවික හමුදාව සමත්ව ඇත.

ජාත්‍යන්තර මවු භාෂා දිනය වෙනුවෙන් මැතිවරණ කොමිසමේ සභාපති මහින්ද දේශප්‍රිය මහතාගේ සංකල්පයකට අනුව දුෂ්කර පාසල් සිසුන් වෙනුවෙන් පුස්තකාල පහසුකම් ලබාදීමේ වැඩසටහන අනුව මතුගම කොට්ඨාශයේ අති දුෂ්කරම පාසලක් වන මතුගම ගල්ලෙනිය කන්ද ප්‍රථමික විදුහලට පුස්තකාල පොත් ප්‍රදානය කිරීම මැතිවරණ කොමිසමේ සභාපති මහින්ද දේශප්‍රිය මහතාගේ ප්‍රධානත්වයෙන් අද (25) එම විදුහලේදී සිදුකෙරිණි.

ඒ අනුව සමගි ජන බලවේගයේ ප්‍රධාන කොටස් කරුවෙකු ලෙස ‘ජාතික හෙළ උරුමයේ’ මහ ලේකම් පාඨලී චම්පික රණවක මහතා නිල වශයෙන් එක් වූ බව පාර්ලිමේන්තු සංකීර්ණයේ අද (25දා) පැවති මාධ්‍ය හමුවකට එක්වෙමින් විපක්ෂ නායකවරයා සඳහන් කළේය.

ගුරු විදුහල්පතිවරුන්ට ඇතිවී තිබෙන ගැටලුවලට විසඳුම් ඉල්ලා සහ තවත් ගැටලු කිහිපයක් මුල්කර ගනිමින් හෙට (26දා) ගුරු විදුහල්පතිවරුන් ලෙඩ නිවාඩු දැමීමේ වෘත්තිය ක්‍රියාමාර්ගයක් දියත් කරන බව ගුරු විදුහල්පති සංගම් සඳහන් කරයි.

රටේ ජනතාවට පොදු ප්‍රවාහන සේවය ශක්තිමත් කිරීමෙන් රට දියුණු කල හැකි බවත් දිනකට කෝටි ගණනක් ඉන්දන නාස්ති වනවා සේම විශාල ලෙස වටිනා කාලයක් වාහන වල ගත කරන්න සිදුව තිබෙන බව ප්‍රවාහන අමාත්‍ය මහින්ද අමරවීර මහතා සඳහන් කරයි.

කෝවිඩ් 19 වෛරසය මදුරුවන් හරහා සම්ප්‍රේෂණයවීමට ඉඩ ඇති බව සඳහන් කරමින් අසත්‍ය පුවත් සමාජ මාධ්‍ය ඔස්සේ පැතිර යමින් පවතී.

කැලණිය ප්‍රදේශයේ නළ පද්ධතියේ අත්‍යවශ්‍ය වැඩිදියුණු කිරීමක් නිසා හෙට (26දා) පෙරවරු 09.00 සිට පැය 18ක කාලයක් ජාඇල හා අවට ප්‍රදේශ දහඅටක ජලය අත්හිටුවන බව ජාතික ජල සම්පාදන මණ්ඩලය සඳහන් කරයි.

සංවර්ධන නිලධාරී සේවාවේ පුහුණුවට 2018 වසරේ බඳවාගත් පිරිස් ස්ථිර කරන ලෙස ඉල්ලා අද (25දා) ආර්ථික කටයුතු අමාත්‍යාංශය ඉදිරිපිටදී විරෝධතා ව්‍යාපාරයක් පැවැත්විණි.

2019 නව ඡන්ද හිමි නාම ලේඛනයට අනුව ගාල්ල දිස්ත්‍රික්කයට හිමිව තිබූ පාර්ලිමේන්තු මන්ත්‍රී ආසනයක් අඩුවී බදුල්ල දිස්ත්‍රික්කයට එක් මන්ත්‍රී ආසනයක් වැඩි වී තිබේ.

කොළඹ සිට පස්සර මඩොල්සිම බලා ධාවනය වෙමින් තිබූ වෑන් රථයක් අද (25) අලුයම හල්දුම්මුල්ල නගරය ආසන්න කදිරේෂන් ඇල්ල ප්‍රදේශයේ දී පාරෙන් ඉවතට පැන අධිබලැති විදුලි කණුවක හැපී අඩි 300ක පමණ ප්‍රපාතයකට පෙරළීමෙන් එහි ගමන් ගත් එක් අයෙකු මිය ගොස් ඇති අතර තවත් තුන් දෙනකු බරපතළ තුවාල ලබා රෝහල් ගත කළ බව හල්දුම්මුල්ල පොලීසිය සඳහන් කරයි.

පොලිස් මත්ද්‍රව්‍ය කාර්යාංශයේ නිළදාරීන් කණ්ඩායමක් දෙහිවල ප්‍රදේශයේදී ඊයේ (24) රාත්‍රිෙය් සිදුකල වැටලීමකදී හොරයින් කිලෝග්‍රැම් 04ක් සහ කාර් රථ 02ක් සමග සැකකරුවන් දෙදෙනෙකු අත්අඩංගුවට ගෙන ඇතිබව පොලිස් මාධ්‍ය ප්‍රකාශක කාර්යාල සඳහන් කරයි.

පවතින වියළි කාලගුණික තත්වය හමුවේ රක්වාන අවට පිහිටි වතු සමාගම් වලට අයත් කැලෑ භූමි ප්‍රදේශ වල ගිනි තැබීම් ඉහල යාම නිසා ජල මූලාශ්‍ර සිදී යාමේ තත්වයක් ඇති වී තිබෙන බව වාර්තා වේ.

ඉඩම් ප්‍රතිසංස්කරණ කොමිෂන් සභාවට අයත් ඉඩම් අක්කර ලක්‍ෂයකට අධික ප්‍රමාණයක් වැවිලි සමාගම් විසින් මේ වනවිට නීතිවිරෝධී ලෙස අල්ලා ගෙන ඇතැයි ඉඩම් හා ඉඩම් සංවර්ධන රාජ්‍ය අමාත්‍ය එස්.බී. දිසානායක මහතා අනාවරණය කර සිටියේය.

’’මෙම වෛරසයට වසංගත විභවයක් තිබෙනවාද? නියත වශයෙන්ම එය තවමත් තිබෙනවාද? අපගේ තක්සේරුව අනුව, තවම නැහැ’’

අධික එළවළු මිල පාලනය කොට ගොවියා රැකෙන සහ පාරිභෝගිකයාට සහන සලසන වැඩපිළිවෙළක් වහාම සකසන්නැයි ජනාධිපති ගෝඨාභය රාජපක්ෂ මහතා නිලධාරීන්ට උපදෙස් දෙයි.

ජනාධිපති ගෝඨාභය වී අගමැති සජිත් වුවහොත් රනිල් - මෛත්‍රී සටන මෙන් ’නයි-පොළොන්’ සටනක් ඉදිරියටත් දක්නට ලැබෙනු ඇතැයි පිවිතුරු හෙළ උරුමයේ නායක, පාර්ලිමේන්තු මන්ත්‍රී උදය ගමම්න්පිල මහතා පැවසීය.