අවම මුදලකින් දුම්රිය ගාස්තු වැඩි කිරීමට කැබිනට් මණ්ඩලය අනුමැතිය දුන් බව ප්‍රවාහන අමාත්‍ය දිලුම් අමුණුගම මහතා පැවැසීය. කැබිනට් තීරණ දැනුම් දීමේ මාධ්‍ය සාකච්ඡාවට එක්වෙමින් ඔහු පැවැසුවේ අවම වශයෙන් ඩීසල් වියදමත් පියවා ගැනීමේ අරමුණින් මෙම මිල වැඩි කිරීම සිදුවන බව ඔහු පැවැසීය.

මෙරට තුළ ඉහළ යන උද්ධමනකාරී පීඩනයන් පාලනය කිරීම සඳහා දැඩි මූල්‍යන ප්‍රතිපත්ත ස්ථාවරයක් ක්‍රියාත්මක කිරීම සහ අයවැය හිඟය සඳහා මහබැංකුවේ ඍජු මූල්‍යකරණය අදියර කිහිපයකින් සිදුකිරීම කළ යුතු බව ජාත්‍යන්තර මූල්‍ය අරමුදලේ 2021 4වැනි වගන්ති සාකච්ඡාව අනුව කාර්යමණ්ඩල වාර්තාවේ නිර්දේශ කර ඇති බව වාර්තා වේ.

මේ වනවිට දුම්රිය වෘත්තීය සමිත දුම්රිය වර්ජනයක් ක්‍රියාත්මක කර ඇතැයි වාර්තා වෙයි. මේ යටතේ සියළුම දුම්රිය ප්‍රමාධ වී ධාවනය වීම හෝ දුම්රිය වාර අවලංගුවීම සිදුවිය හැකි බවත් අභ්‍යන්තර ආරංචි මාර්ග සඳහන් කරයි.

නියමිත කාලයට මුද්‍රණ කඩදාසි නොලැබුණහොත් පෙළ පොත් මුද්‍රණය අඩාල විය හැකි බව රජයේ මුද්‍රණාලාධිපති ගංගානි කල්පනා ලියනගේ සඳහන් කරයි.

රුසියාව වෙත සයිබර් ප්‍රහාර දියත් කිරීම සඳහා මෙම හැකර්වරුන් චීන ජාල අත්පත් කර ගැනීම ගැන බීජිං දැඩි කනස්සල්ලෙන් යුතුව කතා කළේය.

ශ්‍රී ලංකාවට පැමිණ සිටින ජාත්‍යන්තර මූල්‍ය අරමුදලේ (IMF) ආසියා සහ පැසිෆික් දෙපාර්තමේන්තුවේ අධ්‍යක්‍ෂ චැන්ග්යොං රී මහතා ඇතුළු දූත පිරිසක් ඊයේ (14දා) මුදල් අමාත්‍ය බැසිල් රාජපක්‍ෂ මහතා සමග සාකච්ඡා පවත්වා තිබේ.

පවතින අමුද්‍රව්‍ය හිඟය හා අමුද්‍රව්‍ය මිල ඉහළ යාම නිසා ෂොපින් බෑග් එකක් මිල රුපියලත් රුපියල් හතත් අතර මුදලකින් ඉහළ දැමීමට කටයුතු කළ බවත්, ලන්ච් ෂීට් එකක මිල රුපියලකින් ඉහළ දැමීමටත් කටයුතු කර තිබෙන බවත් සමස්ත ලංකා පොලිතීන් නිෂ්පාදකයන්ගෙන් හා ප්‍රතිචක්‍රීකරණය කරන්නගේ සංගමය සඳහන් කරයි.

ඇන්ටෝනියෝ ගුටරෙස් වාර්තාකරුවන්ට පැවසුවේ යුක්රේනයේ යුද්ධයට ජයග්‍රාහකයන් නොමැති වනු ඇති අතර, එයට පරාජිතයින් පමණක් ඉතිරි වනු ඇති බවයි.

දැන් අලුත් තිරපිටපතක් එමින් තිබෙනවා මේ කබ්රාල්ව ඉවත් කළා නම් හරි කියලා. අපි පැහැදිලිව කියන්න කැමතියි දැන් ඇති. තවදුරටත් මේ විදියට මිනිස්සුන්ට ජීවත් වෙන්න බෑ. මෙහෙම ගියොත් දෙමව්පියන්ට එක්කෝ මංකොල්ල කන්න වෙනවා, නැතිනම් දරුවන්ව අතහැරලා දාන්න වෙනවා.

තහවුරු වී ඇති අවස්ථා කිහිපයක් ඇති බැවින්, ඩෙල්ටාක්‍රෝන් අධික ලෙස සම්ප්‍රේෂණය වන්නේද නැතහොත් දරුණු රෝග ඇති කරයිද යන්න පැවසීමට ඉක්මන් වැඩි බව ප්‍රංශයේ විශේෂඥ කණ්ඩායමක් පැවසූහ.

ගම්පහ , කෙටවල අමුණෙහි දිය නෑමට ගිය බව කියන සිසුන් පිරිසක් අතුරින් 16 හැවිරිදි සිසුවෙකු අතුරුදහන්ව ඇති අතර එම සිසුවා සොයා ගැනීමට නාවික හමුදා කිමිදුම් අංශයෙන් ආධාර ඉල්ලා යැවූ බව ගම්පහ පොලීසිය අද (14දා) සවස සඳහන් කළේය.

’’යුක්රේනයේ විදේශ කුලී හේවායන්ගේ සියලුම ස්ථාන අප දන්නවා. මට ඔබට නැවත අනතුරු ඇඟවීමට අවශ්‍යයි. කුලී හේවායන් යුක්රේනයේ කොතැනක සිටියත් ඔවුන්ට අපේ දයාවක් නැහැ.’’ රුසියාව කියයි.

නඩු දමාවි, හිරෙත් දමාවි සමහර විට මරලත් දමාවි අපිව මරා දැමුවත් සටන නවතින්නේ බැසිල් රාජපක්ෂ කියන අවලස්සන ඇමෙරිකානුවා යළි ඇමෙරිකාවට යන තුරුම අපේ සටන නවත්වන්නේ නෑ. යන්නේ නැත්නම් අපි එළවනවා

සිවිල් වැසියන්ගේ සහ සන්නද්ධ පුද්ගලයින්ගේ මරණ සංඛ්‍යාව දින තුනක් ඇතුළත 32ක් දක්වා ඉහළ ගොස් ඇති බව බුර්කිනා ෆාසෝ රාජ්‍යයෙන් වාර්තා වෙයි.

ක්ෂේත්‍ර කිහිපයක සෘජු ආයෝජනය සඳහා සෞදි රාජ්‍යයට ඇරයුම් කරන බව ජනාධිපති ගෝඨාභය රාජපක්ෂ මහතා එරට විදේශ අමාත්‍ය ෆයිසාල් බින් ෆර්හාන් අල් සාව්ඩ් කුමරුට පවසයි.සෞදි අරාබියානු විදේශ අමාත්‍යවරයා සමග අද (14දා) පෙරවරුවේ ජනාධිපති කාර්යාලයේ දී පැවති හමුවේ දී ජනපතිවරයා මේ බව සඳහන් කළේය.

මෙරට රෝහල් 55 ක් සදහා නව සුළු සේවා පාලක පත්වීම් 108 ක් සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා විසින් අද (14දා) සෞඛ්‍ය අමාත්‍යාංශයේ දී ලබාදෙනු ලැබීය.

නොර්වුඩ් ප්‍රාදේශිය බල ප්‍රදේශයේ පිහිටි සියළුම ආගමික සහ පූජනීය ස්ථානවලින් 2022 වසරේ සිට වරිපනම් බදු අය නොකිරිමට සභාවෙන් එකමතික තිරණයක් ගෙන ඇති බව නොර්වුඩ් ප්‍රාදේශිය සභාවේ සභාපති රවි කුලන්දවේල් මහතා පැවසිය.

අද මට අකමැත්තෙන් වුනත් කියන්න වෙනවා බොහෝ දෙනෙක් කියන්නේ බැසිල් රාජපක්ෂ මහත්මයා මුදල් ඇමති වුනාට පස්සේ තිබුණු දේත් නැති වුනා කියනවා. අපි දන්නේ නෑ ඒක ඇත්තද බොරුද කියලා. නමුත් එහෙම දෙයක් තිබෙනවා නම් බැසිල් මහත්මයෝ ඔබතුමාවත් මිනිස්සුන්ගේ චෝදනා වලින් නිදහස් වෙන්න පුලුවන් කමක් තිබෙනවා නම් 6 මාසයක්වත් ඈත් වෙලා ඉන්න. මේ මිනිස්සු කියන එක ඇත්ත නම්. අද ඔබතුමා තමයි ලොකුම අපලයක් කියලා ජනතාව කියන්නේ

සියඹලාණ්ඩුව අධ්‍යාපන කොට්ඨාසයට අයත් ඇතිමලේ මහා විද්‍යාලයේ තෙමහල් ගොඩනැඟිල්ලක බැඳ තිබූ බඹරු වදයක් ඇවිස්සීමෙන් අද (14දා) පාසල් ශිෂ්‍ය ශිෂ්‍යාවන් 60 දෙනෙකුට සහ විදුහල්පති ඇතුළු ගුරුවරුන් තිදෙනෙකුට බඹරුන් දෂ්ඨකිරීම නිසා ඇතිමලේ රෝහලට ඇතුලත්කර ඇත.

අද මේ මොහොත වන විට ඛනිජ තෙල් සංස්ථාවට පෙට්‍රල් සහ ඩිසල් රටට අවශ්‍ය ප්‍රමාණය අපි ගාව තිබෙනවා. අද විදුලිබල මණ්ඩලයට, බලාගාරවලට ඕනකරන තෙල් ප්‍රමාණයක් සපයලා තිබෙනවා.

ජනතාවට දිනෙන් දින එල්ලවන ජීවන බර හා අත්‍යවශ්‍ය භාණ්ඩ රැසක මිල ඉහළ යෑම හේතුවෙන් ජනතාව පත්වී ඇති පීඩනයට ආණ්ඩුව වග නොකියන බැවින් ආණ්ඩුව වහාඉල්ලා අස්විය යුතු බව පවසමින් ජනතා විමුක්ති පෙරමුණේපිරිසක් අද (14දා) අම්බලන්තොට නගරයේදී විරෝධතාවක් පැවැත්වූහ.

රටේ පවතින සහල් අර්බුදය නැති කිරීම සඳහා වහාම රජයේ මැදිහත්ව වී සහ සහල් වලට පාලන මිලක් නියම කළ යුතු බව ද එසේ නොකළහොත් සමස්ත ලංකා සුළු හා මධ්‍ය පරිමාණ වී මෝල් හිමියන් මැති ඇමැතිවරු හමුවීමට පැමිණෙන බව අද (14දා) විශේෂ මාධ්‍ය හමුවක් පවත්වමින් දඹුල්ලේ දී පැවසීය.

ජනපති ගෝඨාභය රාජපක්ෂ මහතා එළැඹෙන 16දා ජාතිය ඇමතීමට නියමිත බව ජනපති මාධ්‍ය අංශය පවසයි.

නිවාස පියසි යොදාගනිමින් සූර්ය විදුලිබල උත්පාදනය විධිමත් කිරීම සදහා ජනාධිපති කාර්ය සාධන බලකායක් පිහිටුවීමට අදහස් කර ඇති අතරම ජාතික විදුලිබල පද්ධතියට දායක වියහැකි බලාගාර කිසිවක් මෑත භාගයේ ස්ථාපිත නොවීම හේතුවෙන් මේ වනවිට බලපා ඇති විදුලි අර්බුධය මගහරවා ගැනීම වෙනුවෙන් කඩිනමින් පියවර ගන්නවා. ඒ යටතේ කැළණිතිස්ස බලාගාර පරිශ්‍රයේ තවත් මෙගාවොට් 105ක තාප බලාගාරයක් ඉදිකිරීමට කඩිනමින් පියවර ගන්නවා’’ යැයි විදුලිබල ඇමතිනී පවිත්‍රා වන්නිආරච්චි මහත්මිය පැවසීය.

යෝජිත චීන-ශ්‍රී ලංකා නිදහස් වෙළඳ ගිවිසුම සම්බන්ධයෙන් ගත හැකි ඉදිරි පියවර ඉක්මනින් ගැනීම සඳහා රජයේ අවධානය යොමුව තිබේ.

ඉන්ධන මිල ඉහළ යාමට සාපෙක්ෂව බස් ගාස්තු ඉහළ නංවන ආකාරය ජාතික ගමනා ගමන කොමිෂන් සභාව විසින් ප්‍රකාශයට පත්කර තිබේ.මේ අනුව අවම බස් ගාස්තුව රුපියල් 17 සිට රුපියල් 20ක් දක්වා වැඩිකර තිබේ. අවස්ථා 350ක් යටතේ බස් ගාස්තු වැඩි කර ඇත අතර රුපියල් 1303ක්ව පැවැති ප සාමාන්‍ය සේවාවේ උපරිම ගාස්තුව රුපියල් 1498ක් දක්වා ඉහළ ගොස් තිබබේ.

ඉරාන ඉස්ලාමීය ජනරජයේ ආරක්‍ෂක උපදේශක, කර්නල් හෝමයෝන් අලියාරි මහතා අද (14දා) නාවික හමුදා මූලස්ථානයේදී නාවික හමුදාපති වයිස් අද්මිරාල් නිශාන්ත උළුගේතැන්න මහතා හමුවිය.

අපි කියන වැඩපිළිවෙලේ හොඳ ලක්ෂණ පිළිගන්න සූදානම් නැත්නම් අපි නිකන් ආණ්ඩුවෙ ඉඳලා ආණ්ඩුවත් එක්ක අපිත් පිරිහෙන්න වැඩක් නැහැ යැයි පරිසර අමාත්‍ය මහින්ද අමරවීර මහතා පැවසීය. අමාත්‍යවරයා මෙසේ පැවැසූයේ අද(14දා) අඟුණකොළපැලැස්ස ප්‍රදේශයේදී පැවැති ස්වයං රැකියා ලාභින්ට උපකරණ ප්‍රදානය කිරීමේ අවස්ථාවකට එක්වෙමිනි.

බදුල්ලේ ගෑස් නියෝජිත ආයතනයකින් රුපියල් එක් ලක්ෂ හැට හතර දහසක් වටිනා ගෑස් සිලින්ඩර් 14 ක් කොල්ලකා ඇතැයි කියන සිද්ධියක් සම්බන්ධයෙන් විමර්ශනයක් ආරම්භකර ඇතැයි බදුල්ල පොලිසිය පවසයි .