ලෝක බැංකුවේ සභාපති ඩේවිඩ් මැල්පාස් පවසන පරිදි, බොහෝ රටවල් සඳහා, අවපාතය වළක්වා ගැනීම දුෂ්කර වනු ඇත.

ආගමන හා විගමන දෙපාර්තමේන්තුව (පාස්පෝට් කාර්යාලය) අද වන විට වැඩිම පිරිසක් සේවා ලබාගැනීමට පැමිණෙන ස්ථානය බවට පත්ව ඇති හෙයින් එම දෙපාර්තමේන්තුව පැය 24 පුරාම විවෘතව තබා ගත යුතු බව හිටපු ආණ්ඩුකාර රංජිත් කීර්ති තෙන්නකෝන් මහතා පවසයි.

චීනයේ කර්මාන්ත හා තොරතුරු තාක්ෂණ අමාත්‍යාංශයට අනුව, චීනය පුරා 5G පදනම් මධ්‍යස්ථාන මිලියන 1.615ක් ඉදිකර ඇති අතර, 2021 දී ඊට 654,000ක් එකතු කර ඇත.

සත්කාරක ශ්‍රි ලංකා කණ්ඩායම කඩුලු 10කින් පරාජයට පත්කරමින් දෙරට අතර කොළඹ ආර්. ප්‍රෙමදාස පිටියේ පැවැති පළමු විස්සයි20 තරගය ජය ගැනිමට සංචාරක ඔස්ට්‍රේලියා කණ්ඩායම සමත්විය.

SU-35 රුසියානු ජෙට් යානා දෙකක් සහ සිරියානු මිග් ප්‍රහාරක ගුවන් යානා 06ක් මෙම අභ්‍යාසවලට සහභාගී වූ අතර, ඔවුන් සතුරු අතථ්‍ය ගුවන් යානා සහ ඩ්‍රෝන යානාවලට මුහුණ දුන්හ.

අත්‍යාවශ්‍ය රාජ්‍ය සේවාවන් බාධාවකින් තොරව පවත්වා ගෙන යාමට අවශ්‍ය අරමුදල් සපයා ගැනීම සදහා අග්‍රාමාත්‍ය රනිල් වික්‍රමසිංහ මහතා, මුදල් අමාත්‍යවරයා ලෙස අද (07) පාර්ලිමේන්තුවට ඉදිරිපත් කළ රු. බිලියන 695ක පරිපූරක ඇස්තමේන්තුවට අද රජයේ මුදල් පිළිබඳ කාරක සභාවේ අනුමතිය හිමිවිය.

සාමකාමී ගවේෂණය, විනිවිදභාවය, අන්තර් ක්‍රියාකාරීත්වය, හදිසි ආධාර, අභ්‍යවකාශ වස්තූන් ලියාපදිංචි කිරීම, විද්‍යාත්මක දත්ත මුදා හැරීම, උරුමය සුරැකීම, අභ්‍යවකාශ සම්පත්, ක්‍රියාකාරකම්වල ගැටුම් සහ කක්ෂීය සුන්බුන් යන දේ ගිවිසුමේ මූලධර්මවලට ඇතුළත් වේ.

රුපියල් බිලියන 50ක වටිනාකමකින් යුත් භාණ්ඩාගාර බැඳුම්කර නිකුත් කිරීමට මහ බැංකුව සැලසුම් කර තිබේ. ඒ අනුව වාර්ෂික සියයට 17ක පොලියක් යටතේ ජුනි 10 දා රුපියල් බිලියන 20ක් නිකුත් කිරීමට නියමිතය.

BRICS රටවල්, එනම් බ්‍රසීලය, රුසියාව, ඉන්දියාව, චීනය සහ දකුණු අප්‍රිකාව සිය මූල්‍ය සහයෝගීතාවයේ ධනාත්මක ප්‍රගතියක් සාක්ෂාත් කර ගැනීම සඳහා ගන්නා ලද සාමූහික ප්‍රයත්නයන් ගැන සාකච්ඡා වෙයි.

අපි සියලුම පක්ෂ නායකයන්ගෙන්, සියලුම මන්ත්‍රීවරුන්ගෙන් ඉල්ලීමක් කරනවා සමහර වෙලාවට නායකයන්ට මේක තේරෙන්නේ නැත්නම් අපි තරුණ මන්ත්‍රීවරු ටික එකතුවෙමු. එකතුවෙලා අපි මේ රටේ මහජනතාවගේ ප්‍රශ්න ටික බේරන්න අපි කෙලින් හිට ගන්න ඕන කියන එක මම කියනවා.

පොහොට්ටුව විසින් යහපාලන ආණ්ඩුවේ අගමැතිවරයා පිළිගෙන තිබීම ගැන තමා සතුටට පත්වන බව විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා අද (7දා) පාර්ලිමේන්තුවේ දී පැවසීය.

ගෘහස්ථ ගෑස් සිලින්ඩර හෙට (8දා) බෙදාහැරීම සිදුනොකරන බව ලිට්‍රෝ ගෑස් සමාගම අද (7දා) පවසයි. ඉදිරි දින කිහිපය ඇතුළත ගෑස් බෙදාහැරීමේ කටයුතු නැවත ආරම්භ කිරීමට නියමිත බව එම සමාගම වැඩිදුරටත් සඳහන් කළේය.

සමගි ජන බලවේගය හම්බන්තොට දිස්ත්‍රික් පාර්ලිමේන්තු මන්ත්‍රී දිලිප් වෙදාරච්චි මහතාගේ පුත් රවිඳු වෙදාරච්චි සහ ඔහුගේ බිරිඳ නෙත්මී හරින්දි හෙට (8දා) දක්වා රක්ෂිත බන්ධනාගාර ගත කරන ලදී.

කොළඹ මහාධිකරණය විසින් ඊයේ (06) ඇමති ප්‍රසන්න රණතුංග මහතාට ලබාදුන් නඩු තීන්දුව සම්බන්ධයෙන් අභියාචනයක් ගොණු කෙරේ. ඇමතිවරයා වෙනුවෙන් නීතිඥ මේරි ඩික්මන් මහත්මිය මහාධිකරණ රෙජිස්ටාර්වරයා වෙත අද (07) මෙම අභියාචනය භාර දුන් අතර අදාළ නඩු ගොණුව අභියාචනාධිකරණය වෙත යොමු කරන ලෙස එමගින් ඉල්ලා තිබේ.

විදේශ කටයුතු අමාත්‍ය මහාචාර්ය ජී. එල්. පීරිස් මහතා හෙට (8දා) සහ අනිද්දා (9දා) යන දෙදින සිංගප්පූරුවේ සංචාරයක නිරත වීමට නියමිත ය. ඒ සිංගප්පූරුවේ විදේශ කටයුතු අමාත්‍ය විවියන් බාලක්‍රිෂ්ණන් මහතා සිදු ආරාධනයකට අනුවයි.

ශ්‍රී ලංකා යුද හමුදාවේ වත්මන් නියෝජ්‍ය මාණ්ඩලික ප්‍රධානී ධූරය හොබවන මේජර් ජෙනරල් ජගත් කොඩිතුවක්කු මහතා හෙට (8දා) සිට බලපැවැත්වෙන පරිදි 60 වන යුද හමුදා මාණ්ඩලික ප්‍රධානී ලෙස ධූරයේ රාජකාරි භාරගැනීමට නියමිතව තිබේ.

රටක් ලෙස ඉදිරියට යාමට නම් සෑමදෙයක් වෙනුවෙන්ම ජාතික ප්‍රතිපත්ති සකස්විය යුතු යැයි අමාත්‍ය රොෂාන් රණසිංහ මහතා පැවසීය. ක්‍රීඩා හා යෞවන කටයුතු අමාත්‍ය රොෂාන් රණසිංහ මහතා මේ බව කියා සිටියේ ජාතික ක්‍රීඩා සභාවේ ඉදිරි ක්‍රියාකාරිත්වය හා සැලසුම් පිළිබඳව ජාතික මට්ටමේ ජ්‍යෙෂ්ඨ ක්‍රීඩක ක්‍රීඩිකාවන් සමග අමාත්‍යාංශයේ දී පැවති සාකච්ඡාවක දීය.

එතුමට මම තව දෙයක් සද්භාවයෙන් මතක් කරන්න ඕන ගරු අගමැතිතුමනි ඔබතුමා කැඳවන්න පැය තුනකට කලින් ගරු ජනපතිතුමා මාව කැඳවලා කිව්වා දැන් භාර ගන්න අගමැතිකම වහාම භාර ගන්න කියලා. මම එතුමට කොන්දේසි හතරක් පහක් දැම්මා. ඒවා අනුව වැඩ කරනවානම් පසුබිම හැදුවොත් මම භාර ගන්නම් කියලා කිව්වා. හැබැයි අපේ පක්ෂයේ බහුතරයකගේ අනුමැතිය ලැබුණොත් පමණක්. ඔබතුමා මටත් පිං පොඩ්ඩක් අනුශාසනා කරන්න ඔය පුටුවට යන්න පාර කැපුණේ මගේ ක්‍රියාදාමය හරහා කියලා එතුමා තේරුම් ගන්න ඕන

සහල්වලට උපරිම මිල නියම කරමින් පසුගිය මැයි මස 2 වැනිදා නිකුත් කළ අංක 82 දරණ ගැසට් පත්‍රයේ කිසිදු සංශෝධනයක්, අවලංගු කිරීමක් කර නොමැති බවත් ව්‍යාපාරික ප්‍රජාව සහල් උපරිම සිල්ලර මිලට යටත්ව අලෙවි කළ යුතු බවත් පාරිභෝගික කටයුතු පිළිබඳ අධිකාරිය නිවේදනයක් නිකුත් කරමින් සඳහන් කරයි.

මහාචාර්ය ආශු මාරසිංහ මහතා අග්‍රාමාත්‍ය පාර්ලිමේන්තු කටයුතු ලේකම් ලෙස පත්කර තිබේ. තමන් කිසිදු වැටුපක් හෝ දීමනාවක් ලබා නොගෙන එම තනතුරේ කටයුතු කරන බව මහාචාර්ය ආශු මාරසිංහ මහතා සඳහන්කරයි.

නිකවැරටිය රෝහලේ පවතින දැඩි හිඟයක්ව පවතින අත්‍යවශ්‍ය ඖෂධ හා උපකරණ මිලදී ගැනීම සඳහා නිකවැරටිය නගරයේ ව්‍යාපාරිකයන් ගෙන් ආධාර මුදල් ලබා ගැනීමේ වැඩසටහනක් රෝහල් කාර්ය මණ්ඩලය හා රෝහල් කමිටුවේ මූලිකත්වයෙන් නිකවැරටිය නගරයේදී අද (07දා) ක්‍රියාත්මක කෙරිණි .

නිස්සු තිරිසන්නු වගේ හැසිරෙනවා තෙල් පෝලිම්වල, ගෑස් පෝලිම්වල භූමිතෙල් පෝලිම්වල. බලාගෙන ඉන්න අමාරුයි අපිට, මේ අපේ ලංකාවද මේ වගේ අපායක් වුණේ? අඩුගානේ මේ කාර්ය කරන්න. රුසියාවෙන් තෙල් ලබාගැනීමට මැදිහත් වෙන්න කියලා මම මේ ආණ්ඩුවෙන් ඉල්ලා සිටිනවා මතවාදයේ හරස්කඩ නැත්නම්.’’

වැට් බද්ද නිසා පාන් හැර අනෙකුත් සෑම බේකරි නිෂ්පාදනයකම මිල රුපියල් 12 ත් 15 ත් අතර මිලකින් වැඩි වනු ඇතැයි සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පැවසීය.

ශ්‍රී ලංකා නිදහස් පක්ෂයේ ජේෂ්ඨ උප සභාපති නිමල් සිරිපාල ද සිල්වා මහතා ව ශ්‍රී ලංකා නිදහස් පක්ෂයේ සියලු තනතුරුවලින් ඉවත් කිරීමට පක්ෂයේ සභාපති මෛත්‍රීපාල සිරිසේන මහතා සහ මහලේකම් දයාසිරි ජයසේකර මහතා විසින් පසුගියදා මාධ්‍ය වෙත නිකුත් කරන ලද නිවේදනය පෙරදැරිව අද දින නිමල් සිරිපාල ද සිල්වා මහතා ඊට එරෙහිව එම තීරණය අත්හිටුවන ලෙස ඉල්ලා කොළඹ දිසා අධිකරණයට ජනාධිපති නීතිඥ රොමේෂ් ද සිල්වා මහතා මගින් පෙත්සමක් ඉදිරිපත් කළේය.

එප්පාවල ඇඳගල ප්‍රදේශයේ දී වී මෝලක සිටි දෙදෙනකු ඝාතනය කර තිබේ. මෙම ඝාතනය සම්බන්ධයෙන් එක් අයකු අත්අඩංගවට ගෙන ඇති අතර තවත් පුද්ගලයකු අත් අඩංගුවට ගැනීමට පොලිසිය මෙහෙයුමක් ආරම්භ කර තිබේ.

ජා-ඇල නගරයට අද (07දා) ලිට්රෝ ගෑස් ලබා දෙන බව සැලවීමත් සමඟ අති විශාල ජනතාවක් ගෘහස්ථ ගෑස් සිලින්ඩර ගැනීම සදහා ජා-ඇල පොදු ක්‍රිඩාංගනය වෙත පැමිණි අතර ගෑස් සිලින්ඩර රැගත් ලොරි රථය පැමිණෙන තෙක් ගෑස් සිලින්ඩරය විකට්ටුවට යොදාගෙන තරුණයන් පිරිසක් ක්‍රිකට් ක්‍රිඩාවේ යෙදෙන අයුරු.

මහ කන්නයේදී වාර්තා ගත වී අස්වැන්නක් ලබා ගන්නා බව කෘෂිකර්ම අමාත්‍ය මහින්ද අමරවීර මහතා ප්‍රකාශ කළේය. පාර්ලිමේන්තුවේ ප්‍රකාශයක් කරමින් ඔහු මේ බව පැවැසීය.

නැගෙනහිර විශ්වවිද්‍යාලයේ නව කුලපතිවරයා ලෙස මහාචාර්ය එම්. සෙල්වරාජා සහ ගම්පහ වික්‍රමාරච්චි දේශීය වෛද්‍ය විශ්වවිද්‍යාලයේ නව උප කුලපතිවරයා ලෙස රුහුණු විශ්වවිද්‍යාලයේ වෛද්‍ය පීඨයේ මහාචාර්ය ආර්. වික්‍රම සෙනෙවිරත්න යන මහත්වරු පත් කර තිබේ.

බණ්ඩාරගම කළුතර මාර්ගයේ වෑවිට ප්‍රදේශයේ දී අද (7දා) අළුයම ටිපර් රථයක ගැටීමෙන් වයෝවෘද්ධ හිමිනමක් අපවත් වී ඇතැයි බණ්ඩාරගම පොලීසිය පවසයි.