අයවැය ඉදිරිපත් කිරීමෙන් පසු පාර්ලිමේන්තු මැති ඇමතිවරුන් ඇතුළු ආරාධිතයින් සඳහා ලබා දෙන තේ පැන් සංග්‍රහය, රටේ ආර්ථික තත්වය සැලකිල්ලට ගෙන මෙවර නොපවත්වන ලෙස අදාල නිලධාරීන්ට ජනපති රනිල් වික්‍රමසිංහ මහතා උපදෙස් දී තිබේ.

මෙරට පවතින ආර්ථික අර්බුදය හමුවේ මත්පැන් පරිභෝජනය ශීඝ්‍ර ලෙස පහළ ගොස් ඇති බව සුරාබදු දෙපාර්තමේන්තුව පවසයි.

විස්සයි විස්ස ලෝක කුසලාන ක්‍රිකට් තරගාවලියේ අයර්ලන්තය සමගින් පැවති තරගයෙන් ලකුණු 35 ක පහසු ජයක් වාර්තා කිරීමට නවසීලන්තය සමත්විය. ඇඩිලේඩ් ඕවල් පිටියේදී පැවති තරගයේ කාසියේ වාසිය දිනූ අයර්ලන්ත ඇරයුමින් පළමුවෙන් පන්දුවට පහරදුන් නවසීලන්තය සිය පන්දුවාර 20 අවසානයේ කඩුළු 6 ක් දැවී ලකුනු 185 ක් රැස් කලේය.

කොළඹ සහ ගම්පහ දිස්ත්‍රික්කවල ගංවතුර තත්ත්වය පාලනය කිරීම සඳහා කඩිනමින් ඇළවේලි ශුද්ධ පවිත්‍ර කිරීමට QR ක්‍රමවේදයෙන් පිට ඉන්ධන ලබාදීමට තීරණය කෙරේ.

PCR පරීක්ෂාවෙන් සොයාගත් මන්කිෆොක්ස් රෝගියාගේ නිදර්ශක, ජාන අනුක්‍රමික විශ්ලේෂණයක් මගින් වහා තහවුරු කර ගත යුතුයැයි සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පවසයි.

කැබිතිගොල්ලෑව ප්‍රදේශවාසින්ට හිසරදයක් වී සිටි සද්ධන්ත වන අලියා කැබිතිගොල්ලෑව වහල්කඩ ප්‍රදේශයේ සිට අල්ල‍ා රැගෙන යාමට සූදානම් කර සිටිය දී ඊයේ (03දා) සවස මියගිය බව මැදවච්චිය වනජීවි නිලධාරීහු පවසති.

දේශිය වෙලදපොලේ උඩරට සහ පහතරට එලවළු මිල යලිත් ඉහල ගොස් ඇති බව හැටන් නගරයේ එලවළු ව්‍යාපාරිකයන් කියා සිටිති.

ගෑස් මිල සූූූත්‍රය අනුව මෙම මස ගෑස් මිල සංශෝධනය කිරිමේදී ගෑස් මිල ඉහළ යයිද පහළ යයිද සම්බන්ධයෙන් කිසිවක් ප්‍රකාශ කළ නොහැකි බව ලිට්‍රෝ සමාගමේ සභාපති මුදිත පිරිස් මහතා පැවැසිය.

ලිට්‍රෝ සමාගම නව පාරිභෝගිකයන් වෙනුවෙන් නව ගෑස් සිලින්ඩර් ලබාදීම ලබන වසරේ ජනවාරි මාසයේ සිට ආරම්භ කරන බව ලිට්‍රෝ සමාගමේ සභාපති මුදිත පීරිස් මහතා පැවැසීය.

ගෑස් පෝලිමක් තියා ආයේ ගෑස් හිඟයක් ඇති වෙන්න අපි ඉඩ තියන්නේ නෑ කියලා විශේෂයෙන්ම මතක් කරනවා. ඒ වගේම මිල අඩුවෙයි කියන බලාපොරොත්තුව අනුව ඇතැම් අපේ සමහර අලෙවි නියෝජිතයන් මැලිකමක් දක්වනවා මුලු ස්ටොක් එකම මිලදි ගන්න.

’’අපේ රටේ නායකයෝ කියන අය මේ රට පාවාදීලා තියෙනවා. අවුරුදු ගණනාවක් කළේ අපේ රට විදේශයන්ගේ වහල් බවයට ගෙන යාමයි. දැන් ඔක්කොටමත් වඩා අන්ත දෙ අපි හිඟා කන තත්ත්වයට පත්කළා’’

ලෝක වෙළෙඳපොළෙ තුළ බොර තෙල් මිල තවදුරටත් පහළ බැස තිබේ. ඉන්ධන සඳහා චීනයේ ඉල්ලුම අඩුවීම මේ සඳහා ප්‍රධාන හේතුව වි ඇති අතරම එක්සත් ජනපදය සිය උද්ධමනය පාලනය කිරීම වෙනුවෙන් පොලී අනුපාත ඉහළ නැංවීමද මේ සඳහා තවත් හේතුවක් වී තිබේ.

ශ්‍රී ලංකා බලධාරින් සහ ශ්‍රී ලංකාවේ නිල ණය හිමියන් සමඟ සාකච්ඡාවක් භාණ්ඩාගාර හා මුදල් අමාත්‍යාංශ ලේකම් මහින්ද සිරිවර්ධන මහතා සහ ශ්‍රී ලංකා මහ බැංකුවේ අධිපති ආචාර්ය පී.නන්දලාල් වීරසිංහ මහතාගේ ප්‍රධානත්වයෙන් ඊයේ (03) මාර්ගගත තාක්ෂණය ඔස්සේ පැවැත්විණි.

ශ්‍රී ලංකාවේ ප්‍රථම වඳුරු උණ රෝගියා ඊයේ (03දා) වෛද්‍ය පර්යේෂණ ආයතනය විසින් හඳුනාගෙන තිබේ. මෙම රෝගියා 20 හැවිරිදි වියේ පසුවන ඩුබායි සිට මෙරටට පැමිණි පුද්ගලයෙකි.

පාස්කු ප්‍රහරය සම්බන්ධයෙන් පාර්ලිමේන්තු මන්ත්‍රී රිෂාඩ් බද්යුදින් මහතාට ඒරෙහිව අසත්‍ය චෝදනා මත අත්අඩංගවට ගැනීම, රඳවා තබා ගැනීම මෙන්ම අපහාස කිරීම ඇතුළු කාරණා කිහිපයක් මුල් කර ගනිමින් වන්දි ඉල්ලා නඩුවක් ගොනු කිරීමට සාකච්ඡා කරමින් සිටින බව බද්යුදීන් මහතාගේ පෞද්ගලික නීතිඥ රුෂ්දි හබීබ් මහතා පැවැසිය.

වර්තමාන පාර්ලිමේන්තුව තුළ ද්විත්ව පුරවැසියන් සිටින්නේ නම් ඔවුන් සම්බන්ධයෙන් පාර්ලිමේන්තුව හරහා ක්‍රියාමාර්ග ගත නොහැකි බවත් ඒ සම්බන්ධයෙන් අධිකරණ ක්‍රියාමාර්ග ගෙන අදාළ තීන්දුව ලබාදෙන්නේ නෙම් ඒ අනුව තමා කටයුතු කරන බවත් කථානායක මහින්ද යාපා අබේවර්ධන මහතා පාර්ලිමෙන්තුවට සඳහන් කළේය.

ධීවර කර්මාන්තයේ පළපුරුද්දක් ඇති ශ්‍රමිකයින්ට කොරියාවේ ධිවර ක්ෂේත්‍රෙය් රැකියා අවස්ථා විවෘත කරදීමත් ධීවර ක්ෂේත්‍රෙය් වැඩි රැකියා අවස්ථා ප්‍රමාණයක් ලබාගැනීමත් සම්බන්ධයෙන් කම්කරු සහ විදේශ රැකියා අමාත්‍ය මනුෂ නානායක්කාර මහතා සහ දකුණු කොරියානු ජාත්‍යන්තර සමුපකාර ධීවර සංවිධානයේ සභාපති Im Joon Taek මහතා අතර සාර්ථක සාකච්ඡාවක් පවත්වා තිබේ.

මෙවර අයවැයේ විශාල මුදලක් වෙන් කර තිබෙන්නෙ සමාජ ශුභසාධනයට බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි. එසේම බදු ආදායම් ඉලක්කයෙන් මේ වන විට සියයට 68ක් සම්පුර්ණ කර ඇති බවද ඔහු පැවැසිය.

සංචාරක වීසා මගින් විදේශ රැකියා සඳහා පිටත්ව යැම තහන් කිරීමට කටයුතු කරන බව ශ්‍රී ලංකා විදේශ සේවා නියුක්ති කාර්යාංශය පවසයි.

ලෝක කුසලාන විස්සයි විස්ස තරගාවලියේ බලාපොරොත්තු අළුත් කර ගැනීමට පාකිස්ථානය සමත්විය.

ශ්‍රී ලංකාවේ පරිභෝජනය නොකරන මත්ස්‍ය කොටස් ප්‍රතිචක්‍රීකරණය කර ජපානයට සත්ව ආහාර හැටියට ආනයනය කරන නව ව්‍යාපෘතියක් මිරිස්ස ප්‍රදේශයේ ආරම්භ කිරීමට ද ශිමෝ ( SHIMO) ආයතනය බලාපොරොත්තු වන බව මෙහිදී අනාවරණය විය.

තලවකැලේ ලිදුල නගර සභාවේ කැලි කසල අංගණයට විනාශ කිරිමට නුවරඑලිය දිස්ත්‍රික් මහ රෝහලේ ලය චිකිත්සාගාරය විසින් භාර දි තිබු කල් ඉකුත් වු ඖෂධ තොගය අද (03දා) එම රෝහලේම වාහනයකින් යලිත් රෝහල වෙත රැගෙන ගිය බව තලවකැලේ ලිදුල නගර සභාවේ මහජන සෞඛ්‍ය පරික්ෂක රුවන් ප්‍රනාන්දු මහතා පැවසිය.

ගම්පහ දුම්රිය ස්ථානයේ නව වැසිකිළික් ඉදිකිරීම සඳහා පෞද්ගලික සමාගමකට කොන්ත්‍රාත්තුවක් භාරදී ඇති අතර, ඒ සඳහා රුපියල් එක්කෝටි අසූ ලක්‍ෂ අසු එක් දහස් හයසිය පහලොවයි ශත හතරක (18081615.04) මුදලක් වැය කිරීමට නියමිතය. සැලසුමට අනුව, කාන්තා හා පිරිමි වැසිකිළි දෙකකින් සමන්විත තනි තට්ටුවේ ගොඩනැගිල්ලක් වන මෙහි, වර්ග ප්‍රමාණය වර්ග අඩි 594 කි. ඒ අනුව එක් වර්ග අඩියක් සඳහා රුපියල් 30440ක මුදලක් වැය කිරිමට නියමිතය.

පිටි, සීනී, පරිප්පු ඇතුළු අත්‍යවශ්‍ය ආහාර ද්‍රව්‍ය පහක මිල ලංකා සතොස ආයතනය මගින් යළිත් පහළ දමා තිබේ.

අභියෝග හමුවේ වුවද 21 වැනි ආණ්ඩු ක්‍රම ව්‍යවස්ථා සංශෝධනය සම්මත කිරීම පිළිබදව ප්‍රසාදය පළ කරන බවත් සංහිදියාව ගොඩ නැංවීම සදහා රජය විසින් උතුරු නැගෙනහිර සිදු කරනු ලබන කාර්ය භාරයන් විශිෂ්ට බවත් ශ්‍රී ලංකාවේ ඇමෙරිකානු තානාපති ජූලි චන්ග් මහත්මිය පවසයි.

මාධ්‍ය මගින් පෙන්වන තරම් අයහපත් වාතාවරණයක් ශ්‍රී ලංකාවේ නොමැති බැවින් ලෝකයේ පවතින තත්වය අනුව සංචාරය කලයුතු පළමු රට ශ්‍රී ලංකාව බව ආසියානු මාධ්‍ය හා සංස්කෘතික සංගමය අග්‍රාමාත්‍ය දිනේෂ් ගුණවර්ධන මහතා හමුවෙමින් පවසයි.

මහජන ඡන්දයෙන් බලය ලබාගත නොහැකි කුමන්ත්‍රණකරුවන් පිරිසක් ජනතාව පාරට බස්සවා රට නැවත ආපස්සට හැරවීමට උත්සාහ ගන්නා බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පැවසීය.

විස්සයි විස්ස ලෝක කුසලානයේදී බංග්ලාදේශය සමගින් පැවති තරගයේදී ඉන්දීය කණ්ඩායමේ සුපිරි ක්‍රීඩක විරාත් කෝලි විසින් ප්‍රතිවාදී ක්‍රීඩකයින් රැවටීමට කළ පන්දු රැකීමක් ගැන බංග්ලාදේශයෙන් දෝෂාරෝපණ එල්ල වී ඇත.

පාපුවරුවේ ගමන් කල මගියෙකුට උඩට එන්න කියූ කොන්දොස්තරවරයාට පහරදුන් පුද්ගලයකු අත්අඩංගුවට ගන්නා තෙක් පානදුර- වේරගම ශ්‍රීලංගම බස් රථ රියදුරන් සහ කොන්දොස්තර වරුන් අද (03දා) ආරම්භ කළ වර්ජනය හේතුවෙන් මගින් විශාල පිරිසක් අපහසුතාවයකට පත්ව සිටියහ.