වැඩබලන ජනමාධ්‍ය අමාත්‍ය ශාන්ත බණ්ඩාර මහතා කුරුණෑගල දිස්ත්‍රික්කයේ බිංගිරිය, උඩුබද්දාව, නාරම්මල හා අලව්ව ප්‍රා දේශීය ලේකම් කොට්ඨාසවල සංවර්ධන කමිටු සභාපති ලෙස පත්කර තිබේ. ජනපති රනිල් වික්‍රමසිංහ මහතා විසින් මෙම පත්කිරීම සිදුකර තිබේ.

මේ වන විට වැඩ තහනමකට ලක්ව සිටින ඔමාන තානාපති කාර්යාල නිලධාරියාට එරෙහිව පැමිණිලි මේ වසරේ පෙබරවාරි මාසයේ සිට ලැබී තිබුණද ඒ සදහා තීරණයක් ගැනීම ප්‍රමාද වී ඇති බව ඊයේ (22) පැවති රජයේ ගිණුම් කාරක සභාවේදී අනාවරණය විය.

හැකිනම් පාර්ලිමේන්තුව විසුරුවා හරින්නයැයි පාර්ලිමේන්තුවට යෝජනාවක් ගෙන එන්නයැයි අග්‍රාමාත්‍යවරයා සිය කතාවේදී විපක්ෂයට අභියෝගයක්ද කළේය. පළාත් පාලන මන්ත්‍රී ගණන 8000 කළේ, තමා සභාපතිත්වය දැරූ ඡන්ද කමිටුව නොව, යහපාලන ආණ්ඩුව බවද සිහිපත් කළ අග්‍රාමාත්‍යවරයා, පසුගිය කාලයේදී සර්වජන ඡන්දය හා ප්‍රජාතන්ත්‍රවාදී පාර්ලිමේන්තු ක්‍රමය, ආරක්ෂා කිරීමට රජය කටයුතු කළ බවද අවධාරණය කළේය.

දුම්රිය, බස් රථ, පාසැල් වෑන් හා ටැක්සි සේවා ඇතුළු මෙරට සියලු ප්‍රවාහන සේවාවන් එක් ඩිජිටල් තලයකට ගෙන ඒම හරහා මගී පහසුව ඇති කිරීම පිළිබඳ ආර්ථිකය ස්ථායීකරණයට අදාළ කෙටි සහ මධ්‍ය කාලීන වැඩසටහන් හඳුනා ගැනීම සඳහා වන ජාතික සභා අනු කමිටුවේදී සාකච්ඡා විය.

ශ්‍රී ලංකා ක්‍රිකට් කණ්ඩායමේ තුන් ඉරියව් ක්‍රීඩක චාමික කරුණාරත්නට වසරක තරග තහනමක් පැනවීමට ශ්‍රී ලංකා ක්‍රිකට් ආයතනය පියවර ගෙන ඇත.

රියැදුරු නොමැතිව තම වෑන් රථය කුලියට ලබා දී, රථය ලබා ගත් පුද්ගලයන් ගමන් කරන ස්ථානය ජී.පී.එස් තාක්ෂණය ඔස්සේ නිරීක්ෂණය කරමින් ඔවුන් පසු පස හඹා ගොස්, වන්දනා කටයුත්තකට රථයේ පිරිස බැස ගිය පසු වෑන් රථය සොරකම් කළ එම රථයේ හිමිකරු ඇතුළු පුද්ගලයන් තිදෙනෙකු ඊයේ(22දා) අත්අඩංගුවට ගත් බව ගල්නෑව පොලිසිය පවසයි.

පාපන්දු ලෝක කුසලානයේ මොරොක්කෝව හා ක්‍රොයේෂියාව අතර පැවති තරගය ජය පැරදුමින් තොරව අවසන් විය.

රටේ ජන මතය හමුදාව යොදා පාගාගෙන සිටීමෙන් අරගලය තවත් වැඩි වන බවත්, ඒ අනුව ජනතා අපේක්ෂා ඉටු කිරීමට කටයුතු කරන ලෙස ජනාධිපති රනිල් වික්‍රමසිංහ මහතාගෙන් ඉල්ලීමක් කරන බවත් සමගි ජන බලවේගයේ පාර්ලිමේන්තු මන්ත්‍රී හර්ෂණ රාජකරුණා මහතා පැවසීය.

2022 වසරේ පළමු කාර්තුවේ සියයට 4.3 ක්ව පැවති සේවා වියුක්ති අනුපාතය 2022 වසරේ දෙවන කාර්තුව තුළ සියයට 4.6 ක් දක්වා ඉහළ ගොස් ඇත.

මහවැලි අධිකාරිය සතු ඉඩම් ප්‍රා දේශීය ලේකම්ට පැවැරීමේ යෝජනාව කොහෙන්ද ආවේ කියලා මම දන්නවා. මේක ජාත්‍යන්තර සංවිධානයකින් ආපු යෝජනාවක්. ඔය යෝජනාව 2002ත් ආවා. ඔය යෝජනාවට අපිට එකඟ වෙන්න බෑ.

භූමිතෙල් බෙදා හැරීමේ දී පවතින ප්‍රමාදය ඉදිරි දින දෙක තුළ සම්පූර්ණයෙන්ම අවසන් කිරීමට රජය විසින් පියවර ගෙන තිබෙන බව ජනාධිපති කාර්යාලය පවසයි.

2024 වසරේ බ.ඉ. කොදෙව් සහ ඇමරිකා එක්සත් ජනපදයේ පැවැත්වෙන විස්සයි20 පිරිමි ලෝක කුසලානයේදී පෙර පැවැති අදියර දෙකට සාපේක්‍ෂව තරමක් වෙනස් ආකෘතියකින් තරග පැවැත්වීමට අන්තර්ජාතික ක්‍රිකට් සභාව (අයි.සී.සී.) සැලසුම් කර ඇත.

කොළඹ මහෙස්ත්‍රාත් අධිකරණයෙන් අද (23දා) ඇප නියම වූ ගල්වැව සිරිධම්ම හිමියන්ව කඩුවෙල මහෙස්ත්‍රාත් අධිකරණය වෙත වෙනත් නඩුවත් වෙත ඉදිරිපත් කිරීමෙන් අනතුරව රක්ෂිත බන්ධනාගාරගත කර තිබේ.

මෙරට සිදු කරනු ලබන උද්ඝෝෂණ අවුරුද්දකට හෝ අවුරුදු දෙකකට නැවැත්වීමට කටයුතු කළ යුතු බව සමගි ජන බලවේගයේ පාර්ලිමේන්තු මන්ත්‍රී කුමාර වෙල්ගම මහතා පැවසීය.

පාර්ලිමේන්තුවේදී පසුගිය ඔක්තොබර් 19 වැනිදා සම්මත වූ විෂ වර්ග, අබිං සහ අන්තරායදායක ඖෂධ වර්ග(සංශෝධන) යන පනත් කෙටුම්පත අද (23) සිට 2022 අංක 41 දරන විෂ වර්ග, අබිං සහ අන්තරායදායක ඖෂධ වර්ග(සංශෝධන) පනත ලෙස බලාත්මක වේ.

අද ජනපති පුටවට ආවේ අරගලයට පිංසිද්ධ වෙන්නෙ. අද අරගලයට නිගා කරනවා. අරගලය මර්දනය කරන්න කටයුතු කරනවා. හරිනම් එතුමා අරගලකරුවන්ට උදේ හවස පහනක් පත්තු කරලා හඳුන්කූරු පත්තුකරලා වදින්න ඕන. එහෙම ජනපතිවරයා අරගලය මර්දනය කරන හැටි හමුදාව යොදවන හැටි පොලීසිය යොදවන හැටි කථා කිරීම ගැටලුවක්

මම අටමස්ථානාධිපති තනතුරට පත් වුණු දවසේ ඉඳලා මාධ්‍යයට තිබුණ ප්‍රශ්නය තමයි රුවන්වැලිසෑයට කවුද පත් වෙන්නේ කියන කාරණාව, රුවන්වැලි සෑ විහාරාධිකාරී ධුරය සඳහා අටමස්ථාන කාරක සභාව රැස් වෙලා සුදුසු තීන්දුව ගත් බව අටමස්ථානාධිපති පූජ්‍ය පල්ලේගම හේමරතන නාහිමි පාණන් පැවසූහ.

රාමායණය ග්‍රන්ථයේ සදහන් ස්ථාන නැරඹීම සදහා ඉන්දීය ජාතික ගුවන් මගීන් 78 දෙනෙකු අද (23දා) දහවල් කටුනායක ගුවන් තොටුපළ ඔස්සේ ශ්‍රී ලංකාවට පැමිණිය.

පාපන්දු ලෝක කුසලාන‍යට තරගවදිනක්‍රීඩකයන් ’සමලිංගිකත්වයට’ සහාය පළකිරීම වැළැක්වීමට අන්තර්ජාතික පාපන්දු සම්මේලනය (ෆිෆා) පියවර ගැනීමට විරෝධය පෑමට යුරෝපානු පාපන්දු කණ්ඩායම් කිහිපයක්ම කටයුතු යොදා ඇත. ඔවුන් පවසන්නේ ෆිෆා විසින් මානව අයිතිවාසිකම් කඩකිරීමට සූදානම් වන බවයි.

පක්ෂයේ මධ්‍යම කාරක සභාවේ තීරණයකට පටහැනිව යමින් අයවැයට පක්ෂව ඡන්දය ප්‍රකාශ කිරිම හේතුවෙන් ශ්‍රී ලංකා නිදහස් පක්ෂ ජාතික සංවිධායක මෙන්ම පාර්ලිමේන්තු මන්ත්‍රි දුමින්ද දිසානායක මහතාට එරෙහිවද විනය ක්‍රියාමාර්ග ගැනීමට සිදුවන බව හිටපු ජනපති මෛත්‍රීපාල සිරිසේන මහතා පැවැසීය.

ගුවන්තොටුපොළ පුළුල් කිරීමේ ව්‍යාපෘතියේ ක්‍රියාත්මක කරන ජපානයේ තයිසේ සමාගමෙන් තමන් කොමිස් ලබාගත් බවට පාර්ලිමේන්තු මන්ත්‍රී අනුර කුමාර දිසානායක මහතා සිදුකළ චෝදනා ප්‍රතික්ෂේප කරමින් අමාත්‍ය නිමල් සිරිපාල ද සිල්වා පාර්ලමේන්තුව තුළ වරප්‍රසාද ප්‍රශ්නයක් මතු කළේය.

ශ්‍රවණාබාධිත තරුණයාගේ ඒ ටි එම් කාඩ් පත සොරාගෙන ශල්‍යකර්මය සිදුකිරීම එකතු කර තිබූ මුදලින් රුපියල් 292,000 ක මුදලක් වරින් වර සොරාගත් ඔහුගේ කුළුපග මිතුරා අත්අඩංගුවට ගත් බව මිල්ලනිය පොලිසිය පවසයි.

ශ්‍රි ලංකා පොදුජන පෙරමුණේ බහුතරයක් තමන්ගේ මතයට ගැනීමට ජනපති රනිල් වික්‍රමසිංහ මහතාට හැකියාවක් ලැබුණේ නම් සමගි ජන බලවේගයේ පිරිසක් ජනපති රනිල් වික්‍රමසිංහ මහතාගේ මතයට එකඟ වෙන බව ශ්‍රී ලංකා පොදුජන පෙරමුණේ පාර්ලිමෙන්තු මන්ත්‍රී රෝහිත අබේගුණවර්ධන මහතා පැවැසීය. ’දේශපාලනයෙ සදාකාලික මිතුරෝද සතුරෝද නැත’ යැයි ඔහු සඳහන් කළේය.

ඒත් හිතනවානම් තව අරගලයක් කරන්න. පාරේ යනවනම් පර්මිට් නැතිව ඒක නවත්වනවා. ඒක පොලීසියට කියලා තියෙන්නේ. අරගලයක් තව ඇතිකරනවලු ආණ්ඩුව වෙනස් කරන්න. මම ඒකට ඉඩ දෙන්නේ නෑ. හමුදාව යොදවනවා. හදිසි නීතිය දානවා. එහෙම කරන්න ඉඩ දෙන්නේ නෑ. ඩීන් ඩියම්ලට රටක් නෑ මේ රටේ. කුමාර් ගුණරත්නම් එක්ක කවුද යන්නේ මේ රටේ. එයා හොඳයි නම් බැසිල් රාජපක්ෂට විරුද්ධව කථා කරන්න බෑ.

මෙතෙක් අය වී නැති නිවාස ණය අය කර ගැනීම සඳහා විධිමත් වැඩපිළිවෙලක් සකස් කරන්න යැයි ජාතික නිවාස සංවර්ධන අධිකාරියේ නිළධාරින්ට නාගරික සංවර්ධන හා නිවාස අමාත්‍ය ප්‍රසන්න රණතුංග මහතා උපදෙස් දී තිබේ.

ජාතික ප්‍රශ්නයට විසඳුමක් ලබාදෙන බවට හා ඒ සඳහා සාකච්ඡා කිරීමට ජනපති රනිල් වික්‍රමසිංහ මහතා ආරාධනා කර ඇති හෙයින් අයවැය වෙනුවෙන් ඡන්දය ප්‍රකාශ කිරීමෙන් වැළකී සිටි බව පාර්ලිමේන්තු මන්ත්‍රී එම්.ඒ. සුමන්තිරන් මහතා අද (23දා) පාර්ලිමේන්තුවේදී පැවැසීය.

ලංකා කම්කරු කොංග්‍රසයේ හිටපු නායකයෙක් මෙන්ම හිටපු අමාත්‍යවරයෙක්ද වෙන මුත්තු සිවලිංගම් මහතා අභාවප්‍රාත්ත වී තිබේ.

ත්‍රස්තවාදය වැළැක්වීමේ පනත යටතේ අත්අඩංගුවට ගෙන රඳවා තබා පසුව රක්ෂිත බන්ධනාගාර ගත කළ ගල්වැව සිරිධම්ම හිමි නීතිපති උපදෙස් ප්‍රකාරව ඇප මත මුදාහැරීමට කොළඹ අතිරේක මහේස්ත්‍රාත් මහෙස්ත්‍රාත් ටී. එන්. එල්. මහවත්ත මහත්මිය අද (23දා) නියෝග කළාය.

ඩොලර් බිලියනයක ගල් (මැණික්) රටින් පිටට ගිහිල්ලා තියෙනවා. නමුත් අපිට ලැබිලා තියෙන්නේ ඩොලර් මිලියන 170යි. නමුත් මේ ඩොලර් ටික ලංකාවට එන්නේ නෑ. මේ ගැන අපි සාකච්ඡාවක් පවත්වනවා. දින 180ක් තුළ මේ රටට ඩොලර් එන්න ඕන.