රාජ්‍ය ඇමති චාමර සම්පත් මහතා - ගරු කථානායකතුමා මම මන්ත්‍රී ‌නෙමෙයි. මට රනිල් වික්‍රමසිංහ මහතා ඇමතිකමක් දුන්නා. ඔබතුමා ඒ්ක දන්නේ නැත්ද? මට රාජ්‍ය ඇමතිකමක් දුන්නා රනිල් වික්‍රමසිංහ මහත්තයා ඒතුමට පිංසෙද්ධ වෙන්න. කථානායක මහින්ද යාපා අබේවර්ධන මහතා - සමාවෙන්න ඇමතිතුමා.

ගම්පහ දිස්ත්‍රික් පාර්ලිමෙන්තු මන්ත්‍රි නිමල් ලන්සා මහතාට පහරදීමට උත්සාහ කිරීම හේතුවෙන් සමගි ජන බලවේගයේ පාර්ලිමේන්තු මන්ත්‍රී චමින්ද විජයසිරි මහතා පාර්ලිමේන්තු සභා ගැබෙන් ඉවත් කිරීමට කථානායක මහින්ද යාපා අබේවර්ධන මහතා කටයුතු කළේය.

ඇමෙරිකානු එක්සත් ජනපදය විසින් ශ්‍රී ලංකාවට පරිත්‍යාග කළ ඩග්ලස් මන්රෝ යන නෞකාව විජයබාහු යන නමින් අධිකාරියට පත්කිරීම ඊයේ (22දා) සිදුවිය.

අයවැය තෙවැනි වර කියවිමේ විවාදය හෙවත් කාරක සභා අවස්ථාව අද පෙ.ව. 9.30ට පාර්ලිමේන්තුවේදී ආරම්භ විය.

එළඹෙන 2023 වසර සදහා ශ්‍රී ලාංකික හෙදියන් 4,000 ක් බදවා ගෙන රැගෙන යාමට සිංගප්පූරු සෞඛ්‍ය අමාත්‍යාංශයේ උසස් නිලධාරීන් දස දෙනෙකුගෙන් යුතු පිරිසක් අධ්‍යයන චාරිකාවක් සදහා 11/22 දින රාත්‍රී කටුනායක ගුවන් තොටුපළ ඔස්සේ ශ්‍රී ලංකාවට පැමිණියහ.

මුතුරාජා හස්තියා රැකබලා ගැනීම ජාතික සත්වෝද්‍යානයට ලබා ගැනීම පිළිබඳව තායිලන්ත තානාපතිවරයා සමග අමාත්‍ය මහින්ද අමරවීර මහතා සාකච්ඡා කරයි.

එක්දින ලකුණු දහසේ සීමාවට වේගයෙන්ම ලඟාවූ ලකුණු සබඳතාවේ වාර්තාව සමකිරීමට ඔස්ට්‍රේලියාවේ ඩේවිඩ් වෝනර් හා ට්‍රැවිස් හීඩ් සමත්විය.

පෘතුගාල සුපිරි පාපන්දු ක්‍රීඩක ක්‍රිස්ටියානෝ රොනාල්ඩෝ සිය වත්මන් ක්‍රීඩා සමාජය වන එංගලන්ත මැන්චෙස්ටර් යුනයිටඩ් කණ්ඩායමෙන් වහාම ඉවත්වීමට තීරණය කර ඇත.

ලෝක කුසලාන පාපන්දු ඉතිහාසයේ වසර 92 කට පසු දඩුවම් පහරක් සාර්ථක කර ගත් එකම දැල් රකින්නා බවට පත්වීමට මෙක්සිකොවේ ගුලිමෝ ඔචෝවා සමත්විය.

පොලීසිය අල්ලන හෙරොයින් අයිස් වගේ මත්ද්‍රව්‍ය කිලෝ ගණන් නඩු භාණ්ඩ වශයෙන් තැන්පත් කෙරෙනවා. කාලයකට පසු උසාවියට ඉදිරිපත් කරන කොට ඒවා පැනඩොල් කුඩු හරි පාන්පිටි හරි වෙනවා. ඒ කියන්නේ එම අත්අඩංගුවට ගන්නා මත්ද්‍රව්‍ය යලි සමාජ ගත වෙනවා කියන එක. මේ සඳහා රජයේ නිලධාරීන් වගේම පොලීසියත් එකතු වෙලා මේ වැරදි කරලා තියෙනවා. සමහර අය සම්බන්ධයෙන් නීතිමය පියවර අරගෙනත් තියෙනවා.

ඩෙන්මාර්කය හා ටියුනීසියාව අතර ඩී කාණ්ඩයේ පැවති තරගය ජය පැරදුමින් තොරව අවසන්විය. දෝහා හි එඩියුකේෂන් සිටි ක්‍රීඩාංගණයේදී පැවති තරගයේ ගෝල වාර්තා කිරිමට කණ්ඩායම් දෙකටම අවස්ථා ලැබුණද ඒවා සාර්ථක කර ගැණීමට කිසිදු කණ්ඩායමක් සමත් නොවීය.

පාර්ලිමේන්තු මන්ත්‍රී ජීවන් තොණ්ඩමන් මහතා සිය වත්කම් හා වගකීම් ප්‍රකාශය පාර්ලිමේන්තුව වෙත ඉදිරිපත් කර තිබෙ. වර්ෂ 2022ට අදාළව මෙම වත්කම් හා වගකීම ප්‍රකාශය ඊයේ පාර්ලිමේන්තුවට භාර දී තිබේ.

ධීවරයින්ගේ අවශ්‍යතාව සඳහා භුමිතෙල් බවුසර් 357ක් පසුගිය සතියේ නිකුත් කිරීමට ඛනිජ තෙල් සංස්ථාව අනුමැතිය ලබා දී තිබිණි. නමුත් ඉන්ධන පිරවුම්හල් මගින් ලබාගෙන ඇත්තේ බවුසර 206ක් (58%) පමණි. මේ සඳහා රජය ඩොලර් ලක්ෂ 33ක අතිරේක පිරිවැයක් දරණු ලැබ ඇති නමුත්, ධීවර ප්‍රඡාවට භුමිතෙල් සැපයීම නිසි ලෙස සිදු කර නැති අතර එමගින් ධීවර ප්‍රජාවට ධීවර කටයුතු නිසි ලෙස සිදු කිරීමට නොහැකිවී ඇති බව ද ලිපියෙන් පෙන්වා දී තිබේ.

ගෝල 1-1ක් ලෙස ජයපරාජයෙන් තොරව අවසන් වූ ඇමෙරිකා - වේල්ස් තරගයේ ඇමෙරිකාව වාර්තා කළ ගෝලය පැති කිහිපයකින් ඇමරිකාවට සුවිශේෂී වෙයි. ඉන් එක් විශේෂත්වයක් වන්නේ ඔවුන් වසර 08කට පසුව ලෝක කුසලානයකදී වාර්තා කළ පළමු ගෝලය එය වීමයි.

අරුවක්කාලු කසල ව්‍යාපෘතිය විධිමත්ව නැවත කඩිනමින් ආරම්භ කරන ලෙස නාගරික සංවර්ධන හා නිවාස අමාත්‍ය ප්‍රසන්න රණතුංග මහතා නිළධාරීන්ට උපදෙස් දෙයි.

2023 අයවැය දෙවන වර කියවීමේ ඡන්ද විමසීම අද පාර්ලිමේන්තුවේදී සම්මත විය.

දෙවරක් ලෝක කුසලානය දිනූ ආර්ජන්ටිනාව පරදා ලෝක කුසලානයේ දැවැන්ත පියවරක් ඉදිරියට තැබීමට සෞදි අරාබිය සමත්විය.ඒ ’සී’ කාණ්ඩයේ අද පැවැති තරගයෙන් ගෝල 2-1ක ජයක් හිමිකර ගනිමිනි. මෙම තරගය ලුසෙලිහිදී පැවැත්විණි.

විෂ මත්ද්‍රව්‍ය හා අන්තරායකර ඖෂධ භාවිතය වැළැකවීම සඳහා ජනාධිපත් කාර්යසාධක බලකායක් පත්කිරීමට කැබිනට් මණ්ඩලයට ඉදිරිත් කළ යෝජනාවකට කැබිනට් අනුමැතිය ලැබී තිබේ.

මේ හැම දේකටම අපි යර්ස් කියන්නේ නෑ. ඒක මගේ ප්‍රතිපත්තිය. මම එදත් වැරදිදේට වැරදිය කිව්වා. මගේ අදත් තියෙන මතය තමයි මේ තරම් ඉහළට පොලී අනුපාත ගෙන යාම ගැන එකඟ නෑ. ආර්ථික විද්‍යාව ගැන මොකක් හරි අපිත් දන්නවා. පහළ මට්ටමේ ඉන්න ජනතාව කොහොමද ඉන්නේ. ප්‍රශ්නත් එක්ක තමයි ප්‍රතිපත්ති තීන්දු ගන්න ඕන. හැකි ඉක්මනින් පොලී ප්‍රතිපත්ති පහළට ගේන්න වෙනවා.

ළමා මන්ද පෝෂණය සම්බන්ධයෙන් තමා කළ පරීක්‍ෂණයක් පිළිබඳ තොරතුරු ජනමාධ්‍ය මඟින් ප‍්‍රචාරය වීමෙන් අනතුරුව නීතීවිරෝධි ආකාරයෙන් තමාගේ වැඩ තහනම් කිරීමෙන් සිය මුලික අයිතිවාසිකම් උල්ලංඝණය වු බව සඳහන් කරමින් සෞඛ්‍ය අමාත්‍යවරයාා ඇතුළු වගඋත්තරකරුවන්ගෙන් තමාට රුපියල් කෝටි 10 වන්දියක් අයකර දෙන්නැයි ඉල්ලමින් වෛද්‍ය චමල් සංජීව මහතා ශ්‍රේෂ්ඨාධිකරණයට අද (22දා) මුලික අයිතිවාසිකම් පෙත්සමක් ඉදිරිපත් කළේය.

මැතිවරණයකට ඉදිරිපත්වන කිසියම් අපේක්ෂකයෙක් අනුමත මුදලට වඩා වැඩි මුදල් ප්‍රමාණයක් මැතිවරණ ප්‍රචාරක කටයුතු සඳහා වියදම් කළහොත් ඔහුගේ හෝ ඇයගේ මන්ත්‍රී ධූරය අහෝසි කල හැකි පරිදි නීතිමය ප්‍රතිපාදන ඇතුලත් මැතිවරණ වියදම් පාලනය කිරීම සඳහා විධි විධාන සැලැස්වීමේ යෝජනාව සඳහා කැබිනට් අනුමැතිය හිමි වී තිබේ.

එස්.ඩබ්.ආර්.ඩී. බණ්ඩාරනායක මහතා ආරම්භ කළ, සිරිමාවේ මැතිණිය පෝෂණය කළ, චන්ද්‍රිකා බණ්ඩාරනායක හා මහින්ද රාජපක්ෂ ඉදිරියට ගෙන ගිය ශ්‍රී ලංකා නිදහස් පක්ෂය වත්මන් පක්ෂ සභාපති මෙන්ම හිටපු ජනපති මෛත්‍රීපාල සිරිසේන මහතා විසින් විනාශ කළ බව පාර්ලිමේන්තු මන්ත්‍රී කුමාර වෙල්ගම මහතා පැවැසීය.

ඔස්ට්‍රේලියාව වෙනුවෙන් එක්දින ලකුණු 6000 සීමාව වේගයෙන්ම පසුකළ ක්‍රීඩකයා ලෙස ආරම්භක පිතිකරු ඩේවිඩ් වෝනර් ක්‍රිකට් වාර්තා අතරට එක්විය. එංගලන්තයට එරෙහිව මෙල්බන්හිදී අද (22දා) පැවැත්වෙන තෙවැනි හා අවසන් එක්දින තරගයේදී ලකුණු 106ක් රැස්කරමින් වෝනර් මෙම වාර්තාවට ලගාවිය.

ඩොලර් මිලියන 600ක් වූ මාසික ඉන්ධන මිල මේ වන විට ඩොලර් මිලියන 200-250ක් දක්වා කලමණාකරණය කර ගැනීමට හැකිවූ බව විදුලි බල හා බලශක්ති අමාත්‍ය කංචන විජේසේකර මහතා පැවැසීය.

මෙවර පාපන්දු ලෝක කුසලානයේ උසින් වැඩිම ක්‍රීඩකයා කවරෙකුද යන්න සැමට කුතුහලය දක්වන ප්‍රශ්නයක් වේ. ක්‍රීඩකයින් සිය ගණනක් අතරින් මෙවර ලෝක කුසලානයේ වැඩිම උසින් යුත් ක්‍රීඩකයා ලෙස හඳුනාගත හැක්කේ නෙදර්ලන්ත කණ්ඩායමේ දැල් රකින්නා වන ඇන්ඩ්‍රියේස් නොපාර්ට්ය.

සංචාර විසා මත සහ විදේශ සේවා නියුක්ති කාර්යාංශයේ ලියාපදිංචිවී ඕමානයේ සහ එක්සත් අරාබි එමීර් රාජ්‍යන්ට ගොස් මේ වන විට සුරක්ෂා නිවාස වල සිටින කාන්තාවන් 154දෙනා පරීක්ෂණ සිදු කර නැවත මෙරටට ගෙන්වා ගැනීමට කැබිනට් අනුමැතිය ලබා ගත් බව කම්කරැ සහ විදේශ රුකියා අමාත්‍ය මනූෂ නානායක්කාර මහතා පැවසීය.

රාජ්‍ය සේවකයන්ට සුදුසු ඇඳුමකින් සැරසී සේවයට වාර්තා කිරීමට හැකිවන ලෙස සකස් කළ 5/2022 චක්‍ර ලේඛය වෙනස් කරන ලෙස රාජ්‍ය පරිපාලන අමාත්‍යාංශයට දැනුම් දුන් බව අමාත්‍ය සුසිල් ප්‍රේම්ජයන්ත මහතා පැවැසීය.

කළුබෝවිල ප්‍රදේශයේ නිවසක සඟවා තිබූ ලක්ෂ 80ක් පමණ වටිනා හඳුනා නොගත් මත් පෙති තොගයක් සමග ව්‍යාපාරිකයෙකු අත්අඩංගුවට ගත් බව කොළඹ උතුර කොට්ඨාස අපරාධ විමර්ශන අංශය කියයි

රාජ්‍ය අංශය හැකිලිය යුතුයි. මේක නඩත්තු කරන්නත් බෑ, කළමණාකරනය කරන්නත් බෑ. ප්‍රා දේශීය ලේකම් කාර්යාලය කළමණාකරනය කරන්න පුළුවන්ද? දොරෙන් ඇතුළුවුණාම ප්‍රා දේශීය ලේකම් හමුවෙන්න අර නිකම් දාම් පෙතේ යනවා වගේ යන්න ඕන.