ගුවන් මගීන්ට කටුනායක ගුවන්තොටුපොළේ සිට කොළඹට පැමිණීම සඳහා නව දුම්රිය සේවයක් ක්‍රියාත්මක කිරීමට විෂයභාර අමාත්‍යාංශ එක්ව තීරණය කර තිබේ.

නැගෙනහිර පළාත තුළ පවත්වාගෙන යන ගොවිපළවල්හි සතුන්ට නිදැල්ලේ යාමට ඉඩ සලස්වන ගොවීන්ගෙන් දඩ මුදලක් අය කිරීමට නැගෙනහිර පළාත් ආණ්ඩුකාර කාර්යාලය තීරණය කර තිබේ.

‍2023 වසරේ දී කෘෂිකර්ම අමාත්‍යාංශයට අයත් ආයතන 08ක් සම්බන්ධයෙන් වැදගත් තීන්දුවක් ගන්නා බව කෘෂිකර්ම වන ජීවි හා වන සම්පත් සංරක්ෂණ අමාත්‍ය මහින්ද අමරවීර මහතා තීරණය කර තිබේ.

බ්‍රිතාන්‍යයේ සුවකළ නොහැකි ලියුකේමියා පිළිකා තත්ත්වයකින් පෙලුණු දැරියකට සුවිශේෂී ප්‍රතිකාර ක්‍රමයක් මගින් අගේ ශරීරයේ වූ එම තත්ත්වය සම්පූර්ණයෙන් පහව ගොස් ඇති බව විදෙස් වාර්තා පවසයි.

භෞතික සම්පත් සංවර්ධනය සදහා සිව්මහ නගර ලෙස කොළඹ, හම්බන්තොට, ත්‍රිකුණාමලය සහ යාපනය නගර හදුනා ගැනේ. එම නගර යා කරමින් ආර්ථික කොරිඩෝ 9 ක් ද හදුනා ගෙන ඇතැයි නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි. ඔහු පෙන්වා දෙන්නේ මෙම නගර සංවර්ධන කටයුතු කඩිනම් කිරීම සදහා අවශ්‍ය උපදෙස් අදාළ අංශ වෙත ලබා දී ඇති බවයි.

දුම්රිය ගමනාගමනයේදී ඇතිවන දෛනික ප්‍රමාදයන් පිළිබඳ වගකීම, දුම්රිය පාලකවරුන් වෙත පවරමින් විවිධ මාධ්‍ය ඔස්සේ චෝදනා ඉදිරිපත් කරන නමුත් දුම්රිය ප්‍රමාදවීමට හේතු ගණනාවක් පවතින බව දුම්රිය පාලකවරුන්ගේ සංගමය පවසයි.

අගමැතිනි ෂීක් හසීනාට ඉල්ලා අස්වන ලෙස බල කරමින් දස දහස් ගණනක් බංග්ලාදේශයේ විරෝධතා පවත්වන බව විදෙස් වාර්තා පවසයි.

කොල්ලුපිටිය ගාලු පාර ඇල්ප්‍රඩ් මාවත ආසන්නයේදී සුඛෝපභෝගී මොටර් රථයක ගැටී ත්‍රීරෝද රථ රියදුරෙකු මිය යාමෙන් අනතුරුව මෝටර් රථයේ ගමන් ගත් තරුණියකට අමානුෂික පහරදුන් බව කියන කාන්තාවන් දෙදෙනෙක් අත්අඩංගුවට ගත් බව පොලීසිය කියයි.

ඇල්ලේ මේ දිනවල ඔක්සිජන් ප්‍රමාණය 25 දක්වා වැ‍ඩිවී ඇති බවත් ලෝකයේ ඔන්සිජන් ප්‍රතිශතය දෙන බලන විට එය විශාල වැඩිවීමක් බවත් විද්‍යාඥයෙකු වන මඩවල උපාලි හිමියෝ පවසති.

අරාබි රාජ්‍යයන් එක් චීනයක් මූලධර්මය දැඩිව පිළිපදින බවත්, එහි ස්වෛරීභාවය සහ භෞමික අඛණ්ඩතාව ආරක්ෂා කිරීමට චීනයට සහාය දෙන බවත් පවසයි.

සංචාරක වීසා මඟින් මැලේසියා වේ රැකියා ලබාදීමට පුද්ගලයින් 09 දෙනෙකුගෙන් රු 5,015,000ක මුදලක් ලබා ගෙන විමර්ශන නිලධාරින් මගහැර සැඟව සිටි තංගල්ල ප්‍රදේශයේ කාන්තාවක් විදේශසේවා වමර්ශන නිලධාරින් විසින් අත්අඩංගුවට ගෙන අධිකරණයට ඉදිරිපත් කිරීමෙන් පසු මෙම මස 13 දින දක්වා රිමාන්ඩ් කර ඇත.

පසුගිය දින කිහිපය පුරා සෞඛ්‍යයට අහිතකර ලෙස පැවැති වායු ගුණාත්මක දර්ශකය මේ වන විට සාමාන්‍ය තත්ත්වයට පත්ව තිබේ. කෙසේ වෙතත් යාපනය දිස්ත්‍රික්කය තුළ තවමත් වායු ගුණත්වය අහිතකර මට්ටමක පවතී.

තමන් අධ්‍යාපනය ලැබූ පාසැල් ඇතුළු පාසැල ඇතුළු තවත් පාසැල් 08 ක් සමඟ රාජ්‍ය ආයතන හා ව්‍යාපාරික ස්ථාන බිඳ රුපියල් ලක්ෂ 25 ක පමණ වටිනාකමින් යුත් මුදල් හා භාණ්ඩ සොරාගත් බව කියන 29 හැවිරිදි පුද්ගලයෙකු පේරාදෙණිය පොලීසිය විසින් පෙරේදා (09) සැකපිට අත්අඩංගුවට ගනු ලැබ තිබේ.

හෙට (12දා) යළිත් පාසල් විවෘත කරන බව අධ්‍යාපන අමාත්‍යාංශය පවසයි. අයහපත් කාලගුණය මෙන්ම අයහපත් වායු ගුණාත්මක තත්ත්වය හේතුවෙන් සිකුරාදා දිනයේදී සියලුම පාසල් සඳහා නිවාඩු ලබාදීමට රජය තිරණය කළේය.

කළුතර මහ රෝහලේ වකුගඩු රෝගී අංශයේ 100 වැනි ශල්‍යකර්මය ලෙසින් වකුගඩු දෙකෙහිම ඇති ගල් එක්වර ඉවත් කිරීමේ විශේෂ ශල්‍ය කර්මයක් ඊයේ (10දා) කළුතර ශික්ෂණ රෝහලේ ඩී ශල්‍යාගාරයේ දී වකුගඩු සහ මෞත්‍ර ලිංගික ශල්‍ය වෛද්‍ය විශේෂඥ කලන පරණ පල්ලියගුරුගේ මහතා විසින් සිදුකරන ලදී.

උතුරු පළාතට බලපෑ අයහපත් කාලගුණික තත්වය හේතුවෙන් ඇති වූ අධික සීතල තත්වයන් දරාගත නොහැකිව අද (11) දින වන විට උතුරේ ගවයින් දහසකට අධික ප්‍රමාණයක් සහ එළුවන් 400 කට ආසන්න ප්‍රමාණයක් මිය ගොස් ඇතැයි උතුරු පළාත් පශුසම්පත් නිශ්පාදන සෞඛ්‍ය අධ්‍යක්ෂක සී.වසීකරන් මහතා පැවසීය.

ආණමඩුව තට්ටෑව වැව ආසන්නයෙදී පොලිස් සැරයන්වරයකු ඇතුළු පවුලේ පිරිසක් ගමන් ගත් මෝටර් රථයක් මහ හරස් කරමින් පහර දීමට සම්බන්ධ සැකකරුවන් තිදෙනාගෙන් එක් අයකු අත්අඩංගුවට ගත් බව ආණමඩුව පොලිසිය 10 දින පැවසිය.

පසුගිය දිනවල මහත් ආන්දෝලනයක් ඇතිකළ ඕමාන් රාජ්‍යයේ මිනිස් ජාවාරම හා සම්බන්ධ සිදුවීම් පිළිබඳ විමර්ශනය කිරීම සඳහා කම්කරු හා විදේශ රැකියා අමාත්‍ය මනූෂ නානායක්කාර මහතාගේ උපදෙස් පරිදි විදේශ සේවා නියුක්ති කාර්යාංශයේ හා අපරාධ පරීක්ෂණ දෙපාර්තමේන්තුවේ නියෝජිත පිරිස් ඊයේ (10දා) ඕමානය බලා පිටත්ව ගොස් තිබේ.

පේරාදෙණිය විශ්වවිද්‍යාලයේ හිටපු උපකුලපති මහාචාර්ය අතුල සේනාරත්න මහතාගේ විශ්වවිද්‍යාල භූමියේ පිහිටි නිල නිවස ඉදිරිපිටට ඊයේ (10) රාත්‍රී 10 ට පමණ පැමිණ ඇති සිසුන් 300කට අධික පිරිසක් මහාචාර්යවරයාටත් ඔහුගේ පුත්‍රයාටත් නිල නිවසටත් පහර දීමේ සිද්ධියක් සම්බන්ධයෙන් පේරාදෙණිය පොලීසිය විමර්ශන ආරම්භ කොට තිබේ.

අත් දෙක ගැට ගසා සිහිසුන් වන තුරු මුහුණට හා හිසට, පහරදී, මෙවර උසස් පෙළ විභාගයට පෙනී සිටීමට නියමිත තම 19 හැවිරිදි දියණිය බරපතළ ලෙස අතවරයට ලක් කළ 40 හැවිරිදි පියෙකු ඊයේ (10දා) අත්අඩංගුවට ගත් බව කැකිරාව පොලීසිය පවසයි.

රටේ ජනතාවට රාජපක්ෂවරු අවශ්‍ය නම් ඉදිරියටත් රාජපක්ෂවරු රට පාලනය කරනු ඇතැයි ශ්‍රී ලංකා පොදුජන පෙරමුණේ මහ ලේකම්, පාර්ලිමේන්තු මන්ත්‍රී සාගර කාරියවසම් මහතා පැවැසීය.

පුද්ගලයෙක් පැහරගෙන ගොස් රුපියල් කෝටියක කප්පමක් ඉල්ලීමකට සම්බන්ධ සැකකරුවෙක් අත්අඩංගුවට ගත් බව පොලීසිය කියයි.

ඒ අනුව 2024 මැයි 01 දින කල් පිරෙන ආකාරයෙන් රු. මිලියන 40,000 ක්, 2025 ජනවාරි 15 දින කල් පිරෙන ආකාරයෙන් රු. මිලියන 50,000 2026 මැයි 15 දින කල් පිරෙන ආකායෙන් රු. මිලියන 70,000 ක් ලෙසින් මෙම වෙන්දේසිය සිදුකිරීමට නියමිතව තිබේ.

ප්‍රභල එංගලන්ත කණ්ඩායම ගෝල 2-1 ක් ලෙස තියුණු තරගයකින් පසු පරාජයට පත් කරමින් මෙවර ලෝක කුසලානයේ අවසන් පූර්ව වටයට සුදුසුකම් ලබා ගැනීමට ප්‍රභල ප්‍රංශ කණ්ඩායම සමත්විය. ඒ් තරගාවලියේ අර්ධ අවසන් පූර්ව වටයේ තරග අවසන් කරමින් පැවති තරගයේදීය. මෙම තරගය අල්- බයිට් ක්‍රීඩාංගණයේදී පැවැත්විණි.

ලෝක කුසලාන පාපන්දු තරගාවලියක අවසන් පූර්ව වටයට පැමිණි පළමු අප්‍රිකානු කණ්ඩායම බවට පත්වීමට මොරොක්කෝව සමත්විය. ඒ් ප්‍රභල තරගාවලියේ අර්ධ අවසන්පූර්ව වටයේ පෘතුගාලය සමගින් පැවති තරගයෙන් ගෝල 1-0 ක ‌‌ෙඒතිහාසික ජයක් හිමිකර ගනිමිනි.

’SEX’ යන වචනය වැඩිම වාර ගණනක් ‌ගූගල් සෙවුම් යන්ත්‍රය භාවිත කරමින් සොයා ඇති රට බවට ශ්‍රී ලංකාව පත්ව තිබේ. පසුගිය මාස 12ක කාලය තුළ මෙම වචනය ගූගල් සෙවුම් යන්ත්‍රය තුළ වැඩිම වාර ගණනක් ‌සොයා තිබේ.

නීති පීඨය ඇතුළු කොළඹ විශ්වවිද්‍යාලයේ ගුණාත්මකභාවය වැඩිදියුණු කිරීමට රජයේ සහාය නොමසුරුව ලබාදෙන බව ජනාධිපති රනිල් වික්‍රමසිංහ මහතා පැවසීය.

මහජන සෞඛ්‍ය සැලකිල්ලට ගනිමින් දිස්ත්‍රීක් සහ පළාත් මට්ටමින් හරක් මස් සහ එළු මස් ප්‍රවාහනය කිරීම වහාම ක්‍රියාත්මක වන පරිදි අත්හිටුවීමට ජනාධිපති රනිල් වික්‍රමසිංහ මහතා නියම කර ඇත.

ජනාධිපතිවරයා සභාපතිවරයෙකුට අභියෝග කරන්නේ නැ , ඒක ජනාධිපතිවරයෙකුට ගැලපෙන්නේ නැ. ඇතැම් දේශපාලඥයින් සහ රාජ්‍ය නිලධාරින් ජනාධිපතිවරයාට වැරදි දත්ත ලබාදිලා තියෙනවා ඒ නිසා තමයි ජනාධිපතිවරයා මෙම ප්‍රකාශය කරලා තියෙන්නේ