කොළඹ හා මුම්බායි අතර ගුවන් ගමන් යලි ආරම්භ කිරීමට විස්තාරා ගුවන් සේවය තීරණය කර තිබේ. ඒ අනුව සතියකට දින හතරක් කොළඹ හා මුම්බායි අතර එම ගුවන් සෙවය ගුවන් ගමන් ආරම්භ කරනු ඇත. සඳුදා, බදාදා, සිකුරාදා හා ඉරිදා යන දිනයන්හි මෙම ගුවන් සේවය ගුවන් ගමන් ක්‍රියාත්මක කිරීමට නියමිතය.

මෙවර අයවැයෙන් වෙන්වූ මුදල් පළාත් පාලන මැතිවරණයට ලබාදෙන ලෙසට විපක්ෂය ඊයේ (28) කතානායකවරයාගෙන් කළ ඉල්ලීම සම්බන්ධයෙන් ආණ්ඩුක්‍රම ව්‍යවස්ථාවට හා පාර්ලිමේන්තු ස්ථාවර නියෝග අනුව කටයුතු කරන්නැයි ආණ්ඩුවේ සියළුම පක්ෂ නායකයෝ කතානායකවරයාගෙන් ඉල්ලා සිටිති.

ශ්‍රී ලංකා ගමනාගමන මණ්ඩලය සතුව ඇති ටිකට් මැෂින් ප‍්‍රමාණයෙන් සියයට 40ක් පමණ ක‍්‍රියාවිරහිතව ඇති බව පෙබරවාරි මස 28 වන දින ජාතික විගණන කාර්යාලයේ විගනන නිලධාරියෙකු සමඟ කරන ලද විමසීමකදී එම නිලධාරියා ප්‍රකාශ කරන ලදි.

ඇමෙරිකානු ඩොලරයට සාපේක්ෂව ශ්‍රී ලංකා රුපියල තරමක ශක්තිමත්වීමක් පෙන්නුම් කරයි. ශ්‍රී ලංකා මහ බැංකුව විසින් අද (01) දින නිකුත් කරන ලද විනිමය අනුපාතිකයන්ට අමතරව ඇමෙරිකා එක්සත් ජනපද ඩොලරයක ගැණුම් මිල රුපියල් 351.72 ක් විය.එහි විකුණුම් මිල 362.95 ලෙස සටහන් විය. මේ අතර ඊයේ (28) දින නිකුත් කරන ලද විනිමය අනුපාතිකයන්ට අනුව ඩොලරයක ගැණුම් මිල රුපියල් 357.68 ක් ලෙස සටහන් වූ අතර විකුණුම් මිල 366.92 ක් ලෙස සටහන් විය.

පොලිස් නිලධාරීන් බව හඟවා මෙරට පුරවැසිභාවය හිමි එංගලන්ත ජාතිකයෙකුට හා ඔහුගේ සහෝදරයාට මඩපාත තුඩුව පාර ප්‍රදේශයේ දී අමානුෂික පහරදුන් බව කියන කණ්ඩායමේ එක් පුද්ගලයකු අත්අඩංගුවට ගත් බව පිලියන්දල පොලිසිය කියයි

ශ්‍රී ලංකාවේ චීන තානාපති චී ෂෙන්හොන් මහතා ශ්‍රී ලංකා විදෙස් කටයුතු අමාත්‍යාංශයේ ලේකම් අරුණි විජේවර්ධන මහත්මිය සමග ද්විපාර්ශ්වීය සාකච්ඡා පැවැත්වීය.

පාස්කු වින්දිතයින් 108 දෙනෙකු විසින් ගොනුකර ඇති නඩුවල වගඋත්තරකරුවකු වශයෙන් නම්කර සිටි ජනාධිපති රනිල් වික්‍රමසිංහ මහතා එම නඩුවලින් මුදාහැරීමට කොළඹ දිසා අධිකරණය නියෝග කළේය.

වරාය සේවකයන් වරාය පිවිසුම් ඉදිරිපිට මාර්ගයේ වැසෙන සේ මාර්ගයේ වාඩි වී විරෝධතාවයේ නිරතව සිටියි. මේ හේතුවෙන් කොළඹ කොටුව අවට මාර්ග දැඩි රථවාහන තදබදයක් නිර්මාණය වී තිබේ.

විශේෂ පක්ෂනායක රැස්වීමක් අද (01) පස්වරු 1.30ට පාර්ලිමේන්තු සංකීර්ණයේ දී පැවැත්වීමට නියමිතව තිබේ.

භූමිතෙල් මිල රුපියල් 50 කින් අඩු කිරීමට ලංකා ඛනිජ තෙල් නීතිගත සංස්ථාව කටයුතු කර තිබේ. ඒ අනුව එහි ලීටරයක නව මිල රුපියල් 305කි.

පසඟ පිහිටුවා විහාරාධිපති හිමියන්ගෙන් විවෘත අධිකරණයේ දී සමාව ගෙන සෑම දිනකම බුද්ධ පූජාවට පෙර විහාරස්ථානය සුද්ද පවිත්‍ර කරන ලෙස ද හොරණ අධිකරණයේ මහේස්ත්‍රාත් චන්දන කලංසූරිය මහතා මත්පැන් ජාවාරම්කරුවෙකු ට නියෝග කළේය.

හිටපු ජනාධිපති මෛත්‍රීපල සිරිසේන මහතා විසින් ඉදිරිපත් කළ අභියාචනා පෙත්සම රුපියල් 21,000සක ගාස්තුවකට යටත්ව නිෂ්ප්‍රභා කිරීමට බස්නාහිර පළාත් සිවිල් අභියාචනා මහාධිකරණය නියම කළේය.

වසර දෙකක් තිස්සේ නිසියාකාරව නඩත්තු නොවූ පිළියන්දල නව බස් නැවතුම්පළ කැස්බෑව නගර සභාවට පවරා දීමට තීරණය කෙරේ. ඒ සඳහා අවශ්‍ය කටයුතු කඩිනමින් සිදු කරන ලෙස නාගරික සංවර්ධන හා නිවාස අමාත්‍ය ප්‍රසන්න රණතුංග මහතා නාගරික සංවර්ධන අධිකාරියේ නිලධාරින්ට උපදෙස් ලබා දුන්නේය.

තවදුරටත් ප්‍රමාදයකින් තොරව නිදහස් හා සාධාරණ පළාත් පාලන මැතිවරණයක් පවත්වන ලෙස ඇමෙරිකාවේ සෙනෙට් මණ්ඩලය පවසයි. ඇමෙරිකානු සෙනට් මණ්ඩලයේ විදේශ සබඳතා කමිටුවේ සභාපති රොබර්ට් මෙනෙන්ඩෙස් මහතා සිය ට්විටර් ගිණුමෙන් පවසන්නේ මැතිවරණය පවත්වන ලෙස ශ්‍රී ලංකා රජයෙන් ඉල්ලා සිටින බවයි.

හයිලෙවල් මාර්ගයේ ධාවනය වන සියලුම මගී ප්‍රවාහන සේවා බස් රථ මාකුඹුර බහුවිධ ප්‍රවාහන මධ්‍යස්ථානය හරහා ධාවනය කිරීමේ ව්‍යාපෘතිය මාර්තු 01 දා ඉතා සාර්ථකව ආරම්භ කළ බව මහ කොළඹ ප්‍රවාහන ජාල වැඩිදියුණු කිරීමේ ව්‍යාපෘතියේ අධ්‍යක්ෂක නාලක දිසානායක මහතා පැවසීය.

රජයේ අසාධාරණ බදු ප්‍රතිපත්තියට එරෙහිව විරෝධය දක්වමින් අද දිනයේ පවත්වන වෘත්තීය අරගලය වෙනුවෙන් ලංකා හා මහජන බැංකුද එක්ව තිබේ. එම බැංකුවල සභාපතිවරුන් ඊයේ පැවැති සාකච්ඡාවකදී සඳහන් කළේ වෘත්තීය අරගලය වෙනුවෙන් ලංකා හා මහජන බැංකු එක්නොවන බවත් සාමාන්‍ය පරිදි සේවා කටයුතු පවත්වාගෙන යන බවත්ය.

පේරාදෙණිය විශ්ව විද්‍යාලයේ ඉංජිනේරු පීඨයේ අවසන් වසරේ ඉගෙනුම ලැබූ සිසුවියක ඖෂධ අධිමාත්‍රාවක් ගෙන සියදිවි හානි කරගෙන ඇති බව විශ්වවිද්‍යාල පාලන අධිකාරිය කියයි.

ශ්‍රී ලංකාවේ සංවර්ධන ප්‍රතිසංස්කරණ වැඩසටහනට ලෝක බැංකුව අඛණ්ඩ සහාය දෙන බව ලෝක බැංකු නියෝජිතයෝ සඳහන් කළහ.

හෙට දිනයේ දී ද උපරිම මහජන සේවාවක් වෙනුවෙන් බැංකු ක්‍රියාත්මකයි- මහජන සහ ලංකා බැංකු සභාපතිවරු අවධාරණය කරති සිය ගනුදෙනු කරුවන් වෙනුවෙන් හෙට (01) දිනයේ දී ද උපරිම සේවාවක් සැලසීමට තම බැංකු සූදානම් බව මහජන බැංකුවේ සහ ලංකා බැංකුවේ සභාපතිවරු අවධාරණය කළහ.

මහ බැංකු බැදුම්කර වෙන්දේසි දෙකක දී රජයේ මුදල් සාවද්‍ය පරිහරණය කළ බවට හිටපු අමාත්‍ය රවී කරුණානායක මහතාට චෝදනා කරමින් නීතීපතිවරයා පවරා ඇති නඩුව පවත්වාගෙන යෑමට නොහැකි බවට අභියාචනාධිකරණය අද (28දා) තීරණය කළේය.

පළාත් පාලන මැතිවරණය නියමිත දිනට නොපැවැත්වීම අභියෝගයට ලක් කරමින් සමගි ජන බලවේගයේ පාර්ලිමේන්තු මන්ත‍්‍රී මුජිබර් රහුමාන් මහතා ඉදිරිපත් කළ පෙත්සම ලබන 14 වැනිදා සළකා බැලීමට ශ්‍රේෂ්ඨාධිකරණය අද (28) දින නියම කළේය.

වවුනියාව,සෙට්ටිකුලම ප්‍රදේශයේ වගා ළිඳකට වැටුණු වනඅලි හතරදෙනකු බේරා ගැනීමට ඊයේ (27) සවස වවුනියාව වනජිවි නිළධාරීන් පියවර ගනු ලැබීය.

මේ රටේ ප්‍රචණ්ඩත්වයට කිසිදු ඉඩක් නොතබන බවත් ප්‍රචණ්ඩත්වයට තම පක්ෂය කැඳවාගෙන යන්න උත්සාහ කළ ද ඉවසීමෙන් යුතුව කටයුතු කරන බවත් මහපෙළොත් තෙත් වෙනකම් ලේ හැලි තිබෙන බවත් ජාතික ජනබලවේගයේ නායක අනුර කුමාර දිසානායක මහතා පැවැසීය.එසේම ගංගා පිටාර ගලන තුරු කඳුළු සලා ඇති බවත් කිසිඳු ප්‍රචණ්ඩත්වයකින් තොරව ජයග්‍රහණය කරා රට මෙහෙයවන බවත් ඔහු පැවැසීය.

තොරතුරු දැනගැනීමේ පනතේ ප්‍රතිපාදන වත්කම් බැරකම් පනතේ ප්‍රතිපාදනවලට වඩා ඉහළින් ඇති බව අභියාචනාධිකරණය අද (28දා) නියෝගයක් ලබාදෙමින් සඳහන් කළේය.

යාපනය මහ නගර සභාව සඳහා අභිනවයෙන් පත්වූ නගරාධිපති එමානුවෙල් ආර්නොල්ඩ් මහතා 2023 වර්ෂය සඳහා දෙවනවර සංශෝධන සහිතව මහනගර සභාව වෙත ඉදිරිපත් කළ අයවැය ජන්ද හයකින් අද (28) දින පරාජයට පත්වීමත් සමඟ සිය ධූරයෙන් ඉල්ලා අස්වන බව නගරාධිපතිවරයා නිවේදනය කළේය.

ලේ සුවඳට ඉව ඇල්ලූ අයගේ පළමු දඩයම ලෙස අහිංසක ජ්‍යෙෂ්ඨ පුරවැසියෙකුගේ ජීවිතය අහිමි වී ඇති බව 43 සේනාංකය පවසයි. අද (28) පැවැති මාධ්‍ය හමුවකට එක්වෙමින් එහි නායක, පාර්ලිමේන්තු මන්ත්‍රී පාඨලී චම්පික රණවක මහතා ප්‍රකාශ කළේ එම සිදුවීම පැහැදිලිවම ඝාතනයක් බවය.

දකුණුදිග තුර්කියට බලපෑ ප්‍රබල භූ කම්පනය හේතුවෙන් සිදුව ඇති සම්පූර්ණ හානිය ඇ.ඩො.බිලියන 34ක් බව ලෝක බැංකුව ඇස්තමේන්තු කර තිබේ.

ඉන්දීය ක්‍රිකට් ආයතනය පළමුවරට පවත්වනු ලබන කාන්තා ප්‍රිමියර් ලීග් (WPL) විස්සයි20 ක්‍රිකට් තරගාවලියේ ගුජරාට් ජයන්ට්ස් කණ්ඩායමේ නායිකාව ලෙස ඔස්ට්‍රේලියානු ක්‍රීඩිකා බෙත් මූනි නම් කර ඇත.

රුපියල් දහසය කෝටි පනස් ලක්ෂයක් වටිනා කොකේන් මත්ද්‍රව්‍ය තොගයක් රැගත් විදේශීය තරුණියක් 02/28 දින උදෑසන කටුනායක ගුවන් තොටුපළ පැමිණීමේ පර්යන්තයේ දී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන ඇති බව රේගු මාධ්‍ය ප්‍රකාශක , නියෝජ්‍ය රේගු අධ්‍යක්ෂ ( නීති කටයුතු ) සුදත්ත සිල්වා මහතා පැවසීය .