ශ්‍රී ලංකන් එයාර්ලයින්ස් ලිමිටඩ් සමාගමේත් සීමාසහිත ගුවන් තොටුපොළ හා ගුවන් සේවා (ශ්‍රී ලංකා) (පෞද්ගලික) සමාගමේත් සිදු වී ඇති වංචා, දූෂණ සහ අක්‍රමිකතා පිළිබඳ විමර්ශනයට ජනාධිපති අනුර කුමාර දිසානායක මහතා විසින් ජනාධිපති විශේෂ විමර්ශන කමිටුවක් පත් කරනු ලැබ ඇත.

මාරවිල මරද ප්‍රදේශයෙ ත්‍රි රෝද රථයකින් ගමන් කරමින් සිටි දෙදරු මවකට කල වෙඩි තැබිමකින් ඇය එම ස්ථානයෙදීම මරණයට පත්ව බරපතල තුවාල ලැබු ඇගේ වැඩිමහල් දරුවා මාරවිල මහ රෝහලට 22 දින රාත්‍රියේදීම ඇතුලත් කර ඇති බව මාරවිල මුලස්ථාන පොලිසිය කියයි.

අලි ඇතුන් ආරක්ෂා කර ගැනීමට නම් අලි ඇතින් ඝාතනය කරන පුද්ගලයන්ට මරණ දඩුවම ලබා දිය යුතු බව වනවාසී රාහුල හිමියෝ පැවැසූහ. එසේම පසුගිය ආණ්ඩුවලට මෙන්ම වත්මන් ආණ්ඩුවටද අලි ඇතුන් ආරක්ෂා කර ගැනීමේ වැඩපිළිවෙළක් නොමැති බව උන්වහන්සේ පැවැසූහ.

2015 වසරේ සිට 2025 දක්වා වසර 10ක කාලයෙහි විදේශගත ශ්‍රී ලාංකික ශ්‍රමිකයන් හරහා මෙරටට ඇමෙරිකානු ඩොලර් මිලියන 67,147ක (රුපියල් බිලියන 13,946ක) මුදලක් ප්‍රේෂණය වී ඇති බව විදේශ කටයුතු සහ විදේශ රැකියා නියෝජ්‍ය ඇමැති අරුන් හේමචන්ද්‍ර මහතා පැවසීය.

පුත්තලම දිස්ත්‍රික්කයෙ කඩොලාන වනාන්තර 8 ක් රක්ෂිත බවට පත් කිරීම ජූලි 26 දිනට යෙදෙන ලෝක කඩොලාන සුරැකීමේ දිනය වෙනුවෙන් සිදු වෙන බව පරිසර අමාත්‍ය වෛද්‍ය ධම්මික පටබැඳිගේ මහතා පවසයි.

2022 වසරේ ජූලි මස 17 වනදා එවක වැඩබලන ජනාධිපති රනිල් වික්‍රමසිංහ මහතා විසින් අරගලයට එක්වූ අරගලකරුවන් පාලනය කිරීම සඳහා මහජන ආරක්ෂක පනත යටතේ රටපුරා ප්‍රකාශයට පත් කරනු ලැබූ හදිසි නීති රෙගුලාසි තුළින් මූලික මිනිස් අයිතිවාසිකම් උල්ලංඝනය වී ඇති බව ශ්‍රේෂ්ඨාධිකරණය විසින් බෙදුන තීන්දුවකින් ප්‍රකාශයට පත්කළේය.

’’අන්‍යෝන්‍ය තීරුබදු මත 25% දක්වා වැඩි කිරීමට නියමිතව තිබූ ජපානයේ තීරුබදු අනුපාතය 15% ක් ලෙස තබා ගන්නා ලදී. මෙය එක්සත් ජනපදය සමඟ වෙළඳ අතිරික්තයක් ඇති රටවල් අතර පනවන ලද තීරුබදු අතර මේ දක්වා අඩුම අගය මෙයයි’’

පිලිපීනයෙන් ආනයනය කරන භාණ්ඩ සඳහා ඇමරිකා එක්සත් ජනපදය 19% ක බද්දක් අය කරන බව ට්‍රම්ප් ධවල මන්දිරයේදී පිලිපීන ජනාධිපතිවරයා සමඟ පැවති හමුවකින් පසුව පැවසීය.

අද අළුයම් කාලයේ පදියතලාව, මරංගල ප්‍ර දේශයේදී පුද්ගලයෙක් විසින් නිවසකට ඇතුළු වී එම නිවසේ සිටි තරුණියකට තියුණු ආයුධයකින් පහරදී ඝාතනය කර ඇයගේ මව හා පියාට තියුණු ආයුධයකින් පහරදී තුවාල සිදුකර ඇතැයි පොලීසිය කියයි. පසුව ඒම සැකකාර පුද්ගලයාද දිවි නසාගෙන තිබේ.

එක්සත් ජනපදය සහ ජපානය මෝටර් රථ ඇතුළුව ජපානයෙන් එක්සත් ජනපදයට ආනයන කරනු ලබන භාණ්ඩ වෙනුවෙන් පෙර සඳහන් කළ ප්‍රමාණයටත් වඩා අඩු බදු ප්‍රතිශතයක් වෙනුවෙන් ගණුදෙනුවකට එකඟ වූ බව එක්සත් ජනපති ජනපති ඩොනල්ඩ් ට්‍රම්ප් ප්‍රකාශ කරයි.

කංචන විජේසේකරගේ සාක්කුවට යන එක නවත්වලා, බදු ඉවත් කරලා මේ රටේ ජනතාවට කවද්ද සහනය දෙන්නේ? - පා.ම. දයාසිරි ජයසේකර මේකේ ප්‍රභේද දෙකක් තිබෙනවා, ප්‍රිමියම් එක හරහා සාක්කුවට යන එක හැර බදුවල සල්ලි සාක්කුවට යන්න බෑ - බලශක්ති අමාත්‍ය කුමාර ජයකොඩි

සංවිධානාත්මක ක්‍රියාවලියක් මගින් වන අලි ඝාතන රැලි දෙකක් නිර්මාණය කර ඇති බවත්, වර්තමානයේ ක්‍රියාත්මක වනුයේ දෙවන රැල්ල බවත් පරිසර අමාත්‍ය වෛද්‍ය දම්මික පටබැඳි මහතා පැවසීය.

ලබන 24 වැනිදා දෙවැනිවර කියවීමේ විවාදය පැවැත්වීමට නියමිත ශ්‍රී ලංකා විදුලිබල (සංශෝධන) පනත් කෙටුම්පත එදින විවාදයට නොගෙන ඉදිරි දිනකදී විවාදයට ගැනීමට කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් අද (22) පැවැති පාර්ලිමේන්තු කටයුතු පිළිබඳ කාරක සභාවේදි තීරණය වූ බව පාර්ලිමේන්තුවේ මහලේකම් කුෂානි රෝහණදීර මහත්මිය පැවසුවාය.

සේවකයන්ගේ අයවැය සහන දීමනා (සංශෝධන) පනත් කෙටුම්පත (2005 අංක 36 දරන පනත සංශෝධනය සඳහා), සේවකයන්ගේ අයවැය සහන දීමනාව (සංශෝධන) පනත් කෙටුම්පත (2016 අංක 4 දරන පනත සංශෝධනය සඳහා) සහ සේවකයන්ගේ ජාතික අවම වේතනය (සංශෝධන) පනත් කෙටුම්පත යන පනත් කෙටුම්පත් ත්‍රිත්වය අද (22) පාර්ලිමේන්තුවේදී සම්මත විය.

අඩ සියවසකට අධික මහා ශාසනික සේවයක් ඉටුුකොට අපවත් වී වදාළ ආණමඩුවේ ශ්‍රී ධම්මදස්සි සියම් මහා නිකායේ අස්ගිරි මහා විහාර පාර්ශවයේ අති ගෞරවාර්ය අනු නායක ස්වාමීන්ද්‍රයන් වහන්සේගේ ශ්‍රී දේහය අස්ගිරි මහා විහාරීය පවර උපාලි අනුස්මරණ ශාලාව වෙත අද (22) වැඩම කරවනු ලැබීය.

නව අගවිනිසුරු සඳහා ප්‍රීති පද්මන් සූරසේන මහතාගේ නම ව්‍යවස්ථාදායක සභාව වෙත යොමු කිරීම ජනපති විසින් සිදුකරන ලද බව අද (22) කැබිනට් තීරණ දැනුම්දීමේ මාධ්‍ය හමුවේදී සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතා සඳහන් කළේය.

දඹුල්ල ඉනාමළුව රජයේ රක්ෂිතය තුල මීට මාසයකට පමණ ඉහතදී මිය යන්නට ඇති බවට සැක කරන ඇතෙකුගේ සහ අලින් පස් දෙනෙකුගේ මල සිරුරු තිබෙන බව ප්‍රදේශවාසීහු පවසති.

පුරප්පාඩුව පැවති, වන සංරක්ෂණ දෙපාර්තමේන්තුවෙි වන සංරක්ෂන අධ්‍යක්ෂක ජනරාල් ධුරයට වන සංරක්ෂණ දෙපාර්තමෙින්තුවෙි අතිරේඛ වන සංරක්ෂක ජනරාල් (වන ආරක්ෂණ, මෙහෙයුම්, හා කළමණාකරන) ලෙස කටයුතු කරන ඩබ්ලිව්.ඩබ්ලිව්.එම්.පී.එස්.සී පාලම කුඹුර මහතා වහාම ක්‍රියාත්මක වන පත්කර තිබෙි.

මල්වතු මහා විහාර පාර්ශ්වයේ දක්ෂිණ ලංකාවේ සමථ බලසම්පන්න ප්‍රධාන අධිකරණ සංඝනායක ධුරය හෙබවූ තල්පේ අරියජෝති හිමියන් එම ධුරයෙන් ඉවත් කිරීමට මල්වතු මහා විහාර පාර්ශ්වයේ මහානායක ස්වාමීන්ද්‍රයන් වහන්සේ ප්‍රමුඛ විංසත් වාර්ගික කාරක සංඝ සභාව තීරණය කොට තිබේ.

කොරියානු ජනරජයේ E-8 වීසා කාණ්ඩය (සෘතුමය සේවකයින්) යටතේ ශ්‍රි ලාංකික ශ්‍රමිකයින් යෙදවීම පහසු කිරීම සඳහා නියමු ව්‍යාපෘතියක් ක්‍රියාත්මක කිරීමටත් ඒ සඳහා උනන්දුවක් දක්වන කොරියානු පළාත් පාලන ආයතන සමගා සාකච්ඡා පැවැත්වීමටත් 2025-02-19 හා 2025-07-01 දින පැවැති අමාත්‍ය මණ්ඩල රැස්වීම්වලදී අනුමැතිය ලබා දී තිබේ.

හිටපු ජනපතිවරුන්ට හා ඔවුන්ගේ පවුල්වලට ලබා දෙනු ලබන විශේෂ වරප්‍රසාද අහෝසි කිරීමට හැකිවන පරිදි 1986 අංක 4 දරන ජනාධිපතිවරයන්ගේ හිමිකම් පනත ඉවත් කිර‍ිම ඳසහා පනත් කෙටුම්පත්ක සකස් කිරීමට 2025-06-16 දින පැවැති අමාත්‍ය මණ්ඩල රැස්වීමේ අනුමැතිය ලබා දී තිබේ.

විදේශ රැකියා හරහා පසුගිය වසර 10 තුළ මෙරටට ලැබී ඇති මුළු ප්‍රේෂණ ප්‍රමාණය ඇමෙරිකානු ඩොලර් මිලියන 67,147ක් බව විදේශ කටයුතු, විදේශ රැකියා නියෝජ්‍ය අමාත්‍ය අරුන් හේමචන්ද්‍ර මහතා පැවසීය.

අල්ලස් කොමිසම කරන විමර්ශනයන්ට සහාය දක්වමින් එම කොමිසමේ පෙනී සිට ප්‍රකාශයක් දෙන ලෙස කොළඹ අතිරේක මහේස්ත්‍රාත් හර්ෂන කැකුණවෙල මහතා විශ්‍රාමික නියෝජ්‍ය පොලිස්පති රොහාන් ප්‍රේමරත්න මහතාට අද (22) නියෝග කළේය.

යෝජිත විදුලි පනත හකුලා ගන්නා ලෙස රජයට බල කරමින් ලංකා විදුලි බල මණ්ඩලයේ වෘත්තීය සමිති කිහිපයක් එක්ව (22) දින ආරම්භ කර ඇති වෘත්තීය සමිති ක්‍රියාමාර්ගයට සමගාමීව ජල විදුලි බලාගාරවල සේවය කරන ඉංජිනේරුවන් සහ සේවකයින් 50%ක් පමණ (22) දි

ඇල්ල වැල්ලවාය මාර්ගය 02 කණුව අසලදී (22) වෙනිදා උදෑසන වැල්ලවාය දෙසට ගමන් කරමින් තිබූ වෑන් රථයක් පෙරළී අනතුරක් සිදුවී ඇත.

ගාල්ල දෙවට ප්‍රදේශයේ බහුවිධ ප්‍රවාහන සේවා මධ්‍යස්ථානයක් ඉදිකිරීම පිළිබඳ යෝජනාවක් ප්‍රවාහන ,මහා මාර්ග ,වරාය හා සිවිල් ගුවන් සේවා අමාත්‍යාංශයේ විශේෂ ව්‍යාපෘතියක් වශයෙන් පසුගිය සම්බන්ධීකරණ කමිටුවට යෝජනාවක් ලෙස ඉදිරිපත් කෙරිණී.

පොලිස්පති දේශබන්දු තෙන්නකොන් මහතාට එරෙහිව එල්ල වූ සියලු චෝදනා වලට වැරදි කරු බව ඒ සම්බන්ධයෙන් පත් කළ කමිටුව තීරණය කර ඇති බව කථානායක වෛද්‍ය ජගත් වික්‍රමරත්න මහතා මීට සුළු මොහොතකට පෙර පාර්ලිමේන්තුවට දැනුම් දුන්නේය.

පාර්ලිමේන්තුව අද (22දා) පෙරවරු 9.30ට රැස්වීමට නියමිතව තිබේ.

නීතියට පටහැනි ආකාරයට අත්තනෝමතික ලෙස තමන් මාස හයක කාලයක් තුළ පොලිස්ථාන තුනකට මාරු කර යැවීමෙන් සහ තමන්ට වඩා කනිෂ්ඨ නිලධාරියකු යටතේ සේවයේ කිරීමට සැලැස්වීමෙන් තම මූලික අයිතිවාසිකම් කඩකරන ලදැයි සඳහන් කරමින් යාපනය ප්‍රදේශයේ භාර වැඩබලන නියෝජ්‍ය පොලිස්පති ගයන්ත මාරපන මහතා ගොනු කර ඇති මුලික අයිතිවාසිකම් පෙත්සම සැප්තැම්බර් 03 වැනිදා සලකා බැලීමට ශ්‍රේෂ්ඨාධිකරණය අද (21) තීරණය කළේය.