කොට්ටාව විද්‍යාල හංදියේදී තරුණයෙකුගේ ගෙළ බැඳි රන් මාලය සහ ඇපල් වර්ගයේ ජංගම දුරකථනය කොල්ලකෑමේ සිද්ධියට මාලබේ පොලිසියට අනුයුක්ත පොලිස් නිලධාරින් සිව්දෙනෙකු අත්අඩංගුවට ගත් බව කොට්ටාව පොලිසිය පවසයි.

සතොස අලෙවිසැල්වල අලෙවි කෙරෙන ආනයනික සම්බා සහල් සහ රතු පරිප්පු කිලෝග්‍රෑමයක මිල පිළිවෙළින් රු. 21 සහ 25 අඩුකර තිබේ. ඒ අනුව ආනයනික සම්බා සහල් කිලෝවක නව මිල රු. 194 ක් වන අතර රතු පරිප්පු කිලෝවක මිල රු. 460කිි.

ණය හිමියන් සමඟ ණය ප්‍රතිව්‍යුහගත කිරීමේ සාර්ථකත්වය මත හා ජාත්‍යන්තර මූල්‍ය අරමුදල සමඟ සාර්ථක සාකච්ඡාවලට යටත්ව ජාත්‍යන්තර මූල්‍ය අරමුදල විසින් ශ්‍රී ලංකාවට විස්තීරණ අරමුදල් පහසුකම ලබා දීම වසර අවසානය වන විට අපේක්ෂා කළ හැකි බව ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා පවසයි.

මහනුවර සිට බදුල්ල දක්වා භාණ්ඩ ප්‍රවාහනය කරන දුම්රියක් පිලි පැනිමෙන් උඩරට දුම්රිය මාර්ගයේ ගමනා ගමනයට බාධා පැමිණ ඇති බව නාවලපිටිය දුම්රිය පාලක මැදිරිය පැවසිය.

ඇමෙරිකාවේ ජොන්ස් හොප්කිංස් විශ්වවිද්‍යාලයේ ආර්ථික විිද්‍යාඥයෙක් වන ස්ටීිව් හැන්කේ මහතා ගණනය කරන ලෝකයේ රටවල් අතර උද්ධමනයෙන් ලංකාව ක්‍රමයෙන් පහළ බසින තත්ත්වයක් පෙන්නුම් කර තිබේ.

ප්‍රා දේශීිය සභා මන්ත්‍රිවරයෙකුට පහරදී ඔහුව බේරේ වැවට තල්ලු කිරීම සම්බන්ධයෙන් අවුුරුදු 26 ක තරුණියක් අත්අඩංගුවට ගත් බව පොලිිස් මාධ්‍ය ප්‍රකාශක කාර්යාලය පවසයි.

විරෝධතාකරුවන් විශාල සංඛ්‍යාවක් අත්අඩංගුවට ගැනීම සහ ත්‍රස්තවාදී නීති යටතේ ඇතැමුන් රඳවා තබා ගැනීම දැඩි කනස්සල්ලට කරුණක් බව හිිටපු ක්‍රිකට් නායක සනත් ජයසූරිය මහතා පවසයි.ඩ

ජනපති රනිල් වික්‍රමසිංහ මහතා හා විිපක්ෂනායක සජිත් ප්‍රේමදාස මහතා මෙන්ම සමගි ජන බලවේගයේ මහ ලේකම් පාර්ලිමේන්තු මන්ත්‍රි රංජිත් මද්දුමබණ්ඩාර මහතා අතර හමුවක් පවත්වා තිබේ.

දුම්රිය මාර්ගය ජකර්තා අගනුවර සිට සුප්‍රසිද්ධ සංචාරක ගමනාන්තයක් වන බන්ඩුං දක්වා ගමන් කරන කාලය පැය තුනේ සිට විනාඩි 40ක් දක්වා මෙමගින් අඩු කරගත හැකි බව කියයි.

ත්‍රස්තවාදය වැළැක්විිමේ පනත යටතේ අත්අඩංගුවට ගෙන රඳවාගෙන ප්‍රශ්න කිරිම සම්බන්ධයෙන් ඇමෙරිකාවේ මෙන්ම යුරෝපා සංගමයේ අවධානය යොමුව තිබේ.

කුරුණෑගල- මීගමුව ප‍්‍රධාන මාර්ගයේ මාහොලව මෑල්ලවලා මන්සන්දිය අසළදී අද දහවල් ගිරිඋල්ල දෙස සිට පන්නල දෙසට යතුරුපැදියකින් ගමන්කල තරුණයන් දෙදෙනෙකු එම දෙසටම ගමන්කල ලොරි රථයක පිටුපස ගැටීමෙන් බරපතල තුවාල ලබා අනතුර සිදුවූ ස්ථානයේදීම මියගොස් ඇතිබව පන්නල පොලීසිය කියයි.

නිව්යෝක් ප්‍රාන්තයේ ප්‍රාන්ත සෞඛ්‍ය දෙපාර්තමේන්තුවේ සතිපතා සාරාංශයකට අනුව වයස අවුරුදු 18 ට අඩු බාල වයස්කරුවෙකු තුළ ප්‍රථම වරට මන්කිපොක්ස් වාර්තා වී තිබේ.

දකුණු කොරියාවේ ධීවර ක්ෂේත්‍රයේ රැකියා සඳහා 2022 වර්ෂයේ පැවැත්වීමට නියමිත කොරියානු භාෂා ප්‍රවීණතා පරීක්ෂණය සඳහා විභාග ප්‍රවේශපත්‍ර නිකුත් කිරීම 2022.08.22 දින සිට 2022.08.26 දින දක්වා මාර්ගගත ක්‍රමය ඔස්සේ සිදුකිරීමට නියමිතය.

ඉන්දීය නායකත්වයේ ජ්‍යෙෂ්ඨයෙකු ඝාතනය කිරීම සඳහා මොහු ඉන්දියාව බලා යාමට සූදානමින් සිට ඇති බව රුසියාව පවසයි.

බ්‍රිගේඩියර් නිලයේ ජ්‍යෙෂ්ඨ නිලධාරින් 09 දෙනෙකු මේජර් ජෙනරල් නිලයට උසස් කිරීමට කටයුතු කර තිබේ.යුද්ධ හමුදාධිපති ලුතිනන් ජෙනරල් විකුම් ලියනගේ මහතාගේ සහ ආරක්‍ෂක අමාත්‍යාංශයේ නිර්දේශය මත සන්නද්ධ හමුදා සේනාධිනායක ජනාධිපති රනිල් වික්‍රමසිංහ මහතා විසින් මෙම උසස් කිරීීම් සිදුකර තබේ.

කොවිඩ්-19 ආසාදිතව හුදකලාව සිටින ජපාන අගමැති ෆුමියෝ කිෂිඩා වෙත ඉක්මන් සුවය ප්‍රාර්ථනා කරමින් චීන ජනාධිපති ෂී ජින්පිං විසින් පණිවුඩයක් යවා තිබේ.

අන්තර් විිශ්වවිද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලගේ ඇතුළු තිදෙනක් දින 90කකාලයක් සඳහා රඳවාගෙන ප්‍රශ්න කිරීමට අවසර දීමට ආරක්ෂක අමාත්‍යාංශය කටයුතු කර ඇත.

ජාතික රූපවාහිනියට බලහත්කාරයෙන් ඇතුළුවීමේ සිදුවීමට අදාළව අත්අඩංගුවට ගැනීම සඳහා පොලීසිය සොයමින් සිටි තවත් සැකකරුවෙක් අත්අඩංගුවට ගෙන ඇත. කොළඹ කුරුඳුවත්ත පොලීසියට භාරවීමෙන් අනතුරුව මෙම සැකකරු අත්අඩංගුවට ගෙන ඇත.

පකිස්ථානයේ හිටපු අගමැතිට එරෙහිව චෝදනා ඔප්පු වුවහොත්, ඔහුට වසර කිහිපයක් සිරගත වීමට සිදුවනු ඇත.

ගෝල්ෆේස් අරගල භූමියට සිදුව ඇති අලාභ හානිය පිළිබදව තක්සේරු වාර්තාවක් ලබා ගැනීමට මේ වන විට කටයුතු කර ඇති බවද එම අධිකාරිය කියයි. එම භූමිය නැවත සැකසීම සහ මූලික කටයුතු වෙනුවෙන් රුපියල් ලක්ෂ 1 ½ ක් සහ එහි තණ පිඩලි ඇල්ලීම වෙනුවෙන් රුපියල් ලක්ෂ 47 ½ ක් වැය වන බව නාගරික සංවර්ධන අධිකාරිය විසින් සකස් කරන ලද එම තක්සේරු වාර්තාවෙහි සදහන් වේ.

දකුණ සහ මධ්‍යම පළාත් හිටපු ආණ්ඩුකාර රජිත් කීර්ති තෙන්නකෝන් මහතා ජනාධිපති කාර්යාලයේ අධ්‍යක්ෂ ජනරාල් (ප්‍රජා කටයුතු) ලෙස පත් කර ඇත.

දැඩි ආර්ථික අර්බුදයකට මුහුණ පා සීටින ශ්‍රී ලංකාව වෙනුවෙන් ඉන්දියාව ලබාදුන් ණය හා ආධාරවල වටිනාකම ඇමෙරිකානු ඩොලර් බිලියන 4 ඉක්මවා ගොස් ඇතැයි ශ්‍රී ලංකාවේ ඉන්දීීය මහ කොමසාරිස් කාර්යාලය පවසයි.

රට තුළ ඇති වූ විදේශ සංචිත හිගයත් සමඟ ශ්‍රී ලංකාව ඉන්ධන ගෙන්වීමේ දැඩි අර්බුදයකට මුහුණ දෙමින් සිටින බවත් සාමාන්‍ය ජනතාව පොදු ප්‍රවාහනය භාවිතා කිරීමට යොමුවීම තුළින් මේ වනවිට දුම්රිය මගී ප්‍රමාණය දෙගුණයක් දක්වා වැඩිවී ඇති බවත් පසුගිය වසර 20ක කාලය තුළ අධිවේගී මාර්ග වලට යොමුකළ මුදල් වලින් සියයට 10ක් පොදු ප්‍රවාහනයට යොමු කළේ නම්, අද මෙරටට නවීකරණය වූ දුම්රිය පද්ධතියක් හා මගී බස්රථ සේවයක් ලැබෙනු ඇති බව පාර්ලිමේන්තු මන්ත්‍රී පාඨලී චම්පික රණවක මහතා අවධාරණය

ඉන්දීය ණය යටතේ මෙරටට ලබා දෙන යූරියා පොහොර මෙට්‍රික් ටොන් 65,000න් අවසන් තොගය වන මෙට්‍රික් ටොන් 21,000ක තොගය අද (22දා) ඉන්දීය මහකොමසාරිස් අශෝක් භග්ලේ මහතා විසින් කෘෂිකර්ම අමාත්‍ය මහින්ද අමරවීර මහතාට නිල වශයෙන් බාර දෙනු ලැබිණි.

යාපනයේ සහ ත්‍රීකුණාමලයේ පදිංචි පවුල් 03කට අයත් පුද්ගලයින් 08 දෙනෙකු ඊයේ (21දා) ඉන්දියාවේ ධනුෂ්කොඩි මුහුදු ප්‍රදේශයට කුඩා මුහුදු යාත්‍රාවකින් පැමිණ සිටියදී තමිල්නාඩු පොලිස් භාරයට ගෙන තිබේ.

ඉන්ධන ඇතුළු අනෙකුත් පහසුකම් ලබා ගැනීම සඳහා පසුගිිය සතියේ දිවයිනට පැමිණි චීනයේ ‘යුවාන් වැන්ග් 5’ අධිතාක්ෂණික පර්යේෂණ නෞකාව අද (22දා) යළි චීනය බලා පිටත්ව යාමට නියමිතය.

රජය හා අදාළ බලධාරීන් බේකරි හිමියන්ට අවශ්‍ය සහය ලබා දෙන්නේ නම් පාන් රාත්තලක මිල රුපියල් 50 කින් හා අනෙකුත් බේකරි නිෂ්පාදන මිල සැලකියයුතු මට්ටමකින් අඩු කර ජනතාවට සහනයක් ලබා දීමට හැකි බව සමස්ථ ලංකා බේකරි හිමියන්ගේ සංගමයේ සභාපති එන්.කේ. ජයවර්ධන මහතා අද (22දා) රද්දොළුගම ඒ මහතාගේ කාර්යාලයේදී මාධ්‍ය හමුවක් කැදවමින් ප්‍රකාශ කර සිටියහ.

භූමිතෙල් මත යැපෙන අඩු ආදායම්ලාභී පවුල්, ධීවර සහ වැවිලි ක්ෂේත්‍ර සඳහා සෘජු මුදල් සහනාධාරයක් ලබාදීමට රජය යෝජනා කර ඇතැයි විදුලි බල හා බලශක්ති අමාත්‍ය කාංචන විජේසේකර මහතා පවසයි.

ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාට පහරදීමේ සිද්ධිය සම්බන්ධයෙන් අධිකරණයට ඉදිරිපත් කළ අට දෙනා මුදා හරින්නැයි කොළඹ කොටුව මහේස්ත්‍රාත් තිළිණ ගමගේ මහතා නියෝග කළේය.