ශ්‍රී ලංකා හිටපු ක්‍රිකට් ක්‍රීඩක සනත් ජයසූරිය මහතා ජාතික ක්‍රීඩා තේරීම් කමිටුවේ සමාජිකයකු ලෙස ක්‍රීඩා අමාත්‍යවරයා විසින් පත්කර තිබේ. ආරක්‍ෂක මාණ්ඩලික ප්‍රධානී ජෙනරාල් ශවේන්ද්‍ර සිල්වා මහතාගේ එම කමිටුවේ සභාපති වේ.

සිය ආරක්ෂාව වෙනුවෙන් පාර්ලිමේන්තු මන්ත්‍රීවරුන් සියයට අසූවක් පමණ ගිනි අවිය ලබාගෙන ඇතැයි වාර්තා වේ.

ලෝක අමද්‍යප දිනය දා රත්නපුර නගරයේ නීති විරෝධි ලෙස වැඩි මිළට රජයේ මැත්පැන් අලෙවි කල පුද්ගලයෙකු විවිධ වර්ගයේ මත්පැන් බොතල් එකසිය පහළොවක් සහ බීර ටින් එකසිය හතළිහක් සමග ඊයේ (03දා) පස්වරුවේ දි අත්අඩංගුවට ගත් බව රත්නපුර පොලිසිය පවසයි.

ව්‍යාපාර පිළිබඳ කාරක සභාවට(කෝප්) නම් නොකල හිටපු කෝප් සභාපති චරිත හේරත් මහතාගේ නම තමා යෝජනා කරන බවත්, ඒ වෙනුවෙන් හර්ෂ ද සිල්වා මන්ත්‍රීවරයා ස්ව කැමැත්තෙන් කෝප් කාරක සභාවෙන් ඉල්ලා අස්වීමට කටයුතු කරන බවත් විපක්ෂනායක සජිත් ප්‍රේමදාස මහතා පැවසීය.

උඩරට මධ්‍යම කඳුකර ප්‍රදේශ ආශ්‍රීතව මේ දිනවල පවතින අධික වර්ෂාව හේතුවෙන් කඳුකරයේ පිහිටි ලොකු කුඩා සියලුම දිය ඇලිවල ජල මට්ටම් ඉහල ගොස් ඉතාමත් සුන්දර දසුන් මවමින් කඩා හැලෙමින් පවතින අයුරු දක්නට ලැබේ.

ශ්‍රී ලංකා මුහුදු තීරය මත්ද්‍රව්‍ය ජාවාරම්කරුවන්ගේ මත්ද්‍රව්‍ය හුවමාරු මධ්‍යස්ථානයක් බවට පත්වෙද්දී මෙරට තරුණ පරපුර සීඝ්‍ර වශයෙන් මත් රකුසාට බිලි වෙමින් පවතින බව මල්වතු පාර්ශවයේ අනුනායකපූජ්‍ය නියංගොඩ විජිතසිරි නාහිමියෝ පවසයි .

වගාවන්ට හානි සිදුකරන වනසතුන් පළවා හැරීමට ගොවීන්ට තුවක්කු ලබාදීමට රජය ගෙන තිබෙන තීරණය වහාම ඉවත්කර ගත යුතු බව සත්ත්ව අයිතිවාසිකම් සුරකීමේ ක්‍රියාකාරීන්ගේ එකමුතුව සඳහන් කරයි.

හම්බන්තොට, රිදියගම සෆාරි සත්ත්වෝද්‍යානයේ අක්කර 34කින් සමන්විත දෙවැනි කොටස අද (04දා) මහජනතාව සඳහා විවෘත කෙරේ.

මේ පිළිබඳව සිය ට්විටර් ගිණුමෙන් නිවේදනයක් නිකුත් කරන විදුලි බල හා බලශක්ති අමාත්‍ය කංචන විජේසේකර මහතා පවසන්නේ ඒ හරහා ඉන්ධන බෙදා හැරීමේ ක්‍රියාවලියට බාධාවක් නොවන බවයි.

මන්ත්‍රීවරයා සඳහන් කරනතෙක් තමාට ඒ පිළිබඳව අවබෝධයක් නොතිබූ බවත්, කාදිනල් හිමිපාණන්ගේ ආරක්ෂාව පිළිබඳ කඩිනමින් සොයා බැලීමට කටයුතු කරන අතර, උන්වහන්සේට අවශ්‍ය ආරක්ෂාව ලබා දීමට ආණ්ඩු කිසිදු අවස්ථාවක පැකිලෙන්නේ නොමැති බවත් ඊට පිළිතුරු ලබා දෙමින් ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පැවසීය.

හෙට පාර්ලිමේන්තුවේ විවාදයට ගැනීමට නියමිත ක්‍රමෝපාය සංවර්ධන පනත යටතේ නියමයට රජයේ මුදල් පිළිබද කාරක සභාවේ අනුමතිය හිමිව නොමැත. එම කාරක සභාව එහි සභාපති පාර්ලිමේන්තු මන්ත්‍රි ආචාර්ය හර්ෂද සිල්වා මහතාගේ ප්‍රධානත්වයෙන් රැස්වූ අවස්ථාවේදී මෙම තීරණය ගෙන තිබේ.

පෙට්‍රල් හා ඩීසල් හරහා ලංකා ඛනිජ තෙල් නීතිගත සංස්ථාව ලාභ ලබන ආකාරය අමාත්‍ය කංචන විජෙජ්සේකර මහතා සිය ට්විටර් ගිණුම හරහා ප්‍රකාශ කර තිබේ.

එක්සත් රාජධානිය, කැනඩාව, ජර්මනිය, මලාවි, මොන්ටිනිග්‍රෝ, උතුරු මැසිඩෝනියාව සහ එක්සත් ජනපදය, ’’ශ්‍රී ලංකාවේ සංහිඳියාව, වගවීම සහ මානව හිමිකම් ප්‍රවර්ධනය කිරීම’’ යන මාතෘකාව යටතේ සකස් කළ A/HRC/51/L.1 යෝජනා කෙටුම්පත, 2022 ඔක්තෝම්බර් 06 වැනි දින ක්‍රියාත්මක කිරීම සඳහා යොදා ගනු ඇතැයි අපේක්ෂා කෙරේ.

තිරිඟු පිටි රැගත් කන්ටේනර් 100ක් පමණ රැගෙන විත් ඇති බවත් ඒ් අනුව මෙම සතියේ සිට තිරිඟු පිටි මිල අඩුවෙනු ඇති බවත් අමාත්‍ය නලීන් ප්‍රනාන්දු මහතා පාර්ලිමේන්තුවේදී පැවැසීය.

නිදහස ලැබීමේ සිට අද දක්වා බලන විට අප අගාධයට යමින් සිටිනවා. වර්තමානයේ ආණ්ඩු කරවන ඇත්තෝ සහ ආණ්ඩු කරපු ඇත්තෝ සියලු දෙනා මීට වග කිව යුතුයි. ඒ සියළු දෙනාට අධි ආරක්ෂිත කලාප මෙන්ම අධිපෝෂනය පවතිනවා, ඒත් සාමාන්‍ය ජනතාවට ඉතුරු වෙලා තියෙන්නෙ මන්දපෝෂණය පමණයි.

මේ අවස්ථාවේදී විදේශ සහල් ගෙන්වීමේ අවශ්‍යතාවක් නොමැති බවත් දේශීය ගොවියා විසින් ගුණාත්මක තත්ත්වයෙන් උසස් සහල් නිපදවා ඇති බවත් කෘෂිකර්ම අමාත්‍ය මහින්ද අමරවීර මහතා පැවැසීය.

පර්පචුවල් ට්‍රෙෂරීස් සමාගමේ අධ්‍යක්ෂ අර්ජුන් ඇලෝසියස් මහතා රුපියල් ලක්ෂ 75ක ශරීර ඇප දෙකක් මත මුදා හැරීමට කොළඹ අතිරේක මහේස්ත්‍රාත් ටී. එන්. ඉලංගසිංහ මහතා අද (03දා) නියෝග කළේය.

වර්තමානයේ තවත් ඇමතිධූර 10ක් පත් කරනවා නම් එය කරන්නේ පොහොට්ටුවේ නායකයින්ගේ බලපෑම් නිසා බවත් ජනාධිපති රනිල් වික්‍රමසිංහ මහතාට වෙනත් විකල්පයක් නැති බවත් හිටපු ජනාධිපති මෛත්‍රීපාල සිරිසේන මහතා පවසයි.

මෙරට කැනඩා මහ කොමසාරිස් ඩේවිඩ් මකිනන් සහ මෙරට ප්‍රංශ තානාපති එරික් ලවෙර්තු මහත්වරුන් අද (03දා) පෙරවරුවේ ජනාධිපති කාර්යාලයේ දී ජනාධිපති රනිල් වික්‍රමසිංහ මහතා හමු වූහ.

පේරාදෙණිය විශ්වවිද්‍යාලයේ ඉංජිනේරු පීඨයේ සිව්වන වසරේ තවත් සිසුවෙකු ඊයේ (02දා) සිට අතුරුදන්ව ඇතැයි පේරාදෙණිය පොලීසිය පවසයි.

චීනයෙන් ගෙන්වා තිබූ අසූචි මිශ්‍ර පොහොර නැවට ලංකා රජය මගින් ගෙවා තිබූ ඩොලර් මිලියන 6.9 ක මුදල වහාම එම තීන්දුව ලබාදුන් පාර්ශවයෙන් අය කරන ලෙසත් ,මුදල් ගෙවීම්ට ගත් තීරණය සම්පූර්ණයෙන් නීතිවිරෝධී බවත් ,එම චීන සමාගම ලංකාවේ අසාදු ලේඛනගත කරන ලෙසත් එමෙන්ම ශාක ආරක්ෂණ පනත සම්පූර්ණයෙන්ම උල්ලංඝනය කර ඇතැයි රජයේ විගණකාධිපති වාර්තාවක් මඟින් හෙළි කර තිබෙන බව මස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා අද (03දා) මාධ්‍ය හමුවක් පවත්වමින් දඹු

පාතාලයේ ක්‍රියාකාරකම් රැසකට ඍජුව සම්බන්ධ වූ මහා පරිමාණ මත්ද්‍රව්‍ය ජාවාරම්කරුවෙක් මෙන්ම සංවිධානාත්මක අපරාධ කරුවකු වන ලියනගේ හර්ෂ චතුරංග පෙරේරා නොහොත් ’’පෙතියාගොඩ සංඛ’’ නැමැත්තා සහ තවත් පුද්ගලයන් දෙදෙනෙක් විදේශීය රටක නිෂ්පාදිත ගිනි අවියක් සමඟ අත්අඩංගුවට ගත් බව පොලිස් විශේෂ කාර්ය බලකාය පවසයි.

ජනපති රනිල් වික්‍රමසිංහ මහතා උමංදාව බෞද්ධ විශ්ව ගම්මානයේ නිරීක්ෂණ චාරිකාවකට එක්ව තිබේ. මෙහිදී උමංදාව විහාරාධිපති පිටිදූවේ සිරිධම්ම හිමියන් ජනපතිවරයා වෙත යෝජනා කිහිපයක්ද ඉදිරිපත් කර තිබේ.

සොරාගෙන අත්හැර දමා ගිය රුපියල් ලක්ෂ 5ක් පමණ වටිනා යතුරුපැදියක් පිළිබඳ පරීක්ෂණ සිදු නොකර සිය පරිහරණය සඳහා යොදා ගත් පොලිස් කොස්තාපල්වරයකු කොහුවල පොලිසියේ මගින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක කාර්යාලය පවසයි.

එළැඹෙන 05 දා මධ්‍යම රාත්‍රියේ සිට ලිට්‍රෝ ගෘහස්ත ගෑස් සිලින්ඩර මිල තවදුරටත් පහළ දැමීමට කටයුතු කරන බව ලිට්‍රෝ සභාපති මුදිත පීරිස් මහතා පවසයි. මේ වන විට මෑතකාලීනව අවස්තා දෙකකදී ලිට්‍රෝ ගෑස් මිල අඩු කිරීමට සමාගම කටයුතු කර තිබේ.

පේරාදෙණිය විශ්ව විද්‍යාලයේ කලා පීඨයේ නීති අංශයේ අධ්‍යාපනය හදාරන නීති ශිෂ්‍යයන්ට සිදුකරන පහරදීම් හා බැණ වැදීම් නතර කරන බවට ශිෂ්‍ය සංගමය ලිඛිත පොරොන්දුවක් දෙන තුරු එහි අධ්‍යයන කටයුතු නැවත ආරම්භ නොකරන බව කලා පීඨයේ පීඨාධිපති මහාචාර්ය ප්‍රභාත් ඒකනායක මහතා පවසයි.

තඹුත්තේගමදී පසුගිය දා බැංකු කොල්ලකරුවන් දෙදෙනෙකු අත්අඩංගුවට ගත් පොලිස් සැරයන් බී.ඒ. බුද්ධික කුමාර මහතා උප පොලිස් පරීක්ෂක තනතුරට උසස් කළ බව පොලිස් මූලස්ථානය පවසයි.

වී වලට නිසි මිලක් සහ ලබන මහ කන්නයට නිසි වෙලාවට පොහොර ඉල්ලා ශ්‍රී ලංකා නිදහස් ගොවි පෙරමුණ සහ පොළොන්නරුවේ ගොවීන් අද (03දා) උදෑසන පොළොන්නරුව නගරයේ දී විරෝධතාවක් පැවැත්විනි.

වසර ගණන් එක දිගට විෂය දැනුම මතක තබාගෙන විභාගවලට මුහුණ දීමේ පීඩාකාරී මානසික වධයෙන් දරුවන් නිදහස් කිරීමට තමන් දැඩි පරිශ්‍රමයක නිරත වන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි.