’පදිංචිකරුවන් ආරක්ෂා කිරීම’ සහ ’කුලී අවලංගු කිරීම’ යන පනත් කෙටුම්පත් සම්බන්ධයෙන් විධිමත් තීරණයක් ගැනීමේ අවශ්‍යතාවක් නොමැති බවට ශ්‍රේෂ්ඨාධිකරණය තීරණය කර ඇති බව කථානායක ආචාර්ය ජගත් වික්‍රමරත්න අද (17) පාර්ලිමේන්තුවේදී ප්‍රකාශ කළා.

ජනාධිපති අනුර කුමාර දිසානායක මහතා ඉන්දියාවේ පැවැත්වෙන කෘතිම බුද්ධිය පිළිබද ( A.I. Impact summit ) ජාත්‍යන්තර සමුළුවට සහභාගී වීම සදහා 02/17 දින පස්වරුවේ කටුනායක ගුවන් තොටුපොළෙන් පිටත්ව ගිය බව ගුවන් තොටුපොළ කාර්යය භාර නිලධාරීවරයා සනාථ කළේය.

නීතිවිරෝධී ලෙස මෙරටට රැගෙන එන ලද විදේශීය දුම්වැටි තොගයක් සමඟ පුද්ගලයකු, කටුනායක ගුවන්තොටුපළේදී අත්අඩංගුවට ගෙන තිබෙනවා

“විදුලිබල ප්‍රතිපත්තිය සම්බන්ධයෙන් ජනතා අදහස් ලබාගන්න දින 21ක් ලබාදුන්නා. එහිදී ඉදිරිපත් කරපු යෝජනා අදහස් සැළකිල්ලට අරගෙන සංශෝධනය කරමින් සැකසූ අවසන් ප්‍රතිපත්ති යෝජනා ඇතුළත් වාර්තාව, දැන් නැවතත් මහජන අදහස් ලබාගැනීම සඳහා ඉදිරිපත් කරල තියෙනවා. ඉදිරි 19 වන දින දක්වා ඒ සම්බන්ධයෙන් වන අදහස් හා යෝජනා ඉදිරිපත් කරන්න පුලුවන්” යැයි බලශක්ති අමාත්‍ය කුමාර ජයකොඩි මහතා අද (17) පාර්ලිමේන්තුවේදී නැගූ ප්‍රශ්නයකට පිළිතුරු දෙමින් ප්‍රකාශ කර සිටියේය.

එක්සත් රාජධානියේ නියෝජ්‍ය අග්‍රාමාත්‍ය ඩේවිඩ් ලැමී මහතා එක් දින සංචාරයක් සදහා 02/17 දින උදෑසන කටුනායක ගුවන් තොටුපොළ වෙත පැමිණියේය .

දිවයිනේ සියලු ප්‍රදේශවල මෙතෙක් හඳුනා නොගත් පුරා විද්‍යාත්මක ස්ථාන දහසක් හඳුනා ගෙන සංරක්ෂණය කිරීමේ කටයුුතු මේ වසරේ ආරම්භ කරන බව බුද්ධ ශාසන ආගමික සහ සංස්කෘතික කටයුතු පිළිබඳ නියෝජ්‍ය අමාත්‍ය ගමගෙදර දිසානායක මහතා කීය.

විස්සයි20 ජාත්‍යන්තර තරගවලදි ශ්‍රී ලංකාව වෙනුවෙන් වැඩිම හයේ පහර සංඛ්‍යාවක් එල්ල කළ පිතිකරුවා ලෙස කුසල් මෙන්ඩිස් ඊයේ වාර්තා අතරට එක්විය. ඒ් ඊයේ තරගයේදි ඔහු එල්ල කළ හයේ පහරත් සමගින් කුසල් විස්සයි20 පිටියේදි එල්ල කර ඇති හයේ පහර සංඛ්‍යාව 97ක් දක්වා වර්ධනය විය. මිට පෙර එම වාර්තාවට හිමිකම් කීවේ ශ්‍රි ලංකා විස්සයි20 නායක දසුන් ශානක වන අතර ඔහු හයෙ පහර 96ක් ඒල්ල කර තිබේ.

අද දින සිට ඉදිරි දින වල උතුරු, උතුරුමැද, මධ්‍යම, ඌව හා නැගෙනහිර පළාත්වල වැසි තත්ත්වයේ වැඩිවිමක් අපේක්ෂා කරන බව කාලගුණ විද්‍යා දෙපාර්තමන්තුව කියයි.

සිගිරිය පිදුරංගල මාර්ගයේදී ඊයේ සවස වන අලියෙකු පහරදීම හේතුවෙන් විදේශීය ජාතිකයෙකු බරපතල තුවාල ලබා කිඹිස්ස රෝහලට ඇතුලත් කිරීමේදී මියගොස් ඇති බවට ලද තොරතුරක් මත සීගිරිය පොලිසිය විමර්ශන ආරම්භ කර ඇත.මරණකරු වයස අවුරුදු 68 ක්වූ හංගේරියානු ජාතිකයෙකි.‍

විස්සයි20 ලෝක කුසලාන තරගයකදී හ‌යේ හා හතර පහරවලින් වැඩිම ලකුණු සංඛ්‍යාවක් රැස් කළ ශ්‍රී ලංකා පිතිකරුවා ලෙස පැතුම් නිශ්ශංක ඊයේ වාර්තා අතරට ඒක්විය.

ප්‍රභල ඔස්ට්‍රේලියා කණ්ඩායමට එරෙහිව කඩුලු 8ක පහසු ජයක් වාර්තා කරමින් පන්දුවාර විස්සයි20 ලෝක කුසලාන තරගාවලියේ අවසන් අට දෙනාගේ වටයට පිවිසීමට ශ්‍රී ලංකා කණ්ඩායම අද සමත්විය.

2025 - 2026 මහ කන්නයේ වී මිලදී ගැනීමේ සහතික මිල වී අලෙවි මණ්ඩලය විසින් අද ප්‍රකාශයට පත් කළේය. රජයේ ප්‍රවෘත්ති දෙපාර්තමේන්තුවේදී පැවැති ප්‍රවෘත්ති සාකච්ඡාවකදී වී අලෙවි මණ්ඩලයේ සභාපති ඒ.එම්.යූ. පින්නලන්ද මහතා මෙම මිල ගණන් ප්‍රකාශයට පත් කළේය. මෙවර වි මිලදි ගැනීම සඳහා රුපියල් බිලියන 10ක් වෙන්කර ඇති බවද ඔහු පැවැසීය.

විස්සයි20 ලෝක කුසලාන තරගාවලිය යටතේ ශ්‍රී ලංකා කණ්ඩායම හා ඔස්ට්‍රේලියා කණ්ඩායම අතර පැවැත්වෙන තරගයේ කාසියේ වාසිය දිනාගත් ශ්‍රී ලංකා නායක දසුන් ශානක මුලින්ම පන්දුට පහරදීමට ඔස්ට්‍රේලියාවට ආරාධනා කළේය.

ජාත්‍යන්තර මූල්‍ය අරමුදලේ කළමනාකාර අධ්‍යක්ෂ ආචාර්ය ක්‍රිස්ටලිනා ජෝර්ජියේවා මහත්මිය මෙරට නිල සංචාරයක් සදහා 02/16 දින පස්වරුවේ කටුනායක ගුවන් තොටුපොළ වෙත පැමිණි බව ගුවන් තොටුපොළ කාර්යය භාර නිලධාරීවරයා සනාථ කළේය.

ක්ෂුද්‍රමුල්‍ය හා ණය නියාමන අධිකාරිය පනත් කෙටුම්පතට සහ රේගු ආඥාපනත යටතේ යෝජනා සම්මතය, විශේෂ වෙළඳ භාණ්ඩ බදු පනත යටතේ නියමයන් ට රජයේ මුදල් පිළිබඳ කාරක සභාවේ අනුමතිය.

අධ්‍යයන පොදු සහතික පත්‍ර සාමාන්‍ය පෙළ 2025 (2026) විභාගය රට පුරා මධ්‍යස්ථාන 3545 කදී හෙට (17) සිට ආරම්භ වන බව විභාග කොමසාරිස් ජනරාල් ඉන්දිකා ලියනගේ මහත්මිය සඳහන් කරයි.

අධි සංවේදී පරිසර කලාපයක් වන ශ්‍රීපාද අඩවියේ කැළි කසළ ඉවත් කිරිමේ “සමනොළ සිරි හරිත වන්දනා ජාතික වැඩසටහන “ මෙම මස 19 වැනි දින ආරම්භ කෙරෙන බව ජනාධිපති අතිරේක ලේකම් එස් .පී.සී .සුගීෂ්වර මහතා පවසයි.

අ.පො.ස සාමාන්‍ය පෙළ විභාගය සදහා ආත්ම විශ්වාසයකින් යුතුව භිය නැතිව මුහුණදිම තුලින් සාර්ථක ප්‍රථිපල ලබාගතහැකි බැව් ගාල්ල ජාතික රෝහලේ මානසික රෝග පිළිබද විශේෂ වෛද්‍ය රූමි රූබන් මහතා පවසයි. හෙට (17) පැවැත්වෙන අ.පො.ස සාපෙළ විභාගය පිළිබද අදහස් දක්වමින් හෙතෙම මෙසේද කිවේය.

ලෝක කුසළාන විස්සයි විස්ස තරගාවලියේ 02/15 දින කොළඹ පැවති ඉන්දීය - පකිස්තානු ක්‍රිකට් තරගය නැරඹීම සදහා විශේෂ පෞද්ගලික ජෙට් ගුවන් යානා 15 කින් ලොව පුරා ක්‍රිකට් ලෝලීහු විශාල පිරිසක් කටුනායක ගුවන් තොටුපොළ වෙත පැමිණ තිබුණි.

රුපියල් දහසය කෝටි හතලිස් ලක්ෂයක් වටිනා ’’ කුෂ්’’ මත්ද්‍රව්‍ය තොගයක් මෙරටට රැගෙන විත් , ඒවා කටුනායක ගුවන් තොටුපොළෙන් පිට කර ගෙන යමින් සිටි ශ්‍රී ලාංකික ගුවන් මගීන් තිදෙනකු සමග 02/15 දින රාත්‍රී ගුවන් තොටුපොළ පොලිස් මත්ද්‍රව්‍ය කාර්යාංශයේ නිලධාරීන් පිරිසක් විසින් අත් අඩංගුවට ගෙන තිබේ.

රෝස මල්වල සහ අනෙකුත් මල්වල මිල ඉහළ යැම හමුවේ ආදරවන්තයන්ගේ දිනය යෙදී තිබුණ පසුගිය (14) දින රෝස මල් ඇතුලු අනෙකුත් මල්වල අලෙවිය පහළ වැටි ඇති බව නුවරඑලිය නගරයේ මල් අලෙවිකරුවන් කියා සිටියි.

පුත්තලම දුම්රිය මාර්ගයේ දුම්රිය ධාවනය කොළඹ කොටුවේ සිට පුත්තලම දක්වා අද දින සිට නැවත ආරම්භ කරනු ලැබිය. දිත්වා සුළි කුණාටුව හේතුවෙන් හානියට පත්වූ දුම්රිය මාර්ගය යළි යථාවත් කිරීමෙන් අනතුරුව මෙසේ පුත්තලම දක්වා දුම්රිය ධාවනය ආරම්භ විය.

ස්ථාන කිහිපයක සිදුවන වෙඩි තැබීම් ජාතික ආරක්ෂාවට තර්ජනයක් නොවන බවත් එක් එක් කණ්ඩයම් සිය ප්‍රතිරූප වෙනුවෙන් මෙවැනි වෙඩි තැබිම් සිදුකරන බවත් හිටපු අමාත්‍ය, ෆීල්ඩ් මාෂල් සරත් ෆොන්සේකා මහතා පැවැසිය.

විස්සයි20 ලෝක කුසලාන තරගාවලිය යටතේ පැවැත්වෙන තවත් තිරණාත්මක තරගයක් වන ඔස්ට්‍රේලියා කණ්ඩායම හා ශ්‍රී ලංකා කණ්ඩායම අතර තරගය අද පස්වරු 7.00ට මහනුවර පල්ලෙකැලේ පිටියේදී ආරම්භ කිරිමට නියමිතය.

වේරිටේ රිසර්ච් (Verité Research) ආයතනය විසින් පවත්වනු ලබන ගැලප් (Gallup) මාදිලියේ “රට හිතන හැටි” (Mood of the Nation) නවතම මත විමසුමට අනුව, 2026 පෙබරවාරි මාසයේ මුල් භාගය වන විට ආණ්ඩුව ගැන ජනතා අනුමැතිය 65% ක් ලෙස වාර්තා වී ඇතැයි එම ආයතනය නිවේදනය කරයි.

විස්සයි20 ලෝක කුසලාන තරගාවලිය යටතේ පැවැති වඩාත් උද්වේගකරම තරගය වූ ඉන්දීය කණ්ඩායම හා පාකිස්තාන කණ්ඩායම අතර පැවැති තරගයෙන් ලකුණු 61ක පහසු ජයක් වාර්තා කිරීමට ඉන්දියාව සමත්විය.

ජාත්‍යන්තර ක්‍රිකට් කවුන්සිලයේ සභාපති (I.C.C. Chairman ) ජේ.ෂා (Jay Shah ) මහතා , ඉන්දීය - පකිස්තාන ක්‍රිකට් තරගය නැරඹීම සදහා 02/15 දින පස්වරුවේ මෙරටට පැමිණි බව කටුනායක ගුවන් තොටුපොළ කාර්යය භාර නිලධාරීවරයා සනාථ කළේය.

බත්තරමුල්ල අකුරේගොඩදී නීතිඥවරයකු සහ ඔහුගේ බිරිඳ වෙඩි තබා ඝාතනය කිරීමේ සිද්ධියට විරෝධය පළ කරමින් හෙට දිනය තුළ සිය වෘත්තිය කටයුතුවලින් බැහැරව සිටින බව ශ්‍රී ලංකා නීතිඥ සංගමය පවසයි.

බත්තරමුල්ල, තලංගම පොලිස් වසමට අයත් අකුරේගොඩ ප්‍රදේශයේදී නීතිඥවරයා සහ ඔහුගේ බිරිඳ ඝාතනයට වෙඩික්කරුවන් පැමිණි මෝටර් රථය බද්දේගම පොලිස් වසමේ මුල්කඩ, අගලිය ප්‍රදේශයේ අකුරැටිය දක්වා දිවෙන අතුරු මාර්ගයේ ගිනිතබා විනාශ කර තිබියදී බද්දේගම පොලීසිය පෙරේදා (14) රාත්‍රී සොයා ගෙන තිබේ.