ජපානයේ නිල සංචාරයකට එක්වන ලෙස ජනපති ගෝඨාභය රාජපක්ෂ මහතා වෙත ජපාන විදේශ කටයුතු අමාත්‍ය මෙතෝගි තොෂිමිත්සු මහතා ආරාධානා කළේය.

එක්සත් ජාතික පක්ෂ ප්‍රතිසංවිධාන කමිටු සමාජික ලක්ෂ්මන් කිරිඇල්ල, වජිර අබේවර්ධන සහ මහාචාර්ය ආශු මාරසිංහ යන පාර්ලිමේන්තු මන්ත්‍රීවරුන් විසින් විශේෂ නිවේදනයක් නිකුත් කර තිබේ.

2016 වසෙර්දී සිදුවූ රිය අනතුර සම්බන්ධයෙන් විභාග වන නඩුවට අදාළව හිටපු අමාත්‍ය පාඨලී චම්පික රණවක මන්ත්‍රීවරයාගේ විදෙස් ගමන් තහනම් කිරීමට කොළඹ අංක 4 මහේස්ත්‍රාත් අධිකරණය අද (13දා) නියෝග කළේය.

ෆයිට් කැන්සර් ව්‍යාපෘතියේ ගිණුම සෞඛ්‍ය අමාත්‍යාංශයෙන් පාලනය වන ගිණුමක් බවත් එයට තමගේ කිසිදු සම්බන්ධයක් නොමැති බවත් ෆයිට් කැන්සර් ව්‍යාපෘතියේ අධ්‍යක්ෂ එම්. එස්. එම්. මොහොමඩ් මහතා පැවසීය.

එළැඹෙන මහ මැතිවරණය සඳහා ශ්‍රී ලංකා නිදහස් පොදුජන පෙරමුණ පුටුව ලකුණින් තරග කරන බව රාජ්‍ය අමාත්‍ය දයාසිරි ජයසේකර මහතා පැවැසීය.

කාන්තා අයිතිවාසිකම් පිළිබඳව දැනුවත් කිරිමේ හා ආධාර එකතු කිරිමේ වැඩසටහනක නිරතව සිටි නිදහස උදෙසා කාන්තා ව්‍යාපාරයේ ක්‍රියාකාරිනියන් පිරිසක් අද අත්අඩංගුවට ගෙන තිබේ.

විවිධ ප‍්‍රදේශවල පුද්ගලයින් රවටා රුපියල් කෝටි පහකට අධික මුදල් වංචාකර සැඟවී සිටි බව කියන පුද්ගලයෙකු ඊයේ (12) අත්අඩංගුවට ගත් බව පොළොන්නරුව පොලීසිය පවසයි.

ගීතයක් ගුවන් විදුලි මාධ්‍යයෙන් ප්‍රචාරය වීමේදී ලබන වසරේ ජනවාරි 01 දා සිට 2022 දක්වා රුපියල් 30ක මුදලක් කර්තෘ භාගය ලෙස ගෙවිය යුතු බවටත්, එතැන් සිට එම මුදල රුපියල් 50 දක්වා වැඩිවියයුතු බවත් රූපවාහිනී විකාශය කිරීමේදී ජනවාරි 01 දා සිට රුපියල් 100ක් ගෙවිය යුතු වන අතර 2022 වසරේදී එම අගය රුපියල් 250ක් දක්වා වැඩිවිය යුතු බවටත් පාර්ලිමේන්තුවේ අධ්‍යාපනය හා මානව සම්පත් සංවර්ධනය පිළිබඳ ආංශික අධීක්සණ කාර්ක සභාවේදී යෝජනා වී තිබේ.

දේශිය ආදායම් බදු දෙපාර්තමේන්තුවේ නිලධාරීන් බව පවසා රුපියල් ලක්ෂ තුනක ආසන්න මුදල් සහ රන් ආභරණ කොල්ලකා පළා ගිය සිවු දෙනෙකුගේ කණ්ඩායමක් සහ මෝටර් රථයක් අල්ලා පොලීසියට භාරදීමට ගලේවෙල මාදිපොල හතේ කණුව ප්‍රදේශවාසීන් පිරිසක් ක්‍රියාකළ බව ගලේවෙල පොලීසිය පවසයි.

අඛණ්ඩව ගුණාත්මක බවෙන් ඉහළ ඉන්ධන මහජනතාව වෙත ලබාදීමට වග බලාගත යුතු බව විදුලිබල හා බලශක්ති අමාත්‍ය මහින්ද අමරවිර මහතා පවසයි.

හිටපු අමාත්‍ය කබිර් හෂිම් මහතාගේ කාලයේ රන්මාවත් වැඩසටහන වෙනුවෙන් ශ‍්‍රී නිග්‍රෝධාරාම කන්දේ මහා විහාරයට ඇතුලූ විමට නව පාලමක් සකස් කිරිමට රුපියල් කෝටියක මුදලක් වෙන් කර ඇති අතර එහි වැඩ තවමත් සිදු වෙන අතර එම ස්ථානයට සවි කිරිමට දිරා ගිය යකඩ පාලමක කොටස් ගෙනවිත් දැමිම නිසා ප‍්‍රදේශයේ ජනතාවගේ විරෝධතාවය මත මේ වන විට පාලමේ වැඩ තාවකාලිකව නවතා තිබේ.

අමාත්‍ය මණ්ඩලයේ සාමාජිකයන් නොවන රාජ්‍ය අමාත්‍යවරුන් වෙනුවෙන් විෂයන් හා කාර්යයන් පැවැරීමට කැබිනට් අනුමැතිය ලැබී තිබේ.

ක්‍රීඩාංගණයේ තෙත් සහිත ස්වාභාවය හේතුනේ තරගය ශ්‍රී ලංකා වේලාවෙන් පස්වරු 1.40 ට ආරම්භ වූයේ පැව තුනහමාරක පමණ ප්‍රමාදයකින් පසුවය

මේ හරහා ලිබර්වාදය වෙනුවට ජාතිකවාදය ඉදිරියට පැමිණෙමින් තිබෙන බව පෙන්වන බවත් ඇමෙරිකාව, ඉන්දියාව හා ශ්‍රී ලංකාවේ පවා එම තත්ත්වය දැකගත හැකි බවත් ඔහු වැඩිදුරටත් සිය ට්විටර් ගිණුමෙන් ප්‍රකාශ කරයි.

ශ්‍රී ලංකා ක්‍රිකට් ආයතනය සංවිධානය කරන පළමු පෙළ එක්දින තරගාවලියේ කාලසටහන පිළිබඳව ශ්‍රී ලංකා හිටපු නායක මහේල ජයවර්ධන විවේචන ඉදිරිපත් කර තිබේ.

පූජනීය ස්ථානවල සහ වෙරළ තීරයේ පොලිතින් සහ ප්ලාස්ටික් භාවිතය ක්‍රමයෙන් තහනම් කිරීමට ඇති හැකියාව පිළිබඳව ශ්‍රී ලංකා රජය සළකා බැලිය යුතු බව පාර්ලිමේන්තු මන්ත්‍රී නාමල් රාජපක්ෂ මහතා පවසයි.

හිටපු අමාත්‍යවරයෙක් මෙන්ම හිටපු ආණ්ඩුකාරවරයෙක්ද වන රෝහිත බෝගොල්ලාගම මහතාට එරෙහිව අල්ලස් කොමිසම පනවා තිබූ නඩුවෙන් ඔහු නිදහස් කර තිබේ.

පසුගිය ආණ්ඩුව සමයේදී සන්නද්ධ හමුදා සාමාජිකයන්ට සිදුවූ අයුක්තිය, අසාධාරණය හා අවමානය නිවැරදි කරන බවත් අවශ්‍ය තැන්වලදී වන්දි ලබාදීමට කටයුතු කරන බවත් අග්‍රාමාත්‍ය මහින්ද රාජපක්ෂ මහතා පැවැසීය.

ලබන ජනවාරි 31 දා වන විට ව්‍යාපෘති කිහිපයක් ක්‍රියාත්මක කර අවසන් කිරීම වෙනුවෙන් පාර්ලිමේන්තු මන්ත්‍රීවරයෙකුට මිලියන 20ක් බැගින් ලබාදීමට ජනපති ගෝඨාභය රාජපක්ෂ මහතා තීරණය කර තිබේ.

හිටපු අමාත්‍ය රාජිත සේනාරත්න මහතාට එරෙහිව ජාතික නිදහස් පෙරමුණ අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කළේ

හබ්බෙගමුව පොලීසියේ සැරයන්වරයෙකුට එම පොලීසියේම තවත් සැරයන්වරයෙකුගේ ගිනිඅවියක් ඊයේ (12) රාත‍්‍රී අලූත්වැව කිඹින්මුල්ල හන්දියේදී පත්තුවි තුවාල ලත් සැරයන්වරයා ප‍්‍රතිකාර සඳහා කරාපිටිය මහරෝහලට මාරුකර යවා ඇති බව හම්බෙගමුව පොලීසිය පවසයි.

රුපියල් කෝටි 10 ක් හෙවත් රුපියල් මිලියන 100 ක් වටිනා , කිලෝග්‍රෑම් 10 යි ග්‍රෑම් 844 ක් බර රන් බිස්කට් 99 ක් , විදුලි පංකාවක බහා කටුනායක ගුවන් තොටුපළෙන් පිට කිරීමට තැත් කිරීම ගැන විධිමත් රේගු පරීක්ෂණය අද (13) දින අලුයම නියෝජ්‍ය රේගු අධ්‍යක්ෂ පීටර් ගුණවර්ධන මහතා විසින් පැවැත්වූ අතර , එහිදී ගුවන් තොටුපළ තීරු බදු රහිත සාප්පු සංකීර්ණයේ සේවකයාට රුපියල් 98 ලක්ෂයක දඩ මුදලක් ගෙවන ලෙස නියෝග කළ බව රේගු මාධ්‍ය ප්‍රකාශක සුනිල් ජයරත්න මහතා තහවුරු කළේය.

රත්නපුර දිස්ත්‍රික් හිටපු පාර්ලිමේන්තු මන්ත්‍රී රංජිත් සොයිසා මහතා අභාවප්‍රාප්ත වීමෙන් හිස්වූ මන්ත්‍රීධුරයට රත්නපුර දිස්ත්‍රික් සන්ධාන මනාප ලැයිස්තුවේ ඊළඟට සිටි අපේක්ෂකයා වන වරුණ ප්‍රියන්ත මහතා පත්කර තිබේ.

ඇමෙරිකාවේ මිලේනියම් චැලේන්ජ් කෝපරේෂන් ආයතනය විසින් ලබාදෙන ඇමෙරිකානු ඩොලර් මිලියන 480 අත්සන් කිරීම සඳහා රජය තීරණයක් ගෙන නොමැති බව නීතිපති ශ්‍රේෂ්ඨාධිකරණයට දැනුම් දුන්නේය

ජනාධිපති ගෝඨාභය රාජපක්ෂ මහතා සහ විදුලිබල හා බලශක්ති අමාත්‍යාංශයේ හා ඒ යටතේ පවතින ආයතනවල ජ්‍යෙෂ්ඨ නිලධාරින් අතර හමුවක් අද (12දා) පස්වරුවේ ජනාධිපති කාර්යාලයේ දී පැවැත්විණි.

2012 වසරේදී මහින්ද රාජපක්ෂ රජය සමයේදී ආරම්භ කළ මොරටුව ලුනාව නාගරික මහල් නිවාස ව්‍යාපෘතියේ සංවර්ධන කටයුතු කඩිනමින් අවසන් කර ජනතාවට ලබා දෙන ලෙස රාජ්‍ය අමාත්‍ය ඉන්දික අනුරුද්ධ උපදෙස් දුන්නේය.

නාගරික සංවර්ධන අධකාරියේ නව සභාපති ලෙස හර්ෂාන් ද සිල්වා මහතා සහ එහි අධ්‍යක්‍ෂ ජනරාල් ලෙස ප‍්‍රසාද් රණවීර යන මහත්වරුන් ඊයේ (12දා) දින සිය තනතුරු වල වැඩ භාර ගත්හ.

ශ්‍රී ලංකා ‌පොදුජණ ‌පෙරමුණයට බලය හිමි අනුරාධපුර දිස්ත්‍රිකයේ කැකිරාව පළාගල ප්‍රදේශිය සභාවේ 2020 අය වැය පත්විය.

රජය සතු ව්‍යවස්ථාපිත ආයතන සහ පූර්ණ වශයෙන් රජය සතු රාජ්‍ය සමාගම්වල සේවක මණ්ඩලවලට 2019 වසර සදහා ප්‍රසාද දීමනා ලබා දිමට මහා භාණ්ඩාගාරය අනුමැතිය ලබා දී ඇතැයි මුදල්, ආර්ථික සහ ප්‍රතිපත්ති සංවර්ධන අමාත්‍යාංශය නිවේදනයක් මගින් පවසයි.