ශ්‍රී ලංකා පොදුජන පෙරමුණ ජනාධිපති අපේක්ෂක ගෝඨාභය රාජපක්ෂ මහතා වෙනුවෙන් අද ඇපමුදල් තැන්පත් කළ බව පාර්ලිමේන්තු මන්ත්‍රී කෙහෙළිය රඹුක්වැල්ල මහතා සඳහන් කරයි.

පාස්කු ඉරිදා බෝම්බ ප්‍රහාරය එල්ල කිරීමට කුමන්ත්‍රණය කිරීම සහ මිනී මැරීම සම්බන්ධයෙන් මරාගෙන මැරෙන බෝම්බ ප්‍රහාරය එල්ල කිරීමේ සිද්ධියට අදාළව අත්අඩංගුවට ගෙන අධිකරණයට ඉදිරිපත් කළ හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පුජිත් ජයසුන්දර යන මහත්වරුන්ට ඇප නියම කරමින් ප්‍රධාන මහේස්ත්‍රාත්වරිය දුන් නියෝගය ප්‍රතිශෝධනය කරවා සැකකරුවන් යළි රිමාන්ඞ් භාරයට පත් කරන්නැයි නියෝජ්‍ය සොලිසිටර් ජනරාල් දිලීප පිරිස් මහතා සඳහන් කළේය.

පාස්කු ඉරිදා ප්‍රහාරය පිළිබඳ කරුණු සෙවීමේ පාර්ලිමේන්තු තේරීම් කාරක සභා නියෝජිතයෝ අද (20) පෙරවරුවේ ජනාධිපති කාර්යාලයේ දී ජනාධිපති මෛත්‍රීපාල සිරිසේන මහතා හමු වූහ.

ශ්‍රී ලංකාව සහ මාලදිවයින අතර ධීවර සහයෝගිත වැඩපිළිවෙලක් ක්‍රියාත්මක කිරීමට දෙරට අතර අවධානය අද [ 20 ] යොමු විය .

ආරම්භ කරන ව්‍යාපෘති තවත් ව්‍යාපෘතියක් හෝ ව්‍යාපාරයක් නොවිය යුතු බවත් රටට ජනතාවට වැඩි ප්‍රතිලාභ හිමි වන ව්‍යාපෘති විය යුතු බව ධීවර හා ජලජ සම්පත් සංවර්ධන රාජ්‍ය අමාත්‍ය දිලිප් වෙදආරච්චි මහතා අවධාරණය කළේය .

ජනතාවට සහන සැලසීමේ හා ජනතාවට සහන මිලට නියම බරට අළුත් මාළු ලබා දීමේ ධීවර හා ජලජ සම්පත් සංවර්ධන රාජ්‍ය අමාත්‍ය දිලිප් වෙදආරච්චි මහතාගේ වැඩපිළිවෙල යටතේ නුවර පාර , තිහාරිය නගරයේදී අද [ 20 ] වීවෘත කළ මත්ස්‍ය අලෙවි මධ්‍යස්ථානයට මුල් පැය කිහිපය තුළ මත්ස්‍ය අලෙවියෙන් නව වාර්තාවක් තැබීමට සමත්ව තිබේ .

බීමතින් ඉතා අනාරක්ෂිත ලෙස මගින් ප්‍රවාහනය කරමින් තිබූ බස් රථයක රියදුරෙකු දඹුල්ල පොලීසිය අද ( 20) දින උදේ හතට පමණ සැකපිට අත්අඩංගුවට ගත් බව දඹුල්ල පොලීසිය කියයි.

හොඳ නායකත්වයක්, සැලැස්මක් සහ නිවැරදි පාලනයක් ඇත්නම් ශ්‍රී ලංකාව ගොඩනැඟිය හැකි බව ජනතා විමුක්ති පෙරමුණේ නායක අනුර කුමාර දිසානායක මහතා පවසයි.

ජනාධිපති අපනයන සම්මාන උළෙල ඊයේ (20) පස්වරුවේ කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ දී ජනාධිපති ‌මෛත්‍රීපාල සිරිසේන මහතාගේ ප්‍රධානත්වයෙන් පැවැත්විණි.

ඇල්පිටිය ප්‍රාදේශිය සභා ඡන්ද විමසීම පැවැත්වීම තහනම් කිරීමේ නියෝගයක් නිකුත් කරන මෙන් ඉල්ලා ගොනු කළ මූලික අයිතිවාසිකම් පෙත්සමක් සලකා බැලීම සඳහා ලබන 24 වනදා කැඳවන ලෙස ශ්‍රේෂ්ඨාධිකරණය නියම කළේය.

ගතවූ වසර හතරහමාරක කාලය තුළ මේ රටේ අධ්‍යාපනය නගාසිටුවීම වෙනුවෙන් හැකි උපරිම ක්‍රියාමාර්ග ගත් බව අධ්‍යාපන අමාත්‍ය , නීතීඥ අකිල විරාජ් කාරියවසම් මහතා පවසයි.

ප්‍රජාතන්ත්‍රවාදී ජාති පෙරමුණ පිහිටුවීම හා එක්සත් ජතික පක්ෂය ප්‍රමුඛ ප්‍රජාතන්ත්‍රවාදී ජාතික පෙරමුණේ ජනාධිපති අපේක්ෂකයා නම් කිරීම ලබන 24 දා සිදුකිරිමට නියමිතය.

මස්කෙළිය පොලිස් වසමට අයත් ස්ටොක්හෝම් තේ වතුයායේ ස්ටාර් බ්රෝ කොටසේ වතු නිවාස පේළියක අද (20) පෙරවරු 9.15 ට පමණ ඇති වූ හදිසි ගින්නකින් නිවාස 13 දැවි විනාශයට පත්වී ඇත.

සජිත් ප්‍රේමදාස මහතාට සයාය ලබාදෙන බවට එජාපේ පක්ෂ නායකයන් වන පාඨලී චම්පික රණවක, මනෝ ගනේෂන්, රාවුෆ් හකීම්, රිෂාඩ් බද්යුදීන්, පලනි දිගම්බරම් යන මහත්වරුන් සඳහන් කළ බව අමාත්‍ය හරීන් ප්‍රනාන්දු මහතා පවසයි.

වර්ණ සංඥා දෝශයක් හේතුවෙන් ප්‍රධාන මාර්ගයේ දුම්රිය ධාවයට බාධා ඇතිව තිබෙන බව වාර්තා වේ. මේ හේතුවෙන් ප්‍රධාන මාර්ගයේ කොළඹ කොටුව දක්වා ගමන් ගන්නා සෑම දුම්රියක්ම ප්‍රමාද වී ධාවනය කෙරෙන බව දුම්රිය ආරංචි මාර්ග සඳහන් කරයි.

ජාතික රූපවාහිනියේ විකාශය වන සිහිනයකි රෑ සංගීත වැඩසටහන සමඟ මෙම 22 වන ඉරිදා ජනාධිපති මෛත්‍රීපාල සිරිසේන මහතා එක්වීමට නියමිතය.

ජනාධිපතිතුමාගෙත් විශාල බලාපොරොත්තුවක් තිබෙනවා ජනපතික්‍රමය අහෝසි කරන්න. එතුමා ආවේ ජනපතික්‍රමය අහෝසි කරන්න

ජනපතිවරණය ප්‍රකාශයට පත්කිරීම පිළිබඳව මැතිවරණ කොමිසන් සභාවේ සභාපතිවරයාට ස්තූතිය ප්‍රකාශ කරන බව ශ්‍රී ලංකා පොදුජන පෙරමුණ සඳහන් කරයි.

වත්මන් රජය සෞඛ්‍ය ක්ෂේත්‍රයේ ප්‍රගතිය සඳහා ගෙන ඇති ක්‍රියාමාර්ග සහ වෙන් කර ඇති ප්‍රතිපාදන හේතුවෙන් ලෝක සෞඛ්‍ය සංවිධානයේ දර්ශකයන්ට අනුව තවත් වසර 2 ක් ඇතුලත එක් පුද්ගලයෙකුගේ අපේක්ෂිත ආයු කාලය වසර 4කින් පමණ වැඩිවීමට නියමිත බව සෞඛ්‍ය අමාත්‍ය රාජිත සේනාරත්න මහතා පවසයි.

දුම්රිය බලධාරීන් විසින් නව වේග සීමා හඳුන්වාදී තිබෙන බවත්, මෙම වේග සීමා නීතියට අනුව නියමිත වෙලාවට ගමනාන්තයට ළඟාවිය නොහැකි බවත් දුම්රිය මෙහෙයුම් අධීක්‍ෂණ නිලධාරීන්ගේ සංගමය පවසයි

විධායක ජනාධිපති ධූරය අහෝසි කිරීමට පාර්ලිමේන්තුවට යෝජනාවක් ඉදිරිපත් වුවහොත් වැඩි ඡන්දයෙන් පරාද කරන බව එක්සත් ජනතා නිදහස් සන්ධාන මන්ත්‍රී විමල් වීරවංශ මහතා පැවසීය.

මහජන බැංකු (සංශෝධන) පනත් කෙටුම්පත සංශෝධන සහිතව පාර්ලිමේන්තුවේදී අද (19දා) සම්මත විය.

නිවුන් දැරියන් ඊයේ (18දා) සොයාගෙන ඇති අතර එම නිවසේ සිටි අවුරුදු 21ක තරුණයෙක්ද සැකපිට අත්අඩංගුවට ගෙන තිබේ.

හිටපු ජනපති, විපක්ෂනායක මහින්ද රාජපක්ෂ මහතා සහ ගෝඨාභය රාජපක්ෂ මහතා අද (19දා) පෙරවරුවේ සෝමාවතී රාජමහා විහාරයට ගොස් ආගමික වතාවත්වල නිරත වූහ.

දිනන සන්ධානය මා සතුව තිබෙනවා. මම ලෑස්තියි. කිසිම කථා දෙකක් නෑ. දෙවතාවක් හිතන්න දෙයක් නෑ. මේ හැමදේම පසුපස සජිත් භීතිකාවක් තිබෙනවා. විධායක ජනපතිධුරය නෙමෙයි සජිත් භීතිකාවක් තිබෙනවා.

හෝර්ටන්තැන්න ජාතික වනෝද්‍යානයට තහනම් මාර්ග භාවිතා කොට ඇතුළුවීම, ගිණිදැල්විය හැකි උපකරණ රැගෙන යාම හා සතුන් බෝවෙන ස්ථානයකට බාධාවක් ඇතිවන ලෙස හැසිරිම යන චෝදනාවන් සඳහා වරද පිළිගන්නා ලද පුද්ගලයන් තිදෙනෙකුහට එක් අයෙකුට රුපියල් 60,000 ක් බැගින් රුපියල් 180,000 ක දඩ මුදලක් ‍ගෙවන ලෙස නුවරඑළිය මහේස්ත්‍රාත් පමෝද ජයසේකර මහතා අද (19) නියෝග කළේය.

විධායක ජනපතිධුරය අහෝසි කිරීම සම්බන්ධයෙන් අද (19දා) පැවැති කැබිනට් හමුව උණුසුම් මුහුණුවරක් ගෙන තිබේ.

පුත්තලම නගරයේ අද (19) දින අලුයම කිසියම් පිරිසක් තියුණු ආයුධ වලින් කල පහර දිම් දෙකකදී ව්‍යාපාරිකයෙකු හා විදුහල්පතිවරයකු දරුණු කැපුම් තුවාල ලබා පුත්තලම මුලික රෝහලට ඇතුලත් කර තිබු බව පුත්තලම මුලස්ථාන පොලීසිය පවසයි.

බගවන්තලාව සහ නොර්වුඩ් පොලිස් වසම්වලට අයත් තේ වතුයායවල් හතරක හින්දු කොවිල් කඩා එම කෝවිල් වල තිබු දේව රූපයන් වලට පළඳවා තිබු රන් තැලි සහ පඩුරු පෙට්ටිය කඩා මුදල් සොරාගෙන යාම සම්බන්ධයෙන් බගවන්තලාව සහ නොර්වුඩ් පොලීසිය වෙන් වෙන්ව පරික්ෂණ ආරම්භ කර ඇත.