කොවිඩ් -19 වෛරසය ආසාදනය වූ රෝගීන් 1,239 දෙනෙකු අද (25) දිනයේ හඳුනාගෙන ඇති බව යුද හමුදාපති, ජෙනරාල් ශවේන්ද්‍ර සිල්වා මහතා පැවසීය.

කාසල්රි ජලාශයට ප්‍රධාන වශයෙන් බගවන්තලාව ප්‍රදේශයේ සිට ජලය ගලා බසිනා කෙසෙල්ගමුඔයට තේ කර්මාන්ත ශාලාවලින් ඉවත ලන කසල තේ එක් කිරිම නිසා කෙසෙල්ගමුඔයේ ජලය කළු පැහැයෙන් අද දින ගලා බසින අයුරු අප කැමරාවේ සටහන් විය.

සති අන්තයේදී සංචරණ සීමා ක්‍රියාත්මක නොකිරීමට කොවිඩ් කාර්ය සාධක බලකාය තීරණය කර ඇති බව වාර්තා වෙයි.

තවත් වසර 2 ක් සඳහා වාහන ආනයනය නොකෙරෙන බව රාජ්‍ය අමාත්‍ය දිලුම් අමුණුගම සඳහන් කර සිටියි. ඒ ඊයේ (24) පොල්ගහවෙල පිහිටි දේශීයව වාහන එකලස් කරන මයික්‍රෝ කර්මාන්ත ශාලාවේ නිරීක්ෂණ චාරිකාවකට එක්වීමෙන් අනතුරුවයි.

කොවිඩ් -19 වෛරසය ආසාදනය වී රෝහල්ගතව ප්රඛතිකාර ගෙන පූර්ණ සුවය ලැබූ 1,843 දෙනෙකු අද (25) දිනයේ පිටවගොස් තිබේ.

කිලිනොච්චිය ප්‍රදේශයේ පිහිටි පෞද්ගලික ඇඟලුම් සේවිකාවන් පිරිසකට කෝවිඩ් ප්‍රතිකාර එන්නත ලබාදීමෙන් පසුව ඇතිවූ ආසාත්මිකතාවක් හේතුවෙන් සේවිකාවන් 25 කට ආසන්න පිරිසක් අද (25) උදෑසන කිලිනොච්චිය රෝහලට ඇතුලත් කොට ඇති බවට කිලිනොච්චිය සෞඛ්‍ය පරික්ෂක කාර්යාලය පවසයි.

ජාතික ඖෂධ නියාමන අධිකාරිය REGN-COV2 ප්‍රතිදේහ මිශ්‍රණය කොවිඩ් 19 ප්‍රතිකාර සඳහා අනුමැතිය ලබා දෙයි

මීගමුව ප්‍රදේශයේ ව්‍යාපාරිකයෙකුගේ මරණය ඝාතනයක් බවට අනාවරණ වීමත් සමග එම ව්‍යාපාරිකයාගේ සිරුර ගොඩගෙන පරීක්ෂණ සිදු කිරීමට පොලීසිය තීරණය කර තිබෙනවා.

විපක්ෂයට තිබෙන්නේ රාජපක්ෂ භීතිකාවක් යැයි සංචාරක අමාත්‍ය ප්‍රසන්න රණතුංග පවසයි. අමාත්‍යවරයා මෙසේ පැවසුවේ අද (25) ගම්පහ බෙම්මුල්ල නව පොලිස් ස්ථානය විවෘත කිරීමෙන් අනතුරුව මාධ්‍යවේදීන් නැඟූ ප්‍රශ්න වලට පිළිතුරු දෙමිනි.

හක්මන-වලස්මුල්ල ප්‍රධාන මාර්ගයේ දෙනගම ප්‍රදේශයේදි අද (25) අලුයම වලස්මුල්ල මූලික රෝහලට අයත් ගිලන් රථයක් තාප්පයක ගැටිමෙන් සිදුවූ අනතුරක් හේතුවෙන් සෞඛ්‍ය සේවකයින් හතර දෙනෙකු තුවාල ලබා වලස්මුල්ල මූලික රොහල්ට අතුලත් කර තිබෙනවා.

පාරිභෝගික අධිකාරියේ මෙතෙක් ලියාපදිංචි නොවූ අත්‍යවශ්‍ය ආහාර ද්‍රව්‍ය ආනයනකරුවන්, නිෂ්පාදකයින්, තොග රැස් කරන්නන් හා වෙළෙඳුන් සොයා අද (25) සිට විමර්ශන ආරම්භ කරන බව පාරිභෝගික අධිකාරිය නිවේදනය කර සිටියි.

ජනපති ගෝඨාභය රාජපක්ෂ මහතා අද දිනයේදී ජාතිය ඇමතීමට නියමිත අතර එහිදී ප්‍රශ්න 6ක් සසඳහා පිළිතුරු අපේක්ෂා කරන බව විපක්ෂනායක සජිත් ප්‍රේමදාස මහතා පැවැසීය.

වෛද්‍යවරුන් නියෝජනය කරන ඔස්ට්‍රේලියානු වෛද්‍ය සංගමය කියා සිටියේ මෙම පියවර ප්‍රමාණවත් නොවන අතර, වෛරසය පැතිරීම හා මරණ වැළැක්වීම සඳහා රටේ විශාලතම නගරය (සිඩ්නි) සම්පූර්ණයෙන් ලොක්ඩවුන් කළ යුතු බවයි.

නුවරඑළිය දිස්ත්‍රික්කයෙන් අදදින අලුතින් කොවිඩ් ආසාදිතයන් 74 දෙනකු හමුවිමත් සමග නුවරඑළිය දිස්ත්‍රික්කයේ සමස්ථ කොවිඩ් ආසාදිත ගණන හයදාහාස් පන්සියේ සිමාවද ඉක්මවා ගොස් 6533ක් වන බව නුවරඑළිය දිස්ත්‍රික්කයේ සෞඛ්‍ය වෛද්‍ය කාර්යාලයක නිලධාරියකු පවසන ලදි.

ගතවූ පැය 24 තුළ දිවයිනේ දිස්ත්‍රික්ක 25 න්ම කොවිඩ් -19 ආසාදිතයින් හඳුනාගෙන තිබේ.

මධ්‍යම පළාතේ මහනුවර, නුවරඑළිය හා මාතලේ දිස්ත්‍රික්කවලින් මේ දක්වා වාර්තාවන සමස්මත කෝව්ඩ් මරණ සංඛ්‍යාව හයසියය ඉක්මවා වාර්තාවීම අද (25) දින සිදු විය.

විදේශ ගමන් බලපත්‍ර ලබාදීමේ කටයුතු සීමා කිරීමට ආගමන හා විගමන දෙපාර්තමේන්තුව පියවර ගෙන ති​බේ. ඒ අනුව බත්තරමුල්ල ප්‍රධාන කාර්යාලයෙන් සහ මාතර, වවුනියාව, මහනුවර, කුරුණෑගල යන ප්‍රාදේශීය කාර්යාලවලින් සීමිත සේවා ලාභීන් පිරිසක් සඳහා බලපත්‍ර ලබා දීමටයි තීරණය කර ඇ​ත.

ශ්‍රී ලංකාවේ කොළඹ වරායෙන් පිටත්ව සිංගප්පූරුව බලා ගමන් කරමින් තිබූ බහාලුම් ප්‍රවාහන නෞකාවක එංජින් කාමරයේ ගින්නක් ඇතිව තිබෙන බව ජාත්‍යන්තර මාධ්‍ය වාර්තා කරයි.

ඇමෙරිකානු නාවික හමුදාවට අයත් යුද නැවක් (USS Charleston - LCS 18 Blue Crew (LCS 18) ශ්‍රී ලංකාවේ ත්‍රිකුණාමලය වරාය වෙත පැමිණ තිබේ.

සියලුම ජාතික පාසල් වල ගුරු භවතුන් තම නිත්‍ය සේවා ස්ථානයේ සිට වෙනත් පාසලක් වෙත තාවකාලික අනුයුක්ත ලබා එම අනුයුක්ත කාල සීමාවන් අවසන් කළ ගුරුභවතුන් නැවත පාසල් ආරම්භ කිරීමෙන් පසු තම නිත්‍ය සේවා ස්ථානයේ සේවයට වාර්තා කළ යුතු බව අධ්‍යාපන අමාත්‍යංශය නිවේදනය කර සිටියි.

මෙරට එන්නත්කරණ වැඩපළිවෙල යටතේ සයිනෝෆාම් එන්නතේ දෙවන මාත්‍රාව 489,910 දෙනෙකුට ලබාදි ඇති බව වසංගත රෝග විද්‍යා අංශය ප්‍රකාශ කළේය.

කාබනික හා රසායනික පොහොර ආනයනය කිරීම තාවකාලිකව නැවැත්වීමට රජය තීරණය කර ති​බේ. දේශීය වගාකරුවන් කාබනික පොහොර නිෂ්පාදනය වෙත යොමුවීම සැලකිල්ලට ගනිමින් මෙම තීරණය ගත් බව කෘෂිකර්ම අධ්‍යක්ෂ ජනරාල්වරයා සඳහන් කර සිටියේය.

දිවයින පුරා ඊයේ (24) සිදු කෙරුණු මත්ද්‍රව්‍ය සහ මත්පැන්වලට අදාළ මෙහෙයුම්වලදී 200කට ආසන්න පිරිසක් අත්අඩංගුවට ගෙන ඇති බව පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

X press peal නෞකාවෙන් පීඩාවට පත් ධීවරයින්ට වන්දි ලබා දීම වෙනුවෙන් දැඩි කැපවීමෙන් කටයුතු කල ධීවර හා ජලජ සම්පත් දෙපාර්තමේන්තුවේ කොළඹ දිස්ත්‍රික්කය භාර සහකාර අධ්‍යක්ෂක එච්.ඩී. රෝහිත ඇන්සලම් මහතා කොවිඩ් 19 වෛරසය ආසාදනය වීමෙන්, කොතලාවල ආරක්ෂක විශ්ව විද්‍යාලයට අයත් රෝහලේ ප්‍රතිකාර ලබමින් සිටින අවස්ථාවේදී ඊයේ (24දා) ජීවිතක්ෂයට පත්ව තිබේ.

සංචරණ සීමා ඉවත් කළත් පළාත් අතර සංචරණ සීමා තවදුරටත් ඒ ආකාරයෙන්ම ක්‍රියාත්මක වෙයි.

මහර සහ වැලිකඩ බන්ධනාගාරවල රැඳවියන් පිරිසක් ආහාර වර්ජනයක් ආරම්භ කල අතර එය තවදුරටත් ක්‍රියාත්මක වන බව වාර්තා වෙනවා.

කොවිඩ්-19 වෛරසයට ගොදුරුවිය හැකි වැඩිහිටියන් වැනි අවදානම් කාණ්ඩායම් වෛරසයේ නව ප්‍රභේදයන්ගෙන් ආරක්ෂා කර ගැනීම සඳහා වාර්ෂික බූස්ටර් එන්නතක් ලබාදීම ගැන ලෝක සෞඛ්‍ය සංවිධානයේ අවධානය යොමුව ඇති බව එහි අභ්‍යන්තර වාර්තාවකින් හෙළි වෙයි.

ඉදිරියේදී ද සංචරණ සීමා පැනවීම සම්බන්ධයෙන් මෙතෙක් කිසිඳු තීරණයක් ගෙන නැතැයි ඖෂධ නිෂ්පාදන රාජ්‍ය අමාත්‍ය මහාචාර්ය චන්න ජයසුමන පවසනවා.

කොරෝනා ව්‍යාප්තිය හේතුවෙන් දිස්ත්‍රික්ක 5 ක ග්‍රාම නිලධාරී වසම් 10 ක් අද අලුයම 6.00 සිට හුදෙකළා කෙරෙන බව යුද හමුදාපතිවරයා සඳහන් කර සිටියි.