තමා අත්අඩංගුවට ගැනීම වැළැක්වීමේ නියෝගයක් නිකුත්කරන ලෙස ඉල්ලා පාර්ලිමේන්තු මන්ත්‍රී ජොන්ස්ටන් ප්‍රනාන්දු මහතා විසින් අභියාචනාධිකරණයට ගොනුකළ රීට් පෙත්සමක් ඒම විසින් අද ප්‍රතික්ෂේප කළේය.

සෞඛ්‍ය ක්ෂේත්‍රයේ දැවැන්ත බෙහෙත් හිඟයක් පවතින බවට විවිධ මත පල වුවද එවැනි පාලනය කළ නොහැකි බෙහෙත් හිඟයක් නැති බව සෞඛ්‍ය හා ජලසම්පාදන අමාත්‍ය ආචාර්ය කෙහෙළිය රඔුක්වැල්ල මහතා මෙම තොරතුරු සඳහන් කළේය.

ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රීවරයෙකු ලෙස ව්‍යාපාරික ධම්මික පෙරේරා මහතා පත්කිරීමට ගෙන ඇති තීරණයට එරෙහිව ගොනු කර තිබූ පෙත්සම් පහක් විභාගයට නොගෙනම ප්‍රතික්ෂේප කිරීමට ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලේ බහුතර විනිසුරුවරු අද (21දා) තීන්දු කළේය.

ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා එම ධුරයේ දිගටම තබාගන්නා බව ජනාධිපති ගෝඨාභය රාජපක්ෂ මහතා ඊයේ(20දා) පැවැති ආණ්ඩු පක්ෂ මන්ත්‍රී කණ්ඩායම් රැස්වීමේදී ප්‍රකාශ කර තිබේ.

ජාත්‍යන්තර දත්ත වාර්තාවට අනුව මෙරට දුප්පතුන්ගේ සංඛ්‍යාව මිලියන 01ක් පමණක් වුවත් නවතම දත්ත වාර්ථා වලට අනුව එය මිලියන 03 දක්වා ඉහළයාමක් පෙන්වන බවමහාචාර්ය රෝහණ ලක්ෂ්මන් පියදාස මහතා පවසයි .

ජන හා සංඛ්‍යා ලේඛණ දෙපාර්තමේන්තුව විසින් නිකුත් කරන ජාතික පාරිභෝගික මිල දර්ශකය අනුව මේ වසරේ මැයි මාසයේදි ශ්‍රී ලංකාවේ උද්ධමනය සියයට 45.3ක් දක්වා ඉහළ ගොස් තිබේ.

අපොස සාමාන්‍ය පෙළ උත්තර පත්‍ර ඇගයිම් සිදුකරන ගුරුවරින් පිරිසක් පුත්තලම ඇන්ඩෘ ජාතික පාසල ඉදිරිපිටදි තමන්ට රාජකාරියට පැමිනිමට ඉන්ධන ඉල්ලමින් අද (21දා) දහවල් විරෝධතාවයක නිරත වූහ.

කොවිඩ් එන්නත් සඳහා බුද්ධිමය අයිතිය ඉවත් කිරීමට ලෝක වෙළඳ සංවිධානය තීරණය කර තිබේ. ලෝක වෙළඳ සංවිධානයේ අමාත්‍ය මණ්ඩල මට්ටමේ සාකච්ඡාවකදී මෙම තීරණය ගෙන තිබේ.

පෑලියගොඩ මැනිං වෙළදපොලේ සිදුකළ වෙඩි තැබීමකින් පුද්ගලයෙකු මියගොස් ඇතැයි පොලිසිය කියයි. අවුරුදු 46ක පුද්ගලයෙක් මෙම වෙඩි තැබීමෙන් මියගොස් තිබේ.

රුවන්ඩාවේ කිගාලි නුවරදී පැවැත්වෙන පොදුරාජ්‍ය මණ්ඩලයීය රාජ්‍ය නායක සමුළුව (CHOGM) සඳහා ජනාධිපති ගෝඨාභය රාජපක්ෂ මහතා නියෝජනය කරමින් විදේශ කටයුතු අමාත්‍ය මහාචාර්ය ජී.එල්. පීරිස් සහභාගී වෙයි. රුවන්ඩාවේ පැවැත්වෙන පොදුරාජ්‍ය මණ්ඩලයීය රාජ්‍ය නායක සමුළුවට පොදුරාජ්‍ය මණ්ඩලයේ සාමාජික රටවල් පනස් හතර (54) සහභාගී වේ.

පදිංචියට හා වගා කිරීමට ඉඩම් ලබාදෙන ලෙස ඉල්ලමින් උඩරට වතුකරයේ වතු කම්කරුවන් ඇතුළු පිරිසක් හැටන් නගරයේදී අද(21දා) විරෝධතාවයක නිරත වුහ.

ඉන්ධන ලබා ගැනිම සදහා ඉන්ධන පෝලිමේ දින දෙකක් සිටියදි එහි සිටි තරුණයෙකුගේ උපන් දිනය එම පොලිම් වල සිටි පිරිස් එකතුවි ඉන්ධන පෝලිමේම සිට කේක් කපා උපන් දිනය සැමරුවේය.

දිවයින පුරා පිහිටි තෝරාගත් පිරවුම්හල් 74කදී සෞඛ්‍ය අංශ සේවකයන්ගේ වාහන සඳහා සෑම සිකුරාදා දිනකම ඉන්ධන ලබාගත හැකි බව සෞඛ්‍ය අමාත්‍ය කෙහෙළිය රඹුක්වැල්ල මහතා සඳහන් කරයි.

21 වැනි ආණ්ඩුක්‍රම ව්‍යවස්ථා සංශෝධනය පාර්ලිමේන්තුවට ගෙන එන්නේ නම් ඊට මුලින්ම විරුද්ධ වන්නේ තමන් බව ආණ්ඩු පක්ෂ මන්ත්‍රී, ආචාර්ය සරත් වීරසේකර මහතා පවසයි.

රනිල් වික්‍රමසිංහ මහතා අග්‍රාමාත්‍යධුරයට පත්කිරීම සඳහා කිසිම අවස්ථාවක යෝජනා නොකළ බව අමාත්‍ය මහින්ද අමරවීර මහතා පාර්ලිමේන්තුවේදී පැවැසීය.

“අමාරුම කාල පරිච්ඡේදයක් ගෙවන්නේ. ලබන මාසය වන විට යම් සහනදායි මාර්ගයකට ගමන් කරන්න පුළුවන් වේවි. එතෙක් ඉවසීමෙන් ඉන්න. අපි හැමෝම නිමුනේ නැත්නම් මේ රට ආයෙත් අසූ ගණන්වල තිබුණ තත්ත්වයට යන්න පුළුවන්.”

මුලතිව් පුදුකුඩිඉරිප්පු උදයාර්කට්ටු ප්‍රදේශයේදී ඉඩමක වලදමා තිබූ භූමිතෙල් ලීටර් 715 ක ප්‍රමාණයක් ගොඩගෙන අද (21දා) දින මුලතිව් අධිකරණයට ඉදිරිපත් කිරීමට පියවර ගෙන ඇතැයි පුදුකුඩිඉරිප්පු පොලීසිය පවසයි.

ශ්‍රී ලංකාවේ ආර්ථික අර්බුදයෙන් දැඩි ලෙස පීඩාවට පත් වූ ජනතාවගේ ක්ෂණික අවශ්‍යතා සපුරාලීම සඳහා එක්සත් ජනපද රජය තවත් ඩොලර් මිලියන 5.75ක මානුෂීය ආධාරයක් ප්‍රකාශයට පත්කර තිබේ.

දිනයන් සහ මිල ගනන් වෙනස් කර වෙළඳ පොලට නිකුත් කිරීමට සූදනම්කර මින් සිටි රුපියල් කෝටියකට ආසන්න වටිනා කමකින් යුත් බව පැවසෙන ටින්මාඵ තොගයක් පන්නල මූකලාන ප්‍රදේශයේ පිහිටි කර්මාන්ත ශාලාවක් පරික්ෂා කිරීමෙන් අනතුරුව ඊයේ (20දා) සවස අත් අඩංගුවට ගත්බව බව කුරුණෑගල පාරිභෝගික සේවා අධිකාරි කාර්යාලය පවසයි.

යල කන්නය සඳහා අවශ්‍ය යූරියා මෙට්‍රික් ටොන් 65000ක් රැගත් නෞකාව ජුලි 06දා ශ්‍රී ලංකාවට ළඟාවීමට නියමිත බව කෘෂිකර්ම අමාත්‍ය මහින්ද අමරවීර මහතා පැවැසීය.

ජාත්‍යන්තර යෝගා දින සැමරුම අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් කොළඹ 07, නිදහස් චතුරශ්‍ර පරිශ්‍රයේදී අද (21දා) පැවැත්විණි.

වී අලෙවි මණ්ඩලය විසින් ගොවීන්ගෙන් මිල දී ගන්නා ලද වී සහල් කර වෙළෙඳ පොලට සැපයීමේ වැඩ සටහන වහාම අරඹන ලෙස කෘෂිකර්ම, වනජීවි හා වනසම්පත් සංරක්ෂණ අමාත්‍ය මහින්ද අමරවීර මහතා වී අලෙවි මණ්ඩලයේ සභාපති නීල් ද අල්විස් මහතාහට උපදෙස් දුන්නේය.

ගෘහ සේවයට විදෙස්ගතවන කාන්තාවන්ගේ අවම වයස් සීමාව අවුරුදු 21ක් දක්වා පහළ දැමීමට කැබිනට් මණ්ඩලයේ අනුමැතිය ලැබී තිබේ.

රජයේ පාලන මිලට සහල් ලබාදෙන දෙන බවට පසුගියදා ප්‍රකට ව්‍යාපාරිකයෙකු වූ ඩඩ්ලි සිරිසේන මහතා අනෙකුත් සහල් මෝල් හිමියන්ට ඇතුළු ව්‍යාපාරිකයන්ට දැනුම්ද දීමත් සමග වෙළඳපොලේ පාලන මිලට සහල් තිබේදැයි සොයා ගිය ගමනමනේදී දඹුල්ල ,නාවුල, ගලේවෙල ,සීගිරිය, ආදී තදාසන්න ප්‍රදේශ වල පාලන මිලට සහල් ඇටයක් හෝ සොයා ගැනීමට නොහැකි බව පාරිභෝගික ජනතාව පවසති.

ජනතා ප්‍රශ්න විසඳා ගැනීම වෙනුවෙන් නිදාගෙන සිටින ආණ්ඩුව ඇහැරවීමට මෙම සතියේදී වගකීම් සහගත භූමිකාවක් ඉටු කිරීම වෙනුවෙන් පාර්ලිමේන්තුවේ රැදී සිටින බව ආණ්ඩුවෙන් ස්වාධීන වූ පක්ෂ 10 එකමුතුවේ නායක විමල් වීරවංශ මහතා පැවැසීය.

ඉන්ධන පෝලිමේ දින එකහමාරක් පමණ පෝලිමේ රැඳි සිටි පුද්ගලයෙකු පපුව රිදෙන බව පවසමින් නිවසට පැමිණ රෝහල් ගත කිරීමෙන් පසු මියගොස් තිබේ.

විපක්ෂයේ සමගි ජන බලවේගය හා ජනතා විමුක්ති පෙරමුණ මෙම සතියේ පාර්ලිමේන්තුව වර්ජනය කිරීමට තීරණය කර තිබේ. රට මුහුණ දෙන අර්බුදය විසදීමට ආණ්ඩුවට නිශ්චිත වැඩ පිළිවෙළක් ආණ්ඩුව මේ දක්වා ඉදිරිපත් නොකිරිමට විරෝධය දක්වමින් ඔවුන් මෙම තීරණය ගෙන තිබේ.

’’බලාපොරොත්තුව අත් නොහරින්න ’’ යන තේමාව යටතේ මේ දිනවල ඉන්ධන පෝලිම් වල සිටින ජනතාව වෙත සිසිල් පැන් සහ කෙටි ආහාර වේලක් ලබා දීමට නාරාහේන්පිට ජනතා දේව සභාවේ ශාන් ජෝෂප් දේවගැතිවරයා අද (21දා) පියවර ගෙන තිබුණි.

විදෙස් ගත ශ්‍රමිකයන් වසරක කාලයක් තුළ අඛණ්ඩව ඩෙලර් 50 බැගින් ඔවුන් විදේශ මුදල් එවන බැංකුවකට මාස් පතා ඒවීම මගින් වසරක් අවසානයේදී ඩොලර් 3000ක පොලී රහිත ණයක් ලබාගැනීමට අවස්ථාව ‌ලබාදීමට කැබිනට් මණ්ඩලය තීරණය කර තිබේ.