ඇමෙරිකා එක්සත් ජනපදය තුළ කළු, ලතින් සහ ආසියානු සම්භවයක් ඇති අයට තවමත් සුදු ජාතිකයන්ට සමානව එන්නත් ලබාගැනීමට හැකියාවක් ලැබී නොමැති බව එක්සත් ජනපදයේ රෝග පාලන හා වැළැක්වීමේ මධ්‍යස්ථාන (CDC) දත්ත පෙන්වා දෙයි.

එක්සත් රාජධානිය තුළ සතියක කාලයක් තුළ ඉන්දීය වෛරස ප්‍රභේදය ආසාදිත රෝගීන් 520 සිට 1,313ක් දක්වා ඉහළ ගොස් තිබේ. සෞඛ්‍ය බලධාරීන් පවසන්නේ ව්‍යාප්තිය වැඩි වී ඇති ප්‍රදේශවල වේගවත් පරීක්ෂණ සහ ලුහුබැඳීම් ඇතුළු අතිරේක පාලන ක්‍රියාමාර්ග ක්‍රියාත්මක කිරීමට සැලසුම් කර ඇති බවයි.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 160,815,000ක් පසුකර ඇති අතර, වෛරසයේ වේගවත් ව්‍යාප්තිය නිසා මහජන සෞඛ්‍ය ක්‍රියාමාර්ගවල (මුඛ ආවරණ, නිතර දෑත් සේදීම, සමාජ දුරස්ථබව) සියලු දෙනා නිරතවීම අතිශය තීරණාත්මක බව විශේෂඥ මතය වී තිබේ.

ගාසා තීරයේ ඊශ්‍රායල් හමුදා සහ පලස්තීන සටන්කාමීන් අතර ගැටුම් උත්සන්න වීමත් සමග ගෝලීය ගුවන් සමාගම් රැසක් ඊශ්‍රායලය වෙත සිදුකරන ගුවන් ගමන් අවලංගු කරමින් සිටියි.

මැයි 7දා දිල්ලියේ නව ආසාදිතයන් 19,832ක් වාර්තා වූ අතර එතැන් සිට සෑම දිනකම එම සංඛ්‍යාව අඩු වී, මැයි 13 වැනි නව ආසාදිතයන් 10,400ක් වාර්තා විය. මේ ආකාරයෙන් ආසාදිතයන් අඩු වී ඇති හෙයින් දිල්ලියේ ඔක්සිජන් සඳහා ඇති ඉල්ලුමද අඩුවී ඇති බව කියයි.

සිංගප්පූරු ගුවන්තොටුපළෙහි මගී පර්යන්ත ගොඩනැගිලි පරිශ්‍රය ආශ්‍රිතව කොවිඩ්-19 ආසාදිතයන් වාර්තා වීමත් සමග එය සති දෙකක කාලයක් සඳහා මහජනතාවට වසා දමා තිබේ.

ශ්‍රී ලංකාව, බංග්ලාදේශය, භූතානය, ඉන්දියාව, නේපාලය, පාකිස්තානය සහ ඇෆ්ගනිස්ථානය යන රටවල් එසේ සංචාරක තහනම පැනවූ රටවලට අයත් වෙයි.

ජනවාරි මාසයේ සිට ඉන්දියාවේ එන්නත් මාත්‍රාවන් 177,085,371ක් ලබා දී ඇත. එහිදී පුද්ගලයන් 39,490,489කට ඔවුන්ගේ දෙවැනි මාත්‍රාව ලැබී තිබේ. එනම් ඉන්දියාවේ බිලියන 1.3ක ජනගහනයෙන් සම්පූර්ණයෙන්ම එන්නත ලබාගෙන ඇත්තේ 3%ක් පමණි.

බ්‍රිතාන්‍ය පර්යේෂකයන් සොයා ගත්තේ පළමු වැනි මාත්‍රාවෙන් පසුව වෙනත් එන්නත් මාත්‍රාවක් ලබාගත් පුද්ගලයන්ට වැඩි අතුරු ආබාධ ඇති බවයි. එහිදී පළමු මාත්‍රාව ලෙස ඇස්ට්‍රාසෙනෙකා එන්නත ලබාගෙන දෙවැනි මාත්‍රාව ලෙස ෆයිසර් ලබාගත් අයගෙන් 34%කට වැඩි උණ තත්ත්වයක් ඇතුළු අතුරු ආබාධ දැකගන්නට ලැබුණු අතර, ඇස්ට්‍රාසෙනෙකා එන්නතින් මාත්‍රා දෙකම ලබාගත් අයට එවැනි උණ තත්ත්වයක් පැවතියේ 10%ක පිරිසකට පමණි.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 160,058,000ක් පසුකර ඇති අතර, වෛරසයේ වේගවත් ව්‍යාප්තිය නිසා මහජන සෞඛ්‍ය ක්‍රියාමාර්ගවල (මුඛ ආවරණ, නිතර දෑත් සේදීම, සමාජ දුරස්ථබව) සියලු දෙනා නිරතවීම අතිශය තීරණාත්මක බව විශේෂඥ මතය වී තිබේ.

මැලේසියාවේ ප්‍රමුඛ ඖෂධ සමාගමක් වන ෆර්මනියාගා විසින් නිෂ්පාදනය කරන ලද චීනයේ සීනොවැක් (කොරෝනාවැක්) එන්නත් මාත්‍රා 290,480ක පළමු වැනි කාණ්ඩය පසුගියදා පැවති කෙටි උත්සවයකදී සෞඛ්‍ය අමාත්‍ය ආදම් බාබා වෙත භාරදීම සිදුවිය.

’’පළමු කාර්තුවේදී දැනටමත් ලබා දී ඇති මාත්‍රා මිලියන 30ට අමතරව අතිරේක මාත්‍රාවන් මිලියන 90ක් ලබාදෙන ලෙස සමාගමට නියෝග කිරීමට අපට අවශ්‍යයි’’ යනුවෙන් යුරෝපා සංගමය කියා සිටියේය.

නව වෛරසය ප්‍රභේදය සමග වසංගතයේ දරුණුතම බලපෑමට ලක්ව ඇති ඉන්දියාව තුළ මේ වනවිට සමස්ත ආසාදිත අගය 23,340,938ක් දක්වා ඉහළ ගොස් ඇති බවද එරට සෞඛ්‍ය අමාත්‍යාංශය පවසයි.

එක්සත් ජාතීන්ගේ සෞඛ්‍ය ඒජන්සිය පැවසුවේ කොවිඩ්-19 හි B.1.617 ප්‍රභේදය ඔක්තෝබර් මාසයේදී ඉන්දියාවේදී ප්‍රථම වරට සොයාගෙන තිබූ බවයි.

බංග්ලාදේශයේ සිදුකරන එන්නත්කරණය සඳහා අවශ්‍ය එන්නත් සැපයුම්කරුවන්ගෙන් නිසි පරිදි නොලැබීමේ අර්බුදය අතර, චීනය මේ ආකාරයෙන් ඔවුන්ගේ එන්නත් අවශ්‍යතාව සපුරාලීමට කඩිනමින් මැදිහත් වී ඇත.

දකුණු ආසියාවේ විශාලතම ආර්ථිකයට හිමිකම් කියන රාජ්‍ය ලෙස ඉන්දියාව අත්විඳ ඇති කොවිඩ්-19 වසංගතයේ දරුණු බලපෑම කෙරෙහි අගමැති මෝදි මෙන්ම, පාලක පක්ෂය දැඩි දෝෂදර්ශනයට ලක්ව ඇති පසුබිමක, ඉහළ පෙළේ රාජ්‍ය නායක සමුළුවක් වෙත පැමිණීම මෝදිට රෙදි ඇඳගෙන කළ නොහැක්කක් බව විදෙස් විචාරකයෝ පෙන්වා දෙති.

’’මගේ මූලික ප්‍රවේශය වන්නේ විද්‍යාව සමග බැඳී සිටීමයි. ඉහළ මට්ටමේ දේශපාලඥයන්ට උපදෙස් ලබාදීම සඳහා මා අසා ඇති හොඳම උපදේශය නම්, ඔවුන් මට නැවත ඒ සඳහා ආරාධනා නොකිරීමට අදහස් කළත්, සැමවිටම සත්‍යයම පැවසීමයි.’’ ඇමෙරිකානු කොවිඩ්-19 සටනේ නියමුවා වෛද්‍ය ඇන්තනී ෆවුසි කියයි.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 159,305,000ක් පසුකර ඇති අතර, වෛරසයේ වේගවත් ව්‍යාප්තිය නිසා මහජන සෞඛ්‍ය ක්‍රියාමාර්ගවල (මුඛ ආවරණ, නිතර දෑත් සේදීම, සමාජ දුරස්ථබව) සියලු දෙනා නිරතවීම අතිශය තීරණාත්මක බව විශේෂඥ මතය වී තිබේ.

අවශ්‍ය නම් කොවිඩ් -19 බූස්ටර් එන්නත් ලබාදීමට එක්සත් ජනපදය සැලසුම් කර ඇති බව එරට සෞඛ්‍ය හා මානව සේවා දෙපාර්තමේන්තුව සමග කොවිඩ් -19 ප්‍රතිචාරයේ ප්‍රධාන විද්‍යා නිලධාරි වෛද්‍ය ඩේවිඩ් කෙස්ලර් පැවසීය.

මාරාන්තික පාසල් වෙඩි තැබීම් සිද්ධියෙන් පසු සිවිල් ආයුධ පාලනය වහාම දැඩි කරන ලෙස රුසියානු ජනාධිපති ව්ලැදිමීර් පූටින් නියෝග කර ඇති බව ක්‍රෙම්ලිනය පවසයි. සන්නද්ධ ප්‍රහාරයෙන් මියගිය දරුවන්ගේ ඥාතීන්ට පූටින් සිය ශෝකය ප්‍රකාශ කළ බව පෙස්කොව් පැවසීය. එමෙන්ම ජනරජය බදාදා ශෝක දිනයක් ප්‍රකාශයට පත්කර තිබේ.

ආසාදිතයන් හා මරණ ගොඩ ගැසෙමින් තිබියදී බටහිර ගුජරාට් ප්‍රාන්තයේ, චෝගත් ගම්මානයක වැසියන් වෙනුවෙන් පිහිටට පැමිණි ජීතු නම් ඖෂධවේදියෙකු සිය අත්දැකීම් විස්තර කරමින්, ’’මෙහි කිසිවෙකු නැහැ. සෞඛ්‍ය මධ්‍යස්ථානයක් නෑ.වෛද්‍යවරයෙක් නෑ. හෙදියක් නෑ. කොටින්ම මේ ගමේ සෞඛ්‍ය පහසුකම් නෑ. ඒ නිසා මම සුදුසු යැයි පෙනෙන ආකාරයට මේ මිනිසුන්ට යම් පිහිටක් වෙන්න උත්සාහ කරනවා.’’ යැයි කීවේය.

ප්‍රාදේශීය පොලීසිය අවමංගල්‍යයට සහභාගි වූ ’නාඳුනන පුද්ගලයන්ට’ එරෙහිව පැමිණිල්ලක් ගොනු කර ඇති අතර, උත්තර් ප්‍රදේශ් ප්‍රාන්තය ලොක්ඩවුන් කර තිබියදීත් ඇතිවූ සිද්ධිය සම්බන්ධයෙන් පරීක්ෂණ පවත්වයි. එහිදී අවමංගල්‍යයට සිය දහස් ගණනක් පැමිණ තිබුණද මෙතෙක් කිසිවෙකු අත්අඩංගුවට ගෙන නොතිබීමද පුදුමසහගතය. වසංගත රෝග පිළිබඳ විශේෂඥයන් මෙවැනි සිදුවීම් අර්ථ දක්වන්නේ, තමාගේත්, සෙසු ප්‍රජාවගේත් වළ සියැසින්ම කපා ගැනීමක් ලෙසිනි.

සයීඩ් අල්-ෂුහාඩා පාසල ඉදිරිපිට කාර් බෝම්බයක් පුපුරා ගොස් ඇති අතර සිසුන් භීතියෙන් එළියට එනවිට තවත් බෝම්බ දෙකක් පුපුරා ගොස් ඇත. ඝාතනයට ලක්වූවන්ගෙන් වැඩි දෙනෙක් පාසල් සිසුවියන් බව බලධාරීහු පැවසූහ. සමහර පවුල් තවමත් තම දරුවන් රෝහල් තුළ සොයමින් සිටින බව කියයි.

ආසියාවේ තුන්වැනි විශාලතම ආර්ථිකය මෙම විනාශකාරී ආසාදන රැල්ල පාලනය කිරීම සඳහා සති ගණනාවක් තිස්සේ අරගල කරමින් සිටියි. සෑම දිනකම ලක්ෂ සංඛ්‍යාත නව ආසාදිතයන් වාර්තා වන අතර, ආර්ථික විද්‍යාඥයන් මේ වසරේ ද්වි-ඉලක්කම් වර්ධනය සඳහා ඔවුන්ගේ පුරෝකථනයන් ගැන නැවත සිතා බලමින් සිටියි.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 158,600,000ක් පසුකර ඇති අතර, වෛරසයේ වේගවත් ව්‍යාප්තිය නිසා මහජන සෞඛ්‍ය ක්‍රියාමාර්ගවල (මුඛ ආවරණ, නිතර දෑත් සේදීම, සමාජ දුරස්ථබව) සියලු දෙනා නිරතවීම අතිශය තීරණාත්මක බව විශේෂඥ මතය වී තිබේ.

සංවර්ධනය වෙමින් පවතින රටවල හදිසි භාවිතය සඳහා කොවැක්ස් වැඩසටහන වෙත එන්නත් මාත්‍රා මිලියන 10ක් ලබා දෙන බව චීනය නිවේදනය කර ඇති අතර, මේ පිළිබඳව ලෝක සෞඛ්‍ය සංවිධානය සමග සමීප සන්නිවේදනයක් පවත්වා ගෙන යන බවද කියයි.

ජපානයේ හදිසි තත්ත්වය දීර්ඝ කිරීම හේතුවෙන් මැයි 17 සහ 18 යන දිනවල පැවැත්වීමට නියමිතව තිබූ ජාත්‍යන්තර ඔලිම්පික් කමිටු ප්‍රධානී තෝමස් බැච්ගේ ජපාන සංචාරය කල් දමා ඇති බව ටෝකියෝ 2020 ඔලිම්පික් සංවිධායකයෝ පවසති.

සමාජ දුරස්ථභාවය වෙනුවෙන් එක්සත් රාජධානියේ ජනතාව තුළ පැවති කැපවීමේ උත්සාහයට සහ එන්නත් කිරීමේ වැඩසටහනේ සාර්ථකත්වයට ස්තූතිවන්ත වන්නට මේ ආකාරයෙන් එක්සත් රාජධානියේ ආසාදන හා මරණ අඩුවී තිබේ.