පසු අස්වනු හානිය 30% සිට මේ වන විට 15% - 20% ත් අතර ප්‍රමාණයකට අඩු තැනිමට හැකි වි තිබෙන බවත් ඒ හරහා රටට වසරකට අති විශාල මුදලක් ඉතිරිව බව ජාතික පසු අස්වනු කලමනාකරණ ආයතනය සදහන් කරයි’

කතරගම බස්නායක නිලමේ ලෙස කතරගම දේවාලයේ පුද පඬුරු උපයෝගී කරගෙන ප්‍රජා කටයුතු කළේ ඒ මගින් නැවත බස්නායක නිලමේ ඡන්දයට ඉදිරිපත් වීමේ අපේක්ෂාවෙන් නොවන බවත් දෙවියන්ට පින් ලබාදිමට බවත් ප්‍රජා සංවර්ධන කටයුතු පෙන්වා දේශපාලනයට ඇවිත් පව් පුරවා ගන්න තරම් තමා බෙළෙඳ නොවන බවත් රුහුණු මහා කතරගම දේවාලයේ බස්නායක නිලමේ ඩිෂාන් ගුණසේකර මහතා සඳහන් කරයි. බස්නායක නිලමේ ඩිෂාන් ගුණසේකර මහතාගේ නිල මැදුරේ පැවති හමුවකදී මාධ්‍යවේදීන් ඇසූ ප්‍රශ්නවලට පිළිතරු දෙමින් ඔහු එසේ කීය.

හිටපු ජනාධිපතිවරුන්ගේ හිමිකම් අවලංගු කිරීම සඳහා රජය විසින් පාර්ලිමේන්තුවට ඉදිරිපත් කර ඇති පනත් කෙටුම්පත මඟින් ආණ්ඩුක්‍රම ව්‍යවස්ථාවෙන් සහතික කර ඇති මූලික මිනිස් අයිතිවාසිකම් සෘජුවම උල්ලංඝනය වන බව පවසමින් ශ්‍රේෂ්ඨාධිකරණයට මූලික අයිතිවාසිකම් පෙත්සමක් ශ්‍රී ලංකා පොදු ජන පෙරමුණේ පාලක ලේකම් රේණුක පෙරේරා මහතා අද (11දා) ඉදිරිපත් කළේය.

දුම්රිය දෙපාර්තුමේන්තුව භාවිතයෙන් ඉවත් කළ දුම්රිය මැදිරි ඇතුළු අබලි යකඩ මෙට්ක්ටොන් 6,000 ක පමණ විශාල ප්‍රමාණයක් ටෙන්ඩර් පටිපාටියෙන් බැහැරව සමාගම් දෙකකට විකිණීමට සූදානම් වන බව දුම්රිය වෘත්තිය සමිති සදහන් කරයි මේ පිලිබදව අද (11) අල්ලස් හෝ දූෂණ විමර්ශන කොමිෂන් සභාවට පැමිණිලක්ද ඉදිරිපත් කර තිබේ.

හරිනි අමරසූරිය අග්‍රාමාත්‍ය ධුරයේ තවදුරටත් සිටිය යුතු බවට වූ ජනාධිපතිවරයාගේ ස්ථාවරය හේතුවෙන් ජවිපෙ නායකයන් වියරු වැටී ඇති බවත්, ඒ අනුව අපහාස කර අග්‍රාමාත්‍යවරිය ඉල්ලා අස්වන තැනට ’තල්ලු කිරීමට’ ඔවුන් උත්සාහ දරන බවත් පිවිතුරු හෙළ උරුමය නායක, උදය ගම්මන්පිල මහතා ප්‍රකාශ කරයි.

මහනුවර වෙළෙඳ සංගමයක් විසින් පවත්වාගෙන යනු ලබන මූල්‍ය ආයතනයකට කූඨ ලේඛන ලබාදී රුපියල් කෝටි 02 ක මුදලක් ලබාගෙන එම මුදල් නොගෙවා පැහැර හැරිය බව කියන ව්‍යාපාරිකයෙකු අපරාධ පරීක්ෂණ දෙපාර්තමේන්තුව විසින් සැකපිට අත්අඩංගුවට ගෙන තිබේ.

ඉන්දීය නාවික හමුදාවට අයත් ‘INS Rana’ නෞකාව නිල සංචාරයක් සඳහා අද (2025 අගෝස්තු 11) උදෑසන ත්‍රිකුණාමලය වරායට පැමිණි අතර, ශ්‍රී ලංකා නාවික හමුදාව විසින් එම නෞකාව, නාවික හමුදා සම්ප්‍රදායානුකුලව පිළිගැනීම සිදුකෙරිණි.

කන්ද උඩරට ඓතිහාසික ඇසළ පෙරහර මංගල්‍යය පැවති දින 11 තුළදී මහනුවර නගරයට එකතු වූ කසල ටොන් 318 ක් මහනුවර මහණකර සභාව විසින් ගුහාගොඩ කසලසල අංගනය වෙත යොමු කළ බව නගර සභාවේ ඝණ අපද්‍රව්‍ය ඒකකයේ ප්‍රධානි සහ ප්‍රධාන ඉංජිනේරු නාමල් ධම්මික දිසානායක මහතා පවසයි.

යුධ හමුදාවට එරෙහිව උතුරු නැගෙනහිර ප්‍රදේශවල මේ මස 15 වන දින සිදු කරන හර්තාල් ව්‍යාපාරායට ලංකා කම්කරු කොංග්‍රසයේ පූර්ණ සහයොගය ලබා දෙන බව එම පක්ෂයේ මහ ලේකම් ජීවන් තොන්ඩමන් මහතා තීර්ණය කල බව එම පක්ෂයේ මාධ්‍ය නිවේදනයක් සිදු නිකුත් කරමින් සදහන් කරයි.

ජාත්‍යන්තර තරුණ දිනයට සමගාමීව තරුණ කටයුතු හා ක්‍රීඩා අමාත්‍යංශය, ජාතික තරුණ සේවා සභාව එක්ව සංවිධානය කරනු ලබන 2025 ජාතික තරුණ සම්මේලනය ජනාධිපති අනුර කුමාර දිසානායක මහතාගේ ප්‍රධානත්වයෙන්, තරුණ තරුණියන් 6000 කගේ සහභාගීත්වයෙන් 2025.08.12 දා පෙ.ව 10.00 ට කොළඹ සුගතදාස ගෘහස්ථ ක්‍රීඩාංගණයේදී පැවැත්වේ.

මිහින්තලයේ පිහිටි ඓතිහාසික අනුලා සෑයේ කැණීම් වලදී හමුවූ ගල් පෙට්ටි විවෘත කරන විට, එම පෙට්ටිය තුළින් හමුවූ ගල් මංජුසා ඇතුළු සහ තවත් පුරාවිද්‍යාත්මක වටිනාකම් සහිත වටිනා වස්තු වලට සිදු වූයේ කුමක්ද? මේ සම්බන්ධයෙන් විශේෂ අවධානයක් යොමු කර සොයා බලන ලෙස ජනාධිපතිවරයාගේ අවධානයට ලක් කරන බව මිහින්තලා විහාරාධිපති පවසති.

සැප්තැම්බර් මාසයේ පැවැත්වෙන එක්සත් ජාතීන්ගේ මහා මණ්ඩල සැසිවාරයේදී පලස්තීන රාජ්‍යයක් පිළිගන්නා බව ඔස්ට්‍රේලියානු අගමැති ඇන්තනි ඇල්බනීස් පැවසීය. එක්සත් රාජධානිය, ප්‍රංශය සහ කැනඩාවට පසුව පලස්තීන රාජ්‍ය නිල වශයෙන් පිළිගන්නා බවට නිවේදනය කළ සිව්වැනි ප්‍රධාන පෙලේ රට වන්නේ ඔස්ට්‍රේලියාවයි.

සුප්‍රිම් සැට් පුද්ගලික සමාගම විසින් රට තුළ සංසරණය වන වැරදි තොරුතුරු සම්බන්ධයෙන් පැහැදිලි කිරීමක් කරමින් අද(11දා) නිවේදනයක් නිකුත් කර තිබේ.

“දැනට අපේ රටේ රටට අවශ්‍ය කිරි වලින් අපි නිෂ්පාදනය කරන්නේ සියයට හතළිහක් පමණයි. සියයට හැටක් විදේශ රට වලින් ගෙන්වනවා.ඒ සඳහා රුපියල් බිලියන 70 පමණ වැය වෙනවා. ඩේරි හබ් ව්‍යාපෘතිය යටතේ ඉදිරි තෙවසර තුළ එසේ ඇදී යන මුදල අවම කිරීමට පියවර ගන්නවා” යැයි කෘෂිකර්ම හා පශු සම්පත් නියෝජ්‍ය ඇමති නාමල් කරුණාරත්න මහතා පැවසීය.

පිලිපීනයේ පැවති ’’මිස් ටුවරිසම් යුනිවර්ස් - 2025 ’’ ( Miss Tourism Universe ) තරගාවලියට ශ්‍රී ලංකාව නියෝජනය කරමින් සහභාගී වූ ආදිත්‍යා වැලිවත්ත , එහිදී ’’ ජාත්‍යන්තර සංචාරක රූ රැජින ( Qeen of the International Tourism ) ලෙස කිරුළ දිනා ගෙන 08/11 දින අලුයම කටුනායක ගුවන් තොටුපොළ වෙත පැමිණියාය.

මේ දින වල මී උණ රෝගය පැතිර යන බැවින් ළමුන් කුඹුරු ආශ්‍රිතව සරුංගල් යැවීමේදී සැලකිලිමත් විය යුතු බව රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා මහතා පැවසීය.

’’කවුරු මොනව කීවත් අපි අවුරුදු පහෙන් යන්න ආව නෙවෙයි. මේ රටේ ජනතාවගේ කැමැත්තෙන් ප්‍රජාතන්ත්‍රවාදීව ඉදිරි අවුරුදු පහ නෙවෙයි ඉදිරි අවුරුදු 10- 15 හෝ ඊටත් වඩා කාලයක් අපි මේ රට පාලනය කරනවා’’

ගාසා නගරයේ අල්-ෂිෆා රෝහල ආසන්නයට ඊශ්‍රායෙලය එල්ල කළ ප්‍රහාරයකින් අල් ජසීරා මාධ්‍යවේදීන් පස් දෙනෙකු මිය ගොස් ඇති බව එම පුවත් සේවය පවසයි.

රාත්‍රී කාලයේ දෙහිවල පොලිස් වසමේ දෙහිවල ප්‍රදේශයේදී ගල්කිස්ස කොට්ඨාස අපරාධ විමර්ශන කාර්යංශයේ නිලධාරීන් කණ්ඩායමක් විසින් වැටලීමක් සිදු කර වීදී ගණිකා සේවයේ යෙදුනු සැකකාරියන් 09 දෙනෙකු අත්අඩංගුවට ගෙන දෙහිවල පොලිස් ස්ථානයට ඉදිරිපත් කර ඇත.

මහනුවර නගරයේ ත්‍රී රෝද රථ 3000 කට වඩා තිබුණත් ලියාපදිංචි වී ඇත්තේ 1861 ක් පමණයි- බලපත්‍ර ගන්නේ 300 ක් ගණනක්

හම්බන්තොට ජාත්‍යන්තර වරායේ ශ්‍රී ලංකා රේගුව භාරයේ රඳවාගෙන තිබු BYD මෝටර් රථ 991 කොන්දේසි කීපයකට යටත්ව මුදා හැරීමට ශ්‍රී ලංකා රේගුව පසුගිය 07 වනදා අභියාචනා අධිකරණයේ එකඟතාවය පළකිරීමත් සමඟ අදාළ වාහන හම්බන්තොට වරායෙන් නිදහස් කිරීම ඊයේ (10) සවස සිදු කරනු ලැබීය.

බොරැල්ල සහස්පුර සිරිසර උයන මහල් නිවාස සංකීර්ණය ආසන්නයේ සිදු කළ වෙඩි තැබීමේ සිද්ධියට ආධාර අනුබල දුන් සැකකරුවන් තිදෙනෙකු පොලීසිය විසින් අත්අඩංගුවට ගෙන තිබේ.

නව අධ්‍යාපන ප්‍රතිසංස්කරණ මඟින් පිරිවෙන් අධ්‍යාපනයට අදාළ විෂය පථය සංශෝධනය කිරීමට තීරණය කර ඇති බව පාර්ලිමේන්තුවේදී අනාවරණය විය.

මෙරටට ආහාරමය පාරිභෝගික භාණ්ඩ ආනයනය කිරීම සඳහා මේ වර්ෂයේ ජනවාරි 1 වැනිදා සිට ජුනි 30 දක්වා කාලසීමාව තුළදී ඇමරිකානු ඩොලර් මිලියන 2,315.5 ක මුදලක් වැය කොට තිබූ බව ශ්‍රි ලංකා මහා බැංකුව විසින් අගෝස්තු 8 වන දින නිකුත් කොට ඇති මූල්‍ය වාර්තාවකින් අනාවරණය වෙයි.

තුර්කියේ රික්ටර් මාපක 6.1ක ප්‍රබල භූකම්පනයක් හට ගෙන තිබේ.

මෙරට ගුවන් යානා ඉන්ධන අලෙවිය 2025 වසරේ ජනවාරි මස 1වැනි දා සිට ජූනි මස 30 වැනිදා දක්වා කාල සීමාවේ දී ලීටර් මිලියන 21.5 කින් ඉහළ ගොස් ඇති බව ලංකා ඛණිජ තෙල් සංස්ථාවේ කළමනාකාර අධ්‍යක්ෂ මයුර නෙත්තිකුමාර මහතාගෙන් 8 වන දින කරන ලද විමසීමකදී ඒ මහතා සඳහන් කළේය.

ආරක්ෂක නියෝජ්‍ය අමාත්‍ය මේජර් ජනරාල් අරුණ ජයසේකර මහතාට එරෙහිව සමගි ජන බලවේගය ප්‍රමුඛ විපක්ෂය විසින් ගෙන එනු ලබන විශ්වාසභංග යෝජනාව හෙට (11දා) කථානායක වෛද්‍ය ජගත් වික්‍රමරත්න මහතා වෙත භාර දෙන බව සමගි ජන බලවේගයේ පාර්ලිමේන්තු මන්ත්‍රී අජිත් පී. පෙරේරා මහතා පැවසීය.

ට්‍රැෆික් වැරදි පමණක් නොව පොලීසියේ වෙනත් වැරැදිද වීඩියෝ කර එවිය හැකි බවත් ඒ සඳහා පොලීසිය හඳුන්වා දී ඇති ඇප් එක ඉතාම ජනප්‍රිය බවත් මේ සඳහා වට්ස්ඇප් යොදාගැනීමේ පහසුකමද සලසන බවත් වැඩබලන පොලිස්පති ප්‍රියන්ත වීරසූරිය මහතා බදුල්ල පොලිස් පරිශ්‍රයේ පැවති මාධ්‍යහමුකදී පැවසීය..

ශිෂ්‍යත්ව විභාගය යනු එක් විභාගයක් පමණක් බවත් මේ නිසා විභාගයට පෙනී සිටි දරුවන් පීඩනයට පත් කිරීමෙන් වළකින ලෙස තමන් දෙමාපියන්ගෙන් කාරුණිකව ඉල්ලා සිටින බවත් විභාග කොමසාරිස් ජනරාල් ඒ.කේ.එස්. ඉන්දිකා කුමාරි මහත්මිය පැවසුවාය.