දුම්රිය වෘත්තීය සමිති කිහිපයක් වැඩවර්ජනය සිදු කළද අද (09දා) සවස දුම්රිය 08ක් ධාවනය කිරීමට කටයුතු කරන බව දුම්රිය අතිරේක සාමාන්‍යාධිකාරී ආචාර්ය විජය සමරසිංහ මහතා සඳහන් කළේය.

ශ්‍රී ලංකාවේ සංචාරය කරන විදේශීය සංචාරකයන් ශ්‍රී ලංකාවේ ලබා ගන්නා භාණ්ඩ හා සේවා සඳහා අයකරන වැට් බදු නැවතත් ඔවුන්ට ලබාගැනීමට අවස්ථාව ලැබී තිබේ.

මින් පස්සේ ආදිවාසි දින සැමරුම් උත්සව තියන්නේ නෑ කියලා මම තීරණය කළා. ඒ සඳහා යන වියදමින් ඒ ඒ ගම්මානවල ප්‍රධාන ගැටලු හා අධ්‍යාපනය නංවන්න කටයුතු කරන්න මම තීරණය කළා.

නිතර වැඩවර්ජනය කරන දුම්රිය සේවක මණ්ඩලය වේවා, දොස්තර මහත්වරු වේවා මේ කවුරු හරි සිතනවානම් මේ වැඩවර්ජනවලින් ආණ්ඩුවට රිදෙනවා කියලා එය මිථ්‍යාවක්. වැඩවර්ජනවලින් අපිට රිදෙන්නේ නැහැ. මේ වැඩවර්ජනවලින් රිදෙන්නේ අහිංසක දුප්පත් පොදු මහජනතාවටයි.

නව දුම්රිය රියදුරන් පුහුණු කිරීමටත් විශේෂ වැඩසටහනක් ආරම්භ කරන බව අමාත්‍යවරයා සඳහන් කළේය.

රටක් වශයෙන් එකතු වී 30 වසරක් තිස්සේ මෙරට විනාශ මුඛයට ඇද දැමූ බෙදුම්වාදී ත්‍රස්ථවාදය පරාජය කළ ආකාරයට මෙම වෘත්තීය සමිති ත්‍රස්ථවාදය මතවාදීමය වශයෙන් හා ප්‍රායෝගිකව පරාජය කිරීමට කාලය එළැඹ ඇති බව අග්‍රාමාත්‍ය කාර්ය මණ්ඩල ප්‍රධානී අමාත්‍ය සාගල රත්නායක මහතා පවසයි.

සපරාධී කාරණාවලදී අන්‍යෝන්‍ය සහයෝගීතාව දැක්වීමේ සංශෝධන කෙටුම්පත අද (09දා) පාර්ලිමේන්තුවේදී සංශෝධන සහිතව වැඩි ඡන්දයෙන් සම්මත වී තිබේ. ඒ අනුව පනත් කෙටුම්පතට පක්ෂව ඡන්ද 95 ලැබී ඇති අතර, විපක්ෂව ඡන්ද 31 ලැබී තිබේ.

බිම්බෝම්බයක් පුපුරා යෑමෙන් මුහමාලෙයි, එලුදුමට්ටුවාල දකුණ ප්‍රදේශයේ 17 හැවිරිදි පාසල් සිසුවෙකු ඊයේ (08දා) බරපතළ තුවාල ලබා ඇතැයි පලෙයි සහ කොඩිකාමම් පොලිස් නිලධාරීහු පවසති.

මන්නාරම්රම් සතොස ගොඩනැගිල්ල ආසන්නයේ හමු වූ සමූහ මිනීවළේ ඉදිරි කැනීම් කටයුතු පිළිබඳ වාර්තා කිරීම තහනම් කරමින් මන්නාරම් අධිකරණය තහනම් නියෝගයක් නිකුත් කොට තිබේ.

කොටහේන පොලිස් වසමේ විද්‍යාල වීදිය මාර්ගය සහ ග්‍රෑන්ඩ්පාස් පොලිස් වසමේ සහ මෝදර පොලිස් වසමේ මාදම්පිටිය මාර්ගය හෙට දින (10දා) සිට 13 දක්වා ජලනළ එලීම හේතුවෙන් වසා තැබෙන බව පොලීසිය සඳහන් කරයි.

වර්ජනයේ නිරත දුම්රිය වෘත්තීය සමිති සමග සාකච්ඡා කිරීමට ජනාධිපති මෛත්‍රීපාල සිරිසේන මහතා සූදානම් බව ශ්‍රී ලංකා නිදහස් පක්ෂ මාධ්‍ය ප්‍රකාශක අමාත්‍ය මහින්ද සමරසිංහ මහතා සඳහන් කළේය.

කොටුව දුම්රිය ස්ථානය අසල සිටි මගීන් ඊයේ (08දා) සවස ප්‍රචණ්ඩත්වයට යොමු කරනු ලැබූවේ ආණ්ඩුවේ කණ්ඩායම් විසින් බව පාර්ලිමේන්තු මන්ත්‍රී කනක හේරත් මහතා අද (09දා) පැවසීය.

අධිකරණයේ විභාග වන නඩුවකට අදාළව නිකුත් කළ වරෙන්තුවක් අනුව තලවකැලේ ලිදුල ප්‍රාදේශිය සභාවේ උපසභාපති එල්. භාරදිදාසන් මහතා තලවකැලේ පොලීසිය මගින් අද (09දා) අත්අඩංගුවට ගෙන තිබේ.

සමෘද්ධි නිලධාරීන්ගේ විරෝධතාවයක් හේතුවෙන් සෙත්සිරිපාය දෙස සිට කොළඹ දෙසට හා කඩුවෙල දෙසට මාර්ගය සම්පුර්යෙන් අවහිරවී ඇති බව වාර්තා වේ.

තම වරප්‍රසාද පිළිබඳව මෙන්ම රටේ අහිංසක පොදු මහජනතාවගේ අයිතිවාසිකම් පිළිබඳවද වැඩවර්ජනවල නිරතවන්නන් සිතා බැලිය යුතු බව ජනපති මෛත්‍රීපාල සිරිසේන මහතා ප්‍රකාශ කළේය.

සිසුන් අතර, පැපොල රෝගය පැතිර යෑම හේතුවෙන් සති තුනක කාලයකට රජරට විශ්වවිද්‍යාලය තාවකාලිකව වසා දැමීමට පියවර ගත් බව එහි උපකුලපති මහාචාර්ය රංජිත් විජේවර්ධන මහතා සඳහන් කරයි.

දුම්රිය වර්ජනය හේතුවෙන් මහජනතාවට සිදුවන පීඩාව අවම කිරීම සඳහා ලංගම බස් රථ හය දහසක් අද දිනයේ සේවයට එක්කිරීමට ලංකා ගමනාගමන මණ්ඩලය බලාපොරොත්තු වන බව එහි සභාපති රමාල් සිරිවර්ධන මහතා සඳහන් කරයි.

විශ්‍රාම වැටුප් තහවුරු කිරීම, පත්වීම් ලිපි ලබාදීම, උසස්වීම් ක්‍රියාපටිපාටි ක්‍රියාක්මක කිරීම ඇතුළු ඉල්ලීම් ගණනාවක් මුල් කර ගනිමින් දිවයින පුරා සමෘද්ධි නිලධාරීන් අද (09දා) වැඩ වර්ජනය කරමින් වෘත්තිය සමිති ක්‍රියාමාර්ගයකට පිවිස තිබේ.

මිල සූත්‍රයට අනුව ඉන්ධන මිල සංශෝධනය සම්බන්ධයෙන් තීරණය කිරීමට මිල කමිටුව අද (09) රැස්වීමට නියමිතයි

එකතු කළ අගය මත බදු සංශෝධන පනත් කෙටුම්පත හෙවත් වැට් බදු සංශෝධනය සම්බන්ධයෙන් වන පනත් කෙටුම්පත දෙවැනි වර කියවීමේ විවාදය අද (09දා) පෙරවරු 10.00ට රැස්වීමට නියමිත පාර්ලිමේන්තුවේදී සිදුකිරීමට නියමිතව ඇත.

ඇමෙරිකාව සහ චීනය අතර බදු අර්බුදයක් හටගෙන ඇති අතර, එහි බලපෑම ශ්‍රීලංකාවටද ඇතිවිය හැකි බැවින් මෙවැනි තත්ත්වයන්ට මුහුණ දියයුතු ආකාරය පිළිබඳ අවධානය යොමුකළ යුතු බවද අග්‍රාමාත්‍යවරයා පැවසීය.

දිවයින අවට මුහුදු ප්‍රදේශවල වයඹ සහ ගිනිකොණ දෙසින් වන මුහුදු ප්‍රදේශවල සුළඟේ වේගය වැඩිවීමේ හැකියාව තවදුරටත් පවතින බව කාලගුණ විද්‍යා දෙපාර්තමේන්තුව සඳහන් කරයි.

2017 ඔක්තෝබර් මාසයේ සිට මේ වසරේ මාර්තු මාසය දක්වා කාලය තුළ ශ්‍රී ලංකාව උතුරු කොරියාවෙන් රෙදිපිළි ආනයනය කර ඇති බවට පළවන පුවත් වාර්තා අසත්‍ය බව විදේශ කටයුතු අමාත්‍යාංශය නිවේදනයක් නිකුත් කරමින් සඳහන් කරයි.

ඥානසාර හිමිට ජම්පරය අඳින ලෙස කළ ඉල්ලීමක් ප්‍රතික්ෂේප කර ඇති බව වාර්තා වෙයි.

දුම්රිය ගැටලු විසඳා ගැනීම සඳහා බලධාරීන් මේ දක්වා සාකච්ඡාවක් ලබාදී නොමැති බව දුම්රිය වෘත්තීය සමිති පවසයි.

වැටුප් ඇතුළු ගැටලු කිහිපයක් මුල්කරගනිමින් ඊයේ පස්වරුවේ සිට දුම්රිය වෘත්තිය සමිති වැඩ වර්ජනයක් ආරම්භ කර තිබේ.

වෘත්තීයවේදීන් හා විධායක ශ්‍රේණියේ නිලධාරීන්ගේ නිවාස අවශ්‍යතා වෙනුවෙන් කොට්ටාව, ඔරුගොඩවත්ත, අනුරාධපුර, නුවරඑළිය, අවිස්සාවේල්ල සහ හොරණ යන ප්‍රදේශවල නිවාස 1,900ක ව්‍යාපෘතියක් ක්‍රියාත්මක කිරීමට කැබිනට් අනුමැතිය හිමි වී තිබේ.

වසර 35ක කාලසීමාවක් තුළ පාර්ලිමේන්තු සංකීර්ණයේ ප්‍රධාන අලුත්වැඩියාව කිසිවක් සිදුකර නොමැති බැවින් එහි අලුත්වැඩියා සඳහා උපදේශක සේවා කටයුතු නාගරික සංවර්ධන අධිකාරිය හරහා කර ගැනීමට කැබිනට් අනුමැතිය ලැබී තිබේ.

සුරංග ලක්මාල් යොමුකළ අවසන් පන්දුවාරයට දකුණු අප්‍රිකාවට ලකුණු 8ක් ජයග්‍රහණය සඳහා අවශ්‍ය තිබුණ අතර එම පන්දුවාරයට සුරංග ලබාදුන්නේ ලකුණ 4ක් පමණි.