තාවකාලිකව වසා දැමුණු කැලණිය විශ්වවිද්‍යාලය අධ්‍යයන කටයුතු ලබන 06 වනදා සිට යළි ආරම්භ කිරීමට විශ්වවිද්‍යාල පාලනාධිකාරිය තීරණය කර තිබේ.

නො. 30, සර් මාකස් ප්‍රනාන්දු මාවතේ, විපක්ෂ නායක කාර්යාලයේ ඔම්බුඩ්ස්මන් ඒකකය පිහිටුවීම විපක්ෂ නායක මහින්ද රාජපක්ෂ මහතාගේ ප්‍රධානත්වයෙන් අද (03) පෙරවරුවේ සිදු විය.

වෛද්‍ය සහතිකයක් නොමැතිව වෙනත් වෛද්‍යවරයෙකුගේ නම භාවිතා කරමින් හොරොව්පොතාන ප්‍රදේශයේ පවත්වාගෙන ගිය පෞද්ගලික ප්‍රතිකාර මධ්‍යස්ථානයක රෝගීන් හට වෛද්‍ය ප්‍රතිකාර ලබාදුන් වෛද්‍යවරයෙකු ඊයේ (02දා) සවස අත්අඩංගුවට ගත් බව හොරොව්පොතාන පොලීසිය පවසයි.

ආණ්ඩුව නියෝජනය කරන සියලුම කැබිනට්, රාජ්‍ය හා නියෝජ්‍ය මුස්ලිම් අමාත්‍යවරුන් එම ධුරවලින් ඉවත්වීමට තීරණය කර ඇති බව වාර්තාවෙයි. කෙසේ වෙතත් ඔවුන් තවදුරටත් ආණ්ඩු පක්ෂයේ සිට කටයුතු කිරීමට නියමිතව තිබේ.

ජාතික පරිසර සතිය නිමිත්තෙන් අද (03) පෙරවරුවේ ජනාධිපති මන්දිර පරිශ්‍රයේ කිරිපළු පැළයක් රෝපණය කිරීම ජනාධිපති මෛත්‍රීපාල සිරිසේන මහතා අතින් සිදු විය.

එක්සත් ජාතික පෙරමුණේ පාර්ලිමේන්තු මන්ත්‍රීවරුන්ගේ තීරණාත්මක කණ්ඩායම් රැස්වීමක් මේ වන විට අරලිය ගහ මන්දිරයේදී පැවැත්වෙයි.

ඡන්ද හිමි නාම ලේඛන ආකෘති පත්‍ර හැකි ඉක්මනින් පුරවා භාර දෙන්නැයි කැෆේ සංවිධානය මහජනතාවගෙන් ඉල්ලීමක් කරයි.

බස්නාහිර ආණ්ඩුකාර අසාත් සාලි හා නැගෙනහිර ආණ්ඩුකාර එම්.එල්.ඒ.එම්. හිස්බුල්ලා යන මහත්වරුන් එම ධුරවලින් ඉල්ලා අස්වූ බව මධ්‍යම පළාත් ආණ්ඩුකාර මෛත්‍රී ගුණරත්න මහතා විසින් රතන හිිමියන්ට දැන්වීමෙන් අනතුරුව දින 4කට ආසන්න කාලයක් රතන හිමියන් ආරම්භ කර තිබූ උපවාසය අවසන් කර තිබේ.

පාර්ලිමේන්තු මන්ත්‍රී, පූජ්‍ය අතුරුලියේ රතන හිමියන් ආරම්භ කර ඇති උපවාසයට සහාය දැක්වීමක් ලෙස ප්‍රචන්ඩත්වයෙන් තොරව සාමකාමීව හැසිරෙන ලෙස සියලු ශ්‍රී ලාංකිකයන්ගෙන් ඉල්ලා සිටින බව විපක්ෂනායක මහින්ද රාජපක්ෂ පවසයි.

දළදා මාලිගාව ඉදිරිපිට උපවාසයක යෙදී සිටින පූජ්‍ය අතුරලියේ රතන හිමියන්ගේ ඉල්ලීම්වලට සහයෝගය දැක්වීම සඳහා ගිරිඋල්ල, මීගමුව, කුරුණෑගල මාර්ග 34 හි ගමන් කරන පෞද්ගලික බස්රථ 35කට ආසන්න සංඛ්‍යාවක් අද (03) සියලුම ගමන්වාර වලින් ඉවත්වී ඇති බව ගිරිඋල්ල මීගමුව පෞද්ගලික බස් හිමියන්ගේ සංගමයේ ලේකම් ධම්මක නිශාන්ත මහතා පැවසීය.

කාදිනල් හිමියන් ජාතීන් අතර භේද හා ද්වේශය ඇතිකරන බව අමාත්‍ය මංගල සමරවීර මහතා චෝදනා කරයි

ආණ්ඩු පක්ෂයේ සිටින මුස්ලිම් ඇමතිවරු මුස්ලිම් ජනතාවට එල්ලවන පීඩනය හමුවේ ආණ්ඩුවේ කාර්යය භාරය පිළිගත නොහැකි බව දන්වමින් ආණ්ඩුවෙන් ඉවත්වීමට තීරණය කිරීමට ඉඩ ඇතැයි වාර්තාවේ.

අද දිනයේදී කිසිම ආකාරයක දුම්රිය වර්ජනයක් ක්‍රියාත්මක නොකරන බව දුම්රිය වෘත්තීය සමිති සඳහන් කරයි.

පූජ්‍ය අතුරුලියේ රතන හිමියන් ආරම්භ කර ඇති උපවාසයට සහාය දක්වමින් අති විශාල ජනතාවක් මහනුවරට එක්රැස්වී තිබේ.

ශ්‍රී දළදා මාලිගාව ඉදිරිපිට මාරාන්තික උපවාසයක නිරතව සිටින අතුරලියේ රතන හිමියන්ට සහාය පලකරමින් ගාල්ල දිස්ත්‍රික්කයේ භික්ෂුන්වහන්සේලා ඇතුලු පිරිසක් ගාල්ල කච්චුවත්ත පුරාණ විහාරස්ථානයේ සිට ගාල්ල නගරයට වැඩම කොට ධර්මපාල උද්‍යානය ඉදිරිපිටදි ආශිර්වාද සත්‍යග්‍රහයක නිරත වුහ.

නැගෙනහිර ආණ්ඩුකාර එම්.එල්.ඒ.එම්. හිස්බුල්ලා හා බස්නාහිර ආණ්ඩුකාර අසාත් සාලි යන මහත්වරුන් සිය ධුර වලින් ඉල්ලා අස්වී තිබේ.

ඒ නිසා රටවැසි සිංහලයෙනි. මේ සටන තියෙන්නේ සංඝරත්නය අතේ. අපි මේ සටන අතට ගත්තා. එක ලේ කළඳක් හලන්නේ නැතිව. එක ගල් කැටයක් ගහන්නේ නැතිව. එදා පානදුරාවාදයේදි වගේ අපි මේ උන්මන්තක අන්තවාදය පරාජය කරනවා.

අග්‍රාමාත්‍ය රනිල් වික්‍රමසිංහ මහතා හා විපක්ෂනායක මහින්ද රාජපක්ෂ මහතා අතර හමුව අද පෙරවරුවේ අරලිය ගහ මන්දිරයේදී පැවැත්වීය.

පූජ්‍ය අතුරුලියේ රතන හිමියන්ගේ ඉල්ලීම්වලට වහාම විසඳුම් ලබාදීමට කටයතු කරන ලෙස සඳහන් කරමින් මල්වතු හා අස්ගිරි මහානායක හිමිවරුන් ඒකාබද්ධ ලිපියක් ජනපති මෛත්‍රීපාල සිරිසේන මහතාට හා අග්‍රාමාත්‍ය රනිල් වික්‍රමසිංහ මහතා වෙත යොමුකර තිබේ.

යුද්ධය හේතුවෙන් විනාශ වූ මුලතිව් අලම්පිල් ශාන්ත අන්තෝනි දේවස්ථානයේ නව ගොඩනැගිල්ල ඉදිකිරීමෙන් පසුව පළමු දේව මංගල්‍යය යාපනය රදගුරු ජස්ටීන් ඥානප්‍රකාශ් හිමිපාණන්ගේ ප්‍රධානත්වයෙන් ඊයේ (02) දින පැවැත්වුණි.

ඉල්ලීම් හතරක් මුල් කර ගනිමින් පූජ්‍ය අතුරුලියේ රතන හිමියන් ආරම්භ කර ඇති උපවාසයට සහාය පළ කරමින් අති උතුම් මැල්කම් රංජිත් කාදින්ල් හිමිපාණන් අද පෙරවරුවේ මහනුවරට පැමිණියහ.

සෞඛ්‍ය අමාත්‍ය දොස්තර රාජිත සේනාරත්න මහතාට එරෙහිව ගෙනෙන විශ්වාසභංගය ප්‍රධාන චෝදනා දෙකක් යටතේ මේ වනවිට සකස් කරමින් පවතින බවත් ලබන සතියේ කථානායක කරු ජයසූරිය මහතාට භාරදීමට නියමිත බව රත්නපුර දිස්ත්‍රික් පාර්ලිමේන්තු මන්ත්‍රී ඒකාබද්ධ විපක්ෂයේ උපසභාපති රංජිත් සොයිසා මහතා අද (3) අද පුවත්පතට විශේෂ ප්‍රකාශයක් කරමින් පැවසීය.

අමාත්‍ය රිෂාඩ් බදියුදීන් සහ ආණ්ඩුකාරවරු දෙදෙනෙකු ධුරයෙන් ඉවත් කිරිම ඇතුලුව ඉල්ලීම් හතරකට බල කරමින් අතුරලියේ රතන හිමියන් විසින් ආරම්භ කළ උපවාසයට සහාය පළ කිරිමට පොළොන්නරුව ලංකාපුර ශාසනාරක්ෂණ බලමණ්ඩලයේ හිටපු සභාපති ශ්‍රී ශාඛිභා බිම්බාරාමයේ විහාරාධිපති යටිහලගල උපතිස්ස නාහිමි අද (03) දින බි.ඕ.පි. 400 නගරයේදි උපවාසයක් ආරම්භ කර ඇත.

ජාතිත තරුණ සේවා මධ්‍යස්ථානය විසින් සංවිධානය කරනු ලබන ජාතික තුරුණු පොසොන් කලාපය මේ මස 13 වැනිදා සිට 18 වැනිදා දක්වා මහරගම ජාතික තරුණ සේවා මධ්‍යස්ථානයේදී පැවැත්වීමට නියමිතය.

උපවාසයක නිරත අතුරුලියේ රතන හිමියන්ට සහාය පළකරමින් අමාත්‍ය රිෂාඩ් බද්යුදීන්, ආණ්ඩුකාරවරුන් වන අසාත් සාලි හා එම්.එල්.ඒ.එම්. හිස්බුල්ලා යන මහත්වරුන්ට ඉල්ලා අස්වෙන ලෙසත් බලකරමින් වරකාපොළ නගරයේ විරෝධතාවක් පැවැත්වීය.

අග්‍රාමාත්‍ය රනිල් වික්‍රමසිංහ මහතා හා සාකච්ඡාවකට එක්වීම සඳහා විපක්ෂනායක මහින්ද රාජපක්ෂ මහතා ඇතුළු පිරිසක් අරලිය ගහ මන්දිරයට පැමිණ තිබේ.

උපවාසයක නිරත පාර්ලිමේන්තු මන්ත්‍රී අතුරලියේ රතන හිමියන්ට සහයෝගය පළ කිරීම සදහා මීගමුව නගරයෙන් ගමන් ආරමභ කෙරෙන සියලූම පෞද්ගලික බස් සේවකයින් හා නගරයේ ත්‍රිරෝද රථ ධාවනය කරන පිරිස් අද (3දා) උදේ 7.00 සිට මීගමුව ප‍්‍රධාන බස් නැවතුම්පළ ඉදිරිපිට සාමකාමී විරෝධතාවයක නිරතවිය.

දින හතරක කාලයක් උපවාසයෙහි නිරත වන පාර්ලිමේන්තු මන්ත්‍රී පූජ්‍ය අතුරලියේ රතන හිමියන් සාමාන්‍ය සෞඛ්‍ය තත්ත්වයෙන් පසුවුවත් ජූනි 06 වන දින පමණ වන විට ආහාර නොමැතිකම හේතුවෙන් උන්වහන්සේගේ ශරීර ශක්තිය පිරිහී විජලනය හා යම් යම් දුබලතාවන්ට පත්විය හැකි යැයි රතන හිමියන් වෛද්‍ය පරික්ෂණයට භාජනය කල වෛද්‍යවරුන් පැවසූහ.

ප්‍රධාන පොලිස් පරික්ෂකවරුන් 9 දෙනෙකුට ස්ථාන මාරුවීම් ලබාදීමට පොලිස් මූලස්ථානය කටයුතු කර තිබේ.