ඊජිප්තුවේ සිට මෙරටට පැමිණි ඉන්දීය වෙ‍ෙළඳ නාවිකයෙක් සහ ඉන්දුනීසියාවේ සිට පැමිණි පුද්ගලයෙකු කොවිඩ් -19 ආසාදිතයින් ලෙස හඳුනාගෙන තිබේ.

අගෝස්තු 17 වන දින දිවයින පුරා විදුලිය විසන්ධි කිරීම පිළිබඳව සොයා බැලීමට පත් කරන ලද කමිටුව විසින් සම්පාදනය කරන ලද වාර්තාව විදුලිබල අමාත්යු ඩලස් අලහපෙරුම වෙත භාර දී ඇත.

පිළියන්දල පොලිස් වසමේ සිදු කළ වරෙන්තුකරුවන් අත්අඩංගුවට ගැනීමේ මෙහෙයුමේදී අධිකරණය මඟහැර සිටී පුද්ගලයන් 30දෙනෙක් අද 24,අත්අඩංගුවට ගත් බව පිලියන්දල පොලිසිය කියයි

සමෘද්ධි සහනාධාරය රටට බරක් වීමට ඉඩ නොතබා එය අඩු ආදායම්ලාභී ජනතාව බලගැන්වෙන වැඩසටහනක් කරන්නැයි ජනාධිපති ගෝඨාභය රාජපක්ෂ මැතිතුමා උපදෙස් දෙයි.

මෙරටින් තවත් කොරෝනා ආසාදිතයෙකු වාර්තා විමත් සමඟ කොරෝනා ආසාදිතයින් ගණන 2954ක් දක්වා ඉහළ ගොස් තිබේ.

ගාල්ල නගරයේ රථවාහන තදබදය අඩුකිරීම සඳහා බහුවිධ ප්‍රවාහන මධ්‍යස්ථානයක් ඉදිකිරීමට සැලසුම් කර ඇතැයි නාගරික සංවර්ධන අධිකාරියේ ගාල්ල දිස්ත්‍රික් කාර්යාලය පවසයි.

අවිස්සාවේල්ල උක්වත්ත කසළ අංගනයේ කසළ ගොඩක තිබී අත්බෝම්බ දෙකක් හමු වූ බව අවිස්සාවේල්ල පොලිසිය කියයි

හෙරොයින් ජාවාරමේ යෙදී සිටියදී පොලිස් විශේෂ කාර්ය බළකායේ නිලධාරීන් කණ්ඩායමක් විසින් මීට වසර 07කට පෙර කොළඹ කොස්ගස්හන්දියේදී අත්අඩංගුවට ගත් දෙදරු පියෙකුට කෙළඹ මහාධිකරණ විනිසුරු ධම්මික ගනේපොළ මහතා ජීවීතාන්තය දක්වා වු බරපතල වැඩ සහිත සිර දඬුවමක් අද (17දා) නියම කළේය.

සිය ජංගම දුරකතන අංකය වෙනස් නොකර සේවා සමාගම වෙනස් කිරීමේ අවස්ථාව පාරිභෝගිකයන් වෙත ලබාදීමට ශ්‍රී ලංකා විදුලි සංදේශ නියාමන කොමිෂන් සභාවේ අවධානය යොමුව තිබේ.

කොළඹ රිමාන්ඩ් බන්ධනාගාරය තුළ සඟවා තිබූ ජංගම දුරකථන 19ක් අද (24) සිදුකළ විශේෂ සෝදිසියක දී සොයාගෙන ඇත.

බස්නාහිර පළාතේ නර්තන ගුරුවරයෙකු ලෙස සේවය කළ, වයස අවුරුදු 42ක පුද්ගලයකු විසින් කාලයක් තිස්සේ සිදු කරන ලද, වයස අවුරුදු 17 ක බාල වයස්කාර පිරිමි දරුවෙක් අපයෝජනයට ලක් කිරීමක් සම්බන්ධයෙන් ජාතික ළමා ආරක්ෂක අධිකාරියට ලැබුණු පැමිණිල්ලකට අනුව මෙම පුද්ගලයා අත්අඩංගුවට ගෙන අධිකරණය වෙත ඉදිරිපත් කර ඇත.

යහපාලන ආණ්ඩුවක් ගෙන ආ කොමිසන් සභා කිසි විටෙක ස්වාධින නොවු බවත් එනිසා ඉදිරියේදි ස්වාධිනත්වය රැකෙන පරිදි යම් යම් වෙනස්කම් ඉදිරි සංශෝධනය හරහා කිරිමට බලාපොරෝත්තුවන බවත් ජනමාධ්‍ය අමාත්‍ය කෙහෙළිය රඹුක්වැල්ල මහතා පැවසීය.

කොරෝනා වසංගත තත්ත්වය හේතුවෙන් දුම්රිය සේවය දිනකට ඉපයූ මිලියන දාහතක් දහඅටක්ව තිබු දිනෙක ආදායම දිනකට මිලියන පහක් වන ලෙස අඩුවී ඇතැයි දුම්රිය සාමාන්‍යාධිකාරී ඩිලන්ත ප්‍රනාන්දු මහතා පැවසීය.

ඉන්දියාවේ රැදී සිටි ශ්‍රී ලාංකිකයන් 110 දෙනෙකු රැගෙන ශ්රීී ලන්කන් ගුවන් සේවයේ විශේෂ ගුවන් යානයක් 8/24 දින පස්වරුවේ කටුනායක ගුවන් තොටුපළ වෙත පැමිණ තිබේ .

කටුබැද්ද පොලිස් මාර්ග බාධකය ඉදිරිපිට සුපිරි වෙළඳසැලේ සේප්පුව කපා රුපියල් ලක්ෂ 50ක පමණ මුදලක් සොරාගෙන ගොස් ඇතැයි ගල්කිස්ස පොලිසිය කියයි.

සමස්ත ලංකා මහජන කොංග්‍රසයේ නායක රිෂාඩ් බද්යුදීන් මහතා හා මන්නාරම රඳගුරු එමානුවල් ප්‍රනාන්දු හිමිපාණන් අතර හමුවක් පවත්වා තිබේ.

වැලිකඩ බන්ධනාගාරය සිර දඬුවම් විඳින රැඳවියෙකු ට දුරකථන ඇමතුම් දී හෙරොයින් මත්කුඩු ගෙන්වාගෙන ජාවාරමේ යෙදෙන පුද්ගලයෙකු රුපියල් ලක්ෂ හතරකට ආසන්න වටිනා හොරෙයින් මත්කුඩු සමග මහරගම පතිරගොඩ ප්‍රදේශයේදී අත්අඩංගුවට ගත් බව බස්නාහිර පළාත දකුණ දිසා අපරාධ කොට්ඨාසය කියයි

ත්‍රීකුණාමලය එරක්කන්ඩි මුහුදු ප්‍රදේශයේ පාවෙමින් තිබූ පුපුරණද්‍රව්‍ය තොගයක් ඊයේ (23) දින සොයාගත් බවට නාවික හමුදාව පවසයි.

සංචාරක කේෂ්ත්‍රයේ නියතු වූවන්ට සහන සැලසීමේ රජයේ සහන පැකේජය ක්‍රියාත්මක කිරීමේදී මතුව ඇති ප්‍රායෝගික ගැටලුවලට කඩිනම් විසදුම් ලබාදෙන බව සංචාරක ඇමති ප්‍රසන්න රණතුංග මහතා පවසයි.

19 වැනි සංශෝධනය නිසා තත්ත්වයක් ඇතිවුණා ජනාධිපතිවරයාට ආරක්ෂක ඇමති වෙන්න බෑ ඒක තහනම් කළා. ඒක හරිද ඒක අපි සම්පූර්ණයෙන් ඉවත් කරනවා. මේ රටේ ජනපතිවරය ආරක්ෂක ඇමති විය යුතුයි

උපාධිධාරීන්ට පත්වීම් ලිපි ප්‍රදානය ඒ ඒ ප්‍රාදේශීය ලේකම් කාර්යාලවලදී එළඹෙන 02දා සිදුකිරීමට සියලු විධිවිධාන සළසා අවසන් බව රාජ්‍ය සේවා,පළාත් සභා හා පළාත් පාලන අමාත්‍ය ජනක බණ්ඩාර තෙන්නකෝන් මහතා ප්‍රකාශ කරයි.

තවත් කොරෝනා ආසාදිතයින් 6 දෙනෙක් පූර්ණ සුවය ලබා ඇතැයි සෞඛ්‍ය අමාත්‍යාංශය පවසයි.

වනසතුන් දඩයම් කිරිම සදහා උගුල් අටවන අයට සහ දඩ මස් අලෙවි කරන අයට එරෙහිව දැනට අධිකරණය හමුවේ ලබාදෙන දඩුවම් වලට වඩා දැඩි දඩුවම් ලබාදිමට අවශ්‍ය අණ පනත් පාර්ලිමේන්තුවට කඩිනමින් ඉදිරිපත් කර අනුමැතිය ලබාගන්නා බව වනජිවි සහ වනසංරක්ෂණ අමාත්‍ය සි.බි.රත්නායක මහතා පැවසිය.

ජංගම දුරකථන 02ක්, චාජර් 01ක් ,දුම්කොළ 10ක් දමා පාර්සලයක් සකස්කොට ගාල්ල බන්ධනාගාරය තුලට විසිකිරිම සදහා සුදානමින් සිටි සැකකරුවකු ඊයේ (23) ගාල්ල කළුවැල්ල ප්‍රදේශයේ දි අත්අඩංගුවට ගත්බැව් ගාල්ල පොලිසියේ කොට්ඨාස දුෂණ මර්දන අංශය පවසයි.

සිංහරාජ ලෝක උරුම වනාන්තයේ තමන් හෝටලයක් ඉදිකරණ බවට පරිසරවේදී සජීව චාමිකර මහතා සිදුකළ අසත්‍ය ප්‍රකාශය සම්බන්ධයෙන් ඔහුගෙන් රුපියල් මිලියන 500ක වන්දියක් ඉල්ලිමින් යෝෂිත රාජපක්ෂ මහතා එන්තරවාසියක් යොමුකර තිබේ.

ඖෂධ බෙදා හැරීමේ බලපත්රහය අවභාවිත කරමින් අලුත්ගම ,බේරුවල ,කළුතර ,මතුගම ප්‍රදේශවල මත්ද්‍රව්‍ය භාවිතයට ඇබ්බැහි වූ තරුණයින් හා උසස් පෙල සිසුන් ඇතුළු මත් පෙති අළෙවි ජාලයේ තැරැව්කරුවන්ට මත්ද්‍රව්‍ අලෙවි කිරීමේ ජාවාරමක නියුතු ඖෂධ අලෙවි විධායකයකු රුපියල් ලක්ෂ දෙකහමාරක මත් පෙති හා මත් කුඩු සමග බේරුවල , කළමුල්ල අතර මහා මාර්ගයේදී (24) දා අත්අඩංගුවට ගත් බව කලුතර කොට්ඨාස අපරාධ විමර්ශන ඒකකයේ නිලධාරී හු පවසති.

පක්ෂයේත් ශ්‍රී ලංකාවේත් අභිවෘද්ධිය වෙනුවෙන් එක්සත් ජාතික පක්ෂයට නායකත්වය දීමේ අභියෝගය භාර ගැනීමට තමාට හැකි බව වර්තමාන එක්සත් ජාතික පක්ෂ නායකත්වය වෙත මෙන්ම පක්ෂයේ ජේෂ්ඨයන් වෙත දැනුම් දීමට තමන් කටයුතු කර ඇති බව හිටපු කථානායක කරු ජයසූරිය මහතා නිවේදනයක් නිකුත් කරමින් සඳහන් කරයි.

PCR පරික්ෂණ 67,371 ක් සිදුකර ඊයේ (23) දිනයේ ඉතාලියේදි කොවිඩ් ආසාදිතයන් 1,210 ක් සොයාගත් බව ඉතාලි සෞඛ්‍ය අමාත්‍යාංශය පවසයි.

පොළොන්නරුව දිස්ත්‍රික්කයේ ජනතාවට යුතුකම් ඉ‍ටු කිරීම සදහා ඉදිරි මාස හයේ දී ප්‍රධාන තනතුරක් ලබා දෙනු ඇතැයි ද ජනාධිපතිවරයෙක් නියෝජනය කළ දිස්ත්‍රික්කයක ජනතාවත් සමග එකට හිටගත් තමන්ට මහවැලි, පරිසර වැනි කැබිනට් අමාත්‍ය ධූරයක් ලබා දෙනු ඇතැයි විශ්වාස කළ බවත් ඉඩම් කළමනාකරණ, රාජ්‍ය ව්‍යාපාර හා ඉඩම් දේපළ පිළිබද රාජ්‍ය අමාත්‍ය රොෂාන් රණසිංහ මහතා පවසයි.