නව මහාධිකරණ විනිසුරුවරුන් දහතුන් දෙනෙකුට පත්වීම් ලිපි ප්‍රදානය ජනාධිපති ගෝඨාභය රාජපක්ෂ මහතා අතින් අද (03දා) පෙරවරුවේ ජනාධිපති කාර්යාලයේ දී සිදු විය.

අධිකරණ නියෝගයකට අවනත නොවී අධිකරණ නිලධාරීන්ගේ රාජකාරියට බාධා කළ අවුරුදු 39ක නීතිඥවරයෙක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

’මෙම ලේ වැගිරීම වහා නතර කරන ලෙස’ එක්සත් ජනපද රාජ්‍ය දෙපාර්තමේන්තුව ප්‍රකාශයක් නිකුත් කරමින් රුසියානු ජනපති ව්ලැඩ්මීර් පුටින්ගෙන් ඉල්ලා සිටියි. එසේම යුක්රේන භූමියෙන් හමුදා ඉවත් කර ගන්නා ලෙසද එම දෙපාර්තමේන්තුව පවසයි.

’’ මේ කඩා වැටෙන්නේ මැදමුලන වලව්වේ පවුලේ ආර්ථිකය නෙමෙයි. අපේ දරුවන්ගේ ආර්ථිකයයි මේ කඩා වැටෙන්නේ. හිරිවැටුණ පාලනයක්, හිරිවැටුණ නායකයෙක් ඉන්නේ. මෙ ආර්ථික අර්බුදයේ දිග, පළල, ගැඹුර ආන්ඩුව විසින් ජනතාව දැනුවත් කළ යුතුයි.’’

අත්‍යාවශ්‍ය නොවන භාණ්ඩ 600ක් ශ්‍රී ලංකාවට ආනයනය කිරීම අධෛර්යමත් කරමින් මුදල් අමාත්‍යාංශය විසින් ගැසට් නිවේදනයක් ඊයේ (02දා) රාත්‍රී නිකුත් කරන බව බලශක්ති අමාත්‍ය උදය ගම්මන්පිල මහතා ඊයේ කොළඹදී පැවැති සමුළුවකදී ප්‍රකාශ කළේය.

ස්විට්සර්ලන්තයේ ජිනීවා නුවර පැවැත්වෙන් එක්සත් ජාතීන්ගේ මානව හිමිකම් සැසියට එක්වීම සඳහා ස්විට්සර්ලන්තය බලා පිටත්ව ගොස් සිටින ශ්‍රී ලංකා නියෝජිත පිරිස එහි මහ ලේකම් මිචෙල් බැචලේ මහත්මිය හමුවී තිබේ.

විදේශ විනිමය වෙළඳපොළ අනුව තීරණය කරන්න ඉඩ දෙන්න වැට් බදු හා ආදායම් බදු වැඩි කිරීමේ අවකාශ පවතිනවා, බදු නිදහස් කිරීම් අවම කරන්න. රජය සතු ව්‍යවසායන් ප්‍රතිසංස්කණරණය කරන්න. පිරිවැය ප්‍රතිසාධන බලශක්ති මිල ක්‍රම ක්‍රියාත්මක කරන්න

රුසියාව විසින් යුක්රේනය ආක්‍රමණය කිරීමට විරෝධය දක්වමින් එක්සත් ජාතීන්ගේ මහා මණ්ඩලයට ඉදිරිපත් වූ යෝජනාව සඳහා ශ්‍රී ලංකාව ඡන්දය ප්‍රකාශ කිරීමෙන් වැළකී සිට තිබේ.

යුක්රේන හමුදා විසින් අල්ලා ගත් රුසියානු සෙබලුන් හා කථා කිරීමේදී ඔවුන් යුක්රේනයට පැමිණ ඇත්තේ කුමකටදැයි නොදන්නා බව සඳහන් කර ඇති බවත් ඇතැම් සොල්දාදුවන් නැවත රුසියාවට පළා යන බවත් ජනපතිවරයා පවසයි.

පැරසිටමෝල් පෙත්තක/කරලක උපරිම සිල්ලර මිල රුපියල් 2 සත 30 ක් ලෙස නියම කරමින් අති විශේෂ ගැසට් නිවේදනයක් නිකුත් කර තිබේ.

ඒකපාර්ශ්වික සම්බාධක මගින් ගැටලු ඵලදායී ලෙස විසඳාගත නොහැකි බවත්, ඒවාට නීතිමය හේතු නොමැති බවත් චීනයේ බැංකු හා රක්ෂණ නියාමකයා අවධාරණය කරයි.

විදුලිය නිෂ්පාදනය කිරීමට අවශ්‍ය ඉන්ධන තොග බලාගාරවලට නිසි ලෙස නොලැබීම නිසා අද (03දා) දිනයේදීත් පැය 07යි විනාඩි 30ක් විදුලිය කප්පාදු කිරීමට විදුලිබල මණ්ඩලයට අවසර දුන් බව මහජන උපයෝගීතා කොමිෂන් සභාව සඳහන් කරයි.

රුසියානු රාජ්‍ය ප්‍රවෘත්ති ඒජන්සිය පැවසුවේ දෙවැනි සාකච්ඡා වටය බෙලාරුස්-පෝලන්ත දේශසීමා අසල බෙලාරුස් හිදී පැවැත්වෙන බවයි.

ශ්‍රී ලංකා ක්‍රිකට් කණ්ඩායමේ ආරම්භක පිතිකරු පැතුම් නිශ්ශංක පන්දුවාර විස්සයි20 පිතිකරුවන් ශ්‍රේණිගත කිිරීීම්වල 9 වැනි ස්ථානය දක්වා ඉදිරියට පැමිණ තිබේ.ඒ නිමාවූ ඉන්දය තරගාවලියේදී ඔහු දැක්වූ දක්ෂතා හේතුවෙනි.

කෙසේ වෙතත්, ලෝක සෞඛ්‍ය සංවිධානය වසංගතය අවසන් බව ප්‍රකාශ කිරීමට ඉක්මන් වැඩි බව නැවත නැවතත් පවසා ඇති අතර, කොරෝනා වෛරසය දිගටම පැතිරීමට ඉඩ දෙන්නේ නම්, එය වඩාත් මාරාන්තික හෝ සම්ප්‍රේෂණය කළ හැකි අනුවාදයක් බවට විකෘති වීමට තවදුරටත් අවස්ථා ඇති බවට අනතුරු ඇඟවීය.

අත්‍යාවශ්‍ය නොවන භාණ්ඩ 600ක් පමණ ආනයන අ‍ධෛර්යමත් කිරිමේ ගැසට් නිවේදනය අද (02දා) රාත්‍රිි යේ නිකුත් කරන බව මුදල් අමාත්‍යාංශ ලේකම්වරයා සඳහන් කළ බව අමාත්‍ය උදය ගම්මන්පිල මහතා පැවැසීය.

රුසියානු පුරවැසියන්ට හෝ සමාගම්වලට රූබල් හැර වෙනත් විදේශීය මුදල්වලින් ඔවුන්ගේ විදේශ ණය ගෙවීමට තවදුරටත් නොහැකි බව රටේ මහ බැංකුව නිවේදනය කරයි.

රට සතුව පවතින සීමිත ඩොලර් ප්‍රමාණයෙන් රටට අවශ්‍ය ඉන්ධන, බෙහෙත් ඇතුළු අත්‍යවශ්‍ය ද්‍රව්‍ය ගෙන්වා, ගෙවීමට තිබෙන ණය ප්‍රතිව්‍යුහගත කරගන්නැයි විපක්ෂය දිගින් දිගටම ඉල්ලා සිටිද්දීත් වත්මන් ආණ්ඩුව මුළු රටම මහ පාරට ඇද දමා ඩොලර් මිලියන 500 ක බැඳුම්කර ණය පසුගියදා ගෙවා දැමුවේ කිනම් කණ්ඩායමක් සතුටු කරන්නටදැයි සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා ප්‍රශ්න කරයි.

යුක්රේනය එරෙහි යුද්ධය තීව්‍ර කිරීමට රුසියාව කටයුතු කර තබේ. මේ අනුව ඔවුන් නගර කිහිපයක්ම වට කර ඇති බවත් එම නගර වලට ෂෙල් ප්‍රහාර එල්ල කරමින් තිබෙන බවත් ජාත්‍යන්තර මාධ්‍ය වාර්තා කරයි.

2020 වර්ෂයේ අ.පො.ස. (සා.පෙළ) ප්‍රතිඵල අනුව අ.පො.ස (උ.පෙළ) විභාගයට සුදුසුකම් නොලැබූ සිසුන්, වෘත්තීය පුහුණුව සඳහා යොමු කොට රැකියා ගත කිරීමේ වැඩසටහනක් ක්‍රියාත්මක කිරීමට සැලසුම් කර ඇතැයි මිනිස් බල හා රැකී රක්ෂා දෙපාර්තමේන්තුවේ අධ්‍යක්ෂ ජනරාල් අනූෂා ගෝකුල මහත්මිය පවසයි. අධ්‍යක්ෂ ජනරාල්වරිය මේ බව පැවසූයේ අද (02දා) රජයේ ප්‍රවෘත්ති දෙපාර්තමේන්තු ශ්‍රවණාගාරයේදී පැවති මාධ්‍ය සාකච්ඡාවකට එක්වෙමිනි.

යුක්රේනයෙන්ද යුරෝපය වෙත බහුතර ගෑස් සැපයුමක් සිදුවන අතර, එරට යටිතල පහසුකම්වලට සිදුවිය හැකි හානිය හේතුවෙන් මෙන්ම, රුසියානු තෙල් හා ගෑස් සඳහා සැපයුම් සීමා කිරීමේ හැකියාව හේතුවෙන් සැපයුම් ඇනහිටීම් පිළිබඳ බියද මෙම මිල ගණන් ඉහළ යෑමට බලපා ඇත.

පානදුර, මාදුපිටිය ප්‍රදේශයේ රුපියල් 20,000 ක කුලී මුදලකට ලබාගත් දෙමහල් නිවසක ඉහළ මාලයේ ලී කුඩු ව්‍යාපාරයක් කරන මුවාවෙන් පවත්වාගෙන ගිය නීති විරෝධී මත්පැන් ස්කාගාරයක් අද (02දා) වලාන මධ්‍යම දුෂණ මර්ධන ප්‍රහාරක ඒකකය විසින් වටලා තිබේ.

අඛණ්ඩව විදුලිය සැපයීමට පියවර ගන්නැයි ජනාධිපති ගෝඨාභය රාජපක්ෂ මහතා වගකිව යුතු සියලු පාර්ශ්වයන්ට උපදෙස් දෙයි.පවතින විදුලි කප්පාදුව සහ ඉන්ධන ගැටලුව සම්බන්ධයෙන් අද (02දා) ජනාධිපති කාර්යාලයේ පැවති විශේෂ සාකච්ඡාවේදී ජනාධිපතිතුමා මේ බව සඳහන් කළේය.

ජාත්‍යන්තර රෝද පුටු දිනය වෙනුවෙන් අබාධ සහිත වුවන් පිරිසක් අද ( 02දා) පුත්තලම කලපු තිරයේ සිට දිස්ත්‍රික් ලේකම් කාර්යාලයට රෝද පාද චාරිකවක දින නිරත විය.

තම වාහන වලට සහ තම කර්මාන්ත වලට අවශ්‍ය ඉන්ධන ලබාදෙන ලෙස බල කරමින් තලවකැලේ ලිදුල ප්‍රදේශයේ රියදුරන් ඇතුළු ප්‍රදේශවාසින් අද (02දා) දින පස්වරුවේ ලිදුල ප්‍රදේශයේ උද්ඝෝෂණයක නිරත විය.

ඩීසල් ඉල්ලා ගොඩකවෙල පිරවුම්හලට පැමිණි ප්‍රදේශයේ ජනතාව අද (02දා) ඉන්ධන පිරවුම්හලේ කලමණාකරු සහ සේවකයින් සමග ඇති නොසන්සුන්තාවය පොලිසිය මැදිහත් වී සමථයකට පත්කල බව ගොඩකවෙල පොලිසිය පවසයි.

මහනුවර මූලස්ථාන පොලිසියේ දූෂණ මර්ධන අංශය මහයියාව නගර සභා ගම්මානයේ සිදුකරන ලද මෙහෙයුමකදී හෙරොයින් මත්කුඩු සමඟ එකම පවුලේ තාත්තා, දූවරුන් දෙදෙනා සහ මාමා අත්අඩංගුවට ගෙන තිබේ .

කුඹුක්කන ප්‍රදේශයේ සිට මොනරාගලට ධාවනයවෙමින් තිබූ වෑන්රථයක් ඊයේ (01දා) සවස රියදුරුට නින්දයාම නිසා පාරෙන් ඉවතට පෙරළීමෙන් වෑන්රථයේ සිටි කාන්තාවක් බරපතල තුවාල ලබා මොනරාගල දිස්ත්‍රික් මහ රෝහලේ ප්‍රතිකාර ලබන බැව් මොනරාගල පොලීසිය පවසයි.

බදුරලිය කෙලින්කන්ද නිවසක් ඉදිරිපිට දී අද (02දා) අලුයම සිදුවූ වෙඩි තැබීමකින් කාන්තාවක් බරපතළ තුවාල ලබා රෝහල් ගතකර ඇතැයි බදුරලිය පොලිසිය පවසයි.