ග්වාතමාලාවේ අධික වර්ෂාවත් සමග ඇති වූ නාය යෑම්වලින් සැලකිය යුතු ජීවිත හානි ප්‍රමාණයක් සිදුව ඇති බව විදෙස් වාර්තා පවසයි.

පොසොන් පොහොය යෙදෙන හෙට (14දා) සියලු බන්ධනාගාරවල රැඳවියන් සඳහා ශිල සමාදාන වැඩසටහන් ක්‍රියාත්මක කර ඇති බව බන්ධනාගාර මුලස්ථානය සඳහන් කරයි.

ෆයිරෝසාබාද් නගරයේ කවෙහ් සෝඩියම් කාබනේට් කම්හලේ එක් ඇමෝනියා ටැංකියක කාන්දුවක් හේතුවෙන් මෙම පිපිරීම සිදුවී ඇත.

නලින්ද ඉලංගකෝන් මහතා ලංකා විදුලිබල මණ්ඩලයේ නව සභාපති වරයා ලෙස පත් කළ බව විදුලිබල හා බලශක්ති අමාත්‍ය කාංචන විජේසේකර මහතා පවසයි. ඔහු මීට පෙර විදුලිබල මණ්ඩලයේ උප සභාපති වරයා ලෙස ද කටයුතු කළේය.

වැලිගම ප‍්‍රදේශිය සභාව මගින් කි‍්‍රයාත්මක කරන කාබනික පොහොර මධ්‍යස්ථානය නිරික්ෂණය කිරිම සඳහා එක්වූ කෘෂිකර්ම අමාත්‍ය මහින්ද අමරවීර මහතා බණ්ඩක්කා කරලක් බණ්ඩක්කා කරලක් අමුවෙන් ආහාරයට ගැනීමට කටයුතු කළේය.

මාතර , වැලිගම ප්‍රාදේශිය සභාව මගින් ක්‍රියාත්මක “කෘෂි නවෝදය” වැඩසටහන යටතේ බීජ සහ පොහොර නොමිලේ බෙදා දෙන වැඩසටහනක් කෘෂිකර්ම අමාත්‍ය මහින්ද අමරවිර මහතාගේ ප්‍රධානත්වයෙන් අද (13දා) වැලිගම ප්‍රාදේශිය සභාවේදී පැවැත්වුණි.

පාරිභෝගික අධිකාරියේ මාතර කාර්යාලයේ නිලධාරීන් විසින් මාතර දිස්තික්කයේ සහල් වැඩි මිලට විකුණන බවට පාරිභෝගිකයන් විසින් කරන ලද පැමිණිලිවලට අනුව කඹුරුපිටිය නගරයේ සිදුකළ වැටලීමකදී වෙළඳ සැලක් තුළ සඟවා තිබූ සහල් කිලෝ 6000කට ආසන්න ප්‍රමාණයක් සොයා ගැනීමට පාරිභෝගික සේවා කාර්යාලයේ නිලධාරීන්ට හැකි විය .

21 වැනි ව්‍යවස්ථා සංශෝධනය ගෙන එන බවට ජනපති ගෝඨාභය රාජපක්ෂ මහතා පොරොන්දු වී ඇති බවත් එම සංශෝධනය ගෙන එන්නේ ජනපතිගේ වාසියට මිස අවාසියට නොවන බවත් අග්‍රාමාත්‍ය රනිල් වික්‍රමසිංහ මහතා පවසයි.

ශ්‍රී ලංකාවට අත්‍යාවශ්‍ය භාණ්ඩ සහ අහාර ද්‍රව්‍ය ලබා ගැනීමේ අරමුණින් වෙළෙඳ,වාණිජ හා අහාර සුරක්ෂිතතා අමාත්‍ය නලින් ප්‍රනාන්දු මහතා සහ බංගලාදේශ මහකොමසාරිස් තරික් අරිෆුල් ඉස්ලාම් මහතා අතර සාකච්ඡාවක් අද (13දා) එම අමාත්‍යංශයේදී පැවැත්විණි.

කොළඹ සිට මහනුවර දක්වා නව සීඝ්‍රගාමී සුඛෝපභෝගි දුම්රිය සේවයක් වග දුම්රිය ස්ථානයේ සිට කාර්යාල දුම්රියක් ධාවනයට සති අන්තයේදී ගල්කිස්සේ සිට යාපනය දක්වා නව සති අන්ත සීඝ්‍රග්‍රාමී දුම්රියක් කොළඹ කොටුවේ සිටි අනුරාධපුර දක්වා නව සීඝ්‍රගාමී දුම්රිය සේවයක්

බවුසර් රථවලට ලැබෙන ඉන්ධන ඇනවුම් ප්‍රමාණය ඉන්ධන අර්බුදයත් සමග අවම වී ඇති බව ලංකා ඛනිජ තෙල් පෞද්ගලික ටැංකි රථ හිමියන්ගේ සංගමයේ සම ලේකම් ශාන්ත සිල්වා මහතා පවසයි.

ජාත්‍යන්තර ක්‍රිකට් කවුන්සිලය විසින් මාසිකව නිකුත් කරන මාසික ක්‍රීඩකයාට හිමි සම්මානය මැයි මාසයට අදාළව ශ්‍රී ලංකා හිටපු නායක ඇන්ජලෝ මැතිව්ස්ට හිමිව තිබේ.

දියතලාව නගරය හා අවට ප්‍රදේශයට අද (13දා) පස්වරුවේ අයිස් වැස්සක් ඇද හැලුණු බව ප්‍රදේශවාසීහු පවසති.

කුරුණෑගල ශික්ෂණ රෝහලේ වෛද්‍ය ශාෆි සිහාබ්ඩීන් මහතා හිඟ වැටුප් හා දීමනා ලෙස ලැබුණ රුපියල් ලක්ෂ 26කට අධික චෙක්පත නැවතත් ශ්‍රී ලංකාවට අවශ්‍ය ඖෂධ මිලදි ගැනීම වෙනුවෙන් පරිත්‍යාග කිරිමට ඔහු තීරණය කර තිබේ.

රාජ්‍ය මාධ්‍ය ආයතන සඳහා නව සභාපතිවරුන් පත්කිරීම ජනමාධ්‍ය සහ ප්‍රවාහන හා මහාමාර්ග අමාත්‍ය බන්දුල ගුණවර්ධන මහතා විසින් අද (13දා) ජනමාධ්‍ය අමාත්‍යාංශයේදී සිදුකර තිබේ.

ලංකා විදුලි බල මණ්ඩලයේ සභාපති එම්.එම්.සී. ෆර්ඩිනැන්ඩෝ මහතා සිය ධුරයෙන් ඉල්ලා අස්වීමට අදාළ ලිපිය විදුලි බල හා බලශක්ති අමාත්‍ය කාංචන විජේසේකර මහතා වෙත යොමුකර තිබේ.

මොරගොඩ පොලිස් වසමේ ලබුනෝරුව සන්දනම්කුලම වැව අසලදී රථ වාහන දෙකක් නවතා එහි ගමන් කළ පිරිසක් බිමට බස්සවා පහර දී එක් පුද්ගලයෙකුට අයත් ලක්ෂ දොළහකට වැඩි රන් භාණ්ඩ කොල්ලකා යතුරුපැදියකින් පළා ගිය දෙදෙනෙකු ඇතුළු පහරදීමට සම්බන්ධ පුද්ගලයන් පිරිසක් අත්අඩංගුවට ගැනීම සඳහා ඊයේ (12දා) විමර්ශනයක් ආරම්භ කළ බව මොරගොඩ පොලීසිය පවසයි.

ජාතික පොසොන් උත්සවය වෙනුවෙන් අනුරාධපුරයේ වන්දනාවේ පැමිණෙන බැතිමතුන් සඳහා අවශ්‍ය පහසුකම් සලසා ඇති බව ජාතික පොසොන් කමිටුවේ සභාපති අනුරාධපුර දිස්ත්‍රික් ලේකම් ජනක ජයසුන්දර මහතා අද (13දා) පැවති මාධ්‍ය හමුවකදී පැවසීය.

දක්ෂිණ අධිවේගී මාර්ගයේ පැයට කිලෝ මීටර් 196 ක වේගයෙන් සුඛෝපභෝගී මෝටර් රථයක් පැදවූ පුද්ගලයකු අත්අඩංගුවට ගත් බව දක්ෂිණ අධිවේගී රථ වාහන පොලිසිය කියයි

ශ්‍රී ලංකාව මේ වන විට මුහුණ දෙමින් පවතින ආර්ථික අර්බුදයෙන් ‌ගොඩ ඒ්ම සඳහා චිනයට හා ඇමෙරිකාවට ගත හැකි ක්‍රියාමාර්ග පිළිබඳව දෙරට වෙනුවෙන් ශ්‍රී ලංකාවේ සිටින තානාපතිවරු සාකච්ඡා කර තිබේ.

ශ්‍රී ලංකාව කොන්දේසි සපුරාලීමට නොහැකි වීමේ පදනම මත ශ්‍රී ලංකාව සමඟ ඇමරිකානු ඩොලර් බිලියන 1.5 ක හුවමාරු ගිවිසුමකට එළඹීමේ හැකියාව චීන රජය විසින් බැහැර කර ඇතැයි සන්ඩේ ටයිම්ස් පුවත්පත වාර්තා කරයි.

පානදුර , නල්ලුරුව සතොස වෙළෙඳ සැල කඩා සහල් සහ පොල්තෙල් තොගයක් සොරකම් කර ඇති බවට ලද පැමිණිල්ලක් අනුව පරීක්ෂණ ආරම්භ කල බව පින්වත්ත පොලිසිය පවසයි .

නව පූජා භූමි 03 ක් ගැසට් මඟින් ප්‍රකාශයට පත්කෙරේ. අම්පාර, පොතුවිල් මුහුදු මහා විහාරය, හුණුපිටිය ගංගාරාම විහාරය, කූරගල රජමහා විහාරය එම පූජා භූමි 03 යි. ඊට අදාල ගැසට් නිවේදනයට නාගරික සංවර්ධන හා නිවාස ඇමති ප්‍රසන්න රණතුංග මහතා පසුගියදා අත්සන් තැබුවේය. ජාතික භෞතික සැලසුම් දෙපාර්තුමේන්තුව මගින් මෙම පුජා භූමි 03 ගැසට් මගින් ප්‍රකාශයට පත් කිරීමට කටයුතු යොදා තිබේ.

රාජ්‍ය සේවකයින්ට වැටුප් රහිත නිවාඩු මත වසර පහක උපරිම කාලයක් රැකියා සඳහා විදේශගත වීමට අවසර ලබාදීමේ යෝජනාවක් අද කැබිනට් මණ්ඩලයට ඉදිරිපත් කිරීමට නියමිතය.

සංගීත සංදර්ශනයක් බලා ආපසු එමින් සිටි එකම පවුලේ සොයුරන් දෙදෙනෙකු ගමන් ගත් යතුරුපැදිය පාරෙන් ඉවතට පැන ගසක හැපීමෙන් අද (13දා) අලුයම සිදුවූ අනතුරින් මල්ලී (21) මරණයට පත්ව ,අයියා (23) තුවාල ලබා නිකවැරටිය රෝහලට ඇතුළත් කර ඇති බව කොටවෙහෙර පොලීසිය පවසයි .

ණය ලබාගන්න නම් අයි.එම්.එෆ්. බෝඩ් එක අනුමත කරන්න ඕන ණය ගිවිසුම. ඒක කරන්න සෑහෙන වැඩ කොටසක් කරන්න සිදුවෙනවා. ඒ කියන්නේ රාජ්‍ය මූල්‍ය කළමනාකරණය වෙනස් කරන්න වෙනවා. රජයේ ආදායම වැඩි කරගන්න වෙනවා. වියදම අඩු කරන්න වෙනවා. සහනාධාර ගැන හිතන්න වෙනවා. ඔක්කොටම වැඩියෙන් ණය ප්‍රතිව්‍යුහ ගත කිරිමට යොමුවීම ගැන හිතන්න වෙනවා. ඒක ලේසි නෑ.

ලිට්‍රෝ සමාගමේ නව සභාපති ලෙස මුදිත පීරිස් මහතා පත්කර තිබේ. මුදිත පීරිස් මහතා එම සමාගමේ කළමනාකාර අධ්‍යක්ෂවරයා ලෙස දීර්ඝ කලක් සේවය කර ඇති පුද්ගලයෙකි. කෙසේ වෙතත් 2019 වසරේදී ඔහු එම ධුරයෙන් ඉවත් කරනු ලැබිය.

වැල්ලවාය-තණමල්විල මාර්ගයේ යාලබෝව 01 කණුව අසලදී අද (13දා) උදෑසන පාපැදියක් සහ යතුරුපැදියක් එකිනෙක ගැටීමෙන් පාපැදිකරු මියගොස් ඇතැයි වැල්ලවාය පොලීසිය පවසයි.

මන්නාරම සුළං විදුලි බල ව්‍යාපෘතිය ඉන්දියාාවේ අදානි සමාගමට ලබාදෙන ලෙස ඉන්දීය අග්‍රාමාත්‍යවරයා ජනපතිවරයාට බලපෑම් කර ඇති බවට සඳහන් කරමින් ලංකා විදුලි බල මණ්ඩලයේ සභාපති එම්.එම්.සී. ෆර්ඩිනැන්ඩෝ මහතා කළ ප්‍රකාශය මේ වන විට ඉන්දීය දේශපාලනය තුළද දැඩි කථා බහට ලක්ව තිබේ.