අයවැය සම්මත කර ගැනීමේ බලය ශ්‍රී ලංකා පොදුජන පෙරමුණ සතුව ඇති බවත්, ඒ අනුව ඊට වෙනත් පාර්ශ්වවල සහාය ලබාගැනීමට ’වැඩි මහන්සියක්’ නොවිය යුතු බවත් එම පෙරමුණෙහි ප්‍රධාන ලේකම්, පාර්ලිමේන්තු මන්ත්‍රී සාගර කාරියවසම් මහතා ප්‍රකාශ කළේය.

ප්‍රංශයේදී පැවැත්වීමට නියමිත එළඹෙන ගිම්හාන ඔලිම්පික් උලෙලේ නිළ සංකේතය එළි දක්වා ඇත. විශේෂත්වය වන්නේ මෙය නැගෙනහිර යුරෝපයට ආවේණික තොප්පියක හැඩය ගැනීමයි.

ඉන්ධන මත අධිභාර බද්දක් පැනවීමට 2023 අයවැයෙන් යෝජනා කර තිබේ. මේ අනුව බොරතෙල්, ඩිසල්, පෙට්‍රල් ආනයනය කරන අවස්ථාවේදී මෙම බදු අය කිරීමට නියමිතය.

ප්‍රවේශපත්‍ර හිඟයක් දුම්රිය ස්ථාන රැසක පවතින බව දුම්රිය ස්ථානාධිපති සංගමය පවසයි.

සංවර්ධනය ඉලක්ක කරගනිමින් මිනිසුන්ගේ කරපිට බර පටවන්නෙ නැතුව ඉතාම කල්පනාවෙන් ඉදිරිපත් කළ දූරදර්ශී අනාගතවාදී අයවැය ලේඛනයක් මුදල් ආමත්‍යවරයා ලෙස ජනාධිපති රනිල් වික්‍රමසිංහ මහතා අද (14දා) රට හමුවේ ඉදිරිපත් කළ බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

පාකිස්ථාන සුපිරිවේග පන්දු යවන ක්‍රීඩක ෂාහින් ෂා අෆ්රිඩිට එළඹෙන දෙසැම්බර් හා ජනවාරි මස මුලදී පැවැත්වෙන එංගලන්ත හා නවසීලන්ත තරගාවලි මගහැරෙන බව විදෙස් මාධ්‍ය වාර්තා සඳහන් කරයි

රාජ්‍ය සේවකයන්ට හා විශ්‍රාමිකයන්ට සහනයක් ලබාදීමට ලබන වසර අවසන් වන විට හැකියාව ලැබෙනු ඇති බව ජනපති රනිල් වික්‍රමසිංහ මහතා අයවැය කථාව ඉදිරිපත් කරමින් පැවැසීය.

පානදුර දකුණ මුලස්ථාන ප්‍රධාන පොලිස් පරීක්ෂකවරයා, විරෝධතාවයක නිරත වූ කාන්තාවන් අත්අඩංගුවට ගන්නා ලෙස බලකරමින් කොස්තාපල්වරියන් දෙදෙනකුව ගෙලෙන් අල්ලා හිරි හැර කිරීමේ සිදුවීම සම්බන්ධයෙන් ශ්‍රි ලංකා මානව හිමිකම් කොමිසම පොලිස්පතිවරයාගෙන් වාර්තාවක් කැඳවා ඇති බව වාර්තා වේ.

මුදල් අමාත්‍යවරයා අයවැය ඉදිරිපත් කිරීමෙන් අනතුරුව සාම්ප්‍රදායිකව පාර්ලිමේන්තුවේ පැවැත්වෙන තේ පැන් සංග්‍රහය අද දිනයේදි නොපැවැත්වෙනු ඇත.

පොදුජන පෙරමුණෙන් ඉවත්ව ස්වාධීනවූ කණ්ඩායමක් අද (14දා) විපක්ෂ නායක සජිත් ප්‍රේමදාස මහතාගේ නායකත්වයෙන් යුත් සමගි ජනබලවේගය සමග සන්ධානගත වූහ.

කාන්තා අයිතීන් වෙනුවෙන් සංවිධානය කළ විරෝධතාවකදී කාන්තාවක් අත්අඩංගුවට ගත්තේ යැයි පවසමින් කුරුඳුවත්ත පොලිසිය ඉදිරිපිට විරෝධතාවක නිතර වූ හිටපු පාර්ලිමේන්තු මන්ත්‍රිනි හිරුණිකා ප්‍රේමචන්ද්‍ර මහත්මිය ඇතුළු 15ක් කුරුඳුවත්ත පොලිසිය විසින් අත්අඩංගුවට ගෙන තිබේ.

කාන්තාවකට ලිංගික අතවර කිරීම ඇතුළු චෝදනා හතරක් යටතේ ඔස්ට්‍රේලියාවේදී අත්අඩංගුවට ගෙන දැනට රඳවා ගැනීමේ මධ්‍යස්ථානයක රඳවා සිටින ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලක තවත් ඇප අයදුමක් ඉදිරිපත් කිරීමට තීරණය කර තිබේ.

අල්ලාගත් සැපින්නගේ සිරුරේ තිබූ ගෙඩිය පලා එයට බෙහෙත් දමා වනයට මුදා හැරීමට සර්පයින් අල්ලා වනයට මුදා හරින බලපිටිය හීනටියේ ඩබ්ලිව්.ඒ.ජැක්ෂන් මහතා කටයුතු කළේය.

යුරියා පොහොර මෙට්‍රික් ටොන් 22000ක් රැගත් දෙවන නෞකාව ඊයේ (13දා) පස්වරුවේ කොළඹ වරායට සේන්දු විය.

ගමන් බිමන් යාමේදි අනන්‍යතාව තහවුරු කර ගැනීම සඳහා ඉදිරිපත් කළ හැකි සුදුසු ලේඛණයක විශේෂයෙන්ම ජාතික හැඳුනුම්පත වැනි ලේඛණයක් ළඟ තබා ගැනීමෙන් පත්වන අපහසුතාවයන්ගෙන් වැළකීමට හැකි බව මහජනතාවට දැනුම් දෙන බව පොලීසිය පවසසයි.

මන්නාරම සහ මැදවච්චිය ප්‍රධාන මාර්ගයේ ධාවනය වූ බට්ටා ලොරිරථයක් ඊයේ (13දා) මාර්ගයෙන් ඉවතට පැන ගසක වැදීමෙන් සිදුවූ අනතුරකදී එක් අයෙකු මිය ගොස් තවත් අයෙකු බරපතල තුවාල ලබා ඇතැයි මුරුන්ගන් පොලීසිය පවසයි.

දුම්රිිය දෙපාර්තමේන්තුව අධිකාරියක් කිරීමේ ආණ්ඩුවේ ප්‍රයන්තනය පරාජය කිරීම සඳහා දුම්රිය වෘත්තීය සමිතිය සන්ධානය කටයුතු කරන බව එම සන්ධානය පවසයි.

පරව් කිලෝ පහලොස් දහසකට ආසන්න ප්‍රමාණයක් අද (14දා) වාද්දුව තල්පිටිය ප්‍රදේශයේ මා දැලකට පැටලී ඇතැයි එහි ධීවරයින් පවසති.

පාස්කු ප්‍රහාරය සම්බන්ධයෙන් ඇත්ත පවසයි නම් එය අමතක කිරීමට සූදානම් බවත් බුද්ධාගමේ පවසන දිට්ඨධම්මවේදනීය කර්මයෙන් ආරක්ෂා විමට ඇත්ත පිළිගන්නා ලෙසත් කොළඹ අගදරගුරු මැල්කම් කාදිනල් රංජිත් හිමිපාණෝ පැවැසූහ. ගනේමුල්ලේ පැවැති වැඩසටහනකදී උන්වහන්සේ මේ බව පැවැසූහ.

චීන රජය විසින් ශ්‍රී ලංකාවේ කෘෂිකාර්මික හා ධීවර කටයුතු සඳහා ඉන්ධන ලීටර් මිලියන 10.6ක් ලබා දීමට රජයට එකඟත්වය පළ කර ති‍බේ. ජනාධිපති රනිල් වික්‍රමසිංහ මහතා චීන රජයෙන් කරන ලද ඉල්ලීමක් පරිදි මෙම පරිත්‍යාගය ලබා දෙනු ලබයි. එම ඉන්ධනවලින් ලීටර් මිලියන 7.5ක් හෙවත් ලීටර් ලක්ෂ 75ක් කෘෂිකාර්මික කටයුතු සඳහා ලබා දීමට නියමිතය.

ජනපති රනිල් වික්‍රමසිංහ මහතා මුදල් අමත්‍යවරයා ලෙස අද පස්වරු 1.30ට ඉදිරිපත් කිරීමට නියමිත අයවැය කථාවට සවන් දීම වෙනුවෙන් පාසල් සිසුන් 400ක් අද පාර්ලිමේන්තුවට පැමිණීමට නියමිත බව පාර්ලිමේන්තුව සඳහන් කරයි.

මෑතකදී කළ ඉන්ධන මිල සංශෝධනය සමග පෙට්‍රල් හා ඩීසල් වලින් ලංකා ඛනිජ තෙල් සංස්ථාව ලාභ ලබන ආකාරය විදුලි බල හා බලශක්ති අමාත්‍ය කංචන විජේසේකර මහතා සිය ට්විටර් ගිණුමෙන් හෙළිකර තිබේ.

ආසියානු සත් සාමාජික රග්බි තරගාවලියේ දෙවැනි අදිය‍රට සහභාගිවීම සඳහා දකුණු කොරියාවට පැමිණ සිටින ශ්‍රී ලංකා කාන්තා කණ්ඩායමේ නායිකා දුලානි පල්ලෙකොණ්ඩගේ තරගාවලිය නිමා වීමෙන් අනතුරුව අතුරුදන්ව තිබේ.

ඉන්දීය ප්‍රකෝටිපති ව්‍යාපාරික මුකේෂ් අම්බානි විසින් එංගලන්ත ලිවර්පූල් පාපන්දු කණ්ඩායම මිලදීගැනීමට සූදානම් වන බව විදෙස් මාධ්‍ය වාර්තා කරයි.

කුවේටයේ ජසීරා ගුවන් සේවය කටුනායක හා කුවේට් අතර ගුවන් ගමන් ආරම්භ කළ බව සංචාරක අමාත්‍ය හරින් ප්‍රනාන්දු මහතා පවසයි. මෙම ගුවන් සේවය හරහා ශ්‍රී ලංකාවට ගුවන් ගමනාන්ත 50කට අධික සංඛ්‍යාවක් සමග සම්බන්ධ විය හැකි බවත් එය ශ්‍රී ලංකාවේ සංචාරක කර්මාන්තය නංවාලීම වෙනුවෙන් වැදගත් බවත් අමාත්‍යවරයා පවසයි.

දැනට මාස දෙකකට ආසන්න කාලයක් අධ්‍යයන කටයුතුවලින් තොරව වසා දමා තිබෙන පේරාදෙණිය විශ්වවිද්යාලයේ ශාස්ත්‍ර පීඨය අධ්‍යයන කටයුතු සඳහා නැවතත් හෙට (14දා) සිට විවෘත කරන බව පේරාදෙණිය විශ්වවිද්‍යාලයේ නියෝජ්‍ය උපකුලපති සහ මාධ්‍ය ප්‍රකාශක මහාචාර්ය ටෙරන්ස් මධුජිත් මහතා පැවසීය.

කටමත දොඩවන ඇතැම් පාර්ලිමේන්තු මන්ත්‍රිවරුන්ට අමාත්‍යධුර දැරිමට සුදුසුකම් නොමැති බව කෘෂිකර්ම අමාත්‍යය මහින්ද අමරවිර මහතා පැවසිය. අමාත්‍ය මහින්ද අමරවිර මහතා ඒ බැව් කියා සිටියේ අද (13දා) හැටන් රොතැස් සත්ව ගොවිපොලේ නිරික්ෂණ චාරිකාවක එක් විමෙන් අනතුරුව මාධ්‍යට අදහස් දක්වමිණි. මෙහිදි අදහස් දැක් වු අමාත්‍ය මහින්ද අමරවිර මහතා කියා සිටි තමන්ට අමාත්‍යධුරයක් දැරිමේ හැකියාවක් ඇති නිසා තමන් සෑම රජයකම ඇමතිධුර දැරු බවයි.

වනජිවි සංරක්ෂණ දේපාර්තමේන්තුව විසින් වන අලි මිනිස් ගැටුම පාලනය කිරිම සඳහා ඉකුත් වර්ෂ දෙක තුලදි (2019,2020) විදුලි වැටවල, ඉදිකිරිම හා නඩත්තු කිරිම සදහා හතලිස්පන් කෝටි පනස්පන්ලක්ෂ හාරදහස් නමසිය හැටනමයක මුදලක් (455,504,969) වැය කළද අලි මිනිස් ගැටුමේ අඩුවිමක් සිදුවි නොමැති බව ජාතික විගණන කාර්යාලය පවසයි.

රජයේ පාලන මිලට බිත්තර අලෙවි කිරිමට නොහැකිවිම හේතුවෙන් වෙළඳපොළ තුළ විශාල බිත්තර හිගයක් නිර්මාණය වී ඇතැයි වාර්තා වෙයි. රජය විසින් බිත්තරයක උපරිම සිල්ලර මිල රුපියල් 50ක් ලෙස ගැසට් කර තිබේ.