“සබන් නූඩ්ල්ස්” ආනයනයට අදාළව සමාගම් අනුගමනය කරන ක්‍රියාමාර්ග සම්බන්ධයෙන් රජයේ මුදල් පිළිබඳ කාරක සභාවේ අවධානය

සමගි ජන බලවේගයේ ගම්පහ දිස්ත්‍රික් මන්ත්‍රී අජිත් මාන්නප්පෙරුම මහතාට පාර්ලිමේන්තු කටයුතු වෙනුවෙන් එක්වීම අද දිනයේ සිට සති හතරක කාලයක අත්හිටුවීමට කථානායක මහින්ද යාපා අබේවර්ධන මහතා කටයුතු කළේය.

ආහාරයට ගත් කෙසෙල් ගෙඩියක කුඩා කැබැල්ලක් පෙනහැල්ලේ සිරවීමෙන් ඇතිවූ අසාත්මිකතාවක් හේතුවෙන් ප්‍රතිකාර සඳහා හෝමාගම මූලික රෝහලට ඇතුළත් කළ පුද්ගලයෙකු මියගොස් ඇතැයි හෝමාගම මූලස්ථාන පොලිසිය පවසයි .

සංචාරක සංවර්ධන ප්‍රවර්ධන අධිකාරියේ ලියාපදිංචි හෝටල්, ආපන ශාලා සහ සංචාරකයන්ට නවාතැන් හා සේවා සපයනු ලබන සංචාරක ආයතන සඳහා බියර් හා වයින් ඇතුළු මෘදු මත්පැන් භාවිත කිරීම සඳහා ලබාදී තිබූ අවසරය වහාම ක්‍රියාත්මක වන පරිදි අත්හිටුවීමට කටයුතු කර තිබේ.

කංසා ළඟ තබාගැනීමේ චෝදනාවක් සම්බන්ධයෙන් ගලගෙදර උසාවියේ සිරමැදිරියේ රඳවා සිටි චූදිතයෙකු එම සිරමැදිරියෙන් එළියට පැන නීතිඥවරියකගේ ගෙල සිර කර ඇයට තුවාල සිදුකිරීම සම්බන්ධයෙන් සැකකරු අත්අඩංගුවට ගෙන අධිකරණයට ඉදිරිපත් කිරීමෙන් පසු එළඹෙන 25වැනිදා දක්වා රක්‍ෂිත බන්ධනාගාරගත කරන ලෙස ගලගෙදර දිසා මහේස්ත්‍රාත් හර්ෂණ රත්නායක මහතා නියෝග කළේය.

කොළඹ ප්‍රදේශයේ මහල් නිවාස සංකීර්ණ අසල නවතා තිබෙන තීරෝද රථ සොරාගෙන මුහුණු පොත හරහා ඉතා අඩු මුදලට අලෙවි කර කාන්තා ඇසුරු සඳහා මුදල් වැය කළ පුද්ගලයෙකු අත්අඩංගුවට ගත් බව දෙමටගොඩ පොලිසිය කියයි

දේශීය ටින් මාලු ග්‍රෑම් 425 ක් රුපියල් 35 කින් අඩු කර ඇති අතර නව මිල රුපියල් 650කි. මුංඇට කිලෝවක මිල රුපියල් 20 කින් අඩු කර ඇති අතර නව මිල රුපියල් 1100කි. හාල්මැස්සො කිලෝවක් රුපියල් 10 කින් අඩු කර ඇති අතර නව මිල රුපියල් 1090කි. කොත්තමල්ලි කිලෝවක් රුපියල් 10 කින් අඩු කර ඇති අතර නව මිල රුපියල් 540කි. ආනයනික ටින් මාලු ග්‍රෑම් 425 ක් රුපියල් 5 කින් අඩු කර ඇති අතර නව මිල රුපියල් 545කි.

සෞඛ්‍ය පද්ධතිය තුළ දිනෙන් දින උග්‍ර වන ඖෂධ හිඟය, ඖෂධ මිල ඉහළ යාම සහ ඖෂධ ප්‍රමිතිය පිළිබඳ ගැටලු විසඳීමට කටයුතු නොකිරීම නිසා රෝගී සත්කාර සේවා අඩපණ වෙමින් පවතින බව රජයේ වෛද්‍ය නිලධාරීන්ගේ සංගමය සඳහන් කරයි,

මෙම වසරේ මේ දක්වා මී උණ රෝගීන් 7,000ක් වාර්තා වී ඇති අතර, රෝගීන් සම්බන්ධයෙන් සිදු කරමින් පවතින විමර්ශන අවසන් වන තෙක් රෝගයෙන් මියගිය සංඛ්‍යාව සඳහන් කළ නොහැකි බව සෞඛ්‍ය අමාත්‍යාංශයේ වසංගත රෝග විද්‍යා අංශයේ විශේෂඥ වෛද්‍ය තුෂානි දාබරේරා මහත්මිය ප්‍රකාශ කළාය.

කොස්ලන්ද, මීරියබැද්ද පැරණි නාය ගිය ස්ථානය දෙපස අධිඅවදානම් කලාපයේ සිටින පවුල් 16 ක් ඉවත් කර හෙට 19 දින උසාවියට ප්‍රගතිය වාර්තා කරන ලෙස බණ්ඩාරවෙල වැඩබලන මහේස්ත්‍රාත් කෙනෙත් ද සිල්වා මහතා ඊයේ( 18දා) නියම කළේය.

පාස්කු ඉරුදින ෂැංග්‍රිලා සහ සිනමන් ග්‍රෑන්ඩ් හෝටල්වලට මරාගෙන මැරෙන බෝම්බ ප්‍රහාර එල්ල කළ ස්වයං ඝාතක ඉන්සාෆ් අහමඩ් හා ඉල්ලාම් අහමඩ් ත්‍රස්ත සහෝදරයන්ගේ පියාට පනවා ඇති ඇප කොන්දේසි ලිහිල් කිරීමට කොළඹ මහාධිකරණ විනිසුරු නවරත්න මාරසිංහ මහතා අද (18දා) තීරණය කළේය.

විදුලිය, ඉන්ධන, සෞඛ්‍ය ඇතුළු සේවාවන් කිහිපයක් අත්‍යවශ්‍ය සේවා ලෙස ප්‍රකාශයට පත් කරමින් ජනාධිපති ලේකම් සමන් ඒකනායක මහතා අතිවිශේෂ ගැසට් නිවේදනයක් නිකුත් කර තිබේ.

පසුගිය දිනවල රු.980- රු.1050 අතර මුදලකට අලෙවි වූ කුකුළු මස් කිලෝවක මිල ඊයේ (18දා) රු.1200- රු.1300 දක්වා ඇතැම් ප්‍රදේශවල ඉහළ ගොස් තිබේ. කොළඹ අවට ප්‍රදේශ සැලකීමෙහිදීත් සමහර වෙළෙඳ සැල්වල හම රහිත කුකුළු කිලෝවක් රු.1200-රු.1250අතර මිලක් ගෙන තිබූ අතර හම සහිත කුකුළු මස් කිලෝවක් රු 1150-රු. 1200 අතර මිලකට අලෙවි විය.

දෙහි, මාළු මිරිස්, අමු මිරිස් අදියේ මිල හැර අනෙකුත් සෑම එළවළු වර්ගයකම මිල විශාල ලෙස අඩු වීම හේතුවෙන් ගොවිජනතාව දැඩි දුෂ්කරතාවන්ට පත්ව තිබේ.

රාගම ප්‍රදේශයේ මවක බිහි කළ දරුවන් හය දෙනාගෙන් එක් දරුවකු අද පස්වරුවේ මිය ගොස් තිබේ.

මුලතිව් මහේස්ත්‍රාත් ආර්. සර්වනරාජා මහතාගේ ඉල්ලා අස්වීමට සාධාරණයක් ඉල්ලා උතුරු නැගෙනහිර පළාත් දෙකෙහිම එළඹෙන 20වැනිදා පූර්ණ හර්තාලයකට සහාය ඉල්ලා එම පළාත්හි දේශපාලන නියෝජිතයන් විසින් ඉල්ලීමක් කර තිබේ.

පාද සම්බාහන ආයතනයක් ලෙස පුවරු ප්‍රදර්ශනය කර දීර්ඝ කාලයක් තිස්සේ ධනකුවේරයින් හා කෝටිපති ව්‍යාපාරිකයන් සඳහාම මුදලට කාන්තාවන් සැපයූ නුගේගොඩ නාවල පාරේ ආයතනයක් වටලා කාන්තාවන් 14 දෙනෙකු සහ ඔවුන් මෙහෙය වු කළමනාකාරවරිය අත්අඩංගුවට ගත් බව නුගේගොඩ කොට්ඨාස දූෂණ මර්දන ඒකකය පවසයි.

ඩුබායි බලා ගුවන් ගත වීමට පැමිණි ගුවන් මගියෙකුගෙන් රුපියල් එක් කෝටි පනස් ලක්ෂයක් පමණ වටිනා රත්තරන් මිශ්‍ර ජෙල් පැකට් දෙකක් ලබා ගත් කටුනායක ගුවන් තොටුපොළට අනුයුක්ත කර සිටි සංචාරක පොලිස් කොට්ඨාසයේ සැරයන්වරු දෙදෙනෙකු ගුවන් තොටුපොළ පොලිසිය විසින් අත්අඩංගුවට ගෙන තිබේ.

සෘජු හා සමානුපාතික ක්‍රමයට මන්ත්‍රීවරුන් තෝරා ගැනීම සඳහා ආණ්ඩුක්‍රම ව්‍යවස්ථාවේ සඳහන් පාර්ලිමේන්තු මැතිවරණ ක්‍රමය වෙනස් කිරීම සඳහා හා ඡන්දය සඳහා ඇප මුදල් තැන්පත් කිරීම සම්බන්ධයෙන් වූ සාකච්ඡාවකට අගමැතිවරණ ආරාධනා කර ඇති බවත් පළාත් පාලන මැතිවරණ, පලාත් සභා මැතිවරණය සහ මහ මැතිවරණය කල් දමමින් ජනතාවගේ මැතිවරණ අයිතිය හා මූලික අයිතිය උල්ලංඝනය කර ඇති වත්මන් රජය සමඟ සමගි ජන බලවේගය කිසිදු අවස්ථාවක මැතිවරණ ක්‍රමය වෙනස් කිරීමේ සාකච්ඡාවකට නොයෙන බවත් යම් හෙයකින්

කොළඹ සහ ගම්පහ දිස්ත්‍රික්කවල බොහෝ ප්‍රදේශ නාගරීකරණය වී අවසන්... නාගරික ජනගහන ප්‍රතිශතය වැඩිම දිස්ත්‍රික්කය - කොළඹ, අඩුම දිස්ත්‍රික්ක - මුලතිව්... මෙම සමීක්ෂණ වාර්තාව ඉදිරියේදී අමාත්‍ය මණ්ඩලයට... ජනාධිපතිවරයාට සහ සියලුම දිස්ත්‍රික් කමිටුවලට මෙය ඉදිරිපත් කර කඩිනමින් අනුමැතිය ලබා ගන්න....

උඩරට දුම්රිය මාර්ගයේ නිරන්තරයෙන් සිදු වෙමින් පවතින දුම්රිය පීලී පැනීම් හේතුවෙන් තමන් දැඩි දුෂ්කරතාවයන්ට ලක් ව ඇති බවත්, පසුගිය මසක වැනි කාලයක් තුළදී පමණක් අවස්ථා හතරකදී මෙසේ දුම්රියන් පීලී පැනීමට ලක්ව ඇතැයි උඩරට දුම්රිය මගීහු චෝදනා කරති.

“රජයේ පත්වීම් ලක්ෂයක් ලබා දීමේ වැඩසටහනේදී පෙර පාසල් ගුරුවරුන්ටත් එහිදී මූලිකත්වයක් දෙන්න තිබුණා. ඒ අපිට වැරැදුනු තැනක්. එහෙම වුණා නම් ගොඩක් වැදගත් වෙනවා. නමුත් මේ වනවිට ඇමතිතුමා කැබිනට් පත්‍රිකාවක් සකස් කරගෙන යනවා පෙර පාසල් ගුරුවරුන් සඳහාත් යම්කිසි දීමනාවක් ලබා දෙන්න. ඉදිරියේදී මේ රටේ පෙර පාසල් ක්ෂේත්‍රයට එය යහපත් දෙයක් වේවි”

එක් තීරයක් එක් මාවතක් රටවල නායකයින් අතර පැවැත්වෙන සමුළුවට එක්වීම සඳහා එම වැඩසටහනට සම්බන්ධ රටවල නායකයින් පිළිගැනීමේ උත්සවයක් චීන ජනපතිගේ ප්‍රධානත්වයෙන් චීනයේදී පැවැත්වීය.

රාජකාරි නිමාවා නිවසකරා යමින් සිටී පොලිස් සැරයන් වරයෙකුට පිය පුතු යුවලක් පහරදීම සම්බන්දයෙන් සැරයන් වරයා රෝහල් ගතකර ඇති බව කළුතර දකුණ පොලිසිය පවසයි .

අන්තර් නිවර්තන අභිසාරී කලාපයේ (උතුරු අර්ධ ගෝලයේ හා දකුණු අර්ධ ගෝලයේ සිට පැමිණෙන සුළං අභිසාරී වන කලාපය) බලපෑම හේතුවෙන් දිවයිනේ දැනට පවතින වැසි තත්ත්වය තවදුරටත් බෙලාපොරොත්තුවන බව කාලගුණ විද්‍යා දෙපාර්තමේන්තුව පවසයි.

කිරුළපන පොලිස් වසමේ කිරුළපන මාවත ප්‍ර දේශයේදී යතුරුපැදියකින් පැමිණි නාඳුනන පුද්ගලයන් දෙදෙනෙකු විසින් අහසට වෙඩි තබා පළාගොස් ඇති බව කිරුළපන පොලීසිය කියයි.

දෙළුම් ආනයනය සඳහා වසරකට රු.මිලියන 900ක් පමණ වැය වන බවත්, ඒ අනුව එම තත්ත්වය වළක්වා ගැනීම සඳහා අක්කර බාගයකින් රු. ලක්ෂ 60ක් පමණ උපයා ගතහැකි දෙළුම් ප්‍රභේද 02ක් හඳුන්වා දීමට නියමිත බවත් කෘෂිකර්ම අමාත්‍යාංශය සඳහන් කළේය.

තරගකාරි හරිත සහ ඩිජිටල් ආර්ථිකයක් කරා ශ්‍රි ලංකාව ක්‍රමිකව ඉදිරියට යමින් සිටින බැවින් අනාගත ව්‍යාපාරික අවස්ථාවන් සඳහා ශ්‍රී ලංකාව වේදිකාවක් කර ගන්නා ලෙස ජනාධිපති රනිල් වික්‍රමසිංහ මහතා චීන ව්‍යාපාරිකයන්ට ආරාධනා කර සිටියේය.

ඉන්දියාවේ බැංගලෝර් නුවර ඉකුත් 10 දින පැවැත් වූ දකුණු ආසියානු සංචාරක සම්මාන උළෙලේ දී ( South Asian Travel Award - 2023 ) ශ්‍රී ලන්කන් ගුවන් සේවය දකුණු ආසියානු කලාපයේ ප්‍රමුඛතම ගුවන් සේවය ලෙස ඇගැයීමට ලක් වී තිබේ.