අද (11) දින රාජාංගනය ජලාශයේ වාන් දොරටු 14ක් විවෘත කළ බව රාජාංගනය වාරිමාර්ග කාර්යාලය පැවසීය.

ශ්‍රී ලංකා ක්‍රිකට් සම්බන්ධයෙන් ජාත්‍යන්තර ක්‍රිකට් කවුන්සිලය පනවා ඇති තහනම පෙබරවාරි 15දාට ප්‍රථම ඉවත් කිරීමට හැකියාවක් ඇති බව ක්‍රීඩා අමාත්‍ය හරීන් ප්‍රනාන්දු මහතා පැවැසීය. අද කොළඹදී පැවැති මාධ්‍ය හමුවකදී ඔහු මේ බව පැවැසීය.

දැන් බලන්න විශේෂයෙන්ම වැට් එක ගහල ප්ලැට් වෙලා තිබෙනවා අපේ රටේ. වැට් එක ගහල ප්ලැට් වුණ අපේ රටේ අද උදේ බන්දුල ගුණවර්ධන නැගිටලා කියනවා අයි එම් එෆ් ක්‍රමවේදය හැර වෙන ක්‍රමවේදයක් නැහැ කියල මහ බැංකු අධිපති කියනවා අපි එය අනුගමනය කළ යුතුයිලු. මරු කතාව.

පොලිස් නිලධාරීන් බව පවසමින් පෞද්ගලික සම්බාහන ආයතනයකට ඇතුළුවී එම ස්ථානය පරීක්ෂා කර හිමිකරුට තර්ජනය කිරිමේ සිද්ධියක් සම්බන්ධයෙන් අත් අඩංගුවට ගත් තිදෙනෙකු අද (11)ඇල්පිටිය මහේස්ත්‍රාත් අධිකරණය වෙත ඉදිරිපත් කිරීමට කටයුතු කරන බව ඇල්පිටිය පොලිසිය පවසයි.

පල්ලෙකැලේ දුම්බර බන්ධනාගාරයේ රාජකාරියේ යුතු බන්ධනාගාර නියාමකවරයෙකු හෙරෝයින් මත්කුඩු මිලිග්‍රෑම් 7500ක් සමග බලගොල්ල අඹකොටේ විශේෂ කාර්ය බළකා නිලධාරීන් පිරිසක් විසින් අත්අඩංගුවට ගෙන තිබේ .

දේශීය ටින්මාළු කර්මාන්තය නැංවීම සඳහා විදේශයන්ගෙන් ටින්මාළු ගෙන්වීම අද දින (2024.01.11) සිට නැවැත්වීමට කටයුතු කරන ලෙස ධීවර අමාත්‍ය ඩග්ලස් දේවානන්දා මහතා ධීවර දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා වෙත උපදෙස් ලබා දෙන ලදි.

හොරණ සුපිරි වෙළඳ සැලකට ඇතුළු වූ පුද්ගලයකු විනාඩි නමයක් තුළදී රුපියල් ලක්ෂ 13 කට ආසන්න මුදලක් සොරාගෙන ගොස් ඇතැයි හොරණ මූලස්ථාන පොලිසිය කියයි

සංචාරක සිම්බාබ්වේ කණ්ඩායම හා සත්කරක ශ්‍රී ලංකා කණ්ඩායම අතර පැවැත්වෙන තිරණාත්මක තෙවැනි එක්දින තරගයෙන් දිගින් දිගටම අසාර්ථකවෙමින් සිටින ශ්‍රි ලංකා හිටපු නායක දසුන් ශානක වෙනුවට නවක ක්‍රීඩක ෂෙවොන් ඩැනියෙල් කණ්ඩායමට කැඳවා තිබේ.

මේ වන විට අනුරාධපුර දිස්ත්‍රික්කයට නොකඩවා ඇද හැලෙන වර්ෂාපතනය හේතුවෙන් අනුරාධපුර නගරයට සහ පූජා නගරයට ඇති වන ගංවතුර තත්ත්වය මග හැරීමට අවශ්‍ය පියවර ගෙන තිබුණද මල්වතු ඔය, යාන් ඔය සහ කලා ඔය දෙපස සිටින ජනතාව දැඩි විමසිල්ලෙන් සිටින ලෙස, අනුරාධපුර දිස්ත්‍රික් වාරි මාර්ග අධ්‍යක්ෂ කාර්යාලය නිවේදනයක් නිකුත් කරමින් සඳහන් කළේය.

අනුරාධපුර , ගල්පොත්තේගම, කරුක්කන්කුලම ප්‍රදේශයේ ඵලදාව නෙලීමට ආසන්න බඩ ඉරිඟු වගාව තුල සීඝ්‍රයෙන් පැතිරී යන හඳුනා නොගත් දිලීර රෝගයක් හේතුවෙන් මේ වන විට වගා කර ඇති බඩ ඉරිඟු අක්කර 500ක පමණ ප්‍රමාණයක් විනාශයට පත්ව ඇතැයි ගොවීහු පවසති.

2024 අයවැය යෝජනා අනුව රාජ්‍ය නිලධාරීන් වෙත ලබන අප්‍රේල් මස සිට ගෙවීමට නියමිතව තිබූ වැඩිකල රුපියල් 10000 ක ජීවන වියදම් දීමනාවෙන් රුපියල් 5000 ක් මෙම ජනවාරි සිට ගෙවීමට ජනාධිපති රනිල් වික්‍රමසිංහ මහතාගේ මැදිහත් වීමෙන් අමාත්‍ය මන්ඩලය ගත් තීරණයට අදාල චක්‍රලේඛය ඊයේ (10) රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍යාංශය මගින් නිකුත් කෙරිණි.

කුරියර් සේවාව හරහා මත්කුඩු ගෙන්වන ලද මත්කුඩු උතුර මැද පළාතේ මහා පරිමානයෙන් ජාවාරම් කල ප්‍රසිද්ධ ව්‍යාපාරිකයෙකු ගේ පුත්‍රයෙකු වන සෝනි නමැති අන්වර්ථ නාමයෙන් හදුන්වන සැකකරු රුපියල් ලක්ෂ 35 ක පමණ වටිනාකමකින් යුත් අයිස් මත්ද්‍රව්‍ය සමග අත්අඩංගුවට ගැනීමට වලාන මධ්‍යම දූෂණ මර්ධන ප්‍රහාරක ඒකකය සමත්ව ඇත.

දේශීය ආදායම් දෙපාර්තමේන්තුවේ ලියාපදිංචි නොවී පාරිභෝගික ජනතාවට ව්‍යාජ ලෙස සකස් කරන ලද බිල්පත් ඉදිරිපත් කොට අයුතු ලාභ ලබන වෙළෙඳ මාෆියාව මුලුමනින්ම නවතාලීම සඳහා නීති දැඩිව ක්‍රියාත්මක කරන බව මුදල් රාජ්‍ය අමාත්‍ය රංජිත් සියඹලාපිටිය මහතා ප්‍රකාශ කළේය.

කරාපිටිය රෝහලට මෙම වසරේ අත්‍යාවශ්‍ය උපකරණ සදහා රුපියල් බිලියනයක ප්‍රතිපාදන වෙන් කිරීමට පියවර ගෙන ඇති බව සෞඛ්‍ය අමාත්‍යවරයා පවසයි.

පිතිකරුවෙක් ලෙස දිගින් දිගටම අසාර්ථක වෙමින් සිටින ශ්‍රී ලංකා හිටපු නායක දසුන් ශානකව සිම්බාබ්වේ කණ්ඩායම හා ශ්‍රී ලංකා කණ්ඩායම අතර කොළඹ ආර්. ප්‍රේමදාස පිටියේදි අද පැවැත්වීමට නියමිත තෙවැනි එක්දින තරගයේදී කණ්ඩායමෙන් ඉවත් කිරීමට වැඩි ඉඩක් ඇති බව වාර්තා වෙයි.

විපක්ෂය අපේක්ෂා කළ ආකාරයේ බරපතළ තත්ත්වයක් වැට් බද්ද හේතුවෙන් රට තුළ තවමත් සිදු වී නොමැති බවට පාරිභෝගික සේවා අධිකාරිය මගින් සිදු කළ සමීක්ෂණ වාර්තාවක් පාරිල්මේන්තුවට ඉදිරිපත් කරමින් මුදල් රාජ්‍ය අමාත්‍ය රංජිත් සියඹලාපිටිය මහතා අද (10දා) ප්‍රකාශ කළේය.

චමින්ද විජේසිරි මන්ත්‍රීවරයාට ’පාරේ බැස යාමට’ ප්‍රශ්නයක් ඇති බව පැවසුවත් සෙසු පාර්ලිමේන්තු මන්ත්‍රීවරුන්ට ’පාරේ යෑමට’ හැකියාව පවතින බව මහනුවර දිස්ත්‍රික් මන්ත්‍රී මහින්දානන්ද අලුත්ගමගේ මහතා පැවසීය.

පවතින ආර්ථික තත්ත්වයට සහනයක් ලෙස රජයේ වෛද්‍ය නිලධාරීන්ගේ ප්‍රවාහන , පැමිණ සිටීමේ හා නිදි බාධක දීමනාව රුපියල් 35,000 කින් ඉහළ නැංවීමට අමාත්‍ය මණ්ඩලය ගෙන ඇති තීරණය විරෝධවක් නොමැති මුත් පවතින තත්ත්වය හමුවේ හෙද සේවාවට ලබාදෙන විශේෂ රාජකාරී දීමනාවද රුපියල් 35,000 කින් ඉහළ නැංවීමට රජය පියවර ගතයුතු බවට රජයේ හෙද නිලධාරීන්ගේ සංගමය , මාධ්‍ය නිවේදනයක් නිකුත් කරමින් සඳහන් කර සිටී.

බ්‍රිතාන්‍යයේ ඈන් කුමරිය ශ්‍රී ලංකාවේ තෙදින නිල සංචාරයක් සඳහා අද (10දා) පස්වරුවේ කටුනායක ගුවන් තොටුපොළ වෙත පැමිණියාය.

පවතින අධික වර්ෂාව හේතුවෙන් පොළොන්නරුව පරාක්‍රම සමුද්‍රයේ වාන් දොරටු දහයම අද (10) දහවල් විවෘත කිරීමට වාරිමාර්ග දෙපාර්තමේන්තුව පියවර ගත්තේය.

රටට අවශ්‍ය අතිරික්ත දියර කිරි නිෂ්පාදනය සඳහා කෘෂිකර්ම දෙපාර්තමේන්තුව විසින් සුළු හා මධ්‍ය පරිමාණ ගොවීන් ශක්තිමත් කිරීමට මේ වන විට පියවර ගනිමින් සිටින බව පශු සම්පත් සංවර්ධන රාජ්‍ය අමාත්‍ය ඩී. බී. හේරත් මහතා පැවසීය.

උතුරු, උතුරු-මැද, ඌව සහ නැගෙනහිර පළාත්වල පවතින තද වැසි තත්ත්වගේ අඩුවීමක් හෙට දින සිට බලාපොරොත්තු වන බව කාලගුණ විද්‍යා දෙපාර්තමේන්තුව පවසයි.

බිල නොගෙවීම නිසා පළාත් පාලන ආයතනවල විදුලිය විසන්ධි කිරීම නොකළ යුතුයි; විකල්ප බලශක්තිය සම්බන්ධතා නොදෙන විදුලිබල මණ්ඩලයේ හිතුවක්කරිකමට දඩ ගැසිය යුත්තේ කාටද ? --- අග්‍රාමාත්‍ය දිනේෂ් ගුණවර්ධන මහතා අවධාරණය කරයි

ශ්‍රී ලංකා සිවිල් ගුවන් සේවා අධිකාරියේ සේවයේ නිරත 42 හැවිරිදි දුලාංජලී අනුරුද්ධිකා මහත්මිය ඝාතනය කළ පුද්ගලයා 01/09 දින රාත්‍රී මැලේසියාව බලා පළා යාම සදහා කටුනායක ගුවන් තොටුපොළ වෙත පැමිණ සිටිය දී ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් අත් අඩංගුවට ගෙන තිබේ .

1979 වසරේ සිට අඛණ්ඩව 122 වරටත් ජර්මන් ජාතික සමාජ සේවිකාවක වන 81 හැවිරිදි උර්සුලා බේයර් ( Ursula Beier ) මහත්මිය 01/10 දින අලුයම ශ්‍රී ලංකාවට පැමිණීම සදහා කටුනායක ගුවන් තොටුපොළ වෙත පැමිණියාය

වසර ගණනාවක් තිස්සේ ප්‍රමාද වෙමින් පැවති සියලුම විශ්‍රාමික පාරිතෝෂිත ගෙවීමට අවශ්‍ය සියලු මුදල් ලැබීම නිසා, 2023 වර්ෂය වනවිට ගෙවීමට තිබූ සියලු හිඟ පර්තෝෂිත විශ්‍රාමිකයන් වෙත ගෙවා අවසන් කිරීමට හැකිවූ බවද එය මෙරට විශ්‍රාමිකයන් ලැබූ විශාල ජයග්‍රහණයක් බවද, අග්‍රාමාත්‍ය සහ රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍ය දිනේෂ් ගුණවර්ධන මහතා පාර්ලිමේන්තුවේදී 2023.01.10 දින ප්‍රකාශ කළේය.

රුපියල් කෝටි තුනකට අධික වටිනා කොකේන් ග්‍රෑම් 940 ක් සමග එක් පුද්ගලයෙකු (09) වන දින දහවල වැල්ලවත්ත පොලීසිය දූෂණ මර්දන ඒකකය මගින් පෙඩ්රිකා පාර මහල් නිවාස වාහන අංගනයේදී අත්අඩංගුවට ගෙන ඇතැයි වැල්ලවත්ත පොලීසිය පැවසීය.

රිඡ්වේ ආර්යා ළමා රෝහලේ ඉදිකෙරෙමින් පවතින ගොඩනැගිල්ලක ඉදිකිරිම් කටයුතු සම්පුර්ණ කිරීම සදහා ඉංජිනේරුවරයෙකු වන නහිල් විඡේසුරිය මහතා රුපියල් බිලියනයක මුල්‍ය පරිත්‍යාගයක් ලබාදීමට පියවර ගෙන ඇත.

කොළඹ බදුල්ල මාර්ගයේ බණ්ඩාරවල බදුල්ල අතර ඊයේ (09) රාත්‍රී 9.30 ට පමණ සිදුවූ දැවැන්ත නාය යාම හේතුවෙන් මාර්ගය වැසී ඇති කොටසේ පස් ඉවත් කිරීමේ කටයුතු අයහපත් කාලගුණය මධ්‍යයේ සහ පවතින අවදානම් තත්ත්වය හේතුවෙන් අද (10) අලුයම දොළහයි තිහ පමණ වන විට තාවකාලිකව නතර කළ බව බදුල්ල ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ ඊ. එම්. එල් .උදය කුමාර මහතා පැවසීය.