ආසියානු කුසලාන එක්දින තරගාවලිය යටතේ ඉන්දියාව හා පාකිස්තානය අතර පැවැත්වෙන තරගය අද නුවර පල්ලෙකැලේ පිටියේදී පැවැත්වීමට නියමිතය.

ආසියානු කුසලාන තරගාවලියේ පාකිස්තානයේ පැවැත්වෙන තරග සදහා එක්වීමට ශ්‍රී ලංකා ක්‍රිකට් කණ්ඩායම අද (01දා) පස්වරුවේ කටුනායක ගුවන් තොටුපොළෙන් පකිස්තානය බලා පිටත්ව ගියහ.

(UPDATE) ආසියානු කුසලාන තරගාවලියේ ශ්‍රී ලංකා කණ්ඩායම හා බංග්ලාදේශ කණ්ඩායම අතර පල්ලෙකැලේ පිටියේ පැවැති තරගයෙන් කඩුලු පහක ජයක් වර්තා කිරීමට ශ්‍රී ලංකා කණ්ඩායම සමත්විය.

ආසියානු ක්‍රිකට් තරගාවලියට සහභාගී වීම සදහා පකිස්තාන සහ නේපාල ක්‍රිකට් කණ්ඩායම් දෙක 08/31 දින උදෑසන කටුනායක ගුවන් තොටුපොළ වෙත පැමිණියහ.

තම දෑත් මත තබාගත් කිලෝ ග්‍රෑම් 22 ක බරින් යුත් කොන්ක්‍රීට් කුට්ටියකට, කුළු ගෙඩියකින් පහර දී විනාඩියක් තුළදී එවැනි කුට්ටි 26 ක් කඩා දමා නව ගිනස් වාර්තාවක් පිහිටුවීමට හඟුරන්කෙත පල්ලේබෝවල පදිංචි ජනක කාංචන මුදන්නායක ඊයේ (29) සමත් වූහ

09 වන ලෝක කුන්ෆු ශූරතා තරගාවලියට ශ්‍රී ලංකාව නියෝජනය කරමින් සහභාගී වූ ශ්‍රී ලාංකික ක්‍රීඩක ක්‍රීඩිකාවන් රිදී පදක්කම් 02 ක් සහ ලෝකඩ පදක්කම් 06 දිනා ගෙන 08/28 දින රාත්‍රී කටුනායක ගුවන් තොටුපොළ වෙත පැමිණිය .

ආසියානු ක්‍රිකට් ශූරතා තරගාවලියට සහභාගී වීම සදහා බංගලදේශ ක්‍රිකට් කණ්ඩායම 08/27 දින පස්වරුවේ කටුනායක ගුවන් තොටුපොළ වෙත පැමිණියහ.

නේපාලයේ පැවති දෙවන දකුණු ආසියානු කනිෂ්ඨ බැඩ්මින්ටන් ශූරතා තරගාවලියට සහභාගී වූ ශ්‍රී ලංකා කණ්ඩායම එහි වයස අවුරුදු 15 න් පහළ සහ වයස අවුරුදු 17 පහළ කණ්ඩායම් ශූරතා දිනා ගනිමින් ඒවාට හිමි රන් පදක්කම් මෙන්ම කේවළ තරග ඉසව් වලදී රන් පදක්කම් 07 , රිදී පදක්කම් 05 ක් සහ ලෝකඩ පදක්කම් 03 දිනා ගෙන 08/24 දින අලුයම කටුනායක ගුවන් තොටුපොළ වෙත පැමිණියහ .

ලෙබනනයේ පැවැත්වෙන 33 වන ආසියානු කායවර්ධන ශූරතා තරගාවලියට සහභාගී වීම සදහා 08/24 දින අලුයම කටුනායක ගුවන් තොටුපොළෙන් පිටත්ව ගියහ.

ක්‍රීඩිකාවන් සහ නිලධාරීන් 26 දෙනෙකුගෙන් සමන්විත ශ්‍රී ලංකා කාන්තා ක්‍රිකට් කණ්ඩායම 08/24 දින අලුයම එංගලන්තයේ ක්‍රිකට් තරග සංචාරයක් සදහා පිටත්ව ගියහ.

එහිදී වනිඳු හසරංග ඇන්ජලෝ මැතිව්ස්ගෙන් අවසන් මහ තරගයේදී පන්දුවාර කිහිපයක් යොමුකරන ලෙස ඉල්ලා සිට ඇති අතර ඒ අනුව මැතිව්ස් අවසන් මහ තරගයේදී පන්දුවාර දෙකක් යොමු කිරිමට කටයුතු කෙරිණි. ඔහුට කඩුලු දවා ගැනීමට නොහැකි වුවත් තම පන්දුවාර දෙකේදි ප්‍රතිවාදීන්ට ලබා දුන්නේ ලකුණු 11ක් පමණි.

දඹුල්ල අවුරා කණ්ඩායම කඩුලු පහකින් පරාජයට පත්කරමින් ලංකා ප්‍රිමියර් ලීග කිරුණ තමන් සතු කර ගැනිමට නුවර කණ්ඩායම සමත්විය.

කාන්තා පාපන්දු ලෝක කුසලානය තමන් සතු කර ගැනීමට ස්පාඤ්ඤ ක්‍රීඩිකාවෝ සමත්වූහ. ඒ අවසන් මහ තරගයේදී එංගලන්තය ගෝල 1 -0 ක් ලෙස පරාජයට පත්කරමිනි.

පාකිස්ථාන ක්‍රිකට් පාලක මණ්ඩලය විසින් සත්කාරකත්වය සපයනු ලබන 2023 ආසියානු කුසලාන තරඟාවලියේ ශ්‍රී ලංකාවේ පැවැත්වෙන තරග සඳහා ප්‍රවේශපත්‍ර අලෙවියේ පළමු අදියර අද (17) පකිස්ථානු සම්මත වේලාවෙන් මධ්‍යහන 12 සිට (ශ්‍රී ලංකා වේලාවෙන් ප.ව. 12:30) ආරම්භ වන බව ආසියානු ක්‍රිකට් කවුන්සිලය කියයි.

ශ්‍රී ලංකා ජාතික ක්‍රිකට් කණ්ඩායමේ පා දඟ පන්දු යවන තුන් ඉරියව් ක්‍රීඩක වනිඳු හසරංග ටෙස්ට් තරග පිටියෙන් විශ්‍රාම ගන්නා බව ශ්‍රී ලංකා ක්‍රිකට් ආයතනයට දැනුම් දී තිබේ. ඒ පිළිබඳව වැඩිදුරටත් කරුණු දක්වා සිටින වනිඳු හසරංග සදහන් කර සිටින්නේ, සීමිත පන්දුවාර තරග අංශයෙහි විශේෂඥ ක්‍රීඩකයකු ලෙස තම වෘත්තීය ක්‍රිකට් දිවිය දීර්ඝ කර ගැනීම හේතුකොට ගෙන ඉහත තීරණය ගැනීමට හේතු වූ බවයි.

මුදලට තරඟ පාවා දුන්නේ යැයි කියන සිද්ධියකට සම්බන්ධ බව කියන ශ්‍රී ලංකා ක්‍රිකට් ක්‍රීඩක සචිත්‍ර සේනානායක පදිංචි ස්ථානයෙන් අතුරුදන් වී ඇතැයි කියමින් නීතීපතිවරයා කළ ඉල්ලීමකට අනුව සචිත්‍ර සේනානායකට විදේශ ගතවීම වළකාලමින් කොළඹ අතිරේක මහේස්ත්‍රාත් අයි.එන්. රිස්වාන් මහතා තහනම් නියෝගයක් නිකුත් කළේය.

ක්‍රීඩාවේ ප්‍රවීණතාව සමඟ උපාධිය සම්පූර්ණ කිරීමට අවස්ථාව සලසා දෙමින් යෝජිත ක්‍රීඩා විශ්වවිද්‍යාලයේ කටයුතු කඩිනම් කිරීමට ජනාධිපති රනිල් වික්‍රමසිංහ මහතාගේ උපදෙස් පරිදි පියවර ගෙන තිබෙන බව තරුණ හා ක්‍රීඩා රාජ්‍ය අමාත්‍ය රෝහණ දිසානායක මහතා පැවසිය.

හිටපු ජනපති මහින්ද රාජපක්ෂ මහතා විසින් වාර්ෂිකව සංවිධානය කරනු ලබන මහින්ද රාජපක්ෂ අභියෝග ශූරතා ක්‍රිකට් තරගාවලිය පාර්ලිමේන්තු මන්ත්‍රීවරුන්ගේ සහභාගිත්වයෙන් (12) දින නුවරඑළිය මහ නගර සභා ක්‍රීඩාංගනයේ දී මහින්ද රාජපක්ෂ මහතාගේ ප්‍රධානත්වයෙන් පැවැත්විණ.

මාස අටකට වැඩි කාලයක් ඔස්ට්‍රේලියාවේ රැදී සිටින ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකගේ ඇප කොන්දේසි ලිහිල් කිරීමට ඔස්ට්‍රේලියා අධිකරණය තීන්දු කර තිබේ. ඒ අනුව ඔහුට ඔස්ට්‍රේලියාව තුළ සංචාරය කිරීමට අවස්ථාව තිබේ.

ගාල්ල ටයිටන්ස් කණ්ඩායම ලකුනු 89කින් පරාජය කිරීමට බී ලව් කැන්ඩි කණ්ඩායම සමත්විය.

ලංකා ප්‍රිමියර් ලීග තරගාවලිය යටතේ කොළඹ කණ්ඩායම හා ගාල්ල කණ්ඩායම අතර පැවැති තරගයෙන් තියුණු ජයක් වාර්තා කිරීමට නිරෝෂන් දික්වැල්ලගේ නායකත්වයෙන් යුත් කොළඹ කණ්ඩායම සමත්විය.

ක්‍රීඩා පනතට අනුව ලංකා ප්‍රිමියර් ලීග් (LPL) තරගාවලිය පැවැත්වීමට ක්‍රීඩා අමාත්‍යාංශයේ අනුමැතිය ලබා ගත යුතු වුවත් එවන් අවසරයක් ලබා නොගෙන මෙම තරගාවලිය පැවැත්වීම ශ්‍රී ලංකා ක්‍රිකට් ආයතනයට කළු පැල්ලමක් බව තරුණ කටයුතු හා ක්‍රීඩා ඇමති රොෂාන් රණසිංහ මහතා පැවසීය.

මස්කෙලිය ප්‍රදේශයේ පාසල් දැරියක් කිලෝමිටර් දෙකක දුරක් විනාඩි 14 කින් පාගමනින් ගොස් වාර්තාවක් තැබිමට (31) දින සමත්විය.

ශ්‍රී ලංකා කණ්ඩායම හා පාකිස්තාන කණ්ඩායම අතර පැවැත්වෙන දෙවැනි ටෙස්ට් තරගයේ සිය පළමු ඉනිම ක්‍රීඩා කළ කඩුලු 5ට ලකුණු 576ක් රැස්කරමින් ඉනිම අත්හිටුවිය.

ශ්‍රී ලංකාවේ ප්‍රසිද්ධ නලු නිළියන් වෙනුවෙන් ශ්‍රී ලංකා ක්‍රිකට් ආයතනයේ මුදලින් සත පහක් හෝ වියදම් කර ඇතැයි යම් අයෙක් ඔප්පු කළොත් තමන් ඇතුළු පිරිස ධුරවලින් ඉවත් වන බව ශ්‍රී ලංකා ක්‍රිකට් ආයතනයේ සභාපති ෂම්මි සිල්වා මහතා පැවැසීය.

සත්කාරක ශ්‍රි ලංකා කණ්ඩායම කඩුලු 4කින් පරාජයට පත්කරමින් දෙරට අතර පැවැති පළමු ටෙස්ට් තරගය ජය ගැනීමට සංචාරක පාකිස්තාන කණ්ඩායම සමත්විය.

උස්බෙකිස්තානයේදී ඊයේ (19දා) නිමාවූ ආසියානු පාසල් චෙස් තරගාවලියේ ක්ලැසිකල් අංශයේ රන් පදක්කම් දෙකක් දිනා දීමට රත්නපුර ෆර්ගසන් බාලිකා විද්‍යාලයේ මුදලිගේ උමන්දි හා මාතර සුජාතා බාලිකා විද්‍යාලයේ පෙහන්සා සමරවීර සමත්වූහ.

ශ්‍රී ලංකා කණ්ඩායම හා පාකිස්තාන කණ්ඩායම අතර පැවැත්වෙන පළමු ටෙස්ට් තරගයේ දෙවැනි ඉනිම ක්‍රීඩා කළ ශ්‍රී ලංකා කණ්ඩායම ලකුණු 279කට දවා ගැනීමට පාකිස්තාන පන්දු යවන්නෝ සමත්වූහ. ඒ අනුව පාකිස්තාන කණ්ඩායමට තරගයේ ජයග්‍රහණය සඳහා ලකුණු 131ක පහසු ඉලක්කයක් හිමිවිය.

ආසියානු සටන් කළා ශූරතා - 2023 තරගාවලියේ රන් පදක්කම් 11 ක් දිනා ගනිමින් සමස්ත ශූරතාවය දිනා ගත් ශ්‍රී ලංකා සටන් කළා කණ්ඩායම 07/14 දින තායිලන්තයේ සිට කටුනායක ගුවන් තොටුපොළ වෙත පැමිණියහ.