වයඹ ඇළ ව්‍යාපෘතිය ජනපති අරඹයි

වයඹ ඇළ ව්‍යපෘතිය ජනපති මෛත්‍රීපාල සිරිසේන මහතාගේ ප්‍රධානත්වයෙන් අද (13දා) ආරම්භ විය. වයඹ පළාතේ ජනතාව දීර්ඝ කාලයක් පුරා පැවති පානීය ජල ගැටලුව විසඳීමේ අරමුණින් මෙම ව්‍යාපෘතිය ක්‍රියාත්මක කෙරේ.

මෙමගින් වයඹ කුඩා හා මධ්‍ය පරිමාණ වැව් 300 ක් හා ප්‍රධාන වැව් 08 ක් නිල් දියවරින් පුරවා ගොවිබිම් හෙක්ටයාර් 12000 ක් අස්වද්දන අතරම මොරගහකන්ද ජලාශ ව්‍යාපෘතියේ අතිරික්ත ජලයෙන් වයඹ පළාතේ වැව් පෝෂණය කිරීම අරමුණු කොට ගනිමින් ඇරඹෙන මෙම ව්‍යාපෘතිය මහවැලි මහ සැලැස්මේ අවසන් අදියර ක්‍රියාත්මක කිරීමක් ද වේ.

ව්‍යාපෘතිය හේතුවෙන් ඉඩම් අහිමිවන පිරිස් නැවත පදිංචිකිරීමේ වැඩපිළිවෙළ යටතේ ඉඩම් ඔප්පු ප්‍රදානය කිරීමද මෙහිදී ජනාධිපතිවරයා අතින් සිදු කෙරිණි. අමත්‍යවරු කිහිපදෙනෙක්ද මෙම අවස්ථාවට එක්ව සිටියහ.

ඡායාරූප- සුදත් සිල්වා