මෑන් පවර් සේවකයන්ගෙන් සංදේශයක්

ටෙලිකොම් ආයතනයේ සේවය කරන මෑන් පවර් සේවකයන් ස්ථිර කරන ලෙස ඉල්ලා අද (24දා) අග්‍රාමාත්‍ය රනිල් වික්‍රමසිංහ මහතාට සංදේශයක් බාරදුන් බව ටෙලිකොම් මෑන් පවර් අරගල සහයෝගිතා ව්‍යාපාරය සඳහන් කරයි.

ටෙලිකොම් ආයතනයේ ප්‍රධාන කාර්යාලයට අසල සිට පාගමනින් ගොස් මෙම සංදේශය අරලියගහ මන්දිරය වෙත බාරදීමට කටයුතු කළේය.

මීට අමතරව මෑන් පවර් සේවකයන් ස්ථිර සේවයට ඇතුළත් කර ගන්නා ලෙස ඉල්ලා කොටුව ටෙලිකොම් මූලස්ථානය ඉදිරිපිට සත්‍යග්‍රහයක් ආරම්භ කර තිබෙන අතර, එම විරෝධතාවට අදට (24දා) දින 31ක් ගතවී තිබේ.

වසර 17කට අධික කාලයක සිට මෑන් පවර් සේවකයන් ලෙස සේවකයන් 2,100ක් සේවය කරන බවත්, ඔවුන්ගෙන් පාලන අධිකාරිය වහල්ලුන්ගෙන් මෙන් වැඩ ගන්නා බවද ටෙලිකොම් මෑන් පවර් අරගල සහයෝගිතා ව්‍යාපාරය සඳහන් කරයි. 

ඡායාරූප ශමිර රාජපක්ෂ