මැතිවරණයේ පෝස්ටර් යුද්ධය

පාර්ලිමේන්තු මැතිවරණයකදී පෝස්ටර් හා කටවුට් වෙනුවෙන් අපෙක්ෂකයන් අතර විශාල තරගයක් පවතියි. නාමයෝජනා ලබාදීමෙන් පසුව මැතිවරණ නීතිකඩකිරීමේදී පෝස්ටර් හා කටවුට් සම්බන්ධයෙන් වන නීතිකඩකිරීම් ඉදිරියෙන් තිබේ. ආණ්ඩු පක්ෂය මෙන්ම විපක්ෂය දිගින් දිගටම මෙම නිතිකඩකරනු ලබයි. මේ කොළඹ වටේ එවැනි ආකාරයට මැතිවරණ නීති උල්ලංඝණය කරමින් සවිකර තිබූ කටවුට් හා අලවා තිබූ පෝස්ටර් අද කැමරාවට හසුවූ අයුරියි. අපෙක්ෂකයන් මතක තබාගත යුතු කරුණ වන්නේ පසුගිය ජනපතිවරණයේදී මෙවැනි ආකාරයට පෝස්ටර් හා කටවුට් ප්‍රදර්ශනය කළ හිටපු ජනපති මහින්ද රාජපක්ෂ මහතා පරාජය වූ බවත් පෝස්ටර් හා කටවුට් වලින්ම පමණක් ඡන්දය ලබාගත නොහැකි බවත්ය.