චීන ජනපති - අගමැති හමුවක්

ස්විට්සර්ලන්තයේ පැවැත්වෙන ලෝක ආර්ථික සමුළුවට එක්ව සිටින අග්‍රාමාත්‍ය රනිල් වික්‍රමසිංහ මහතා  චීන ජනපති ෂී ජින්පිං මහතා හමුවී සාකච්ඡා පවත්වා තිබේ.

හම්බන්තොට වරාය හා ඒ ආශ්‍රිත ආයෝජන කලාපය සහ කොළඹ ඉදිකෙරෙන මූල්‍ය නගරය පිළිබඳව ද මෙහිදී අදහස් හුවමාරු කර ගත් බව අග්‍රාමාත්‍ය මාධ්‍ය ඒකකය නිවේදනය කරයි.

එක් මාවතක් හා එක් තීරයක් ව්‍යාපෘතිය යටතේ දැනට රටවල් හා ආයතන සියයකට ආසන්න ප්‍රමාණයක් සමග චීනය විවිධ ව්‍යාපෘති දියත් කර ඇති බවද, චීන ජනාධිපතිවරයා මෙහිදී පෙන්වා දී ඇත.

ආර්ථික සමුළු ඇරඹිමට පෙරාතුව මෙම හමුව පවත්වා ඇති අතර  චීන ජනපතිවරයා, බංගලාදේශ අගමැතිනි හසිනා වජීඩ්, සර්බියානු අග්‍රමාත්‍ය ඇලෙක්සැන්ර් ව්‍යුසික් සහ ස්විට්සර්ලන්ත ජනාධිපතිනි ඩොරිස් ලෙතාඩ් යන අය එක්ව තිබේ.

ඡායාරූප ප්‍රදීප් පතිරණ - ස්විට්සර්ලන්තයේ සිට