අවධානමට පෙර සූදානම

ශ්‍රී ලංකා කණ්ඩායම හා සංචාරක පාකිස්තානු කණ්ඩායම අතර හෙට (22දා) පැවැත්වෙන එක්දින තරගය හා ඉදිරියේදී පැවැත්වෙන තරග සඳහා විශේෂ ආරක්‍ෂාවක් ලබාදීමට ශ‍්‍රී ලංකා ක‍්‍රිකට් ආයතනය පියවරගෙන ඇත. ඒ අනුව ඛෙත්තාරාම ක්‍රීඩාංගණයේ ප්‍රේක්‍ෂකාගාරයන්හි පිටත ප්‍රදේශ මේ වනවිට දැල් මගින් ආවරණය කරමින් සිටියි.

ශ්‍රී ලංකාව හා පාකිස්තාන කණ්ඩායම අතර පසුගිය ඉරිදා (19දා) පැවැති තෙවැනි එක්දින තරගයේදී ඇතිවූ කලහකාරී සිදුවීමේදී, ක්‍රීඩාංගණයට පිටතින් සිටි පිරිස් ක්‍රීඩාංගණය තුලට ගල් ප්‍රහාර එල්ලකිරීමට කටයුතු කළ අතර, එම ගල් ක්‍රීඩා පිටියටද වැටුණු හෙයින් එම තත්ත්වය මැඬපැවැත්වීමට මෙම දැල් ආවරණය යෙදීමට පියවර ගෙන තිබේ.

ඡායාරූප - කසුන් කැළුම්/ශාන්ත රත්නායක